03/08/2026
LGUs SA MISOR, GIPASIDUNGGAN SA DILG
By: Jane Salimbao/PIO
GIPASIDUNGGAN sa Department of Interior and Local Government (DILG) Provincial Office ang hugot nga pagpaningkamot sa mga Local Government Units sa lalawigan atol sa Provincial Awarding Ceremony for the CY 2025 Performance Audits and Awards ning adlawng Lunes, Agosto 3, 2026.
Alang sa Peace and Order Council nga nagtutok sa pakigbatok sa kriminalidad, illegal drugs, ug insurhensiya, nahimong high performing municipalities ang Tagoloan, Alubijid, Balingasag, Naawan ug Lugait. Samtang, moderate performing ang mga lungsod sa Salay, Libertad ug Laguindingan. Matag LGUs nakadawat sa cash prize nga modagan sa 20,000 pesos ngadto sa 35,000 pesos.
Subay sa Anti-Drug Abuse Council nga nagsiguro sa pagpanalipod sa katilingban batok sa droga pinaagi sa mga anti-illegal drug program, giila ang mga lungsod sa Laguindingan, Naawan, Salay, Sugbongcogon, Libertad, Lugait, Opol, ug Binuangan. Nakadawat usab sila sa cash prize nga 20,000 ngadto sa 35,000 pesos.
Dugang niini, nahimo usab nga national awardee isip top performing ang lungsod sa Naawan nga nakaangkon sa 100 points atol sa ADAC Performance Audit nga nagpakita sa ilang talagsaong pagpaningkamot alang sa malinawon ug drug-free nga lungsod.
Samtang sa Local Legislative Award nga naghatag pag-ila sa mga napatuman nga mga ordinansya ug resolusyon nga nakahatag og kasulbaran ug kalamboan sa ilang lokalidad, nahimong mananaog ang mga lungsod sa Salay, Medina ug Libertad alang sa 4th to 6th Class Municipalities Category; Opol, Initao, Lugait ug Tagoloan alang sa 1st to 3rd Class municipalities category ug Gingoog City ug El Salvador City alang sa component cities categories. Matag LGUs nakadawat sa cash prize nga 20,000 ngadto 30,000 pesos.
Ug sa Lupong Tagapamayapa Incentives Awards nga nagpakita sa pagkamaayo sa pagsulbad sa mga kakulian sa katilingban, nahimong top performing barangay awardees ang Barangay Kauswagan, Lagonglong (5th class municipalities category), Barangay Kibaghot, Laguindingan ug Barangay Candiis, Magsaysay (4th class municipalities category), Barangay Andales, Initao (3rd class municipalities category), Barangay POblacion, Lugait, Barrangay Barra, Opol, Barangay Mandangoa, Balingasag ug Barangay San Nicolas, Jasaan (2nd class municipalities category) ug Barangay Poblacion, Claveria (1st class municipalities).Ug sa component cities category, nahimong barangay awardee ang Barangay 18-A, Gingoog City. Matag LGUs nakadawat sa 15,000 ngadto sa 25,000 pesos nga cash prize.
Nanguna sa paghatag sa award si Governor Juliette Uy ug Provincial Board Member Princess Emano kauban si DILG Provincial Director Engr. Marisia Naybe.
Kini timaan sa maayong pagdumala sa panggobyerno ug kaakuhan sa serbisyo publiko alang sa matag local nga panggamhanan sa probinsya.
Hulagway kuha ni: Jez Ecuacion/PIO
