Kap Joel Dimapilis

10/05/2026

𝐌𝐚𝐥𝐢𝐠𝐚𝐲𝐚𝐧𝐠 𝐀𝐫𝐚𝐰 𝐧𝐠 𝐦𝐠𝐚 𝐈𝐧𝐚 𝐬𝐚 𝐥𝐚𝐡𝐚𝐭 𝐧𝐠 𝐢𝐥𝐚𝐰 𝐧𝐠 𝐭𝐚𝐡𝐚𝐧𝐚𝐧! 💐

Ngayong Mother’s Day, nais pong bigyang pugay ng Sangguniang Barangay ng Batino ang lahat ng mga ina na walang sawang nagsasakripisyo, nagmamahal, at nagsisilbing lakas at inspirasyon ng bawat pamilya at komunidad.

Maraming salamat po sa inyong walang kapantay na pag aaruga, tiyaga, at pagmamahal na tunay na nagsisilbing pundasyon ng isang matatag at maayos na tahanan.

Dalangin po namin na patuloy kayong pagpalain ng mabuting kalusugan, lakas, at mas marami pang masasayang sandali kasama ang inyong mga mahal sa buhay.

Mula po sa buong Sangguniang Barangay ng Batino, isang mapagpalang Mother’s Day po sa lahat ng mga ilaw ng tahanan! 💙

10/05/2026

𝗞𝗔𝗣. 𝗝𝗢𝗘𝗟 𝗣𝗜𝗡𝗔𝗡𝗚𝗨𝗡𝗔𝗛𝗔𝗡 𝗔𝗡𝗚 𝗢𝗔𝗧𝗛 𝗧𝗔𝗞𝗜𝗡𝗚 𝗡𝗚 𝗠𝗚𝗔 𝗕𝗔𝗚𝗢𝗡𝗚 𝗢𝗣𝗜𝗦𝗬𝗔𝗟 𝗡𝗚 𝗠𝗔𝗗𝗜𝗦𝗢𝗡 𝗦𝗢𝗨𝗧𝗛 𝗛𝗢𝗠𝗘𝗢𝗪𝗡𝗘𝗥𝗦 𝗔𝗦𝗦𝗢𝗖𝗜𝗔𝗧𝗜𝗢𝗡 🤝🏼🫡

Nitong nakaraang Biyernes ay pinangunahan po natin ang oath-taking ng mga bagong halal na opisyal ng Madison South Homeowners Association Incorporated kasama ang ating mga miyembro ng Sangguniang Barangay ng Batino - Calamba City upang saksihan ang kanilang panunumpa ng katapatan sa kanilang mga tungkulin at responsibilidad sa kanilang komunidad.

Matapos ang panunumpa ay personal din nating ipinagkaloob ang ilan sa kanilang mga kahilingang materyales upang mas maayos nilang maisakatuparan ang kanilang mga plano at programa para sa kanilang nasasakupan.

Makakaasa po kayo na ang inyong lingkod kasama ang buong Sangguniang Barangay ng Batino ay patuloy na nakaagapay, nakasuporta, at handang makipagtulungan para sa mas maayos, organisado, at progresibong pamamahala sa bawat komunidad ng ating barangay.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

10/05/2026

07/05/2026

𝗣𝗔𝗚𝗞𝗜𝗟𝗔𝗟𝗔 𝗦𝗔 𝗕𝗔𝗧𝗜𝗡𝗢 𝗗𝗔𝗬 𝗖𝗔𝗥𝗘 𝗖𝗘𝗡𝗧𝗘𝗥 𝗔𝗧 𝗘𝗖𝗖𝗗 𝗣𝗥𝗢𝗩𝗜𝗗𝗘𝗥; 𝗩𝗘𝗥𝗬 𝗖𝗢𝗠𝗣𝗘𝗧𝗘𝗡𝗧 𝗔𝗧 𝗢𝗨𝗧𝗦𝗧𝗔𝗡𝗗𝗜𝗡𝗚! 👏🏻👏🏻👏🏻

Isang makabuluhang pagpapatunay ng patuloy na kahusayan ang natanggap ng Batino Daycare Center matapos opisyal na maipagkaloob ang pagkilala bilang 𝗢𝘂𝘁𝘀𝘁𝗮𝗻𝗱𝗶𝗻𝗴 para sa mahusay nitong pagpapatupad ng early childhood care and development center based programs noong 2022 hanggang sa kasalukuyan.

