PDOHO-Quirino Fora Medica

02/06/2026

Abangan bukas ang espesyal na episode ng 𝗦𝗮𝗹𝘂𝗻-𝗮𝘁 𝘁𝗶 𝗥𝗲𝗵𝗶𝘆𝗼𝗻 𝗗𝗼𝘀 para sa pagdiriwang ng 𝗡𝗮𝘁𝗶𝗼𝗻𝗮𝗹 𝗖𝗮𝗻𝗰𝗲𝗿 𝗦𝘂𝗿𝘃𝗶𝘃𝗼𝗿 𝗗𝗮𝘆.

Ating bibigyang-pugay ang katatagan at inspirasyon ng ating mga cancer patients at survivors, kasama ang kinatawan mula sa Southern Isabela Medical Center — isa sa mga pangunahing katuwang ng DOH Cagayan Valley sa pagbibigay ng de-kalidad na serbisyong medikal at malasakit para sa mga patuloy na lumalaban sa kanser sa ating rehiyon.

Sama-sama nating pakinggan ang kanilang mga kwento ng pag-asa at tagumpay, at alamin ang mga hakbang at serbisyong isinusulong ng ating mga espesyalista at pamahalaaan upang matiyak ang maayos, mataas na kalidad, at epektibong gamutan para sa bawat pasyente.

Tutok na at sama-sama nating ipagdiwang ang ating mga survivors at pasalamatan ang ating mga bayaning health workers na katuwang natin sa isang masigla at protektadong kinabukasan!

20/05/2026

𝙉𝙖𝙮, 𝙏𝙞𝙩𝙖, 𝘼𝙩𝙚, 𝙇𝙤𝙡𝙖, 𝙗𝙞𝙣𝙞𝙗𝙞𝙜𝙮𝙖𝙣𝙜-𝙡𝙞𝙬𝙖𝙣𝙖𝙜 𝙢𝙤 𝙖𝙣𝙜 𝙗𝙖𝙬𝙖𝙩 𝙩𝙖𝙝𝙖𝙣𝙖𝙣. 𝙉𝙜𝙖𝙮𝙤𝙣, 𝙨𝙖𝙧𝙞𝙡𝙞 𝙢𝙤 𝙣𝙖𝙢𝙖𝙣 𝙖𝙣𝙜 𝙖𝙡𝙖𝙜𝙖𝙖𝙣. 𝙈𝙖𝙜𝙥𝙖-𝙘𝙚𝙧𝙫𝙞𝙘𝙖𝙡 𝙘𝙖𝙣𝙘𝙚𝙧 𝙨𝙘𝙧𝙚𝙚𝙣𝙞𝙣𝙜 𝙣𝙖. 👭✨

Ang cervical cancer ay isang uri ng kanser na nakakaapekto sa cervix, o kwelyo ng matris. Ito ay dulot ng Human Papillomavirus o HPV at karaniwang dumadapo sa mga babae na may edad na tatlumpung (30) taon gulang pataas. Ang maagang pagsusuri at edukasyon ay kritikal upang ito ay maiwasan.

🤔 𝗔𝗻𝗼 𝗮𝗻𝗴 𝗺𝗴𝗮 𝗺𝗮𝗮𝗮𝗿𝗶𝗻𝗴 𝗴𝗮𝘄𝗶𝗻 𝘂𝗽𝗮𝗻𝗴 𝗶𝘁𝗼 𝗮𝘆 𝗺𝗮𝗮𝗴𝗮𝗽𝗮𝗻?

💉𝗠𝗮𝗴𝗽𝗮𝗯𝗮𝗸𝘂𝗻𝗮 laban sa HPV. Ito ay libre para sa mga batang babae na edad 9-14.

🔎𝗠𝗮𝗴𝗽𝗮-𝘀𝗰𝗿𝗲𝗲𝗻. May libreng cervical cancer screening para sa mga edad 30-65.

💪Panatilihing malusog ang katawan. Tandaan ang 𝗧𝗘𝗗: Tamang Pagkain, Ehersisyo, at Disiplina.

Magtungo lang sa pinakamalapit na Health Center para sa karagdangang impormasyon. Para naman sa mga tulong pinansyal para sa mga Cancer patients, pumunta sa link: linktr.ee/DOHCancerSupport.

