Sangguniang Kabataan - Barangay San Roque

05/06/2026

#𝐋𝐈𝐍𝐆𝐊𝐎𝐃 | 𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝟐𝟎𝟐𝟔 📚🏫

Bilang pakikiisa sa diwa ng Brigada Eskwela 2026, nagkaloob ang Sangguniang Kabataan ng Barangay San Roque ng mga cleaning at maintenance materials para sa mga g**o ng ating elementarya upang makatulong sa paghahanda ng mga silid-aralan para sa panibagong taong panuruan.

Sa pangunguna ni SK Chairperson Christine Joyce Y. Constantino, kasama ang mga SK Kagawad, matagumpay na naipamahagi ang mga kagamitan sa 14 na g**o ng ating paaralang elementarya bilang suporta sa kanilang paghahanda para sa pagbubukas ng klase.

Kabilang sa mga ipinamahagi ang mga walis tambo, dustpan, floor mats, cleaning supplies, at iba pang kagamitang makatutulong sa pagpapanatili ng kalinisan at kaayusan ng paaralan. Sa pamamagitan ng simpleng hakbang na ito, layunin nating makalikha ng mas maayos, ligtas, at kaaya-ayang kapaligiran para sa ating mga mag-aaral.

Ang Brigada Eskwela ay patunay na kapag nagkakaisa ang komunidad, mas napagtitibay natin ang suporta para sa edukasyon at sa kinabukasan ng kabataan.

Maraming salamat sa ating mga g**o sa kanilang walang sawang dedikasyon at sa lahat ng nakiisa upang maging matagumpay ang gawaing ito. Sama-sama nating ihanda ang paaralan para sa isang ligtas, masaya, at makabuluhang taon ng pagkatuto.

31/05/2026

#𝐋𝐈𝐍𝐆𝐊𝐎𝐃 | 𝐌𝐀𝐓𝐀𝐆𝐔𝐌𝐏𝐀𝐘 𝐀𝐍𝐆 𝐏𝐀𝐌𝐀𝐌𝐀𝐇𝐀𝐆𝐈 𝐍𝐆 “𝐒𝐊𝐄𝐝𝐮𝐤𝐢𝐭𝐬 𝟐𝟎𝟐𝟔” 📚✏️

Matagumpay na naipamahagi ng Sangguniang Kabataan ng San Roque ang mga SKEdukits 2026 sa mga kwalipikadong miyembro ng Katipunan ng Kabataan bilang paghahanda sa panibagong taon ng pag-aaral.

Lubos ang aming pasasalamat sa lahat ng kabataang nakiisa, nagparehistro, at naging bahagi ng programang ito. Gayundin sa mga katuwang na tumulong upang maging maayos at matagumpay ang pamamahagi ng mga edukits.

Nawa'y magsilbing inspirasyon ang proyektong ito upang lalo pang pagbutihin ng ating mga kabataan ang kanilang pag-aaral at patuloy na maging huwaran sa ating barangay.

𝙂𝙖𝙡𝙞𝙣𝙜 𝙣𝙜 𝙆𝙖𝙗𝙖𝙩𝙖𝙖𝙣, 𝙋𝙖𝙩𝙪𝙣𝙜𝙤 𝙨𝙖 𝙏𝙖𝙜𝙪𝙢𝙥𝙖𝙮! ✨

31/05/2026

#𝐋𝐈𝐍𝐆𝐊𝐎𝐃 | 𝐌𝐀𝐓𝐀𝐆𝐔𝐌𝐏𝐀𝐘 𝐀𝐍𝐆 𝐏𝐀𝐌𝐀𝐌𝐀𝐇𝐀𝐆𝐈 𝐍𝐆 𝐂𝐀𝐒𝐇 𝐈𝐍𝐂𝐄𝐍𝐓𝐈𝐕𝐄 𝐏𝐀𝐑𝐀 𝐒𝐀 𝐌𝐆𝐀 𝐁𝐎𝐀𝐑𝐃 𝐏𝐀𝐒𝐒𝐄𝐑𝐒!

Isang taos-pusong pagbati sa ating mga kabataang Board Passers ng Barangay San Roque na matagumpay na nakatanggap ng kanilang Cash Incentive mula sa Sangguniang Kabataan ng San Roque.

Sa pangunguna ni SK Chairperson Christine Joyce Constantino at ng buong Sangguniang Kabataan ng San Roque, kami ay lubos na ipinagmamalaki ang inyong tagumpay. Nawa'y magsilbi kayong inspirasyon sa mas marami pang kabataan upang patuloy na magsikap at mangarap nang mataas.

