City Economic Enterprises and Business Development Administration

07/08/2026

CEEBDA Updates
August 7, 2026

OIC Nag-Courtesy Visit sa CEEBDA, Nagpahayag og Suporta sa GAD Programs

Naghimo og courtesy visit ang mga representante sa Oro Integrated Cooperative (OIC) sa City Economic Enterprise and Business Development Administration (CEEBDA), nga gipangunahan ni Joie Saquilayan, Community and Social Relations (CSR) Head.

Atol sa ilang pakighinabi kang CEEBDA General Manager Jocelyn “CheChe” Peñalosa kauban si Sol Paeste-Mosqueda, Gender and Development (GAD) City Focal Person, gipadayag sa OIC ang ilang tinguha sa pagtabang sa mga katawhan sa merkado, ilabi na sa mga vendors, pinaagi sa mga proyekto nga ilang ipatuman. Kini nga mga inisyatibo alayon sa Gender and Development (GAD) framework nga nagpaluyo sa kaangayan, pagtahod sa tawhanong katungod, ug pagpauswag sa kahimtang sa mga sektor nga nanginahanglan.

Mainitong gidawat ni GM Peñalosa ang maong paningkamot, ug iyang gipadayag nga dako kini og tabang sa pagpalig-on sa kaayohan sa mga mamamaligya ug sa paghatag og mas inklusibo ug responsableng serbisyo sa merkado.

Gilauman usab ang sunod nga mga kasabutan tali sa CEEBDA ug OIC alang sa hingpit nga pagpatuman ug kalampusan sa maong mga programa.

07/08/2026

Cogon Market Update
Aug. 7, 2026

Panaghiusa sa Fish Vendors sa Cogon Market alang sa Kalimpiyo ug Kahapsay

Gitigum ang tanang fish vendors sulod sa Cogon Market aron hisgutan ug mapalig-on ang mga lakang sa hingpit nga pagtuman sa mga lagda sa City Economic Enterprise and Business Development Administration (CEEBDA), ilabi na sa pagsiguro sa kalimpiyo, kahapsay, ug kaayohan sa merkado.

Uban sa giya ni General Manager Jocelyn "CheChe" Peñalosa ug sa suporta sa Assistant General Manager for Operations, Jane Marie A. Abejo, gipatawag ni Cogon Market Branch Manager Temoteo L. Chavez ang tanang Fish Vendors. Sa maong tigum nga gidumala ni Assistant Branch Manager sa Cogon, Maria Gina M. Madrelejos, nagpakita ang tanang vendors og panaghiusa ug kooperasyon pinaagi sa ilang hiniusang pag-uyon sa estriktong pagtuman sa mga polisiya sa merkado alang sa mas limpyo, organisado, ug hapsay nga palibot para sa tanang mamaligya ug mamalitay.

#

07/08/2026

Mas Hapsay ug Komportable nga FMTT Westbound Terminal gikab-ot pinaagi sa Panaghiusa sa CEEBDA ug Vendors

06/08/2026

𝐂𝐢𝐭𝐲 𝐒𝐥𝐚𝐮𝐠𝐡𝐭𝐞𝐫𝐡𝐨𝐮𝐬𝐞 𝐔𝐩𝐝𝐚𝐭𝐞
𝐀𝐮𝐠𝐮𝐬𝐭 𝟔, 𝟐𝟎𝟐𝟔

𝐂𝐄𝐄𝐁𝐃𝐀 𝐮𝐠 𝐊𝐨𝐧𝐬𝐞𝐡𝐨 𝐍𝐚𝐠𝐩𝐚𝐥𝐢𝐠-𝐨𝐧 𝐬𝐚 𝐎𝐩𝐞𝐫𝐚𝐬𝐲𝐨𝐧 𝐬𝐚 𝐂𝐢𝐭𝐲 𝐒𝐥𝐚𝐮𝐠𝐡𝐭𝐞𝐫𝐡𝐨𝐮𝐬𝐞 𝐬𝐚 𝐂𝐮𝐠𝐦𝐚𝐧

Gipangunahan mismo ni Majority Floor Leader sa Konseho, Kagawad Edgar S. Cabanlas, isip Chair sa Committee on Economic Enterprise, ang padayong paningkamot aron mapalig-on ug mapahapsay ang operasyon sa City Slaughterhouse sa Barangay Cugman ning dakbayan.

