Barangay Saui Cabagan Isabela

10/05/2026

CLEAN-UP DRIVE, May 10 2026

Salamat sa sama-samang pagkilos ng mga 4Ps beneficiaries, utility workers, tanod, at mga opisyal ng barangay sa matagumpay na clean-up drive sa Barangay Saui! Sama-sama nating panatilihin ang kalinisan at kaayusan para sa mas maaliwalas na komunidad.

26/04/2026

26/04/2026

Mga Kabarangay!

Bahagi ng ating programa sa wastong pamamahala ng basura ang masusing pangangolekta at paggamit muli ng mga basurang papel. Ang mga lumang dyaryo, kwaderno, karton, at iba pa ay hindi itinatapon bilang dumi, kundi ginagawang kapaki-pakinabang na kagamitan at produkto. Ipinapakita nito na ang anumang bagay ay may halaga pa rin kung alam lamang natin kung paano ito pakinabangan. Magtulungan tayo para sa malinis, maayos, at masagana nating kapaligiran!

26/04/2026

Kamusta, mga kabarangay! 👋

Paalala lang na mahigpit na ang pagpapatupad ng “Aso Mo, Itali Mo” dito sa ating Barangay Saui. Siguraduhong nakatali o nasa loob lamang ng bakod ang inyong mga alaga upang hindi makasakit o makagulo sa iba. Ang pagmamahal sa alaga ay kasama rin ang pag-iingat sa kapwa. Salamat sa inyong kooperasyon! 🙏🐶

15/04/2026

FARM TO MARKET ROAD: PROJECT ACCOMPLISHED

Lubos na pasasalamat ang nais naming iparating sa LGU Cabagan at sa aming Inang Bayan Mayor Milet Albano para sa mabilis na aksyon sa aming kahilingan na magkaroon ng Farm to Market Road sa Barangay Saui. Ang proyektong ito ay tunay na magbibigay ng napakalaking tulong sa aming mga magsasaka, sapagkat ito'y nagbukas ng mas mabilis at mas maayos na transportasyon ng aming mga produkto mula palayan at bukirin. Ang kaginhawahan at kaunlaran na dulot nito ay hindi lamang mag-aangat sa kabuhayan ng mga magsasaka, kundi magdudulot din ng pag-asang mas maganda at progresibong kinabukasan para sa buong komunidad. Maraming salamat sa inyong dedikasyon at malasakit para sa aming mga kababayan!

14/04/2026

Nitong ika-14 ng Abril, 2026, isang matagumpay na Civic Action (CiVac) ang isinagawa sa pakikipagtulungan ng Lokal na Pamahalaan ng Cabagan sa Barangay Saui. Ang aktibidad na ito ay hindi lamang nagbigay ng serbisyo sa komunidad kundi pati na rin ng inspirasyon at saya sa mga batang dumalo sa feeding program. Ang mga ngiti at kagalakan sa kanilang mga mukha ay nagpapaalala sa ating lahat ng halaga ng pagtutulungan at malasakit sa kapwa. Ang matagumpay na araw na ito ay patunay na kapag sama-sama, kaya nating bumuo ng mas masiglang komunidad.

Isang malaking pasasalamat sa ating Inang Bayan Mayor Milet Albano,Bise Alkalda Boy Fugaban, sa lahat ng mga Sangguniang Bayan Members, sa mga Barangay Officials, sa pangunguna nina Punong Barangay Lee Ann at SK Nathan, Barangay Health Workers, Utility Personnel, sa mga boluntaryo at miyembro ng LGU na naglaan ng oras at pagsisikap para sa ating mga kababayan. Sama-sama nating ipagpatuloy ang ganitong mga gawain upang makamit ang mas maliwanag na kinabukasan para sa lahat.

11/04/2026

CLEAN-UP DRIVE, April 11, 2026

Salamat sa sama-samang pagkilos ng mga 4Ps beneficiaries, utility workers, tanod, at mga opisyal ng barangay sa matagumpay na clean-up drive sa Barangay Saui! Sama-sama nating panatilihin ang kalinisan at kaayusan para sa mas maaliwalas na komunidad.

10/04/2026

Good news KaBarangay!

Nakaschedule ang ating munting Baryo ngayong darating na Abril 14 ng hapon para sa gaganaping Civic Action (CiVac). Antabayanan ang mga serbisyo mula sa gobyerno na maari nating samantalahin at mapapakinabangan.

03/04/2026

Oplan Semana Santa, Friday, April 03 2026

Dedicated service and unwavering commitment: Our Barangay Officials are on duty this Holy Week to ensure a safe and peaceful observance for everyone.

02/04/2026

Barangay Saui BDRRMC ON DUTY DURING MAUNDY THURSDAY, APRIL 2, 2026.

Sa paggunita ng Semana Santa, nakahanda at alerto ang mga opisyal ng Barangay Saui at BDRRMC upang tiyakin ang kaligtasan at kaayusan ng ating komunidad. Sama-sama nating ipagdiwang ang banal na panahon na may malasakit at pag-unawa sa isa't isa.