CACD Calaca City

16/03/2026

𝗖𝗮𝗹𝗮𝗰𝗮 𝗖𝗶𝘁𝘆 𝗖𝗼𝗼𝗽𝗲𝗿𝗮𝘁𝗶𝘃𝗲 𝗗𝗲𝘃𝗲𝗹𝗼𝗽𝗺𝗲𝗻𝘁 𝗖𝗼𝘂𝗻𝗰𝗶𝗹 - 𝟭𝘀𝘁 𝗤𝘂𝗮𝗿𝘁𝗲𝗿𝗹𝘆 𝗠𝗲𝗲𝘁𝗶𝗻𝗴 𝟮𝟬𝟮𝟲 | 𝟭𝟯 𝗠𝗮𝗿𝘀𝗼 𝟮𝟬𝟮𝟲

Sa patuloy na pag-agapay ng tanggapan ng City Assistance for Community Development, katuwang ang nakatalagang City Cooperatives Development Officer at ang tagapanguna ng Komite ng Kooperatiba sa Sangguniang Panlungsod, Kgg. Robenson Sale, ay isinagawa ang 1st Quarter Meeting ng Calaca City Cooperative Development Council para sa taong 2026.

Naging sentro ng talakayan ang muling pag-organisa ng kasapian ng konseho upang tugunan ang kinakailangan para sa rekognisyon nito sa Cooperative Development Authority. Nag-ulat din ang bawat kooperatiba sa kasalukuyang kalagayan ng kanilang operasyon at mga programa. Pinag-usapan din sa pulong ang mga aktibidad, programa at proyekto ng lungsod na maaaring kabilangan ng sektor at ang patuloy na pagsuporta ng Pamahalaang Lungsod ng Calaca na pinamumunuan ni City Mayor Nas Ona upang higit na paunlarin ang sektor.

Samantala nagbigay naman ng ulat at paalala ang kinatawan ng CDA, Gng. Elizabeth Arago sa mga dumalong kooperatiba patungkol sa mga kinakailangang dokumento at iba pang programa ng tanggapan.

Patuloy pa rin ang tanggapan sa pagpapalakas sa sektor upang maging katuwang ng lungsod sa pagpapaunlad ng mga komunidad at bawat kasapi nito.

13/03/2026

𝗟𝘂𝗺𝗯𝗮𝗻𝗴 𝗻𝗮 𝗠𝗮𝘁𝗮𝗻𝗱𝗮 𝗙𝗮𝗿𝗺𝗲𝗿𝘀 𝗔𝘀𝘀𝗼𝗰𝗶𝗮𝘁𝗶𝗼𝗻 - 𝗣𝗿𝗼𝗷𝗲𝗰𝘁 𝗘𝘃𝗮𝗹𝘂𝗮𝘁𝗶𝗼𝗻 𝗮𝗻𝗱 𝗠𝗼𝗻𝗶𝘁𝗼𝗿𝗶𝗻𝗴 | 𝟭𝟮 𝗠𝗮𝗿𝘀𝗼 𝟮𝟬𝟮𝟲

Tuloy-tuloy ang pag-agapay ng tanggapan ng City Assistance for Community Development sa Lumbang na Matanda Farmers Association na pinamumunuan ni Pangulong Aniceto Enriquez sa isinagawang Project Evaluation and Monitoring bilang paghahanda sa proyektong Native Chicken Raising mula sa kolaborasyon ng Philippine Coconut Authority (PCA) at Bureau of Animal Industry (BAI).

Kasama ang nakatalagang kawani ng tanggapan, pamunuan ng samahan at mga kinatawan mula sa mga ahensiya ng PCA at BAI ay nagsagawa ng monitoring sa mga kasaping magiging benepesyaryo ng programa upang tiyakin ang kahandaan ng mga ito bago ang pagsisimula ng implementasyon ng proyekto.

Patuloy pa din ang Pamahalaang Lungsod sa pamumuno ni City Mayor Nas Ona sa pamamagitan ng tanggapan ng CACD Calaca City sa pakikipag-ugnayan sa mga iba't ibang ahensiya upang makapaghatid ng serbisyo at programa para sa pagpapaunlad ng bawat Calacazen at mga komunidad sa ating siyudad.

Patunay ng Tamang Gawa sa Lungsod ng Calaca!

