02/06/2026
📢 𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘 📢
Para sa lahat ng mamamayan ng Barangay 35
Alinsunod po sa ipatutupad na bagong UNIFIED FORMAT ng mga Certificates at Dokumentong iniisyu ng lahat ng barangay sa Caloocan City, ang Pamahalaang Barangay 35 ay magkakaroon na rin po ng panibagong format para sa lahat ng Barangay Certificates at iba pang opisyal na dokumento.
Kabilang sa mga bagong kinakailangang detalye sa mga dokumento ang mga sumusunod:
✅LARAWAN NG APLIKANTE
✅THUMBMARK
✅CONTROL NUMBER
✅OPISYAL NA BARANGAY SEAL
Dahil dito, ang pagkuha ng anumang Barangay Certificate o dokumento ay kinakailangan nang PERSONAL na gawin ng mismong aplikante upang masiguro ang tamang pagkakakilanlan at maiwasan ang maling paggamit o pamemeke ng mga dokumento ng barangay.
MAHIGPIT NA IPAGBABAWAL ANG MGA SUMUSUNOD:
• PASUYO
• PAKUHA SA IBANG TAO
(MAAARI LAMANG ITO PARA SA MGA RESIDENTE NA NASA OSPITAL, BED RIDDEN, SENIOR NA HIRAP NG BUMYAHE, BAIL O NAKAKULONG NA MAY KALAKIP NA KATIBAYAN)
Ang pagpapadala lamang ng kinatawan ay papayagan kung may sapat na Authorization Letter, kalakip ang valid ID ng aplikante at kinatawan, at kung ito ay may valid na dahilan na aprubado ng Barangay.
Ang lahat ng kukuha ng Barangay Certificates ay kinakailangang personal na humarap sa Barangay Hall para sa pagkuha ng larawan, thumbmark, at iba pang kinakailangang detalye alinsunod sa bagong unified format. Ang hakbang na ito ay bahagi ng pagpapalakas ng seguridad, transparency, at mas maayos na serbisyo publiko para sa ating mga mamamayan.
Paalala:
Mangyari po lamang na magdala ng VALID ID maging ang GUARANTOR at sundin ang lahat ng kinakailangang proseso sa Barangay.
Maraming salamat po sa inyong pakikiisa at pang-unawa.
𝐏𝐀𝐑𝐀 𝐒𝐀 𝐊𝐀𝐀𝐋𝐀𝐌𝐀𝐍 𝐍𝐆 𝐋𝐀𝐇𝐀𝐓: 𝐀𝐧𝐠 𝐚𝐭𝐢𝐧𝐠 𝐦𝐠𝐚 𝐁𝐚𝐫𝐚𝐧𝐠𝐚𝐲 𝐂𝐞𝐫𝐭𝐢𝐟𝐢𝐜𝐚𝐭𝐞𝐬 𝐚𝐲 𝐋𝐈𝐁𝐑𝐄. 𝐖𝐚𝐥𝐚 𝐩𝐨 𝐠𝐚𝐠𝐚𝐬𝐭𝐮𝐬𝐢𝐧 𝐬𝐚 𝐩𝐚𝐠𝐤𝐮𝐡𝐚 𝐧𝐠 𝐦𝐠𝐚 𝐢𝐭𝐨 𝐬𝐚 𝐚𝐭𝐢𝐧𝐠 𝐛𝐚𝐫𝐚𝐧𝐠𝐚𝐲.
PAMAHALAANG BARANGAY 35
Para sa maayos, ligtas, at episyenteng serbisyo publiko.
-adminEJ
