Pantawid Pamilyang Calatagan

01/07/2026

Mental Health Screening for Children and Youth (4Ps Beneficiaries) – Participant Registration | July 8, 2026

Magandang araw!

Inaanyayahan namin ang mga anak ng 4Ps beneficiaries na lumahok sa Mental Health Screening na gaganapin sa July 8, 2026.

Priority para sa screening na ito ang mga batang NAS (Not Attending School) na kasalukuyang nakararanas o pinaghihinalaang may mga suliranin sa kanilang mental health, emosyonal na kalagayan, o pag-uugali.

Layunin ng screening na ito na makatulong sa maagang pagtukoy sa mga pangangailangan ng mga bata at kabataan upang maibigay ang nararapat na suporta at referral kung kinakailangan.

Kung nais ninyong iparehistro ang inyong anak, pakisagutan ang form na ito ( https://forms.gle/3RrN88QJrAwXR3HJA )Ang pagsagot sa form ay hindi pa garantiya ng slot. Ang mga mapipiling kalahok lamang ang kokontakin para sa kumpirmasyon ng kanilang pagdalo.

Pakitiyak na tama ang impormasyong ilalagay sa form, lalo na ang edad at kasalukuyang status sa pag-aaral, upang maayos naming maipangkat ang mga kalahok.

Maraming salamat sa inyong pakikiisa.

https://forms.gle/3RrN88QJrAwXR3HJA
https://forms.gle/3RrN88QJrAwXR3HJA
https://forms.gle/3RrN88QJrAwXR3HJA

11/06/2026

Nakikiramay ang DSWD sa pamilya, kaibigan at mga mahal sa buhay ng basketbolistang si Rene Baterbonia, isang former monitored child ng Pantawid Pamilyang Pilipino Program (4Ps).

Lubos naming ipinapaabot ang aming taos-pusong pakikiramay sa kaniyang pamilya sa panahong ito ng pagluluksa. Si Rene ay kabilang sa mga dating benepisyaryo ng 4Ps na matagumpay na nakaalis sa programa dahil sa pagbuti ng kalagayan at pag-angat ng antas ng pamumuhay ng kanilang pamilya.

Ang buhay ni Rene ay magsisilbing inspirasyon sa marami, lalo na ang kanyang dedikasyon sa pag-aaral, disiplina at pagsisikap na matupad ang kanyang mga pangarap.

Kaisa ninyo kami sa pananalangin para sa kapayapaan ng kaluluwa ni Rene at sa paghingi ng lakas, kapanatagan at katatagan para sa mga naulila.

07/04/2026

Magandang araw po sa lahat.

Ipinapaabot namin na sarado ang opisina ng MOO Pantawid Calatagan tuwing Biyernes sa buwan ng Abril, dahil ang lahat ng staff ay magsasagawa ng Work From Home (WFH).

Ang hakbang na ito ay isinagawa bilang tugon sa kasalukuyang krisis sa langis at kuryente, upang makatipid sa gastos at enerhiya.

Para sa a katanungan o concern, maaari po kayong makipag-ugnayan sa aming opisyal na online channels.

Maraming salamat po sa inyong pag-unawa.

03/02/2026

Taos-pusong pasasalamat ang ipinaaabot ng Calatagan Municipal Operations Office sa Department of Social Welfare and Development (DSWD) at kay Secretary REX Gatchalian sa patuloy na pagbibigay ng suporta sa mga 4Ps Case Managers. Malaking tulong ang LAPEL at FDS Kits na ipinamahagi upang higit pang mapahusay ang kanilang kakayahan at mapabuti ang kalidad ng serbisyong naihahatid sa mga benepisyaryo ng Pantawid Pamilyang Pilipino Program.

Muli, salamat po DSWD at Sec. Rex!

31/01/2026

Happy Birthday, Mayor Rico Puno ✨❤️

03/12/2025

𝐏𝐔𝐆𝐀𝐘 𝐓𝐀𝐆𝐔𝐌𝐏𝐀𝐘

Isang makabuluhang pagdiriwang ng Pugay Tagumpay Graduation Ceremony ang naisagawa ng Lokal na Pamahalaang Bayan ng Calatagan sa pangunguna ng Municipal Social Welfare and Development Office (MSWDO) at Pantawid Municipal Action Team.

Ang araw na ito ay simbolo ng pagtatapos at pag-angat ng 375 na pamilya na ating ipinagmamalaki sa kanilang patuloy na pagsusumikap at determinasyon tungo sa mas maunlad na pamumuhay.

Hindi rin matatawaran ang buong suporta at malasakit ni Hon. Mayor Rico B. Puno, na patuloy na nagtataguyod ng mga programang nagbibigay-lakas at oportunidad sa bawat pamilyang Calatagueño. Ang kanyang patuloy na suporta sa pag-unlad ay nagsisilbing inspirasyon upang mas marami pang mamamayan ang maiangat mula sa kahirapan at maging katuwang sa paghubog ng mas maunlad na kinabukasan para sa bayan.

02/12/2025