13/10/2026
𝟗,𝟑𝟏𝟕 𝐊𝐀 𝐏𝐄𝐑𝐒𝐎𝐍𝐒 𝐖𝐈𝐓𝐇 𝐃𝐈𝐒𝐀𝐁𝐈𝐋𝐈𝐓𝐈𝐄𝐒 𝐒𝐀 𝐁𝐔𝐓𝐔𝐀𝐍: 𝐏𝐀𝐃𝐀𝐘𝐎𝐍𝐆 𝐆𝐈𝐏𝐀𝐋𝐈𝐆-𝐎𝐍 𝐀𝐍𝐆 𝐒𝐄𝐑𝐁𝐈𝐒𝐘𝐎 𝐀𝐋𝐀𝐍𝐆 𝐒𝐀 𝐌𝐀𝐒 𝐈𝐍𝐊𝐋𝐔𝐒𝐈𝐁𝐎𝐍𝐆 𝐃𝐀𝐊𝐁𝐀𝐘𝐀𝐍!
𝐁𝐔𝐓𝐔𝐀𝐍 𝐂𝐈𝐓𝐘 | 𝐎𝐜𝐭𝐨𝐛𝐞𝐫 𝟐𝟎𝟐𝟔 — Padayong gipalig-on sa City Government of Butuan, ubos sa pagpangulo ni City Mayor Atty. Lawrence Lemuel H. Fortun, pinaagi sa City Social Welfare and Development Department na gidumala ni Department Head, Golda V. Pocon, RSW, MSSW, CESE, ang mga programa ug serbisyo nga nagtumong sa pagpanalipod sa katungod, pagpalambo sa kaayohan, ug paghatag og mas daghang oportunidad alang sa Persons with Disabilities (PWDs).
📊 𝐈𝐋𝐇𝐎𝐍 𝐍𝐀𝐓𝐎 𝐀𝐍𝐆 𝐏𝐖𝐃 𝐒𝐄𝐂𝐓𝐎𝐑 𝐒𝐀 𝐁𝐔𝐓𝐔𝐀𝐍!
Base sa pinakabag-ong datos, adunay 9,317 ka naitalang registered PWDs sa Butuan City, nga gilangkuban sa:
👩 4,400 ka kababayen-an (47%)
👨 4,917 ka kalalakin-an (53%)
Ang maong ihap katumbas sa 𝟏𝟑% kon itandi sa kinatibuk-ang populasyon nga na-servan sa CSWDD hangtod sa ikatulong quarter sa 2026.
Sa mga matang sa disability, pinakadaghan ang adunay:
♿ Orthopedic/Physical Disability – 3,252
🧠 Psychosocial Disability – 1,747
👁️ Visual Disability – 886
🧩 Intellectual Disability – 729
🎗️ Cancer – 565
Samtang ang mga barangay nga adunay pinakadaghang naitalang PWDs mao ang Libertad (824), Villa Kananga (477), Doongan (402), San Vicente (399), ug Ambago (378).
Kini nga mga datos nagsilbing importanteng basihan sa mas maayong pagplano, paghatag og serbisyo, ug pag-ila sa mga panginahanglan sa PWD sector.
𝐌𝐆𝐀 𝐏𝐑𝐎𝐆𝐑𝐀𝐌𝐀 𝐍𝐆𝐀 𝐍𝐀𝐆𝐇𝐀𝐓𝐀𝐆 𝐎𝐆 𝐏𝐀𝐆𝐋𝐀𝐔𝐌 𝐔𝐆 𝐎𝐏𝐎𝐑𝐓𝐔𝐍𝐈𝐃𝐀𝐃
Hangtod sa kasamtangan, padayong gipakusgan sa CSWDD-PDAO ang mga programa nga direktang makatabang sa mga PWDs ug ilang pamilya.
✅ PWD Registration ug ID Issuance – Padayong pagproseso sa PWD IDs ug booklets aron mas dali nilang ma-access ang mga benepisyo ug pribilehiyo nga gihatag sa balaod.
✅ Free Physical Therapy ug Rehabilitation Services – Paghatag og rehabilitasyon ug therapy aron matabangan ang mga PWDs sa pagpalambo sa ilang paglihok, kahimsog, ug adlaw-adlaw nga panginabuhi.
✅ Pagpalig-on sa PWD Organizations – Pag-organisa ug paghatag og suporta sa mga PWD associations sa mga barangay aron mas madungog ang ilang tingog ug mas aktibo silang makaapil sa mga programa sa komunidad.
✅ Medical Assistance ug Partnerships – Pagpalig-on sa pakigtambayayong sa CURE Philippines ug uban pang partners aron mas daghang kabataan nga adunay disabilities ang mahatagan og oportunidad sa specialized medical services.
✅ Accessibility Monitoring ug Advocacy – Padayong pagmonitor ug pag-awhag sa mga establisemento ug pampublikong pasilidad aron mahimong mas accessible, luwas, ug angay alang sa tanan.
✅ Provision of Assistive Devices – Paghatag ug assistive devices ngadto sa mga kwalipikadong PWDs sama sa paghatag ug wheelchairs, crutches, white cane, single cane, quad cane, hearing aide, ug walker.
✅ Pagfacilitate sa Unified PWD ID – Pagrehistro gamit na ang Unified PWD ID aron mas malikayan ang pagbuhat ug fake IDs, mas dali ma verify ang identity ug eligibility ug malikayan ang duplicate registration.
✅ Panday Banay Program pinaagi sa Kumustahan sa Brgy – Kini mao ang family - centered social welfare intervention/ approach sa CSWDD nga nag focus sa pagpalig-on sa pamilya, ilabina sa relasyon, responsibilidad, kumunikasyon, ug diri sab makita ug mahatag ang nagklase klasenfg intervention nga gikinahanglan nila.
