Sangguniang Barangay ng Batino - Calamba City

24/05/2026

𝗛𝗔𝗣𝗣𝗬 𝗕𝗜𝗥𝗧𝗛𝗗𝗔𝗬, 𝗞𝗢𝗡𝗦𝗜 𝗚𝗘𝗟𝗢𝗨! 🎉💙

Isang Maligayang Kaarawan sa ating Chairperson ng Committee on Education ng Sangguniang Barangay ng Batino, Kagawad Angelou Oña.

Maraming salamat sa inyong patuloy na dedikasyon, malasakit, at suporta lalo na sa mga programang pang edukasyon para sa ating mga kabataan at komunidad.

Nawa’y patuloy kayong pagpalain ng mabuting kalusugan, lakas, tagumpay, at mas marami pang taon ng masayang paglilingkod para sa ating mga kabarangay.

Mula sa inyong pamilya sa Sangguniang Barangay ng Batino, maligayang kaarawan, Konsi Gelou! 🎂 🎉💙

21/05/2026

21/05/2026

𝗠𝗮𝘆 𝟮𝟬, 𝟮𝟬𝟮𝟲 | 𝗛𝗲𝗮𝗹𝘁𝗵𝘆 𝗬𝗼𝘂𝗻𝗴 𝗢𝗻𝗲𝘀 𝗢𝗿𝗶𝗲𝗻𝘁𝗮𝘁𝗶𝗼𝗻 𝗼𝗻 𝗧𝗲𝗲𝗻𝗮𝗴𝗲 𝗣𝗿𝗲𝗴𝗻𝗮𝗻𝗰𝘆 𝗣𝗿𝗲𝘃𝗲𝗻𝘁𝗶𝗼𝗻 👩🏻‍🏫💡

Matagumpay na isinagawa nitong Miyerkules, Mayo 20, sa opisina ng Lupong Tagapamayapa ang programang “Healthy Young Ones” Orientation on Teenage Pregnancy Prevention na dinaluhan ng mga kabataang Batineño upang mapalawak ang kanilang kaalaman tungkol sa puberty, adolescence, responsible decision making, at pag iwas sa maagang pagbubuntis.

Layunin ng programa na mabigyan ng tamang impormasyon hindi lamang ang mga kabataang kababaihan kundi maging ang mga kalalakihan tungkol sa mga myths at facts kaugnay ng adolescence at teenage pregnancy upang mas maging handa sila sa kanilang pag transition mula childhood patungo sa puberty at adolescence.

Sa kaniyang opening remarks, binigyang diin ni Kap Joel Dimapilis ang kahalagahan ng pagbibigay ng sapat na edukasyon sa murang edad tungkol sa mga sensitibo ngunit napakahalagang paksa tulad ng teenage pregnancy prevention. Ayon sa kanya, mahalagang maunawaan ng mga kabataan ang mga posibleng epekto at responsibilidad upang mas makagawa sila ng tama at responsableng desisyon habang sila ay lumalaki.

Nagsilbing resource speakers sina Ms. Nina Mariz N. Barachina, RN, MAN na siyang Nurse II - AHDP and FTP Coordinator, Ms. Germaine V. Malijan, RN na COS Nurse 1 - Assistant AHDP Coordinator, Dianne R. Ignacio, RM, at Vivian T. Makaraeg, RN na nagbigay ng mahahalagang lecture at diskusyon para sa mga dumalong kabataan.

Naging mas masaya at interactive rin ang programa sa pamamagitan ng educational games, question and answer activities, at iba’t ibang participation activities na mas lalong nagpalalim ng pagkatuto ng mga kabataan. Bilang bahagi rin ng programa, nakatanggap ang mga participants ng hygiene at health kits bilang suporta sa kanilang kalusugan at personal hygiene.

Labis ding ikinatuwa ng mga dumalo ang libreng lunch mula sa McDonald’s na handog ng Sangguniang Kabataan ng Batino .