Kasabay nito, kinilala rin si Ma’am Lucia Sayasa bilang 𝗩𝗲𝗿𝘆 𝗖𝗼𝗺𝗽𝗲𝘁𝗲𝗻𝘁 dahil sa kaniyang dedikasyon at mahusay na pagganap sa paghubog ng mga batang edad 0 hanggang 5 taong gulang, na nagbibigay ng matibay na pundasyon para sa kanilang paglaki at pagkatuto.

Sa pangunguna ni Kap Joel Dimapilis, katuwang ang kasalukuyang Education Committee Chairperson Kagawad Angelou Oña at dating committee chairperson, Kagawad Elsa Gatdula patuloy ang buong suporta ng Sangguniang Barangay ng Batino sa mga programang pang-edukasyon para sa kabataan.

Ang pagkilalang ito ay hindi lamang isang parangal kundi isang kumpirmasyon ng tuloy-tuloy na kalidad ng serbisyo at dedikasyon ng Batino Daycare Center sa pagbibigay ng dekalidad na early childhood education.

Patuloy po tayong naniniwala na ang maayos na pundasyon sa edukasyon ng kabataan ay susi sa mas maliwanag at mas maunlad na kinabukasan ng Batineño.

Muli, congratulations at mabuhay ang Barangay Batino! 🎉💙

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

05/05/2026

𝗠𝗮𝘆 𝟱, 𝟮𝟬𝟮𝟲 | 𝗟𝗜𝗚𝗔 𝗡𝗚 𝗠𝗚𝗔 𝗕𝗔𝗥𝗔𝗡𝗚𝗔𝗬 𝗠𝗘𝗘𝗧𝗜𝗡𝗚 🫱🏻‍🫲🏼

Ngayong araw, dumalo po tayo sa Regular Monthly Meeting ng Liga ng mga Barangay na ginanap sa DILG Conference Hall, kung saan tinalakay ang mahahalagang usapin na may direktang epekto sa ating mga komunidad.

Isa sa mga pangunahing napag-usapan ay ang pagpapaliban ng mga liga at ilang cultural activities sa lungsod, alinsunod sa umiiral na direktiba ng ating pamahalaang lungsod. Nilinaw rin ito sa pakikipag-ugnayan sa iba’t ibang sektor, kabilang ang mga kinatawan ng Sangguniang Kabataan Federation sa pangunguna ni Councilor Rally Bustria, at Ma’am Karla Boholano mula sa tanggapan ng turismo.

Sa pangunguna ni ABC President, Councilor Eddie Silva, nagkaisa ang Liga ng mga Barangay at SK Federation na pansamantalang ipagpaliban ang mga paliga at malalaking aktibidad habang patuloy na binabantayan ang kasalukuyang sitwasyon, lalo na ang epekto ng pagtaas ng presyo ng langis at mga bilihin. Binigyang-diin na sa ngayon, mas mahalagang ituon ang ating mga hakbang sa mga pangunahing pangangailangan ng mamamayan.

Tinalakay rin ang maagang paghahanda para sa inventory at turnover ng Sangguniang Barangay at Sangguniang Kabataan, bilang bahagi ng pagiging handa sa mga susunod na kaganapan. Kasabay nito, pinaalalahanan ang lahat na i-update ang kanilang mga Full Disclosure Policy Board, pagsusumite ng mga kinakailangang ulat, at patuloy na pagpapatupad ng mga umiiral na ordinansa ng lungsod at barangay.

Patuloy po tayong nakikiisa at nakikipag-ugnayan upang matiyak na ang bawat desisyon ay para sa kapakanan ng ating mga kabarangay.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

04/05/2026

𝗠𝗔𝗟𝗜𝗚𝗔𝗬𝗔𝗡𝗚 𝗞𝗔𝗔𝗥𝗔𝗪𝗔𝗡, 𝗣𝗔𝗣𝗔 𝗣! 🎉

Isang taos-pusong pagbati sa ating dating Punong Barangay ng Barangay Batino at kasalukuyang Konsehal ng Lungsod, ang nag-iisang Konsehal Pio "Papa P" Dimapilis.

Maraming salamat po sa inyong patuloy na pagmamahal at walang sawang paglilingkod hindi lamang sa ating barangay, kundi sa buong Calamba City. Ang inyong dedikasyon at malasakit ay patuloy na nagsisilbing inspirasyon sa marami.