12/03/2026

𝗖𝗼𝗿𝗮𝗹 𝗻𝗶 𝗟𝗼𝗽𝗲𝘇 𝗙𝗮𝗿𝗺𝗲𝗿𝘀 𝗔𝘀𝘀𝗼𝗰𝗶𝗮𝘁𝗶𝗼𝗻 - 𝗢𝗳𝗳𝗶𝗰𝗲𝗿𝘀' 𝗠𝗲𝗲𝘁𝗶𝗻𝗴 | 𝟭𝟬 𝗠𝗮𝗿𝘀𝗼 𝟮𝟬𝟮𝟲

Sa pag-agapay ng tanggapan ng City Assistance for Community Development na pinangungunahan ni G. Arnel Lopez, CACD-OIC ay isinagawa ang pagpupulong ng opisyales ng Coral ni Lopez Farmers Association na pinamumunuan ni Pangulong Demetrio Arevalo.

Pangunahing pinagtalakayan ang unang buwang operasyon ng Coral Pure Water Refilling Station kung saan nagkaroon ng pagtatasa ng kalagayang pampinansiya sa proyekto. Binuksan din ang usapin nang pagsasaayos nang pagbabahagi ng kita ng samahan sa mga gugulin at gastusin nito.

Inaasahang patuloy pa ang pag-unlad ng samahan sa operasyon ng proyektong umiiral sa ilalim ng NASA TIYAGA: Programang Pangkabuhayan sa suporta ng Pamahalaang Lungsod sa pamumuno ni City Mayor Nas Ona.

12/03/2026

𝗣𝗮𝗻𝘁𝗮𝘆 𝗙𝗮𝗿𝗺𝗲𝗿𝘀 𝗔𝘀𝘀𝗼𝗰𝗶𝗮𝘁𝗶𝗼𝗻 - 𝗢𝗳𝗳𝗶𝗰𝗲𝗿𝘀' 𝗠𝗲𝗲𝘁𝗶𝗻𝗴 | 𝟭𝟬 𝗠𝗮𝗿𝘀𝗼 𝟮𝟬𝟮𝟲

Sa gabay ng tanggapan ng City Assistance for Community Development na pinangungunahan ni G. Arnel Lopez, CACD-OIC, nagsagawa ng pagpupulong ang mga opisyales ng Pantay Farmers Association na pinamumunuan ni Pangulong Sofio Endaya.

Pinagtalakayan ang pagsusumite ng proposal para sa ninanais na proyektong pangkabuhayan ng samahan na may kaugnayan sa Agricultural Supply Store. Layunin ng pagpupulong na maisaayos ang hanay ng mga kakailanganing datos at pag-aaral sa nasabing proyekto.

Patuloy pa din ang tanggapan sa paghahatid ng serbisyo upang higit na maalalayan ang mga samahan sa patuloy na implementasyon ng NASA TIYAGA: Programang Pangkabuhayan ng Lungsod ng Calaca sa pamumuno ni City Mayor Nas Ona.

10/03/2026

09/03/2026

𝗧𝘂𝗹𝗼𝘆-𝘁𝘂𝗹𝗼𝘆 𝗻𝗮 𝗺𝗼𝗻𝗶𝘁𝗼𝗿𝗶𝗻𝗴 𝗮𝘁 𝗽𝗮𝗴𝗽𝗮𝗽𝗮𝗹𝗮𝘄𝗶𝗴 𝗻𝗴 𝗡𝗔𝗦𝗔 𝗡𝗘𝗚𝗢𝗦𝗬𝗢 𝘀𝗮 𝗺𝗴𝗮 𝘀𝗮𝗺𝗮𝗵𝗮𝗻𝗴 𝗽𝗮𝗻𝗴𝗸𝗮𝗯𝘂𝗵𝗮𝘆𝗮𝗻, 𝗶𝘀𝗶𝗻𝗮𝗴𝗮𝘄𝗮.

Patuloy ang tanggapan ng City Assistance for Community Development na pinangungunahan ni G. Arnel Lopez, CACD-OIC sa isinasagawang monitoring at pagpapalawig ng programang NASA NEGOSYO na bahagi ng suportang pangkabuhayan ng Lungsod ng Calaca sa ilalim ng liderato ni City Mayor Nas Ona.

Sa nagdaang linggo ay binisita ng mga nakatalagang kawani ang barangay Matipok at Salong upang alamin ang kalagayan ng mga indibidwal na proyekto ng mga kasaping benepesyaryo ng programa mula sa NASA MASA -Salong at Pinag-isang Lakas ng mga Mamamayan ng Matipok (PLMM). Tiniyak ang tuloy-tuloy na implementasyon ng programa at pag-agapay sa mga kasapi sa kabuuan ng proyekto.

Samantala, sa pagpapalawig ng programa, limang (5) kasapi naman ng UNITY Dacanlao ang nabigyan ng puhunan para sa kanilang proyektong pangkabuhayan. Inaasahan na magbubunga ito ng patuloy na pag-unlad sa mga benepesyaryo.