Sa tamang kaalaman, cervical cancer ay kayang labanan!

20/05/2026

𝗛𝘂𝘄𝗮𝗴 𝗺𝗮𝗴𝗶𝗻𝗴 𝗽𝗮𝘀𝗮𝘄𝗮𝘆 𝘀𝗮 𝗸𝗮𝗹𝘀𝗮𝗱𝗮, 𝗺𝗮𝗴𝗶𝗻𝗴 𝗕𝗶𝘆𝗮𝗛𝗲𝗿𝗼! 💪

Ang maingat na pagmamaneho ay nagliligtas ng buhay—hindi lang sa iyo, kundi pati sa iyong mga pasahero at kapwa motorista.

Iwasan ang pagiging “kamote driver” para BiyaHealthy:
✔️ Sumunod sa traffic rules at speed limit
✔️ Huwag gumamit ng cellphone habang nagmamaneho
✔️ Huwag magmaneho nang pagod o nakainom
✔️ Magbigay-daan at pairalin ang disiplina sa kalsada

Sa bawat maayos na biyahe, may buhay na napoprotektahan. Maging BiyaHero.

11/05/2026

‼️DOH: ALAMIN ANG TAMANG IMPORMASYON TUNGKOL SA HANTAVIRUSES‼️

Detalye sa comment section.

04/05/2026

‼️’WAG PAGLARUAN ANG ABO GALING SA BULKAN; ALAMIN ANG ALTERNATIBONG PROTEKSYON SA BAGA KUNG WALANG N95 MASK‼️

Detalye sa comment section

19/04/2026

WORLD IMMUNIZATION WEEK

𝗡𝗴𝗮𝘆𝗼𝗻𝗴 𝗵𝘂𝗹𝗶𝗻𝗴 𝗹𝗶𝗻𝗴𝗴𝗼 𝗻𝗴 𝗔𝗯𝗿𝗶𝗹, 𝗺𝗮𝗸𝗶𝗶𝘀𝗮 𝘀𝗮 𝗽𝗮𝗴𝗱𝗶𝗿𝗶𝘄𝗮𝗻𝗴 𝗻𝗴 𝗪𝗼𝗿𝗹𝗱 𝗜𝗺𝗺𝘂𝗻𝗶𝘇𝗮𝘁𝗶𝗼𝗻 𝗪𝗲𝗲𝗸! 💉✨

Layunin nating protektahan ang bawat pamilyang Pilipino laban sa mga Vaccine-Preventable Diseases sa pamamagitan ng pagbibigay ng tamang impormasyon at kumpletong pagpapa-bakuna.

Bilang bahagi nito, idaraos ng DOH-Cagayan Valley ang pagdiriwang sa Bayan ng Villaverde, Nueva Vizcaya sa Abril 28, 2026 na may temang "Bakuna at Proteksyon ni Baby, My Responsibility".

Magkita-kita tayo para sa mas malusog at nagkakaisang Region 2!

05/04/2026

‼️FAKE NEWS ALERT‼️

Mag-ingat sa kumalalat na fake news.

Panatilihin nating mapayapa at malusog ang Semana Santa.

30/03/2026

Bukas, Marso 31, 2026, sa ganap na 10:00 ng umaga, sama-sama tayong makiisa sa 1𝘀𝘁 𝗤𝘂𝗮𝗿𝘁𝗲𝗿 𝗣𝗿𝗲𝘀𝘀 𝗖𝗼𝗻𝗳𝗲𝗿𝗲𝗻𝗰𝗲 𝗻𝗴 𝗗𝗲𝗽𝗮𝗿𝘁𝗺𝗲𝗻𝘁 𝗼𝗳 𝗛𝗲𝗮𝗹𝘁𝗵 / 𝗖𝗮𝗴𝗮𝘆𝗮𝗻 𝗩𝗮𝗹𝗹𝗲𝘆 𝗖𝗲𝗻𝘁𝗲𝗿 𝗳𝗼𝗿 𝗛𝗲𝗮𝗹𝘁𝗵 𝗗𝗲𝘃𝗲𝗹𝗼𝗽𝗺𝗲𝗻𝘁 (𝗖𝗩𝗖𝗛𝗗) upang tunghayan ang mga tagumpay ng nakaraang taon at ang ating mga bagong plano para sa kalusugan ng rehiyon.

