27/03/2026
ππ§ πππππ«π’ππ₯π¬ ππππ¨π―ππ«π² π
πππ’π₯π’ππ² (πππ
) π¬π πππ«ππ§π ππ² ππ’π πππ¬
Dakulaon an sakuyang pag apreciar kan maigot na kamawotan ni Mayor Philip Dumalasa na magin marhay an pagmahehar kan solid waste o mga basura sa satuyang banwaan. Yaon an saiyang pagbisto na ini nakaka-apektar sa Health o salud kan mga namamanwaan. Ika duwa, nakaka-apektar ini sa imahe kan banwaan.
An Materials Recovery Facility (MRF) sa Barangay Bigaas, base sa inpormasyon na hale sa Municipal Environment Officer (MENRO), an construction nagpoon 2022. Target date of Completion, 2023. Dapat Operational o nagagamit na sa huring parte kan 2023 o enot na parte kan 2024. Alagad, dai nangyare dahil sa mga dai naheling na mga kakulangan para magin operational an mga equipahes. An mga kakulangan na iyan an maigot na pinag-aasikaso ni Mayor Dumalasa. Enot, na-ipagibo iyo an Linya kan Kuryente na 3Phase. Halawig an Cable na nainstelar asin nakabakal nan in Transformer.
Nagpaapod nin consultation meeting si Mayor, nagimbitar nin mga Professional na igwa nin mga idea o kaaraman sa Sistema kan Solid waste asin MRF para maheling an mga depekto asin makagibo nin maray na Sistema para sa efficienting operasyon.
Bilang may mga kaaraman asin kamawotan na maiheras an samuyang technical na kaaraman, Ako bilang Licensed Environmental Planner asin si Engr. Lito Cea, na mahiwas an kaaraman sa Waste Management nag-volunteer na magtabang, kun kaya kan Marso 24 kaiba si Mayor Philip asin si MENRO, samuyang pinagbisita an MRF, pigheling an actual na sitwasyon. Napagkasunduan na magkaigwa na tulos nin Dry-run para maheling an mga depekto sa operasyon.
Tulos kan Marso 26 pinag-schedule an Dry-run, pina-andar an mga makinarya, naheling an mga saradit na depekto asin iba pang kakulangan para sa marhay asin aprovadong pag-operar kan MRF. Saro sa importanteng kaipuhan asin pinagre-require kan DENR-EMB iyo an Water Treatment Facility.
Sa mga kaipuhan na ini, tulos nag-order si Mayor Dumalasa na asikasohon asin ipagibo tulos. Iyan an satuyang Mayor. Madale an action asin naghahanap nin maray na mga kaaraman para tama an mga decision.
Sarong leksyon an dapat maheling sa mga arog kaining projecto kan mga LGUβs. Enot dapat Comprehinsibo an plano pra maheling gabos an mga kaipuhan, bako lng an physical o built-in na facilidad kundi pati na an mga regulatory requirements asin permits. Kaya sa mga arog kaini, importante an mga consultasyon sa mga Licensiadong Professional.