Walang tigil ang tanggapan sa paghahatid ng serbisyong may malasakit upang tagumpay ng komunidad ay makamit. Patunay ito ng Tamang Gawa para sa bawat Calacazen.

08/03/2026

📢 𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘
𝐅𝐎𝐔𝐑-𝐃𝐀𝐘 𝐂𝐎𝐌𝐏𝐑𝐄𝐒𝐒𝐄𝐃 𝐖𝐎𝐑𝐊𝐖𝐄𝐄𝐊

Ang Pamahalaang Lungsod ng Calaca ay magpapatupad ng Four-Day Compressed Workweek simula:
📅 March 9, 2026 (Monday)

🕒 Bagong Oras ng Opisina:
Monday – Thursday
7:00 AM – 6:00 PM

📌 PAALALA:
Hindi kabilang sa compressed workweek ang mga tanggapan na may kinalaman sa:
• Disaster Response
• Social Services
• Health-related Services

Ang mga nasabing tanggapan ay maaaring magpatupad ng alternatibong work arrangements upang matiyak ang tuloy-tuloy na pagbibigay ng mahahalagang serbisyo sa publiko.

⚡ Layunin ng Hakbang na Ito:
Suportahan ang energy conservation initiatives ng pambansang pamahalaan alinsunod sa:
• Republic Act No. 11285
• Administrative Order No. 15, s. 2024
• Memorandum Circular No. 114

✔️ Tinitiyak ng Pamahalaang Lungsod na mananatiling episyente at tuloy-tuloy ang serbisyo publiko sa kabila ng ipinatutupad na bagong iskedyul.

🤝 Maraming salamat sa inyong kooperasyon at pag-unawa.

07/03/2026

𝗠𝗴𝗮 𝗽𝘂𝗹𝗼𝗻𝗴 𝗮𝘁 𝗽𝗮𝗴𝗴𝗮𝗯𝗮𝘆 𝘀𝗮 𝗺𝗴𝗮 𝘀𝗮𝗺𝗮𝗵𝗮𝗻𝗴 𝗽𝗮𝗻𝗴𝗸𝗮𝗯𝘂𝗵𝗮𝘆𝗮𝗻, 𝘁𝘂𝗹𝗼𝘆-𝘁𝘂𝗹𝗼𝘆.

Sa gabay ng tanggapan ng City Assistance for Community Development sa pamumuno ni G. Arnel Lopez, CACD-OIC, nagpapatuloy ang mga pagpupulong at mga aktibidad sa mga samahan na may umiiral na proyekto sa ilalim ng NASA TIYAGA: Programang Pangkabuhayan ng Lungsod ng Calaca sa pangunguna ni City Mayor Nas Ona.

Ngayong linggo ay nagtungo ang mga kawani ng tanggapan sa Barangay Taklang Anak upang magsagawa ng joint officers' meeting sa Samahang Agrikultura Gawang Ikauunlad ng Pamayanan (SAGIP) Farmers Association at Kaisahan ng mga Mamamayan sa Pinagpalang Anak (KASAPI) upang pagtalakayan ang mga gawain at aktibidad ng lungsod sa mga darating na buwan. Nagkaroon din ng pag-uulat ng kalagayang pampinansiya at kasalukuyang estado ng mga proyekto ng grupo.

Samantala, bumisita rin ang bagong talagang Community Development Worker sa Barangay Munting Coral upang makipag-ugnayan sa pamunuan ng Samahan ng mga Magbubukid sa Munting Coral (SAMAMUCO).

Tuloy-tuloy pa rin ang tanggapan sa paghahatid ng serbisyong may malasakit at tamang gawa upang mapaunlad ang bawat isang mamamayan at komunidad na kanilang kinabibilangan.

06/03/2026

𝗧𝗲𝗰𝗵𝗻𝗼𝗹𝗼𝗴𝘆 𝗧𝗿𝗮𝗶𝗻𝗶𝗻𝗴 𝗼𝗻 𝗣𝗿𝗼𝗱𝘂𝗰𝘁 𝗣𝗮𝗰𝗸𝗮𝗴𝗶𝗻𝗴 & 𝗟𝗮𝗯𝗲𝗹𝗶𝗻𝗴 | 𝟬𝟲 𝗠𝗮𝗿𝘀𝗼 𝟮𝟬𝟮𝟲

Sa patuloy na pakikipag-ugnayan ng Pamahalaang Lungsod sa pamumuno ni City Mayor Nas Ona sa Department of Science and Technology Region IV-A (CALABARZON) sa tulong ng tanggapan ng City Assistance for Community Development na pinangungunahan ni G. Arnel Lopez, CACD-OIC, isinagawa ngayong araw, Marso 06, 2026 ang Technology Training on Packaging and Labeling para sa mga samahang pangkabuhayan na may mga produkto dito sa ating lungsod.

