Deped Tayo Sinag ES - Quezon

16/12/2025

“𝐌𝐚𝐬𝐮𝐬𝐢𝐧𝐠 𝐌𝐨𝐧𝐢𝐭𝐨𝐫𝐢𝐧𝐠, 𝐈𝐬𝐢𝐧𝐚𝐠𝐚𝐰𝐚 𝐬𝐚 𝐌𝐚𝐛𝐚𝐛𝐚𝐧𝐠 𝐏𝐚𝐚𝐫𝐚𝐥𝐚𝐧 𝐧𝐠 𝐒𝐢𝐧𝐚𝐠”

Matagumpay na naisagawa ang monitoring at evaluation sa Mababang Paaralan ng Sinag na sumasaklaw sa ARAL (Academic Recovery and Accessible Learning) Program, School Governance Council (SGC), Learning Resources, School-Based Management (SBM), at Physical Facilities. Ang gawain ay pinangunahan ng masipag at dedikadong District Supervisor na si Ma’am Helen R. Esternon, katuwang ang Monitoring Team ng distrito.

Layunin ng aktibidad na matiyak ang maayos na implementasyon ng mga programa at proyekto ng paaralan at mapalakas pa ang kalidad ng pamamahala at serbisyong pang-edukasyon. Sa monitoring ng ARAL Program, sinuri ang mga isinasagawang interbensyong pang-akademiko, classroom activities, at progreso ng mga mag-aaral. Pinuri ng monitoring team ang pagsusumikap ng mga g**o sa pagtugon sa pangangailangan ng mga mag-aaral.

Tinalakay rin ang kalagayan ng School Governance Council, kung saan sinuri ang aktibong partisipasyon ng mga magulang, g**o, at iba pang stakeholders sa pagpaplano at pagpapatupad ng mga programa ng paaralan. Sa bahagi naman ng Learning Resources, ininspeksyon ang sapat at wastong paggamit ng mga aklat, kagamitang panturo, at iba pang learning materials na mahalaga sa epektibong pagkatuto.

Sa School-Based Management, binigyang-pansin ang mga plano, dokumentasyon, at mekanismo ng paaralan sa pamamahala, transparency, at accountability. Samantala, sinuri rin ang Physical Facilities ng paaralan upang matiyak ang kaligtasan, kaayusan, at kaaya-ayang kapaligiran para sa mga mag-aaral at g**o.

Sa pagtatapos ng monitoring, nagbigay ng makabuluhang rekomendasyon at teknikal na tulong si Ma’am Helen Esternon upang higit pang mapabuti ang mga programa at operasyon ng paaralan. Ang aktibidad na ito ay patunay ng patuloy na pagsusumikap ng distrito at ng Mababang Paaralan ng Sinag na maghatid ng dekalidad, inklusibo, at makabuluhang edukasyon para sa lahat.

22/10/2025

Congratulations to our dedicated School Head, 𝑱𝒂𝒚𝒔𝒐𝒏 𝑨𝒑𝒐𝒊𝒏 𝑨𝒓𝒆𝒍𝒍𝒂𝒏𝒐 for passing the 𝑵𝒂𝒕𝒊𝒐𝒏𝒂𝒍 𝑨𝒔𝒔𝒆𝒔𝒔𝒎𝒆𝒏𝒕 𝒇𝒐𝒓 𝑺𝒄𝒉𝒐𝒐𝒍 𝑯𝒆𝒂𝒅𝒔 and being recognized as a 𝑹𝒆𝒈𝒊𝒐𝒏𝒂𝒍 𝑻𝒐𝒑 𝑷𝒆𝒓𝒇𝒐𝒓𝒎𝒆𝒓! 🏅🎉

Your hard work, leadership, and commitment truly inspire us all! 😊 We’re proud of you! 🏆🎉👏

22/10/2025

Congratulations Sir Jayson A. Arellano 😇
Regional Top Performer 🎉
Thank you Division of Quezon ❤️

19/10/2025

HEALTH ADVISORY ‼️‼️‼️

Dahil sa pagtaas ng mga kaso ng sakit tulad ng sipon, ubo, influenza like illness at severe respiratory infections lkatulad ng community acquired pneumonia, at alinsunod sa Executive Order No. DHT-60, mahigpit na ipinag-uutos ang pagsusuot ng FACE MASK sa lahat ng indoor settings, gayundin sa mga outdoor areas kung saan hindi nasusunod ang physical distancing.

