PNP Tagapagsanay

28/02/2025

28/02/2025

Gospel: Mark 9:30-37
Reflection: True Measure of Greatness
February 25, 2025

28/02/2025

PNP NASAGIP ANG NAWAWALANG 14-ANYOS NA TSINO SA PARAÑAQUE

Sa isang mabilis at maingat na operasyon, matagumpay na natunton at nasagip ng Philippine National Police Anti-Kidnapping Group (PNP-AKG), katuwang ang Armed Forces of the Philippines at National Capital Region Police Office (NCRPO), ang nawawalang 14-anyos na Chinese national na natagpuan sa Macapagal Avenue, Parañaque City noong gabi ng Pebrero 25, 2025.

Agad na naibalik ang menor de edad sa kanyang ama at dinala sa pinakamalapit na hospital para sa medical examination upang matiyak ang kanyang kalagayan.

Pinuri ni PNP Chief, Police General Rommel Francisco Marbil, ang mabilis at epektibong aksyon ng mga operatiba, na patunay ng dedikasyon ng PNP sa seguridad at kapayapaan.

"Ang pagsagip na ito ay patunay ng ating matibay na paninindigan sa proteksyon ng lahat ng mamamayan sa ating bansa. Hindi natin hahayaang mamayani ang takot sa ating mga komunidad," pahayag ni PGen. Marbil.

Binigyang-diin din ng mga awtoridad na walang ransom na ibinayad sa insidenteng ito, na nagpapakita ng matatag na paninindigan ng PNP laban sa anumang uri ng pananamantala at ilegal na gawain.

Dagdag pa ni PGen. Marbil, “Patuloy nating paiigtingin ang ating intelligence-gathering at operasyon upang maiwasan ang ganitong mga insidente. Ang kaligtasan ng lahat—Pilipino man o dayuhan—ang ating pangunahing prayoridad.”

Ang matagumpay na operasyong ito ay alinsunod sa mas pinaigting na kampanya ng pamahalaan sa ilalim ng pamumuno ni Pangulong Ferdinand R. Marcos Jr. upang mapanatili ang kapayapaan at kaayusan sa buong bansa.

Patuloy ang imbestigasyon upang malaman ang buong detalye ng insidente at matukoy ang mga nasa likod nito. Hinihikayat ng PNP ang publiko na manatiling mapagmatyag at agad iulat sa mga awtoridad ang anumang kahina-hinalang aktibidad.

28/02/2025

Gospel: Mark 9:38-40
Reflection: Inclusivity vs. Exclusivity
February 26, 2025

28/02/2025

Gospel: Mark 9:41-40
Reflection: Discipleship
February 27, 2025

28/02/2025

PNP STATEMENT SA UMANONG LEAKED MEMORANDUM

Pinanghahawakan ng Philippine National Police (PNP) ang pinakamataas na antas ng transparency, accountability, at integridad sa lahat ng aming operasyon at komunikasyon. Batid namin ang mga ulat tungkol sa isang umano’y leaked memorandum, at kasalukuyan naming bine-verify ang authenticity at konteksto nito.

Hindi kinukunsinti ng PNP ang anumang pagtatangkang manipulahin ang opinyon ng publiko o ilihis ang atensyon mula sa mahahalagang usapin. Naninindigan kami sa accountability at due process sa paghawak ng anumang paglabag na kinasasangkutan ng aming mga tauhan.

Patuloy din ang PNP sa pakikipag-ugnayan sa publiko sa tapat at responsableng paraan. Hinihikayat namin ang lahat na kumuha ng impormasyon mula sa mga mapagkakatiwalaang sources upang maiwasan ang maling balita at espekulasyon.

Mananatili ang PNP sa layunin nitong maglingkod at magprotekta sa sambayanang Pilipino nang may integridad, propesyonalismo, at paggalang sa batas.

28/02/2025

Gospel: Mark 10:1-12
Reflection: Adherence to Gods Plan!
February 28, 2025

21/02/2025

Snappy Salute Sir! 🫡
Rest in Paradise Sir!

21/02/2025

STUDENT PILOT AT INSTRUCTOR, LIGTAS MATAPOS ANG EMERGENCY LANDING; PNP AIR UNIT, AGAD NA RUMESPONDE

Pinatunayan ng Philippine National Police (PNP) Air Unit ang kanilang mabilis na aksyon at dedikasyon sa kaligtasan ng publiko matapos silang agad tumugon sa distress call mula sa isang Piper Tomahawk aircraft na kinailangang mag-emergency landing noong Pebrero 19, 2025.

Ayon sa report, bandang 9:47 AM, habang nagsasagawa ng proficiency flight gamit ang PNP Robinson R44 helicopter, natanggap ng crew—na pinangungunahan ni Pilot-In-Command PMAJ Bjorn Nicole A. Blanes, Co-Pilot PMAJ Junedel S. Mormolindo, at PCPT Benedict DT De Guzman—ang distress signal mula sa Piper Tomahawk RP-C1085. Ang naturang eroplano, na pinapatakbo ng Fliteline Aviation, ay napilitang mag-emergency landing sa isang palayan sa Brgy. Langlagan, Plaridel, Bulacan.

Mabilis na rumesponde ang PNP Air Unit at agad na nakarating sa crash site upang suriin ang sitwasyon at tiyakin ang kaligtasan ng mga sakay nito—sina Flight Instructor Capt. Valentin Torres III at Student Pilot Mr. David Cabrera. Sa kabutihang palad, parehong ligtas ang dalawang piloto. Matapos makumpirma ang kanilang kalagayan, agad ding nakipag-ugnayan ang mga tauhan ng PNP sa Plaridel Municipal Police Station at Aviation Security Unit 3 (AVSEU 3) bago ipinaubaya ang insidente at ipinagpatuloy ang kanilang flight mission.

Nagpahayag ng pasasalamat si PNP Chief, Police General Rommel Francisco Marbil, sa maagap na tugon ng PNP Air Unit, at pinuri ang kanilang propesyonalismo at dedikasyon sa paglilingkod, na lampas pa sa tungkulin ng pagpapanatili ng kapayapaan at kaayusan.

"Ipinapakita ng matagumpay na rescue operation na ito ang ating pagsunod sa hangarin ng Pangulo para sa Bagong Pilipinas—isang pamahalaang epektibo at maagap sa kapakanan ng mamamayan. Ang tapang at mabilis na aksyon ng ating mga piloto ay patunay ng tungkulin ng PNP na maglingkod at protektahan, hindi lang sa lupa kundi pati sa himpapawid," ani PGen. Marbil.

Binigyang-diin din ng Chief PNP ang direktiba ni Pangulong Ferdinand R. Marcos Jr. na patuloy na palakasin ang epektibong pagpapatupad ng batas at pampublikong serbisyo sa Bagong Pilipinas. "Sa ilalim ng pamumuno ng ating Pangulo, patuloy nating pinapatunayan na karapat-dapat tayo sa tiwala ng taumbayan sa pamamagitan ng tapat na serbisyo. Ang insidenteng ito ay patunay na ang ating hanay ay laging handang umaksyon sa anumang emergency situation," dagdag pa niya.

Ang PNP ay nananatiling matatag sa kanyang misyon na tiyakin ang kaligtasan ng publiko, patuloy na pinapalakas ang kakayahan nito upang mabilis at epektibong tumugon sa mga di inaasahang pangyayari—tinitiyak na sa Bagong Pilipinas, Ang Gusto ng Pulis: Ligtas Ka!

21/02/2025