MP Barangay 179

30/08/2026

Ang Kankaloo Fire Rescue po ay na-deploy kagabi (August 29,2026) sa iba’t ibang bahagi ng Brgy. 179, kabilang ang Dao Street, GK 1 Anapla, at Rimas Street.

Sa bawat responde at pagliligtas ng Kankaloo Fire Rescue, kasama po namin ang Barangay 179. Hindi po naglaho at hindi po nagtago ang mga empleyado ng Barangay 179. Sila po ay aming kasama sa bawat pagresponde, at kami po mismo ang saksi na naroroon sila at tumutulong sa abot ng kanilang makakaya.

Nirerespeto po namin ang personal na opinyon at pananaw ng bawat miyembro ng Kankaloo Fire Rescue, gayundin ang bawat opinyon at pananaw ng mga residente ng Brgy. 179.

Gayunpaman, nawa’y maging maingat po tayo sa pagbibigay ng komento at pagbabahagi ng impormasyon, lalo na kung hindi pa ito beripikado.

15 Residente po ang nailikas sa puwersa ng Kankaloo Fire at Brgy. 179, iba pa ang bilang ng nailikas ng Brgy. 179 Rescue force sa ibang bahagi ng baranggay.

Maraming salamat po sa inyong pang-unawa at patuloy na suporta.

29/08/2026

📢𝗖𝗔𝗟𝗟 𝗙𝗢𝗥 𝗗𝗢𝗡𝗔𝗧𝗜𝗢𝗡𝗦📢

Magandang gabi po sa ating lahat!

May mga damit po ba kayo na hindi na ginagamit pero malinis at maayos pa? Baka pwede po natin itong ibahagi sa ating mga kabarangay na kasalukuyang nasa evacuation center.

𝗣𝗮𝗮𝗻𝗼 𝗠𝗮𝗴𝗽𝗮𝗮𝗯𝗼𝘁 𝗻𝗴 𝗧𝘂𝗹𝗼𝗻𝗴?

• Maaari po mag message dito mismo sa ating Official Page para sa mga nais mag paabot ng tulong.

• Drop-off Location: Dalhin lamang po ang inyong mga donasyon sa Ph 2 Covered Court Horacio Dela Costa II.

Maraming salamat at mag ingat po ang lahat!

𝗙𝗼𝗰𝗮𝗹 𝗣𝗲𝗿𝘀𝗼𝗻: Karen L. Velasco, Admin Staff
𝗖𝗼𝗻𝘁𝗮𝗰𝘁 𝗡𝗼.: 0943-631-6801

29/08/2026

📢 𝐎𝐏𝐈𝐒𝐘𝐀𝐋 𝐍𝐀 𝐀𝐍𝐔𝐍𝐒𝐘𝐎: 𝐌𝐆𝐀 𝐍𝐔𝐌𝐄𝐑𝐎 𝐀𝐓 𝐈𝐁𝐀 𝐏𝐀𝐍𝐆 𝐔𝐑𝐈 𝐍𝐆 𝐊𝐎𝐌𝐔𝐍𝐈𝐊𝐀𝐒𝐘𝐎𝐍 𝐍𝐆 𝐁𝐀𝐑𝐀𝐍𝐆𝐀𝐘 𝟏𝟕𝟗

Para sa mas mabilis, maayos, at direktang pagbibigay ng serbisyo publiko, inilalabas ng Barangay 179 ang opisyal na talaan ng mga numero at tanggapan na maaari ninyong takbuhan para sa inyong mga katanungan, reklamo, at pangangailangan sa emerhensya.

📞 𝐓𝐀𝐋𝐀𝐀𝐍 𝐍𝐆 𝐌𝐆𝐀 𝐓𝐀𝐍𝐆𝐆𝐀𝐏𝐀𝐍 𝐀𝐓 𝐍𝐔𝐌𝐄𝐑𝐎

𝐓𝐚𝐧𝐠𝐠𝐚𝐩𝐚𝐧𝐠 𝐏𝐚𝐧𝐠-𝐁𝐚𝐫𝐚𝐧𝐠𝐚𝐲 (𝐋𝐚𝐧𝐝𝐥𝐢𝐧𝐞):
(02) 8939-0846
Para sa mga pangkalahatang katanungan, transaksyon sa dokumento, at pampublikong serbisyo.

