Calamba City Health Services Department

19/08/2026

𝐈𝐖𝐀𝐒 𝐅𝐀𝐊𝐄 𝐍𝐄𝐖𝐒, 𝐏𝐑𝐎𝐓𝐄𝐊𝐓𝐀𝐇𝐀𝐍 𝐀𝐍𝐆 𝐀𝐍𝐀𝐊!

Sa panahon ng social media, mabilis kumalat ang mga maling impormasyon tungkol sa bakuna. Huwag agad maniwala, mag-share, o magpakalat ng post nang hindi sinusuri ang pinagmulan.

❌ “May microchip ang bakuna.”
❌ “Hindi ligtas ang bakuna.”
❌ “Mas delikado ang bakuna kaysa sa sakit.”
❌ “Hindi na kailangan ang bakuna kung mukhang malusog ang bata.”

👉 FACT: Ang measles-rubella vaccine ay ginagamit upang makatulong na maprotektahan ang mga bata laban sa tigdas at tigdas-hangin (measles and rubella).

Bago maniwala sa anumang nakikita online, i-check ang source, magtanong sa health worker, at piliin ang impormasyong mula sa mapagkakatiwalaang health authorities.

Huwag hayaang ang fake news ang magdesisyon para sa kalusugan ng iyong anak.

MAG-VERIFY BAGO MAG-SHARE.

PILIIN ANG FACTS. MAKII SA LIGTAS TIGDAS!** 💉🛡️

18/08/2026

FACTS OVER FEAR: Ligtas ang Bawat Turok 💉

Sa gitna ng patuloy na pagkalat ng maling impormasyon online, ipinapaalala sa publiko na huwag agad maniwala sa hindi beripikadong balita.

Ang Measles-Rubella (MR) vaccine ay ligtas, libre, at epektibo. Lahat ng bakuna ay dumadaan sa mahigpit at masusing pagsusuri upang tiyakin ang kaligtasan at proteksyon ng ating mga anak.

Para sa tamang impormasyon, makipag-ugnayan sa pinakamalapit na Health Center sa inyong lugar!

17/08/2026

📢 Maging Mapanuri sa Impormasyon Tungkol sa MR Vaccine!

Sa dami ng kumakalat na fake news sa social media, mahalagang alamin ang tamang impormasyon mula sa mapagkakatiwalaang sources.

💉 Libre ang Measles-Rubella vaccine, pero hindi ibig sabihin na hindi ito ligtas at epektibo. Ang mga bakunang ginagamit sa National Immunization Program ng DOH ay dumaraan sa mahigpit na pagsusuri upang matiyak ang kalidad, kaligtasan, at bisa nito.

Huwag basta maniwala. Suriin, alamin, at ibahagi ang tama.

Para sa tamang impormasyon tungkol sa MR vaccine, makipag-ugnayan sa pinakamalapit na health center o kumonsulta sa inyong private pediatrician.

12/08/2026

🏥 CITY HEALTH BOARD MEETING | KALUSUGAN ANG PRIORIDAD

Pinangunahan natin ang talakayan sa City Health Board Meeting kung saan tinalakay ang mahahalagang usapin para sa patuloy na pagpapabuti ng serbisyong pangkalusugan sa ating lungsod.
Kabilang sa agenda ang Annual Operational Plan (AOP)—ang ulat sa implementasyon ng 2026 AOP at review ng 2027 AOP—gayundin ang 2027 Annual Budget for Health Proposal.

Pinag-usapan din natin ang nalalapit na pagbubukas ng Calamba City Hospital. Bilang bahagi ng paghahanda, inaprubahan ng Board ang pagpapalit ng pangalan ng ating ospital. Mula ngayon, tatawagin na itong “Pagamutang Rizal ng Calamba.”

Isang hakbang na naman tungo sa mas maayos, mas accessible, at mas de-kalidad na serbisyong pangkalusugan para sa bawat Calambeño. ❤️🏥

12/08/2026

🤝 Stronger collaboration, better support, safer communities.

Noong Agosto 4, 2026, nag sagawa ng Inter-Agency Meeting para sa Student Referral Pathway kabilang ang Mental Health Program sa ilalim ng City Health Services Department, DepEd, City Social Services Department (CSSD), DILG, ABC Representative, at PNP-Calamba upang pag-usapan, magbahagi ng mga ideya, at pag-isipan ang mas malinaw at maayos na proseso ng referral para sa mga estudyanteng nangangailangan ng suporta sa Mental Health, Substance Use, Bullying, at Abuse.

Sa sama-samang pagkilos at pagtutulungan, mas napapalakas natin ang suporta at serbisyong para sa kaligtasan, kapakanan, at kinabukasan ng ating mga kabataan. 🤍

Kung ikaw ay nangangailangan ng tulong tungkol sa iyong mental health, narito ang City of Calamba - Mental Health Program. Maaari kayong mag-iwan ng mensahe sa aming hotline: 0963-903-9283 o di kaya ay sa page na ito, City of Calamba-Mental Health Program.

