Kagawad Elah Mabagos

24/07/2026

21/07/2026

𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝟐𝟎𝟐𝟔: 𝐏𝐨𝐬𝐭𝐞𝐫 𝐌𝐚𝐤𝐢𝐧𝐠 𝐂𝐨𝐧𝐭𝐞𝐬𝐭 🎨🌿

Tunay na kahanga-hanga ang talento at pagkamalikhain ng ating mga kabataan!

Maraming salamat sa Bagong Silang High School sa pakikipagtulungan sa matagumpay na pagsasagawa ng ating Poster Making Contest at judging para sa Slogan Open Contest.

Lubos din ang aming pasasalamat sa ating mga Barangay Nutrition Scholars, Bagong Silang Nutritionists, at sa ating mga hurado na si SK Bob Dacumos, Ma'am Melissa Ampil, at Ma'am Gia Resane para sa kanilang oras at suporta.

Binabati muli namin ang lahat ng mga nanalo at kalahoksa ating munting gawain! Nawa'y patuloy nating isulong ang adbokasiya ng wastong nutrisyon at pangangalaga sa kalikasan.

16/07/2026

𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝟐𝟎𝟐𝟔: 𝐔𝐫𝐛𝐚𝐧 𝐆𝐚𝐫𝐝𝐞𝐧𝐢𝐧𝐠 𝐒𝐞𝐦𝐢𝐧𝐚𝐫

Alinsunod sa temang "Nutrisyon at Kalikasan Ating Pangalagaan!”, nagsagawa po tayo ng Urban Gardening Seminar upang higit na mapalawak ang kaalaman ng ating mga kabarangay sa pagtatanim ng masusustansyang gulay at pagpapanatili ng isang ligtas at luntiang kapaligiran.

Isinagawa ang seminar sa pakikipagtulungan sa Parks Administration and Development Office, mga Barangay Nutrition Scholars (BNS), at mga Nutritionist ng Bagong Silang Cluster, na nagbahagi ng mahahalagang kaalaman tungkol sa wastong nutrisyon at kahalagahan ng urban gardening bilang bahagi ng pagkamit ng mas malusog at masiglang komunidad.

Maraming salamat po sa lahat ng nakiisa at nakibahagi sa gawaing ito. Nawa’y magsilbi itong inspirasyon upang higit nating pangalagaan ang ating kalusugan at kapaligiran para sa susunod na henerasyon.

16/07/2026

15/07/2026

𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝟐𝟎𝟐𝟔: 𝐒𝐢𝐦𝐮𝐥𝐭𝐚𝐧𝐞𝐨𝐮𝐬 𝐏𝐫𝐨𝐦𝐨𝐭𝐢𝐨𝐧𝐚𝐥 𝐄𝐯𝐞𝐧𝐭

Nagagalak po ang Barangay 176-B na maging kinatawan ng Bagong Silang Cluster sa isinagawang Simultaneous Promotional Event bilang bahagi ng pagdiriwang ng Nutrition Month ngayong taon.

Kasama ang ating mga kabataan ng Barangay 176-B, patuloy nating isinusulong ang pagpapalaganap ng kaalaman tungkol sa kahalagahan ng wastong nutrisyon at malusog na pamumuhay para sa bawat miyembro ng ating komunidad.

Maraming salamat po sa lahat ng nakiisa, nakibahagi, at naglaan ng kanilang oras upang maging matagumpay ang ating gawain. Lalo na sa ating mga Barangay Nutrition Scholars, Sir Niño Musni, Ma'am Miles, at lahat ng bumubuo ng Nutrition Committee ng ating City na laging katuwang ng Barangay. Ang inyong suporta at pakikiisa ay malaking bahagi ng tagumpay ng ating pagdiriwang.

07/07/2026

07/07/2026

07/07/2026

ɴᴜᴛʀɪᴛɪᴏɴ ᴍᴏɴᴛʜ 2026: ᴄᴏᴍᴍᴜɴɪᴛʏ ᴄʟᴇᴀɴ-ᴜᴘ ᴅʀɪᴠᴇ

Bilang bahagi ng pagdiriwang ng Nutrition Month na may temang "Nutrisyon at Kalikasan, Ating Pangalagaan!", nagsagawa tayo ng Community Clean-up Drive kasama ang ating mga Barangay Nutrition Scholars (BNS), Barangay 176-B BESO Department , Street Sweepers Department, Brgy.176-B Market Administration Office, mga Kagawad Staff, Sangguniang Kabataan (SK), at ang ating Sangguniang Barangay.

Ang gawaing ito ay hindi lamang naglalayong mapanatiling malinis ang ating komunidad, kundi nagsisilbi ring paalala sa ating lahat na ang wastong nutrisyon at pangangalaga sa kalikasan ay magkaugnay. Sa sama-samang pagkilos, masisiguro natin ang isang mas malinis, mas ligtas, at mas malusog na pamayanan para sa bawat isa.

03/07/2026

𝐇𝐚𝐧𝐠𝐢𝐧𝐠 𝐨𝐟 𝐍𝐮𝐭𝐫𝐢𝐭𝐢𝐨𝐧 𝐌𝐨𝐧𝐭𝐡 𝐓𝐚𝐫𝐩🌿

Opisyal nang sinisimulan ang pagdiriwang ng Nutrition Month 2026 sa Barangay 176-B 🥳

Nakakabit na ang ating Nutrition Month tarpaulin bilang simbolo ng ating sama-samang adhikain na isulong ang wastong nutrisyon at pangangalaga sa kalikasan para sa mas malusog at mas maunlad na komunidad🌱Makikita rin po ang nasabing tarpaulins sa ating mga Health Centers💚

Sama-sama nating isabuhay ang tema: “Nutrisyon at Kalikasan, Ating Pangalagaan!” 🍃🥗

Abangan ang iba’t ibang aktibidad at programa na inihanda para sa ating mga kabarangay ngayong buwan ng Hulyo!