𝐁𝐫𝐠𝐲. 𝟏𝟕𝟗 𝐂𝐨𝐦𝐦𝐚𝐧𝐝 𝐂𝐞𝐧𝐭𝐞𝐫:
0951 137 8081 | 0898 019 2242

𝐓𝐚𝐧𝐠𝐠𝐚𝐩𝐚𝐧 𝐧𝐠 𝐁𝐚𝐫𝐚𝐧𝐠𝐚𝐲 𝐓𝐚𝐧𝐨𝐝:
0948 671 1455 | 0898 019 1247
Para sa pagpapanatili ng peace and order, responde sa away o gulo, at panggabing pagpapatrolya.

𝐖𝐨𝐦𝐞𝐧’𝐬 𝐃𝐞𝐬𝐤 𝐎𝐟𝐟𝐢𝐜𝐞 (𝐕𝐀𝐖𝐂):
0951 137 9663 | 0898 019 5748
Para sa proteksyon at suporta sa mga kababaihan at kabataan laban sa anumang anyo ng pang-aabuso o karahasan.

𝐓𝐚𝐧𝐠𝐠𝐚𝐩𝐚𝐧 𝐧𝐠 𝐒𝐞𝐧𝐢𝐨𝐫 𝐂𝐢𝐭𝐢𝐳𝐞𝐧𝐬:
0963 826 5516
Para sa mga programa, benepisyo, at usaping patungkol sa ating mga minamahal na Senior Citizen.

𝐓𝐞𝐚𝐦 𝐊𝐚𝐧𝐤𝐚𝐥𝐨𝐨 𝐅𝐢𝐫𝐞 𝐑𝐞𝐬𝐜𝐮𝐞 𝐑𝐞𝐬𝐩𝐨𝐧𝐝𝐞𝐫𝐬, 𝐈𝐧𝐜.:
0915 902 0349
Para sa responde sa sunog.

𝐎𝐩𝐢𝐬𝐲𝐚𝐥 𝐧𝐚 𝐅𝐚𝐜𝐞𝐛𝐨𝐨𝐤 𝐏𝐚𝐠𝐞:
MP Barangay 179

𝐎𝐩𝐢𝐬𝐲𝐚𝐥 𝐧𝐚 𝐄𝐦𝐚𝐢𝐥 𝐀𝐝𝐝𝐫𝐞𝐬𝐬:
[email protected]

Sinisigurado ng ating pamunuan na ang lahat ng serbisyo publiko, programa, at pagkakataon sa trabaho o paglilingkod ay nakalaan para sa lahat ng mamamayan nang walang diskriminasyon.

Hindi natin pinahihintulutan ang anumang uri ng pagtatangi batay sa:
♦️Lahi, kasarian, o oryentasyong sekswal (SOGIE)

♦️Edad, katayuan sa buhay, o estado sa lipunan

♦️Relihiyon, paniniwalang pampulitika, o kapansanan

Ang bawat residente ng Barangay 179 ay may pantay na karapatang makatanggap ng mabilis, maayos, at tapat na paglilingkod.

📌 𝐏𝐀𝐀𝐋𝐀𝐋𝐀 𝐒𝐀 𝐏𝐔𝐁𝐋𝐈𝐊𝐎:

Makiusap lamang po na gamitin ang mga numerong ito sa maka-katuwiran at totoong mga sitwasyon lamang. Iwasan po ang pag-prank call o pagbibigay ng maling impormasyon upang hindi maabala ang responde sa mga tunay na nangangailangan.

I-save ang mga numerong ito sa inyong mga telepono at ibahagi sa inyong mga pamilya at kapitbahay!

29/08/2026

Paalala po sa mga ating ka-Barangay. Lumikas na po at tumawag lamang sa ating Barangay kung kailangang lumikas.

Sa kasalukuyan ay naka-deploy ang ating mga rescuers, volunteers para sa mga nagsisilikas.

𝐏𝐀𝐔𝐍𝐀𝐖𝐀 𝐒𝐀 𝐀𝐓𝐈𝐍𝐆 𝐌𝐆𝐀 𝐊𝐀-𝐁𝐀𝐑𝐀𝐍𝐆𝐀𝐘 𝟏𝟕𝟗

Dahil ang Metro Manila ay nasa ilalim ng 𝐑𝐞𝐝 𝐑𝐚𝐢𝐧𝐟𝐚𝐥𝐥 𝐖𝐚𝐫𝐧𝐢𝐧𝐠, hinihikayat ng Barangay 179 ang mga pamilyang naninirahan sa mga lugar na madalas bahain na kusang lumikas nang maaga para sa kaligtasan ng lahat.

Ang mga itinalagang evacuation center ay ang:
• 3rd floor ng Barangay Hall
• St. Mark Child Development Center (CDC)

Kung kailangan ng tulong sa paglikas, mangyaring tumawag sa mga opisyal na hotline ng Barangay 179. May mga tanod din na regular na nag-iikot sa mga flood-prone areas upang umalalay at magbigay ng agarang tulong.