02/10/2025

𝙃𝙖𝙥𝙥𝙮 𝙒𝙤𝙧𝙡𝙙 𝙏𝙚𝙖𝙘𝙝𝙚𝙧𝙨’ 𝘿𝙖𝙮! 🧑‍🏫👩‍🏫

Thank you, dear teachers, for your tireless dedication, patience, and love. Your hard work shapes not just minds, but also hearts and futures. We are forever grateful. 🫶🫶

24/08/2025

“𝙋𝙖𝙜𝙡𝙞𝙣𝙖𝙣𝙜 𝙨𝙖 𝙁𝙞𝙡𝙞𝙥𝙞𝙣𝙤 𝙖𝙩 𝙆𝙖𝙩𝙪𝙩𝙪𝙗𝙤𝙣𝙜 𝙒𝙞𝙠𝙖: 𝙈𝙖𝙠𝙖𝙨𝙖𝙮𝙨𝙖𝙮𝙖𝙣 𝙨𝙖 𝙋𝙖𝙜𝙠𝙖𝙠𝙖𝙞𝙨𝙖 𝙣𝙜 𝘽𝙖𝙣𝙨𝙖”

Sa pagdiriwang ng 𝘽𝙪𝙬𝙖𝙣 𝙣𝙜 𝙒𝙞𝙠𝙖 ngayong Agosto, matagumpay na naisagawa ang iba’t ibang aktibidad na naglalayong itaguyod ang pagmamahal sa wikang Filipino at pagpapalalim ng pagkilala sa kulturang Pilipino. Isa sa mga tampok na bahagi ng pagdiriwang ay ang 𝙎𝙖𝙗𝙖𝙮𝙖𝙣𝙜 𝙋𝙖𝙜𝙗𝙞𝙜𝙠𝙖𝙨 na buong husay na ipinresenta ng mga mag-aaral mula sa ikaapat at ikalimang baitang. Ipinamalas nila ang kanilang galing sa kolektibong pagbigkas na puno ng damdamin at diwa ng pagkakaisa. Hindi rin nagpahuli ang mga batang mag-aaral mula sa Kinder at Unang Baitang sa kanilang masigla at makukulay na 𝙋𝙖𝙜𝙗𝙞𝙜𝙠𝙖𝙨 𝙣𝙜 𝙏𝙪𝙡𝙖. Ang kanilang pagtatanghal ay nagpamalas ng kumpiyansa at kagalakan sa paggamit ng ating wika, kahit sa murang edad. Kasabay nito, isinagawa rin ang 𝙋𝙖𝙡𝙞𝙜𝙨𝙖𝙝𝙖𝙣 𝙨𝙖 𝙋𝙖𝙜-𝙖𝙬𝙞𝙩 para sa Key Stage 1 kung saan lumahok sina Kyle Adrian Servaña at Mark Dhaniel Angelou Roldan mula sa Ikatlong Baitang, at sina Jennis Aclan, Yassi Olvido, at Pauline Sarles mula sa Ikalawang Baitang. Sa pagtatapos ng patimpalak, itinanghal na nagwagi si 𝙆𝙮𝙡𝙚 𝘼𝙙𝙧𝙞𝙖𝙣 𝙎𝙚𝙧𝙫𝙖𝙣𝙖 dahil sa kanyang kahanga-hangang tinig at pagganap. Nagkaroon din ng Paligsahan sa Pagtula na nilahukan nina Nathalia Forbes at Jazz Pantalita mula sa Ikaapat na Baitang, Keandre Hezekiah Cedo mula sa Ikalimang Baitang, at Ibram Lincon Benavidez mula sa Ikaanim na Baitang. Sa husay ng pagbigkas at nilalaman ng kanilang tula, si 𝙉𝙖𝙩𝙝𝙖𝙡𝙞𝙖 𝙁𝙤𝙧𝙗𝙚𝙨 ang itinanghal na kampeon sa nasabing paligsahan. Ang mga aktibidad na ito ay masusing tinutukan at hinusgahan ng mga iginagalang na hurado na sina G. Jude Murphy Llaneta, G. Teodoro Jr. Hular, at G. Kenneth Erwin Pantalita. Ang kanilang patas at makatarungang paghuhusga ay nagbigay-daan sa isang matagumpay na pagtatanghal ng talento at galing ng mga mag-aaral. Ang mababang paaralan ng Sinag ay lubos na nagpapasalamat sa lahat ng magulang, g**o, at mag-aaral na naging aktibong kalahok sa pagdiriwang. Muli nating pinatunayan na ang wikang Filipino ay hindi lamang isang midyum ng komunikasyon, kundi isang simbolo ng ating pagkakakilanlan bilang Pilipino. Mabuhay ang Wikang Filipino! Mabuhay ang Kulturang Pilipino!