Ang Sangguniang Kabataan ng Batino sa pangunguna ni SK Chairman Johnlorenze Oruga at Sangguniang Barangay sa pamumuno ng ating Punong Barangay Joel Dimapilis katuwang si Health Committee Chairperson Kagawad Leony Pamote ay nagpapasalamat rin kina Nurse Cyreen, BNS Marilou Samalea, mga Barangay Health Workers, volunteers, at lahat ng tumulong upang maisakatuparan ang makabuluhang programang ito para sa kabataan.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

21/05/2026

𝗠𝗮𝘆 𝟮𝟬, 𝟮𝟬𝟮𝟲 | 𝗚𝗔𝗟𝗜𝗡𝗚 𝗔𝗧 𝗣𝗔𝗚𝗞𝗔𝗞𝗔𝗜𝗦𝗔 𝗡𝗚 𝗕𝗔𝗧𝗜𝗡𝗢 𝗕𝗖𝗔 𝗢𝗙𝗙𝗜𝗖𝗘𝗥𝗦 𝗠𝗨𝗟𝗜𝗡𝗚 𝗣𝗜𝗡𝗔𝗠𝗔𝗟𝗔𝗦 𝗦𝗔 𝗕𝗖𝗔 𝗦𝗣𝗢𝗥𝗧𝗦 𝗙𝗘𝗦𝗧 𝟮𝟬𝟮𝟲 👩🏻🧑🏻

Nagmistulang sentro ng saya, laro, at pagkakaisa ang Batino Covered Court matapos matagumpay na idaos dito ang BCA Sports Fest 2026 kung saan aktibong nakilahok at muling nagpamalas ng husay ang mga opisyal ng Barangay Children’s Association - Batino.

Kasama ng ating mga kabataan ang iba’t ibang barangay mula sa kanilang cluster kabilang ang Prinza, Uwisan, Paciano Rizal, Bucal, Parian, San Cristobal, Mayapa, Lawa, at Mapagong sa isang buong araw ng Larong Pinoy at recreational activities na pinangunahan ni Sir Aaron Esquinas sa ilalim ng City Social Services Department ng City Government ng Calamba.

Isa isang sinubukan ng ating mga BCA officers ang iba’t ibang tradisyunal na laro tulad ng sack race, batuhang bola, tiko, luksong lubid, kadang kadang sa bao, traditional wheel rolling, at patintero. Sa bawat laban ay kapansin pansin ang ipinakitang sigla, disiplina, teamwork, at sportsmanship ng ating mga kabataan habang buong pusong kinakatawan ang Barangay Batino.

Bagamat hindi man nasungkit ang ilan sa mga titulo, panalo naman sa puso at karanasan ang ating mga kabataang Batineño na buong tapang at kumpiyansang ipinakita ang kanilang talento at magandang samahan. Higit sa kompetisyon, naging pagkakataon din ang aktibidad upang mas mapalakas ang pagkakaibigan, respeto, at pakikipagkapwa sa pagitan ng mga kabataan mula sa iba’t ibang barangay.

Naging matagumpay rin ang paghohost ng Barangay Batino sa nasabing aktibidad kung saan ipinakita ng ating komunidad ang pagiging maayos, welcoming, at hospitable sa mga panauhing dumalo sa programa.

Patuloy namang nakaagapay at gumagabay sa ating mga kabataan ang kanilang BCA Mentor na si Kagawad Elsa Gatdula katuwang ang buong suporta ni Kap Joel Dimapilis at ng buong Sangguniang Barangay sa mga programang nagbibigay pagkakataon sa kabataan na malinang ang kanilang talento, tiwala sa sarili, at pakikipagkapwa.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

20/05/2026

Calambeños, are you ready?

Kaisa ang Pamahalaang Lungsod ng Calamba, buong pusong naghahanda para sa nalalapit na pagbubukas ng panibagong pasukan!

Abangan ang mga espesyal na sorpresa at inisyatiba na inihahanda namin para sa ating mga mag-aaral at kabataan ngayong taon.

19/05/2026

𝗣𝗔𝗔𝗡𝗬𝗔𝗬𝗔 | 𝗛𝗘𝗔𝗟𝗧𝗛𝗬 𝗬𝗢𝗨𝗡𝗚 𝗢𝗡𝗘𝗦 𝗦𝗘𝗠𝗜𝗡𝗔𝗥

Inaanyayahan po ang lahat ng kabataan edad 𝟭𝟬 𝗵𝗮𝗻𝗴𝗴𝗮𝗻𝗴 𝟭𝟵 𝘁𝗮𝗼𝗻𝗴 𝗴𝘂𝗹𝗮𝗻𝗴 na makiisa sa programang pinamagatang “Healthy Young Ones” isang orientation ukol sa 𝙩𝙚𝙚𝙣𝙖𝙜𝙚 𝙥𝙧𝙚𝙜𝙣𝙖𝙣𝙘𝙮 𝙥𝙧𝙚𝙫𝙚𝙣𝙩𝙞𝙤𝙣.