Subay niini, gipahigayon ang usa ka mahinungdanong panagtigum niadtong Agosto 5, diin gitambongan nila CEEBDA General Manager Jocelyn “CheChe” Peñalosa, Jane Marie A. Abejo, Assistant General Manager for Operations, Jessica A. Rabia, Assistant General Manager for Administration ug Puerto Market Branch Manager, Engr. Chelito G. Baja. Uban usab didto ang mga tinugyanan sa City Planning and Development Office (CPDO), City Health Office (CHO), ug Mega Integrated Agro-Livestock Farm Corp., nga gi-representahan ni General Manager Raymund Mirabueno. Ang maong kompanya maoy nagdumala sa pasilidad subay sa Built-Operate-Transfer (BOT) agreement tali sa lokal nga kagamhanan ug sa pribadong sektor.

Lakip sa mga nahisgutan sa panagtigum ang pagpalig-on sa papel sa City Economic Enterprise and Business Development Administration (CEEBDA) sa pagdumala ug pagmonitor sa adlaw-adlaw nga operasyon sa slaughterhouse. Gihatagan usab og dakong gibug-aton ang estriktong pagtuman sa National Meat Inspection Service (NMIS) Meat Handling and Safety Standards, ingon man ang padayon nga pagpaayo sa kalimpyo, sanitasyon, ug kahapsay sa pasilidad.

Isip nag-unang ahensya, gisiguro ni General Manager Peñalosa nga ang tanang isyu ug rekomendasyon nga napadayag sa maong panagtigum pagatubagon dayon ug hatagan og angay nga aksyon. Tumong niini ang pagpalambo sa kalidad sa serbisyo, pagsiguro sa kaluwasan sa publiko, ug pagmintinar sa kahinlo sa operasyon sa City Slaughterhouse.

06/08/2026

The City Economic Enterprise and Business Development Administration (CEEBDA) warmly welcomes our newly appointed Acting General Manager, Ms. Jocelyn “CheChe” Peñalosa.

Rest assured of our unwavering commitment and dedication in serving the public under your leadership. Together, we move forward with unity, excellence, and a shared vision for better public service.

— The CEEBDA Family

05/08/2026

CEEBDA GM PEÑALOSA ADUNAY PASIDAAN SA MGA SIDEWALK UG AMBULANT VENDORS SA COGON MARKET

Gipasidad-an karon ni City Economic Enterprise and Business Development Administration (CEEBDA) General Manager Jocelyn “CheChe” Peñalosa ang tanang sidewalk ug ambulant vendors nga nagbaligya sa mga agianan, nga maoy hinungdan sa paghuot ug kalisod sa katawhan sa Cogon Market.

Sa koordinasyon sa CEEBDA Security Unit ug Roads and Traffic Administration (RTA), padayon ang hinay-hinay apan lig-on nga pagpahawa sa mga vendors nga wala na nagasubay sa mga balaod ug regulasyon. Ang maong operasyon gipangunahan ni Roy B. Abella, ang bag-ong natudlo isip Overseer sa Security Force sa mga kamerkadohan.

Sumala kang GM Peñalosa, hatagan og prayoridad sa ahensya ang pagpatuman sa “Clearing Operations” aron masiguro ang kaluwasan, kahapsay, ug luag nga paglihok sa mga mamalitay sulod sa Cogon Market.

“Gina-awhag namo ang tanang sidewalk ug ambulant vendors nga boluntaryo nga mosunod sa balaod ug mga regulasyon aron malikayan ang pagkumpiska sa ilang mga baligya,” matud pa ni Peñalosa.

clearing operations

05/08/2026

04/08/2026

𝐌𝐠𝐚 𝐄𝐤𝐢𝐩𝐨 𝐬𝐚 𝐖𝐚𝐭𝐞𝐫 𝐓𝐫𝐞𝐚𝐭𝐦𝐞𝐧𝐭 𝐅𝐚𝐜𝐢𝐥𝐢𝐭𝐲 𝐆𝐢𝐥𝐚𝐮𝐦𝐚𝐧 𝐧𝐠𝐚 𝐌𝐨𝐚𝐛𝐨𝐭 𝐬𝐚 𝐂𝐨𝐠𝐨𝐧 𝐌𝐚𝐫𝐤𝐞𝐭 𝐆𝐢𝐤𝐚𝐧 𝐬𝐚 𝐉𝐚𝐩𝐚𝐧

Gilauman nga sa dili madugay mahidangat na dinhi sa merkado sa Cogon ang mga ekipo alang sa Water Treatment Facility nga gikan sa nasud sa Japan.