Maraming salamat sa lahat ng nakiisa at sumuporta upang maging matagumpay ang programang ito. Patuloy tayong maglilingkod at magbibigay ng mga programang kikilala at magpapalakas sa kakayahan ng kabataang San Roque.

𝗔𝗻𝗴 𝘁𝗮𝗴𝘂𝗺𝗽𝗮𝘆 𝗻𝗶𝗻𝘆𝗼 𝗮𝘆 𝘁𝗮𝗴𝘂𝗺𝗽𝗮𝘆 𝗻𝗴 𝗯𝘂𝗼𝗻𝗴 𝗕𝗮𝗿𝗮𝗻𝗴𝗮𝘆 𝗦𝗮𝗻 𝗥𝗼𝗾𝘂𝗲.

𝙂𝙖𝙡𝙞𝙣𝙜 𝙣𝙜 𝙆𝙖𝙗𝙖𝙩𝙖𝙖𝙣, 𝙋𝙖𝙩𝙪𝙣𝙜𝙤 𝙨𝙖 𝙏𝙖𝙜𝙪𝙢𝙥𝙖𝙮! ✨

22/05/2026

#𝐋𝐈𝐍𝐆𝐊𝐎𝐃 | 𝐓𝐀𝐓𝐀𝐊 𝐒𝐀𝐍 𝐑𝐎𝐐𝐔𝐄!: 𝐒𝐊 𝐒𝐚𝐧 𝐑𝐨𝐪𝐮𝐞 𝐂𝐚𝐬𝐡 𝐈𝐧𝐜𝐞𝐧𝐭𝐢𝐯𝐞 𝐏𝐫𝐨𝐠𝐫𝐚𝐦 𝐟𝐨𝐫 𝐁𝐨𝐚𝐫𝐝 𝐏𝐚𝐬𝐬𝐞𝐫𝐬

Ang Sangguniang Kabataan ng Barangay San Roque, sa panguguna ni SK Chairperson Christine Joyce Constantino, kasama ang kanyang mga SK Member ay buong pusong bumabati at nagbibigay-pugay sa mga kabataang nagsikap, nagpursige, at matagumpay na nakapasa sa kani-kanilang 𝗕𝗼𝗮𝗿𝗱 𝗘𝘅𝗮𝗺𝗶𝗻𝗮𝘁𝗶𝗼𝗻.

Bilang pagkilala sa inyong sipag at dedikasyon, inilulunsad ng SK San Roque ang 𝗖𝗮𝘀𝗵 𝗜𝗻𝗰𝗲𝗻𝘁𝗶𝘃𝗲 𝗣𝗿𝗼𝗴𝗿𝗮𝗺 𝗽𝗮𝗿𝗮 𝘀𝗮 𝗕𝗼𝗮𝗿𝗱 𝗣𝗮𝘀𝘀𝗲𝗿𝘀 upang ipakita ang aming suporta at pagpapahalaga sa inyong tagumpay.

𝗠𝗴𝗮 𝗞𝘄𝗮𝗹𝗶𝗽𝗶𝗸𝗮𝗱𝗼𝗻𝗴 𝗔𝗽𝗹𝗶𝗸𝗮𝗻𝘁𝗲
⦁ Pumasa sa anumang PRC-regulated board exam mula Abril hanggang Mayo 2026
⦁ Lehitimong residente ng Barangay San Roque, Cabiao, Nueva Ecija
⦁ May kumpletong dokumentong patunay ng pagpasa

𝗠𝗴𝗮 𝗞𝗮𝗶𝗹𝗮𝗻𝗴𝗮𝗻𝗴 𝗗𝗼𝗸𝘂𝗺𝗲𝗻𝘁𝗼
1. Katibayan ng Residente (pumili ng isa):
Valid ID
⦁ Voter’s Certificate
⦁ Barangay Certificate
2. Resulta ng Board Exam o Certificate of Passing
3. PRC License (kung available na)
⚠️𝘗𝘢𝘢𝘭𝘢𝘭𝘢: 𝘛𝘢𝘬𝘱𝘢𝘯 𝘰 𝘪-𝘣𝘭𝘶𝘳 𝘢𝘯𝘨 𝘗𝘙𝘊 𝘯𝘶𝘮𝘣𝘦𝘳 𝘱𝘢𝘳𝘢 𝘴𝘢 𝘪𝘯𝘺𝘰𝘯𝘨 𝘱𝘳𝘪𝘷𝘢𝘤𝘺.

𝗣𝗮𝗮𝗻𝗼 𝗠𝗮𝗴-𝗔𝗽𝗽𝗹𝘆?
⦁ Maaari lang ipasa ang inyong mga dokumento sa Official page ng Sangguniang Kabataan ng San Roque.