Layunin po ng programang ito na mapalawak ang kaalaman ng ating mga kabataan hindi lamang ng mga kababaihan kundi pati na rin ng mga kalalakihan tungkol sa kahalagahan ng tamang impormasyon, responsableng pagdedesisyon, at pag iwas sa maagang pagbubuntis.

Sa patuloy na pagtaas ng kaso ng teenage pregnancy hindi lamang sa ating lugar kundi maging sa buong bansa, mahalagang mabigyan ng sapat na kaalaman at gabay ang ating kabataan lalo na sa yugto ng puberty hanggang young adulthood.

Ang programang ito ay handog ng Sangguniang Barangay ng Batino - Calamba City sa pangunguna ng ating Punong Barangay Kap Joel Dimapilis katuwang ang Sangguniang Kabataan ng Batino sa pangunguna ni SK Chairman Johnlorenze Oruga.

Magsisilbing resource speakers sina:

• Nina Mariz N. Barachina, RN, MAN
• Germaine V. Malijan, RN
• Dianne R. Ignacio, RM

Magkakaroon po ng lecture discussion, question and answer portion, at munting token giving mula sa ating Sangguniang Kabataan.

📍 Kita kits po tayo bukas!
⏰ 8:00 AM hanggang 12:00 NN

Sama sama po tayong matuto para sa mas ligtas, mas maalam, at mas responsableng kinabukasan ng ating kabataan.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

18/05/2026

𝗠𝗮𝘆 𝟭𝟴, 𝟮𝟬𝟮𝟲 | 𝗧𝗥𝗔𝗕𝗔𝗛𝗢 𝗔𝗚𝗔𝗗 𝗦𝗔 𝗣𝗔𝗚𝗦𝗜𝗦𝗜𝗠𝗨𝗟𝗔 𝗡𝗚 𝗟𝗜𝗡𝗚𝗚𝗢 𝗣𝗔𝗥𝗔 𝗦𝗔 𝗕𝗔𝗧𝗜𝗡𝗢 🫡💙

Sinimulan ng Sangguniang Barangay ng Batino ang panibagong linggo sa pamamagitan ng flag raising ceremony na dinaluhan ng mga miyembro ng Sangguniang Barangay at mga kawani ng barangay.

Matapos ang seremonya ay agad namang nagsagawa ng regular session kung saan tinalakay ang mga committee reports, updates sa mga programa at proyekto ng barangay, gayundin ang mga paghahanda para sa nalalapit na Flores de Mayo Grand Alay.

Pangungunahan nina Kap Joel Dimapilis, Kagawad Elsa Gatdula, Kagawad Leony Pamote, at Barangay Treasurer Henaro Motel, habang magsisilbing bagong Hermana naman ngayong taon si Kagawad Angelou Oña.

Patuloy pong nagsisikap at nagtatrabaho ang ating mga opisyal at kawani upang masiguro ang maayos na paghahatid ng serbisyo para sa bawat Batineño. Mabilis man ang paglipas ng panahon at marami pang kailangang gawin, nananatiling tuloy tuloy ang pagkilos at pagtutulungan para sa ikauunlad ng ating barangay.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

16/05/2026

𝗠𝗮𝘆 𝟭𝟱, 𝟮𝟬𝟮𝟲 | 𝗟𝗜𝗕𝗥𝗘𝗡𝗚 𝗧𝗨𝗟𝗜 𝗣𝗔𝗥𝗔 𝗦𝗔 𝗠𝗚𝗔 𝗕𝗔𝗧𝗔𝗡𝗚 𝗕𝗔𝗧𝗜𝗡𝗢 🤏🏻

Nitong nakaraang Biyernes, ika-15 ng Mayo, ay matagumpay na naisagawa ang libreng tuli handog ng Sangguniang Barangay ng Batino sa pangunguna ni Kap Joel Dimapilis kung saan halos 30 kabataan ang nabigyan ng pagkakataong makalahok sa nasabing programa.

Personal ding nagbigay suporta at pakikiisa ang mga miyembro ng Sangguniang Barangay bilang pagpapakita ng kanilang malasakit at paggabay sa ating mga kabataang unti-unting tumatahak sa yugto ng pagbibinata.

Nagpaabot din ng buong suporta si Konsehal Pio "Papa P" Dimapilis bilang pakikiisa sa programang naglalayong makatulong sa ating mga kabarangay.