✅ Paghatag ug Kaalam sa mga learners pinaagi sa TAWAG Center
🏆 𝐌𝐆𝐀 𝐊𝐀𝐋𝐀𝐌𝐏𝐔𝐒𝐀𝐍 𝐔𝐆 𝐁𝐀𝐆-𝐎𝐍𝐆 𝐋𝐀𝐊𝐀𝐍𝐆 𝐒𝐀 𝐈𝐍𝐊𝐋𝐔𝐒𝐈𝐁𝐎𝐍𝐆 𝐏𝐀𝐆𝐆𝐎𝐁𝐘𝐄𝐑𝐍𝐎
Usa sa dagkong kalampusan sa Butuan City mao ang pagkadawat sa SILVER AWARD sa Disability-Inclusive Governance Excellence Award (DIGEA) 2026, diin nakab-ot sa dakbayan ang IDEAL Level ug ikaduhang pwesto.
Kini nga pagkilala nagpakita sa padayong paningkamot sa City Government sa pagpalig-on sa disability-inclusive governance.
Lakip sa importanteng mga kalambuan mao ang:
🌟 Localized Social Pension for PWDs – Naaprubahan ang lokal nga ordinansa alang sa social pension sa mga kwalipikadong PWDs, ug padayon ang pagpangandam sa mga implementing guidelines aron masugdan ang programa.
🌟 Butuan City Council on Disability Affairs (BCCDA) – Gipahigayon ang unang council meeting niadtong September 30, 2026 aron mapalig-on ang koordinasyon, representasyon, ug partisipasyon sa PWD sector sa pagplano ug paghimo og mga polisiya.
🌟 Pagpalig-on sa PDAO – Padayong gipangandaman ang dugang nga technical personnel, mas maayong pasilidad, ug mas accessible nga serbisyo alang sa mga PWDs.
🌟 DIGEA 2027 Preparations – Sayo nang gisugdan ang pagpangandam sa mga dokumento, monitoring, ug pagpalambo sa mga sistema aron mapadayon ug mas mapataas pa ang kalidad sa disability-inclusive governance.
🎯 𝐔𝐍𝐒𝐀𝐘 𝐌𝐆𝐀 𝐒𝐔𝐍𝐎𝐃 𝐍𝐆𝐀 𝐏𝐋𝐀𝐍𝐎 𝐀𝐋𝐀𝐍𝐆 𝐒𝐀 𝐏𝐖𝐃 𝐒𝐄𝐂𝐓𝐎𝐑?
SHORT-TERM PLANS (2026–2027) to
LONG-TERM PLANS (2028–2034)
📌 Pag-operationalize sa localized social pension alang sa mga kwalipikadong PWDs, subay sa mga gi-aprubahang guidelines ug available nga pondo.
📌 Pagpalapad sa physical therapy, rehabilitation, ug assistive device assistance.
📌 Pag-update ug pagpalig-on sa PWD database aron mas tukma ang datos ug pagplano.
📌 Pagpalig-on sa barangay PWD organizations ug BCCDA.
📌 Padayong accessibility monitoring sa mga establisemento ug pampublikong pasilidad.
📌 Pagpalig-on sa kapasidad sa PDAO ug pagpangandam alang sa DIGEA 2027.
🌱 Mas daghang oportunidad sa trabaho, livelihood, edukasyon, ug skills training.
🌱 Mas accessible nga mga building, pasilidad, ug transportasyon.
🌱 Pagpalapad sa community-based rehabilitation ug social protection programs.
🌱 Pagpalig-on sa partisipasyon sa mga PWDs sa pagplano, pagdesisyon, ug pagpalambo sa dakbayan.
Alang sa City Government of Butuan, ang pagserbisyo sa mga PWDs dili lamang kutob sa paghatag og ID, asistencia, o benepisyo.
Kini mahitungod sa paghatag og paglaum sa usa ka pamilya, pagtabang sa usa ka bata nga adunay disability nga makab-ot ang iyang potensyal, paghatag og oportunidad sa usa ka PWD nga mahimong independent, ug pagsiguro nga walay Butuanon nga mabiyaan sa kalamboan.
Pinaagi sa hiniusang paningkamot sa City Government, CSWDD-PDAO, partner agencies, barangay officials, PWD organizations, ug sa tibuok komunidad, padayon ang atong pagpaningkamot sa pagtukod og dakbayan nga adunay patas nga oportunidad ug serbisyo alang sa tanan.
Kay ang tinuod nga sukdanan sa kalampusan sa usa ka dakbayan dili lamang ang gidaghanon sa mga programa ug proyekto, kundili ang mga kinabuhi nga natabangan, mga katungod nga napanalipdan, ug mga pangandoy nga nahimong posible.
💙♿ 𝟗,𝟑𝟏𝟕 𝐊𝐀 𝐏𝐖𝐃𝐬. 𝐋𝐀𝐈𝐍-𝐋𝐀𝐈𝐍𝐆 𝐀𝐁𝐈𝐋𝐈𝐃𝐀𝐃. 𝐏𝐀𝐑𝐄𝐇𝐎𝐍𝐆 𝐃𝐈𝐆𝐍𝐈𝐃𝐀𝐃. 𝐏𝐀𝐑𝐄𝐇𝐎𝐍𝐆 𝐊𝐀𝐓𝐔𝐍𝐆𝐎𝐃. 𝐔𝐒𝐀 𝐊𝐀 𝐁𝐔𝐓𝐔𝐀𝐍!