Nawa’y patuloy kayong pagpalain ng mahabang buhay, matibay na kalusugan, at lakas upang mas marami pa kayong matulungan at mapaglingkuran.

Muli, maligayang kaarawan po! 🎂💙

04/05/2026

𝗠𝗔𝗦𝗜𝗚𝗟𝗔𝗡𝗚 𝗨𝗡𝗔𝗡𝗚 𝗟𝗨𝗡𝗘𝗦 𝗡𝗚 𝗠𝗔𝗬𝗢 🫡

Sa pagsisimula ng bagong buwan, pinangunahan po natin ang regular na sesyon ng Sangguniang Barangay ng Batino kasama ang ating mga kagawad at SK na may kumpletong attendance, patunay ng ating sama-samang dedikasyon sa paglilingkod.

Sa ating pagpupulong, tinalakay po natin ang mga plano para sa buwan ng Mayo, mga updates mula sa bawat komite, mga pending na usapin, pati na rin ang mga patuloy at nalalapit na proyekto ng barangay, kabilang ang ating mga programang pangkalusugan at iba pang serbisyong direktang nakatutok sa pangangailangan ng ating mga kabarangay.

Matapos nito, dumalo rin po tayo sa ginanap na monthly meeting ng Lupong Tagapamayapa kung saan napag-usapan ang mga kasalukuyang kaso, mga naresolbang usapin, at ang patuloy na pagpapaigting ng maayos at mapayapang pagresolba ng mga alitan sa ating komunidad.

Patuloy po nating pinapahalagahan ang maayos na pamamahala, koordinasyon, at pagkakaisa upang mas mapabilis at mapabuti ang ating serbisyo para sa bawat Batineño.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

28/04/2026

𝗔𝗽𝗿𝗶𝗹 𝟮𝟳, 𝟮𝟬𝟮𝟲 | 𝗠𝗚𝗔 𝗕𝗣𝗦𝗢 𝗡𝗚 𝗕𝗔𝗧𝗜𝗡𝗢, 𝗣𝗜𝗡𝗔𝗥𝗔𝗡𝗚𝗔𝗟𝗔𝗡 𝗗𝗔𝗛𝗜𝗟 𝗦𝗔 𝗡𝗔𝗧𝗔𝗧𝗔𝗡𝗚𝗜𝗡𝗚 𝗦𝗘𝗥𝗕𝗜𝗦𝗬𝗢 𝗦𝗔 𝗞𝗔𝗣𝗔𝗬𝗔𝗣𝗔𝗔𝗡 𝗔𝗧 𝗞𝗔𝗔𝗬𝗨𝗦𝗔𝗡 🫡👏🏻

Nitong Lunes, dumalo po tayo sa ginanap na Traditional Flag-Raising Ceremony ng Calamba City Police Station, kung saan pinarangalan ang ilan sa ating mga masisipag na barangay personnel.

Lubos po nating ipinagmamalaki ang pagkilala sa ating BPSO Chief na si Amador Dimapilis at Imbestigador na si Elizabeth Fonacier, bilang patunay ng kanilang mahusay na pagganap sa tungkulin na nagbunga ng matagumpay na operasyon laban sa mga lumalabag sa batas.

Ang programa ay pinangunahan ni PLtCol Dennis C. de Guzman, Chief of Police ng Calamba, at dinaluhan din ng iba pang barangay na kabilang sa mga kinilala. Nagbigay rin ng mensahe ang panauhing pandangal na si Ms. Maria Anna Parchamento mula sa Pioneer Adhesives Incorporated.

Kasama rin po natin si Kagawad Elsa Gatdula, Chairperson on Peace and Order, na patuloy na gumagabay sa ating mga programa para sa kapayapaan at kaayusan.

Binigyang-diin din sa programa ang kahalagahan ng pakikipagtulungan ng mga barangay at ng kapulisan, lalo na’t limitado ang bilang ng ating mga pulis sa lungsod. Dito lalong napapatunayan ang mahalagang papel ng ating mga BPSO sa pagpapanatili ng seguridad sa komunidad.

Nagpaabot din ng suporta ang ating ABC President, Councilor Eddie Silva, na nagbigay din ng munting regalo sa ating mga awardees.

Isang karangalan po para sa atin ang ganitong pagkilala—patunay na ang dedikasyon sa serbisyo ay tunay na pinahahalagahan.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