Hindi rin pinabayaan ang ating mga kabataan bago at matapos ang operasyon dahil naghanda rin ng libreng snacks at gamot para sa lahat ng mga batang nakiisa sa programa upang makatulong sa kanilang pagpapalakas at mabawasan ang kaba at pag aalala na kanilang nararamdaman.

Katuwang din ng programa ang Sangguniang Kabataan ng Barangay Batino sa pangunguna ni SK Chairman Johnlorenze Oruga na nagbigay rin ng buong suporta para sa tagumpay ng aktibidad.

Ang libreng tuli ay pinangunahan ni Dra. Gieliane Baylon kasama ang mga health workers at volunteers na nagsikap upang maging maayos, ligtas, at matagumpay ang buong programa. Nakiisa rin si Nurse Cyreen na nagbigay saya at pag aalaga sa ating mga kabataan upang maging magaan at komportable ang kanilang karanasan.

Patuloy po ang paghahatid ng mga programang may malasakit para sa kalusugan at kapakanan ng bawat Batineño.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨

14/05/2026

Yung mga nagpalista po sa ating Libreng Tuli, maaari na po kayong pumunta sa ating Barangay 8am-12nn.

13/05/2026

𝗕𝗔𝗧𝗜𝗡𝗢 𝗕𝗖𝗔 𝗡𝗔𝗞𝗜𝗜𝗦𝗔 𝗦𝗔 𝗣𝗔𝗚𝗕𝗨𝗕𝗨𝗞𝗔𝗦 𝗡𝗚 𝗥𝗘𝗖𝗥𝗘𝗔𝗧𝗜𝗢𝗡𝗔𝗟 𝗔𝗖𝗧𝗜𝗩𝗜𝗧𝗬 𝟮𝟬𝟮𝟲 🙌🏻💙

Nitong nakaraang Lunes ay nakilahok ang mga opisyal ng Barangay Children’s Association ng Barangay Batino sa ginanap na opening ceremony ng Recreational Activity 2026 na may temang “𝙇𝙖𝙠𝙖𝙨, 𝙂𝙖𝙡𝙞𝙣𝙜 𝙖𝙩 𝙋𝙖𝙜𝙠𝙖𝙠𝙖𝙞𝙨𝙖: 𝘽𝘾𝘼, 𝘽𝙪𝙝𝙖𝙮 𝙖𝙣𝙜 𝙇𝙖𝙧𝙤𝙣𝙜 𝙋𝙞𝙣𝙤𝙮 𝙨𝙖 𝘾𝙖𝙡𝙖𝙢𝘽𝘼𝙂𝙊𝙉𝙂 𝙋𝙖𝙣𝙖𝙝𝙤𝙣.”

Ang nasabing programa ay proyekto ng City Government of Calamba sa pamamagitan ng City Social Services Department katuwang ang City Council for the Protection of Children.

Bilang bahagi ng programa, nakiisa ang ating mga masisipag at mahuhusay na BCA officers sa parada mula Jose Rizal Coliseum patungo sa venue ng opening ceremony kung saan isa isang ipinakilala ang mga kinatawan ng bawat barangay.

Kasama rin ng ating mga kabataan ang kanilang mentor na si Peace and Order Committee Chairperson Kagawad Elsa Gatdula, na patuloy na gumagabay at sumusuporta sa ating mga youth programs, sa pangunguna ni Kap Joel Dimapilis katuwang ang buong Sangguniang Barangay ng Batino.

Ang Recreational Activity 2026 ay inaasahang magtatagal hanggang katapusan ng buwan ng Mayo at magsisilbing oportunidad upang maipakita ng ating mga kabataan ang kanilang talento, disiplina, pakikipagkaisa, at sportsmanship.

Abangan din po ang iba pang schedule ng mga aktibidad na iaanunsyo ng lungsod, kabilang ang ilan sa mga sports events na gaganapin mismo sa Batino Covered Court kasama ang iba pang barangay sa ating cluster.

🟦 𝙏𝙖𝙤 𝙖𝙣𝙜 𝙎𝙚𝙣𝙩𝙧𝙤. 𝘽𝘼𝙏𝙄𝙉𝙊, 𝙏𝙪𝙡𝙪𝙮-𝙩𝙪𝙡𝙤𝙮 𝙖𝙣𝙜 𝘼𝙨𝙚𝙣𝙨𝙤! ✨