PHO Oriental Mindoro

03/09/2026

As of September 2, 2026
PGOM HOSPITALS' BED OCCUPANCY TRACKER

03/09/2026

🧠💚 𝐋𝐔𝐒𝐎𝐆 𝐈𝐒𝐈𝐏, 𝐋𝐈𝐆𝐓𝐀𝐒 𝐊𝐀𝐓𝐀𝐖𝐀𝐍: 𝐈𝐰𝐚𝐬 𝐃𝐫𝐨𝐠𝐚, 𝐈𝐧𝐠𝐚𝐭 𝐬𝐚 𝐒𝐓𝐈/𝐇𝐈𝐕/𝐀𝐈𝐃𝐒, 𝐀𝐥𝐚𝐠𝐚 𝐚𝐧𝐠 𝐈𝐬𝐢𝐩𝐚𝐧

Kasalukuyang nagaganap ngayong araw ang health promotion activity na “𝐋𝐮𝐬𝐨𝐠 𝐈𝐬𝐢𝐩, 𝐋𝐢𝐠𝐭𝐚𝐬 𝐊𝐚𝐭𝐚𝐰𝐚𝐧: 𝐈𝐰𝐚𝐬 𝐃𝐫𝐨𝐠𝐚, 𝐈𝐧𝐠𝐚𝐭 𝐬𝐚 𝐒𝐓𝐈/𝐇𝐈𝐕/𝐀𝐈𝐃𝐒, 𝐀𝐥𝐚𝐠𝐚 𝐚𝐧𝐠 𝐈𝐬𝐢𝐩𝐚𝐧” sa 𝐏𝐚𝐠-𝐚𝐬𝐚 𝐍𝐚𝐭𝐢𝐨𝐧𝐚𝐥 𝐇𝐢𝐠𝐡 𝐒𝐜𝐡𝐨𝐨𝐥, 𝐁𝐫𝐠𝐲. 𝐏𝐚𝐠-𝐚𝐬𝐚, 𝐁𝐚𝐧𝐬𝐮𝐝, 𝐎𝐫𝐢𝐞𝐧𝐭𝐚𝐥 𝐌𝐢𝐧𝐝𝐨𝐫𝐨, sa pangunguna ng 𝐏𝐫𝐨𝐯𝐢𝐧𝐜𝐢𝐚𝐥 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞 (𝐏𝐇𝐎), katuwang ang 𝐌𝐮𝐧𝐢𝐜𝐢𝐩𝐚𝐥 𝐇𝐞𝐚𝐥𝐭𝐡 𝐎𝐟𝐟𝐢𝐜𝐞 (𝐌𝐇𝐎) 𝐧𝐠 𝐁𝐚𝐧𝐬𝐮𝐝.

Dinaluhan ito ng mga Senior High School students na aktibong nakikibahagi sa talakayan at mga gawaing naglalayong palawakin ang kanilang kaalaman at kamalayan tungkol sa drug prevention, STI/HIV/AIDS prevention, at pangangalaga sa mental health.

Layunin ng aktibidad na bigyang-kakayahan ang kabataan na gumawa ng wastong desisyon, pangalagaan ang kanilang kalusugan, at humingi ng tamang tulong at impormasyon kung kinakailangan.

🌱 Dahil ang kabataang may tamang kaalaman ay mas handang pumili ng tama, umiwas sa panganib, at alagaan ang sarili at kapwa.

Lusog isip. Ligtas katawan. Malusog na kinabukasan! 💚
𝑫𝒂𝒉𝒊𝒍 𝒂𝒏𝒈 𝒌𝒂𝒍𝒖𝒔𝒖𝒈𝒂𝒏 𝒏𝒈 𝑶𝒓𝒊𝒆𝒏𝒕𝒂𝒍 𝑴𝒊𝒏𝒅𝒐𝒓𝒐:
𝒀𝒂𝒎𝒂𝒏 𝒏𝒈 𝑩𝒂𝒚𝒂𝒏, 𝑳𝒂𝒌𝒂𝒔 𝒏𝒈 𝑲𝒊𝒏𝒂𝒃𝒖𝒌𝒂𝒔𝒂𝒏!💚

02/09/2026

𝐇𝐄𝐀𝐋𝐓𝐇 𝐒𝐔𝐌𝐌𝐈𝐓 𝟐𝟎𝟐𝟔 | 𝘾𝙡𝙪𝙨𝙩𝙚𝙧 2 ✨

𝐁𝐇𝐖𝐬 𝐚𝐭 𝐁𝐍𝐒: 𝐊𝐚𝐭𝐮𝐰𝐚𝐧𝐠 𝐬𝐚 𝐌𝐚𝐬 𝐌𝐚𝐥𝐮𝐬𝐨𝐠 𝐧𝐚 𝐏𝐚𝐦𝐚𝐲𝐚𝐧𝐚𝐧!