Tampok sa pagtitipong ito ang paglalatag ng 2025 𝗥𝗲𝗴𝗶𝗼𝗻𝗮𝗹 𝗛𝗲𝗮𝗹𝘁𝗵 𝗔𝗰𝗰𝗼𝗺𝗽𝗹𝗶𝘀𝗵𝗺𝗲𝗻𝘁𝘀 at ang opisyal na paglulunsad ng 2026 Priority Plans sa ilalim ng 8-Point Action Agenda ni DOH Secretary Dr. Teodoro J. Herbosa. Ating alamin ang mga estratehiya at programang magsisilbing gabay natin tungo sa mas pinalakas na serbisyong pangkalusugan para sa bawat pamilyang Pilipino.

Tara, magtulungan tayo para sa isang mas maayos, mas ligtas, at mas malusog na Cagayan Valley para sa lahat!

21/03/2026

𝐀𝐧𝐠 𝐛𝐮𝐰𝐚𝐧 𝐧𝐠 𝐌𝐚𝐫𝐬𝐨 𝐚𝐲 𝐠𝐢𝐧𝐮𝐠𝐮𝐧𝐢𝐭𝐚 𝐛𝐢𝐥𝐚𝐧𝐠 𝐂𝐨𝐥𝐨𝐫𝐞𝐜𝐭𝐚𝐥 𝐂𝐚𝐧𝐜𝐞𝐫 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡 𝐮𝐩𝐚𝐧𝐠 𝐩𝐚𝐥𝐚𝐤𝐚𝐬𝐢𝐧 𝐚𝐧𝐠 𝐤𝐚𝐚𝐥𝐚𝐦𝐚𝐧 𝐧𝐠 𝐩𝐮𝐛𝐥𝐢𝐤𝐨 𝐭𝐮𝐧𝐠𝐤𝐨𝐥 𝐬𝐚 𝐩𝐚𝐠-𝐢𝐰𝐚𝐬, 𝐦𝐚𝐚𝐠𝐚𝐧𝐠 𝐩𝐚𝐠𝐭𝐮𝐤𝐥𝐚𝐬, 𝐚𝐭 𝐭𝐚𝐦𝐚𝐧𝐠 𝐩𝐚𝐠𝐠𝐚𝐦𝐨𝐭 𝐬𝐚 𝐜𝐨𝐥𝐨𝐫𝐞𝐜𝐭𝐚𝐥 𝐜𝐚𝐧𝐜𝐞𝐫.

Ang colorectal cancer ay uri ng kanser na nabubuo sa colon o re**um at kadalasang nagsisimula bilang maliit na polyp na maaaring maging cancer sa paglipas ng panahon.

Sa Pilipinas, ito ay kabilang sa mga pangunahing sanhi ng pagkamatay dahil sa cancer at mas karaniwang nakikita sa mga taong edad 50 pataas.

⚠️ Mga posibleng sintomas:
• Pagbabago sa pagdumi (diarrhea o constipation)
• Dugo sa dumi
• Pananakit ng tiyan
• Biglaang pagbaba ng timbang
• Panghihina o anemia

✅ Paano makaiwas?
• Kumain ng masustansya at mayaman sa fiber
• Mag-ehersisyo at panatilihin ang tamang timbang
• Iwasan ang paninigarilyo at labis na pag-inom ng alak
• Magpatingin sa doktor at magpasuri kung kinakailangan, lalo na kung edad 50 pataas

Tandaan: Ang maagang pagtuklas ng colorectal cancer ay makakatulong upang mas madaling magamot at makaligtas ang buhay.

21/03/2026

3 days na lang bago ang World TB Day!

Ang laban kontra TB ay hindi dapat bitawan. Kapag kumpleto ang gamutan, tiyak ang paggaling at mas ligtas ang pamilya. Huwag hayaang lumala, kumilos ngayon!

Magpasuri at magpagamot sa pinakamalapit na DOH TB Facility para sa screening, treatment, at preventive care. Sama‑sama nating wakasan ang TB at itaguyod ang mas malusog na komunidad.