Huwag nang maghintay na lumala ang sitwasyon. Ang maagang paglikas ay pag-iingat para sa ating pamilya at komunidad.

Manatiling alerto, makipagtulungan, at unahin ang kaligtasan.

27/08/2026

26/08/2026

Maligayang-maligayang kaarawan, Cong. Dean Asistio!

Sa araw na ito, taos-puso naming ipinapaabot ang aming pagbati at pasasalamat sa inyong patuloy na paglilingkod, malasakit, at matibay na paninindigan para sa kapakanan ng ating mga kababayan. Ang iyong dedikasyon ay nagsisilbing inspirasyon sa marami at patunay na ang tunay na pamumuno ay nakikita sa pagkilos, pakikinig, at pagbibigay-halaga sa bawat mamamayan.

Nawa’y ang panibagong taon ng inyong buhay ay mapuno ng mabuting kalusugan, lakas ng loob, karunungan, at higit pang mga pagkakataong makapaglingkod. Dalangin namin na patuloy kayong gabayan at pagpalain sa lahat ng inyong mga adhikain, kasama ang inyong pamilya at mga mahal sa buhay.

Maraming salamat po sa inyong serbisyo at pagmamalasakit. Hangad namin ang isang masaya, makabuluhan, at pinagpalang pagdiriwang.

Muli, maligayang kaarawan po, Cong. Dean Asistio! ❤️🤍

19/08/2026

📢 𝐏𝐀𝐁𝐀𝐓𝐈𝐃

Dahil sa patuloy na masamang lagay ng panahon, sinuspinde ng Malacañang ang klase sa LAHAT NG ANTAS sa mga pampubliko at pribadong paaralan, 𝐠𝐚𝐲𝐮𝐧𝐝𝐢𝐧 𝐚𝐧𝐠 𝐭𝐫𝐚𝐛𝐚𝐡𝐨 𝐬𝐚 𝐩𝐚𝐦𝐚𝐡𝐚𝐥𝐚𝐚𝐧.

Gayunpaman, ang lahat ng kahilingan para sa dokumento na isusumite sa EEOC Smart Hotline App mula ngayong gabi hanggang 8:00 AM bukas ay mairerelease bukas hanggang 11:00 AM.

Mananatiling bukas naman 24/7 ang ating Tanod Office.

I-download ang EEOC Smart Hotline App para sa mas mabilis at maginhawang serbisyong barangay. Maaaring i-scan ang qr code sa larawan o i-click ang link para sa pag-download.

https://play.google.com/store/apps/details?id=com.eeocsmarthotline.rbs

https://apps.apple.com/ph/app/eeoc-smart-hotline/id6504603564

Maraming salamat sa inyong pang-unawa at pakikiisa.

19/08/2026

𝗠𝗔𝗛𝗔𝗟𝗔𝗚𝗔𝗡𝗚 𝗔𝗡𝗨𝗡𝗦𝗜𝗬𝗢 | 𝗦𝗢𝗖𝗜𝗔𝗟 𝗣𝗘𝗡𝗦𝗜𝗢𝗡 𝗣𝗔𝗬-𝗢𝗨𝗧 📢

𝗞𝗮𝗻𝘀𝗲𝗹𝗮𝗱𝗼 𝗽𝗮 𝗿𝗶𝗻 𝗽𝗼 𝗺𝘂𝗻𝗮 𝗮𝗻𝗴 𝗦𝗼𝗰𝗶𝗮𝗹 𝗣𝗲𝗻𝘀𝗶𝗼𝗻 𝗣𝗮𝘆-𝗢𝘂𝘁 𝗻𝗴𝗮𝘆𝗼𝗻𝗴 𝗛𝘂𝘄𝗲𝗯𝗲𝘀, 𝗔𝘂𝗴𝘂𝘀𝘁 𝟮𝟬, 𝟮𝟬𝟮𝟲, dahil sa pagsuspinde ng pasok sa gobyerno ng Malacañang, ganundin ang patuloy na hindi magandang lagay ng panahon.

Kaligtasan nyo po aming mga Lolo at Lola ang aming pangunahing prayoridad. 🙏

Huhupa rin ang ulan at gaganda rin po ang panahon. Maraming salamat po sa inyong pang-unawa. Mag-ingat po tayong lahat!



#𝗔𝗸𝘀𝘆𝗼𝗻𝗔𝘁𝗠𝗮𝗹𝗮𝘀𝗮𝗸𝗶𝘁