Kini ang gipadayag sa usa ka online meeting tali sa City Economic Enterprise and Business Development Administration (CEEBDA) ug sa Hinode Sangyo Co., Ltd. sa Japan.

Ang 𝐇𝐢𝐧𝐨𝐝𝐞 𝐒𝐚𝐧𝐠𝐲𝐨 𝐂𝐨., 𝐋𝐭𝐝. usa ka kompanya nga nakabase sa Japan nga aktibong nagpatuman ug nagpalambo sa mga programa alang sa pagpanalipod sa kinaiyahan. Kini usab ang gisaligan sa Japan International Cooperation Agency (JICA) aron magdumala sa implementasyon sa Water Treatment Facility project sa Cogon Market—usa ka proyekto nga pinundohan sa gobyerno sa Japan.

04/08/2026

𝐂𝐄𝐄𝐁𝐃𝐀 𝐌𝐚𝐠𝐭𝐮𝐤𝐨𝐝 𝐓𝐖𝐆 𝐀𝐫𝐨𝐧 𝐓𝐚𝐛𝐚𝐧𝐠𝐚𝐧 𝐚𝐧𝐠 𝐌𝐞𝐚𝐭 𝐕𝐞𝐧𝐝𝐨𝐫𝐬 𝐬𝐚 𝐍𝐌𝐈𝐒 𝐂𝐨𝐦𝐩𝐥𝐢𝐚𝐧𝐜𝐞

Gilaraw ni CEEBDA General Manager Jocelyn “CheChe” Peñalosa ang pagtukod ug Technical Working Group (TWG) nga gilangkoban sa CEEBDA, City Veterinary Office, ug National Meat Inspection Service (NMIS) aron matabangan ang frozen imported meat vendors sa Cogon ug Carmen sa pagsunod sa meat handling ug safety standards.

Kini human gipahunong sa NMIS ang pagpamaligya sa frozen meats sa pipila ka merkado tungod sa kakulang sa compliance. Tumong ni Peñalosa nga matabangan ang mga meat vendors aron makapamaligya pagbalik sa ilang produktong imported frozen meats.

Mihimo usab og site inspection ang NMIS ug City Veterinary Office sa Cogon aron tukion ang lugar alang sa meat cutting ug storage facilities nga subay sa NMIS standards.

“Paningkamotan nato nga matabangan ang atong vendors sa dali nga panahon,” matud pa ni GM Peñalosa.

04/08/2026

𝐏𝐞ñ𝐚𝐥𝐨𝐬𝐚, 𝐧𝐚𝐤𝐢𝐠𝐭𝐚𝐠𝐛𝐨 𝐬𝐚 𝐂𝐎𝐂𝐄𝐌𝐕𝐀 𝐚𝐫𝐨𝐧 𝐬𝐮𝐥𝐛𝐚𝐫𝐨𝐧 𝐚𝐧𝐠 𝐦𝐠𝐚 𝐢𝐬𝐲𝐮 𝐬𝐚 𝐂𝐨𝐠𝐨𝐧 𝐌𝐚𝐫𝐤𝐞𝐭

Nakigtagbo si CEEBDA General Manager Jocelyn “CheChe” Peñalosa sa mga opisyales sa Cogon Central Market Vendors Association (COCEMVA) aron hisgutan ang nagkadaiyang problema sa Cogon Market.

Lakip sa gituki ang isyu sa sidewalk ug ambulant vendors, kalimpiyo, ug ang pagtuman sa sectioning policy aron masiguro nga husto ang puwesto sa mga baligya.

Mipasalig si Peñalosa nga lihokon sa CEEBDA ang angayng mga solusyon, samtang iyang gihangyo ang kooperasyon sa tanang mamaligyaay aron mapadayon ang kahapsay ug kaayohan sa merkado.