24/07/2025

WALA ULIT PASOK‼️

Dahil sa walang tigil na pagbuhos ng ulan dulot ng bagyo, suspendido ang mga klase sa lahat ng antas (Pampubliko at Pribado), BUKAS JULY 25, 2025 (BIYERNES). Samantala, suspendido rin ang pasok sa mga pampublikong tanggapan ng pamahalaan sa ating lalawigan maliban sa mga essential personnel gaya ng responders and emergency services.

Mag-ingat at maging alerto, mga kalalawigan. Stay dry, stay safe, and stay updated. 🙏☔

Source: DILG Philippines

23/07/2025

WALANG PASOK‼️

Dahil sa patuloy na pag-ulan dulot ng bagyo at habagat, suspendido ang mga klase sa lahat ng antas, bukas JULY 24, 2025 (HUWEBES).

Mag-ingat at maging alerto po tayong lahat! 🙏☔

Source: DILG Philippines

WALANG PASOK‼️

Dahil sa patuloy na pag-ulan dulot ng bagyo at habagat, suspendido ang mga klase sa lahat ng antas, bukas JULY 24, 2025 (HUWEBES). Samantala, suspendido rin ang pasok sa mga pampublikong tanggapan ng pamahalaan sa ating lalawigan maliban sa mga essential personnel tulad ng responders and emergency services.

Mag-ingat at maging alerto po tayong lahat! 🙏☔

Source: DILG Philippines

22/07/2025

[UPDATED] | Batay sa opisyal na anunsiyo ng DILG Philippines, suspendido ang klase sa lahat ng antas at tanggapan ng gobyerno sa mga sumusunod na lugar bukas, Hulyo 23, 2025, dahil sa masamang panahon dulot ng Habagat.

🔴 LAGUNA
🔴 RIZAL
🔴 BATANGAS
🔴 QUEZON
🔴 CAVITE

24/06/2025

“Tabang sa Dunong & ELR 5 Bangon Region Tangan, Ang Lakad ng Agila Kaagapay sa Pagbangon”

Ang Adopt-a-School Program ay naging daan ng pag uugnayan at pagtutulungan ng Edukasyon at mga pribadong sector upang matugunan ang pangangailangan ng mga mag-aaral ngayong pagbubukas ng taong panuruan 2025-2026. Hindi naging hadlang ang malayong lugar ng paaralan para sa mga nagnanais tumulong. Noong June 7, 2025 sa Barangay Sinag, ang grupo ng “Tabang sa Dunong” ay namahagi ng mga kagamitan sa paaralan, at ang nakatanggap nito ay ang kanilang mga scholarship beneficiaries, mga mag-aaral mula sa Grade 3. Ang mga natatanging mag-aaral naman ay nakatanggap ng regalo na mga aklat na babasahin upang mas mapagbuti pa ang kanilang pag-aaral.