Pinangunahan ang pagsasanay ng DOST Batangas Provincial Office na pinamumunuan ni Provincial S&T Director Felina Malabanan kung saan naging punong tagapagsanay si G. John Maico Hernandez katuwang si Bb. Anna Marie Marasigan.

Ang pagsasanay ay isinagawa upang bigyan ng dagdag kaalaman ang mga samahang pangkabuhayan sa pagsasaayos ng branding, labeling at packaging content and design upang higit na maging kaaya-aya ang kani-kanilang mga produkto.

Lubos ang pasasalamat ng tanggapan at mga kinatawan ng samahan sa patuloy na paggabay ng tanggapan ng CACD Calaca City at mga ahensiyang nakakatuwang nito sa patuloy na paghahatid ng Tamang Gawa para sa ating mga Calaczens.

Patunay ito nang patuloy na pagseserbisyo nang may malasakit para sa patuloy na pag-unlad ng mga mamamayan at komunidad.

06/03/2026

Congratulations PBE NASA Kaunlaran!

28/02/2026

𝗖𝗮𝗹𝗮𝗰𝗮 𝗖𝗶𝘁𝘆 𝗧𝗢𝗗𝗔 𝗙𝗲𝗱𝗲𝗿𝗮𝘁𝗶𝗼𝗻 𝗠𝗲𝗲𝘁𝗶𝗻𝗴 | 𝟮𝟳 𝗣𝗲𝗯𝗿𝗲𝗿𝗼 𝟮𝟬𝟮𝟲

Sa gabay at pangangasiwa ng tanggapan ng City Assistance for Community Development na pinangungunahan ni G. Arnel Lopez, CACD-OIC, nagsagawa ng pagpupulong ang Calaca City Tricycle Operators and Drivers Associations (TODA) Federation sa pamumuno ni Pangulong Godofredo Espinoza.

Pinagtalakayan sa pulong ang pagsusumite ng bawat Tricycle Operators and Drivers Association (TODA) ng pinakabagong listahan ng mga miyembro at opisyales nito sa tanggapan. Binigyang diin din sa pulong ang usapin ng pagsusumite ng naiisip na proyektong pangkabuhayan ng grupo at ang magiging paghahanda para dito.

Tuloy-tuloy naman ang tanggapan sa paggabay sa iba't ibang sektor kabilang ang transportasyon.

27/02/2026

𝗦𝗮𝗺𝗮𝗵𝗮𝗻 𝗻𝗴 𝗡𝗮𝗴𝗸𝗮𝗸𝗮𝗶𝘀𝗮𝗻𝗴 𝗞𝗮𝗯𝗮𝗯𝗮𝗶𝗵𝗮𝗻 𝘀𝗮 𝗖𝗮𝗹𝘂𝗮𝗻𝗴𝗮𝗻 | 𝟮𝟱 𝗣𝗲𝗯𝗿𝗲𝗿𝗼 𝟮𝟬𝟮𝟲

Sa pangangasiwa ng tanggapan ng City Assistance for Community Development sa pangunguna ni G. Arnel Lopez, CACD-OIC, nagkaroon ng pagtutuos ng kalagayang pampinansiya ng Samahan ng Nagkakaisang Kababaihan sa Caluangan na pinamumunuan ni Pangulong Christine Joy Ozenia.

Nagsagawa ng financial audit ng umiiral na proyektong pangkabuhayan ng samahan upang alamin ang estado ng pananalapi ng samahan at tiyakin ang pagpapatuloy ng Hog Raising Livelihood Project ng grupo na umiiral sa ilalim ng NASA TIYAGA: Programang Pangkabuhayan na sinusuportahan ng pamahalaang lokal sa liderato ni City Mayor Nas Ona.

Pinalawig din ng samahan ang proyekto kung saan ay nagkaroon din 2 benepesyaryo ng hog breeding ang grupo. Kasabay naman ng isinagawang financial audit, isang panibagong benepesyaryo ng NASA NEGOSYO ang ginawaran ng pondo para sa indibidwal na proyektong pangkabuhayan nito.

Tuloy-tuloy ang pag-agapay ng tanggapan upang lahat ng samahan ay mai-angat ang kabuhayan. Patunay ng serbisyong may malasakit at tamang gawa para sa mga mamamayan.