Maraming salamat po sa inyong serbisyong ibinibigay, mahal naming BHWs at BNS.

02/09/2026

For the period of August 28 - September 1, 2026
PGOM HOSPITALS' BED OCCUPANCY TRACKER

02/09/2026

02/09/2026

01/09/2026

DOH: MAGING HANDA SA EPEKTO NG HAZE SA KALUSUGAN!

Dahil sa hanging Habagat, umabot na sa ilang bahagi ng Luzon at Visayas ang usok mula sa forest fires sa Kalimantan, Indonesia.

Maaaring magdulot ang haze ng hirap sa paghinga, pag-ubo, pananakit ng dibdib, pangangati o pagluluha ng mga mata, at paglala ng mga sakit sa baga tulad ng hika. Dobleng pag-iingat ang kailangan para sa mga bata, matatanda, at mga may dati nang sakit sa baga o puso.

Habang nagpapatuloy ang banta ng haze, mag-suot ng mask kung lalabas ng bahay. Alamin ang lagay ng hangin sa inyong lugar at unahin ang kaligtasan. Maging handa sa banta ng Haze!

01/09/2026

𝐏𝐔𝐁𝐋𝐈𝐂 𝐇𝐄𝐀𝐋𝐓𝐇 𝐀𝐃𝐕𝐈𝐒𝐎𝐑𝐘:
𝑴𝑨𝑮-𝑰𝑵𝑮𝑨𝑻 𝑺𝑨 𝑯𝑨𝒁𝑬 𝑨𝑻 𝑷𝑶𝑳𝑼𝑺𝒀𝑶𝑵 𝑺𝑨 𝑯𝑨𝑵𝑮𝑰𝑵 🌬️🫁

Mga mahal naming Oriental Mindoreño, ang atin pong kalusugan at kaligtasan ang ating pangunahing prayoridad!

Magkasama nating pangalagaan ang ating pangangatawan para sa mas masiglang kinabukasan. Ang bawat hakbang sa pag-iingat at preventive health ay malaking tulong upang mapanatiling ligtas at malusog ang ating buong pamilya at komunidad.
Nais ipaalaala ng Provincial Health Office (PHO) - Oriental Mindoro sa lahat ng ating mga kababayan na maging mapagmatyag at maingat sa posibleng epekto ng haze o makapal na usok sa kalidad ng ating hangin.

⚠️ 𝐀𝐧𝐨 𝐚𝐧𝐠 𝐇𝐚𝐳𝐞 𝐚𝐭 𝐏𝐨𝐬𝐢𝐛𝐥𝐞𝐧𝐠 𝐄𝐩𝐞𝐤𝐭𝐨 𝐍𝐢𝐭𝐨 𝐬𝐚 𝐊𝐚𝐥𝐮𝐬𝐮𝐠𝐚𝐧?
Ang haze ay naglalaman ng maliliit na particles na maaaring malanghap at makairita sa ating mata, ilong, lalamunan, at baga.

𝐀𝐧𝐠 𝐦𝐚𝐭𝐚𝐠𝐚𝐥 𝐧𝐚 𝐩𝐚𝐠𝐤𝐚𝐤𝐚𝐥𝐚𝐧𝐭𝐚𝐝 𝐝𝐢𝐭𝐨 𝐚𝐲 𝐦𝐚𝐚𝐚𝐫𝐢𝐧𝐠 𝐦𝐚𝐠𝐝𝐮𝐥𝐨𝐭 𝐧𝐠:
Pangangati, pamumula, o pagluha ng mga mata
Pangangati o pananakit ng ilong at lalamunan
Pag-ubo at pamamalat
Pananakit ng ulo o pagkahilo
Paninikip o pananakit ng dibdib
Hingal o hirap sa paghinga
Paglala ng hika at iba pang kondisyon sa baga at puso