07/08/2026

NUTRITION MONTH 2026 CULMINATING ACTIVITY💚

Matagumpay na isinagawa ang Nutrition Month 2026 Culminating Activity, isang pagdiriwang na nagbigay-pugay sa mga programa, inisyatiba, at indibidwal na patuloy na nagsusulong ng wastong nutrisyon at mas malusog na pamumuhay para sa bawat Calambeño.

Naging bahagi ng programa ang mga mensahe mula sa mga kinatawan ng Calamba City Health Services Department, Calamba City Nutrition Committee, at mga opisyal ng Lungsod ng Calamba, gayundin ang Nutrition Month 2026 Talking Points, na nagbigay ng mahahalagang impormasyon at inspirasyon tungkol sa kahalagahan ng wastong nutrisyon.

Kinilala at ginawaran ang:
• MELLPI Pro Evaluators
• Top 10 Barangay Nutrition Committees (MELLPI Pro)
• Top 10 Barangay Nutrition Scholars (MELLPI Pro)
• Winners of the Food Cooking Vlog Competition
• Waste Exchange Rewardees

Sa pamamagitan ng pagkakaisa at sama-samang pagkilos, patuloy na naipapakita ang dedikasyon ng Lungsod ng Calamba sa pagtataguyod ng wastong nutrisyon at mas malusog na kinabukasan para sa bawat pamilyang Calambeño.

06/08/2026

MEASLES-RUBELLA SUPPLEMENTAL IMMUNIZATION ACTIVITY (MR SIA)

Amin po kayong Inaanyayahan ang lahat ng mga magulang at tagapag-alaga na makiisa sa Measles-Rubella Supplemental Immunization Activity (MR SIA) at Vitamin A Supplementation (VAS) na gaganapin mula Agosto 10 hanggang Agosto 28, 2026.

Layunin ng programang ito na maprotektahan ang mga bata laban sa tigdas at rubella, at mapanatili ang kanilang malusog na paglaki sa pamamagitan ng pagbibigay ng Vitamin A.

Ligtas, epektibo, at libre ang mga serbisyong ito.

Makipag-ugnayan sa inyong Barangay Health Station para sa iskedyul at karagdagang impormasyon.

Sama-sama nating pangalagaan ang kalusugan ng bawat batang Calambeño para sa

06/08/2026

🍼 Ang Breast Milk ay Sadyang Para sa Iyong Sanggol

Ang gatas ng ina ay hindi lamang pagkain—ito ay likas na iniangkop sa pangangailangan ng iyong sanggol. Nagbabago ang komposisyon nito sa iba't ibang oras ng araw, panahon, habang lumalaki ang sanggol, at maging kapag may karamdaman ang ina o ang sanggol.

💙 Mga benepisyo ng pagpapasuso:
🌙 Nagbibigay ng natural na senyales na oras na para matulog.
💧 Nagdaragdag ng hydration lalo na kapag mainit ang panahon.
🛡️ Naglalaman ng antibodies na tumutulong labanan ang sakit kapag may karamdaman ang ina o ang sanggol.
🌱 Inaangkop ang dami ng taba at mahahalagang sustansya ayon sa paglaki at pag-unlad ng bata.

🤱 Ang bawat patak ng gatas ng ina ay may dalang proteksyon, nutrisyon, at pagmamahal. Patuloy nating suportahan ang pagpapasuso para sa mas malusog na simula ng bawat batang Calambeño.

Breast milk is tailored for your baby and changes throughout the day, with the seasons, as they grow, and to help them fight off illnesses.

Breastfeeding provides
• Signals that it’s time to sleep
• Extra hydration when it’s hot
• Specific antibodies when mum or baby is sick
• Adapted fat content and nutrients as they grow

06/08/2026

🦟 PANAHON NG TAG-ULAN, PANAHON DIN NG PAG-IINGAT LABAN SA DENGUE!

Kasabay ng tag-ulan ay ang pagdami ng mga lamok na maaaring magdala ng dengue. Ang mga naipong tubig sa mga paso, gulong, bote, at iba pang lalagyan ay maaaring maging pamugaran ng lamok.

💧 Protektahan ang iyong sarili at ang iyong pamilya!
✔️ Alisin ang mga naipong tubig sa loob at paligid ng bahay.
✔️ Takpan ang mga imbakan ng tubig.
✔️ Magsuot ng damit na may mahabang manggas at pantalon kung kinakailangan.
✔️ Gumamit ng mosquito repellent at kulambo, lalo na para sa mga bata.
✔️ Panatilihing malinis ang kapaligiran.

⚠️ Alamin ang mga sintomas ng dengue tulad ng mataas na lagnat, matinding pananakit ng ulo, pananakit ng kalamnan at kasukasuan, pantal, at pagdurugo ng ilong o gilagid. Kung makaranas ng mga ito, agad na magpakonsulta sa pinakamalapit na health facility.

💙 Sama-sama nating sugpuin ang dengue. Ang malinis na kapaligiran ay susi sa ligtas at malusog na pamayanan.