Noong June 8, 2025 ang Samahan ng “ELR-5 Tangan ang Lakas ng Agila Kaagapay sa Pagbangon” ay namahagi ng school supplies, gamot at tsinelas sa lahat ng mag-aaral ng elementarya ng Sinag at Dapdap.

Ang Sinag Elementary School ay taos pusong nagpapasalamat sa Tabang sa Dunong at ELR 5 Bangon Region Tangan ang lakas ng Agila Kaagapay sa Pagbangon, sa kanilang paglalaan ng oras at pagsisikap na matulungan ang mga mag-aaral upang maging maayos at matugunan ang kanilang mga pangangailangan ngayong pagbubukas ng panibangong school year. Ito ay hindi lamang pagtulong at sa material na bagay kundi pati na rin pagbibigay pag-asa sa mga kabataan na maipagpatuloy nila ang kanilang pag-aaral at pagsumikapan na maabot ang kanilang mga pangarap.

#2025-2026

20/06/2025

𝐵𝑎𝑙𝑖𝑘 𝐸𝑠𝑘𝑤𝑒𝑙𝑎, 𝐵𝑎𝑙𝑖𝑘 𝑆𝑖𝑔𝑙𝑎: 𝑃𝑎𝑔𝑏𝑖𝑠𝑖𝑡𝑎 𝑛𝑔 𝑂𝐵𝐸 𝑀𝑜𝑛𝑖𝑡𝑜𝑟𝑖𝑛𝑔 𝑇𝑒𝑎𝑚 𝑠𝑎 𝑃𝑎𝑎𝑟𝑎𝑙𝑎𝑛 𝑛𝑔 𝑆𝑖𝑛𝑎𝑔 😀

Sa pangunguna ng aming masipag at dedikadong Tagamasid Pampurok Ma’am Helen R. Esternon, nagtungo ang OBE Monitoring Team sa Mababang Paaralan ng Sinag upang saksihan ang makulay at masiglang pagbabalik - eskwela ng mga mag-aaral. Ang naturang pagbisita ay bahagi ng patuloy na pagsusumikap ng kagawaran upang masig**o ang maayos na implementasyon ng Oplan Balik-Eskwela (OBE) sa bawat paaralan. Sa kanilang pagdating, mainit silang tinanggap ng pamunuan ng paaralan, mga g**o, at mag-aaral.

Sa isinagawang pagbisita, nagbahagi rin ang monitoring team ng ilang mahahalagang paalala, obserbasyon, at mga rekomendasyon na layuning mas mapaunlad ang sistema ng pagtuturo at pagkatuto sa paaralan. Kabilang dito ang mga mungkahi para sa pagpapabuti ng mga pasilidad, paggamit ng mas epektibong estratehiya sa pagtuturo, at pagpapalakas ng ugnayan sa pagitan ng paaralan, mga magulang, at komunidad.

Ang mga suhestyong ito ay itinuturing na mahalagang hakbang tungo sa patuloy na pag-angat ng kalidad ng edukasyon sa Sinag, isang paaralang kilala hindi lamang sa dedikasyon ng mga g**o kundi pati na rin sa aktibong partisipasyon ng mga magulang at tagasuporta ng edukasyon.

Sa kabuuan, ang pagbisita ng OBE Monitoring Team ay hindi lamang naging daan upang suriin ang kasalukuyang kalagayan ng paaralan, kundi isa ring paalala ng sama-samang tungkulin ng bawat isa sa pagtataguyod ng makabuluhan, inklusibo, at makataong edukasyon para sa lahat ng kabataang Pilipino.