🛡️ 𝐌𝐠𝐚 𝐃𝐚𝐩𝐚𝐭 𝐆𝐚𝐰𝐢𝐧 𝐊𝐚𝐩𝐚𝐠 𝐌𝐚𝐤𝐚𝐩𝐚𝐥 𝐚𝐧𝐠 𝐔𝐬𝐨𝐤 𝐨 𝐌𝐚𝐥𝐚𝐛𝐨 𝐚𝐧𝐠 𝐓𝐚𝐧𝐚𝐰𝐢𝐧:
𝘽𝙖𝙬𝙖𝙨𝙖𝙣 𝙖𝙣𝙜 𝙖𝙠𝙩𝙞𝙗𝙞𝙙𝙖𝙙 𝙨𝙖 𝙡𝙖𝙗𝙖𝙨: Iwasan muna ang matinding pisikal na gawain sa labas ng bahay.
𝙈𝙖𝙣𝙖𝙩𝙞𝙡𝙞 𝙨𝙖 𝙡𝙤𝙤𝙗 𝙣𝙜 𝙗𝙖𝙝𝙖𝙮: Hangga't maaari, isara ang mga pinto at bintana kung maasok ang paligid.
𝙐𝙢𝙞𝙣𝙤𝙢 𝙣𝙜 𝙨𝙖𝙥𝙖𝙩 𝙣𝙖 𝙩𝙪𝙗𝙞𝙜: Panatilihing hydrated ang katawan at maging alerto sa anumang sintomas.
𝙂𝙪𝙢𝙖𝙢𝙞𝙩 𝙣𝙜 𝙥𝙧𝙤𝙩𝙚𝙠𝙨𝙮𝙤𝙣: Kung kinakailangang lumabas, magsuot ng N95 mask o katumbas na particulate respirator.
𝐏𝐚𝐧𝐚𝐭𝐢𝐥𝐢𝐡𝐢𝐧𝐠 𝐦𝐚𝐥𝐢𝐧𝐢𝐬 𝐚𝐧𝐠 𝐩𝐚𝐥𝐢𝐠𝐢𝐝:
Iwasan ang pagsusunog ng basura, tuyong dahon, o iba pang materyales na makadaragdag sa polusyon.
Mag-ingat ang mga vulnerable groups: Ang mga bata, nakatatanda, buntis, at may umiiral na kondisyon sa baga at puso ay dapat higit na mag-ingat.

🚨 Kailan Dapat Humingi ng Medikal na Tulong?
Kung makaranas ng matinding hirap sa paghinga, paninikip ng dibdib, matinding panghihina, o tuloy-tuloy na pag-ubo at pagkahilo, agad na kumonsulta o magtungo sa pinakamalapit na health facility.
“Sa sama-samang pag-iingat at pagtutulungan, masisiguro natin ang isang malusog, ligtas, at matatag na lalawigan.” ✨

Sa ilalim ng adbokasiya ng Universal Health Care (UHC), ang PHO - Oriental Mindoro—katuwang ang ating mga Rural Health Units (RHUs), mga ospital, at iba pang health partners—ay patuloy na nagmamasid at nakahandang maglingkod upang maprotektahan ang kalusugan ng bawat mamamayan.
Kaisa mo kami sa pangangalaga ng iyong kalusugan! Makiisa, magbahagi ng impormasyong ito sa iyong mga kakilala, at suportahan ang mga pampublikong programang pangkalusugan ng ating lalawigan.

𝐌𝐀𝐆-𝐈𝐍𝐆𝐀𝐓, 𝐌𝐀𝐆𝐈𝐍𝐆 𝐇𝐀𝐍𝐃𝐀, 𝐀𝐓 𝐌𝐀𝐍𝐀𝐓𝐈𝐋𝐈𝐍𝐆 𝐋𝐈𝐆𝐓𝐀𝐒! 💚

31/08/2026

🛡️ 𝐏𝐑𝐎𝐓𝐄𝐊𝐓𝐀𝐃𝐎 𝐀𝐍𝐆 𝐁𝐀𝐓𝐀𝐍𝐆 𝐎𝐑𝐈𝐄𝐍𝐓𝐀𝐋 𝐌𝐈𝐍𝐃𝐎𝐑𝐄𝐍𝐎!

Measles-Rubella Supplemental Immunization Activity (MR-SIA) & Vitamin A Administration

💉 𝟒𝟖,𝟐𝟑𝟒 𝐍𝐀 𝐁𝐀𝐓𝐀
ang nabakunahan laban sa Tigdas at Tigdas-Hangin
As of August 31, 2026 3:00pm.

🎯 Tuloy-tuloy ang paghahatid ng proteksyon!

👧👦 Walang batang Oriental Mindoreño na maiiwan!
Sikapin nating bawat bata ay mabakunahan at mabigyan ng Vitamin A upang maprotektahan laban sa mga sakit at mapanatili ang malusog na paglaki.

❤️ Bakuna at Vitamin A, dagdag-proteksyon sa bawat bata!
🌟 Mas maraming batang protektado, mas ligtas ang ating komunidad!

Provincial Health Office – Oriental Mindoro
🤝 Kaagapay ang mga LGU at mga health worker para sa kalusugan ng bawat batang Oriental Mindoreño.