⦁ Hintayin ang opisyal na na mensahe mula sa SK San Roque para malaman kung kayo ay kwalipikado at kung paano matatanggap ang insentibo.

𝗠𝗮𝗵𝗮𝗵𝗮𝗹𝗮𝗴𝗮𝗻𝗴 𝗣𝗮𝗮𝗹𝗮𝗹𝗮
⦁ Hindi tatanggapin ang inyong dokumento kung hindi mismo sa Official page ng Sangguniang Kabataan ng San Roque nagpasa.
⦁ Incomplete submissions = Hindi maipoproproseso.
⦁ Lahat ng aplikasyon ay dadaan sa beripikasyon ng Sangguniang Kabataan.
⦁ Ang maling impormasyon ay magiging dahilan ng diskwalipikasyon.
⦁ Hintayin ang opisyal na anunsyo para sa petsa at lugar ng pamamahagi ng incentive.

𝗦𝗮𝗺𝗮-𝘀𝗮𝗺𝗮 𝗻𝗮𝘁𝗶𝗻𝗴 𝗶𝗽𝗮𝗴𝗱𝗶𝘄𝗮𝗻𝗴 𝗮𝘁 𝗶𝘁𝗮𝗮𝘀 𝗮𝗻𝗴 𝗮𝗻𝘁𝗮𝘀 𝗻𝗴 𝘁𝗮𝗴𝘂𝗺𝗽𝗮𝘆 𝗻𝗴 𝗸𝗮𝗯𝗮𝘁𝗮𝗮𝗻𝗴 𝗦𝗮𝗻 𝗥𝗼𝗾𝘂𝗲!

𝙂𝙖𝙡𝙞𝙣𝙜 𝙣𝙜 𝙆𝙖𝙗𝙖𝙩𝙖𝙖𝙣, 𝙋𝙖𝙩𝙪𝙣𝙜𝙤 𝙨𝙖 𝙏𝙖𝙜𝙪𝙢𝙥𝙖𝙮!

12/05/2026

| 𝐇𝐚𝐧𝐝𝐨𝐠 𝐧𝐠 𝐒𝐚𝐧𝐠𝐠𝐮𝐧𝐢𝐚𝐧𝐠 𝐊𝐚𝐛𝐚𝐭𝐚𝐚𝐧 𝐧𝐠 𝐒𝐚𝐧 𝐑𝐨𝐪𝐮𝐞: “𝐒𝐊𝐄𝐝𝐮𝐤𝐢𝐭𝐬 𝟐𝟎𝟐𝟔”📚✏️

Sa pagsalubong ng bagong taon ng pag-aaral, muling maghahandog ang Sangguniang Kabataan ng San Roque ng isang espesyal na Back-to-School “𝐒𝐊𝐄𝐝𝐮𝐤𝐢𝐭𝐬 𝟐𝟎𝟐𝟔“— isang proyekto para suportahan ang Katipunan ng Kabataan ng ating barangay sa kanilang pagbabalik-eskwela!

𝐒𝐢𝐧𝐨 𝐚𝐧𝐠 𝐦𝐚𝐚𝐚𝐫𝐢𝐧𝐠 𝐦𝐚𝐤𝐚𝐭𝐚𝐧𝐠𝐠𝐚𝐩?
✓ Mga kabataang edad 15–30 na rehistradong miyembro ng Katipunan ng Kabataan mula sa Barangay San Roque (Alinsunod sa Republic Act 10742).

𝐊𝐚𝐢𝐥𝐚𝐧 𝐚𝐭 𝐬𝐚𝐚𝐧 𝐦𝐚𝐠𝐩𝐚𝐩𝐚𝐥𝐢𝐬𝐭𝐚?
🗓️ May 17,2026 (Sunday)
📍 Barangay San Roque Hall
🕘 9:00AM – 1:00PM

𝐌𝐚𝐡𝐚𝐥𝐚𝐠𝐚𝐧𝐠 𝐏𝐚𝐚𝐥𝐚𝐥𝐚:
• Isang benepisyaryo lamang kada pamilya
• 150 slots lamang — first-come, first-served
• Tanging personal na pagpapalista sa nakatakdang lugar at petsa ang tatanggapin — huwag pong mag-message sa page o sa mga SK Officials.
•Hintayin ng 𝑶𝑭𝑭𝑰𝑪𝑰𝑨𝑳 𝑨𝑵𝑵𝑶𝑼𝑵𝑪𝑬𝑴𝑬𝑵𝑻 para sa PETSA at KUNG SAAN gaganapin ang distribution.

Magsama-sama tayong magtagumpay sa pagbabalik-eskwela — dahil sa San Roque, sabay-sabay tayong aangat!

10/05/2026

06/05/2026