Ayos, Barangay Looc Official

17/07/2026

🌿 𝗟𝗮𝗻𝗱𝗮𝘀 𝗻𝗴 𝗞𝗮𝘂𝗻𝗹𝗮𝗿𝗮𝗻 𝗣𝗿𝗼𝗷𝗲𝗰𝘁🌿

Bilang bahagi ng patuloy na pagpapaganda ng ating barangay, isinagawa ang paglalagay ng ani (6) na benches at pagtatanim ng mga halaman sa daanan patungong Rock Garden. upang maging mas maaliwalas, kaaya-aya, at mapakinabangan ng mga residente.

Ang proyektong ito ay iminungkahi ni Kagawad Melinda Villaran Francisco at buong suportang isinakatuparan sa pamumuno ni Punong Barangay Kudjie Villaran , katuwang ang Sangguniang Barangay at mga nakiisang tumulong sa implementasyon.

Maraming salamat sa lahat ng nakiisa at tumulong sa pagsasakatuparan ng proyektong ito. Patuloy nating pangalagaan ang ating mga pampublikong lugar para sa kapakinabangan ng buong komunidad.

💙 Sama-sama nating gawing mas maayos, mas luntian, at mas progresibo ang Barangay Looc.

16/07/2026

🌳 𝗧𝘂𝗴𝗼𝗻 𝘀𝗮 𝗡𝗮𝗶𝘁𝗮𝗹𝗮𝗻𝗴 𝗣𝗮𝗻𝗴𝗮𝗻𝗶𝗯 𝘀𝗮 𝗖𝗮𝗿𝗹𝗼𝘀 𝗩𝗶𝘁𝗮𝗹 𝗦𝘁𝗿𝗲𝗲𝘁

Matapos bumagsak ang malaking sanga ng puno na nagdulot ng panganib sa mga residente at mga dumaraan sa Carlos Vital Street, agad itong ipinaabot sa nakakasakop na Kagawad. Ilang residente rin ang nagtungo sa Punong Barangay upang ipabatid ang insidente at humiling ng agarang aksyon.

Sa pangunguna ng Punong Barangay, at sa pakikipagtulungan ng Sangguniang Barangay Looc, agad na isinagawa ang pagputol sa natitirang bahagi ng puno upang maiwasan ang karagdagang panganib at matiyak ang kaligtasan ng mga residente.

Ang mabilis na koordinasyon ng mga residente, Punong Barangay, mga Kagawad, at ng buong Sangguniang Barangay Looc ay patunay na sa sama-samang pagkilos, mas napapangalagaan ang kapakanan at kaligtasan ng ating komunidad.

Ang Barangay Looc ay patuloy na kumikilos sa bawat ulat Ng mamamayan, sapagkat Ang kaligtasan Ng komunidad ay nananatiling pangunahung prayoridad.

Ang inyong pakikiisa ay mahalagang bahagi ng pagpapanatiling ligtas at maayos ang ating Barangay Looc. 💙

16/07/2026

𝗖𝗮𝗻𝗮𝗹 𝗗𝗲𝗰𝗹𝗼𝗴𝗴𝗶𝗻𝗴🧹🧹🧹

Matapos idulog ng mga residente ang suliranin sa makitid at baradong kanal, agad itong inaksyunan ng Sangguniang Barangay ng Looc.

Sa pagtutulungan ng mga opisyal ng barangay, mga residente, at APOY APOY, isinagawa ang pagpapaluwag ng kanal, paglilinis, at pag-aalis ng mga basurang nakabara upang maibalik ang maayos na daloy ng tubig at mabawasan ang panganib ng pagbaha.

Maraming salamat sa lahat ng nakiisa at tumulong. Patuloy tayong magtulungan para sa mas malinis, mas ligtas, at mas maayos na Barangay Looc.

📢 Paalala: Huwag magtapon ng basura sa mga kanal at iba pang daluyan ng tubig. Ang simpleng disiplina ng bawat isa ay malaking ambag sa kaligtasan ng ating komunidad.

11/07/2026

🌧️ PAALALA SA LAHAT NG KABARANGAY 🌧️

Dahil sa patuloy na pag-ulan at masamang panahon, hinihiling po namin ang ibayong pag-iingat ng bawat isa.

✔️ Iwasan ang pagtawid sa baha at pananatili sa mga lugar na may panganib ng pagguho o pagbagsak ng puno.
✔️ Bantayang mabuti ang mga bata at matatanda.
✔️ Siguraduhing handa ang flashlight, gamot, inuming tubig, at iba pang emergency supplies.
✔️ Patuloy na subaybayan ang mga opisyal na anunsyo ng Barangay Looc at ng mga kainauukulang ahensya.

Ang ating Barangay Response Team ay nananatiling nakaantabay upang tumugon sa anumang emergency.
Mag-ingat po tayong lahat. Ang kaligtasan ng bawat isa ang ating pangunahing prayoridad. 🙏🇵🇭

02/07/2026

📣 PAANYAYA SA LAHAT NG MAGULANG AT TAGAPAG-ALAGA! 💉👶

Makiisa sa LIGTAS TIGDAS: Measles-Rubella Supplemental Immunization Activity (SIA) na gaganapin mula Agosto 10–28, 2026 sa Bayan ng Cardona.

✅ Libre ang bakuna para sa mga batang edad 6 hanggang 59 buwan (wala pang 5 taong gulang).

Ang pagbabakuna ay mabisang proteksyon laban sa tigdas at rubella, mga sakit na maaaring magdulot ng malubhang komplikasyon, pagkaka-ospital, at maging ng pagkamatay.

📍 Dalhin ang inyong anak sa pinakamalapit na vaccination site o magtungo sa inyong barangay health center. Maaari rin kayong makipag-ugnayan sa inyong Barangay Health Worker, nurse, o midwife para sa iskedyul at iba pang impormasyon.

Bakuna ang susi sa ligtas at malusog na kinabukasan ng ating mga anak. Sama-sama nating sugpuin ang tigdas! ❤️💉

📣 PAANYAYA SA LAHAT NG MAGULANG AT TAGAPAG-ALAGA! 💉👶

Makiisa sa LIGTAS TIGDAS: Measles-Rubella Supplemental Immunization Activity (SIA) na gaganapin mula Agosto 10–28, 2026 sa Bayan ng Cardona.

✅ Libre ang bakuna para sa mga batang edad 6 hanggang 59 buwan (wala pang 5 taong gulang).

Ang pagbabakuna ay mabisang proteksyon laban sa tigdas at rubella, mga sakit na maaaring magdulot ng malubhang komplikasyon, pagkaka-ospital, at maging ng pagkamatay.

📍 Dalhin ang inyong anak sa pinakamalapit na vaccination site o magtungo sa inyong barangay health center. Maaari rin kayong makipag-ugnayan sa inyong Barangay Health Worker, nurse, o midwife para sa iskedyul at iba pang impormasyon.

Bakuna ang susi sa ligtas at malusog na kinabukasan ng ating mga anak. Sama-sama nating sugpuin ang tigdas! ❤️💉

25/06/2026

💡✨ 𝗠𝘂𝗹𝗮 𝗸𝗮𝗵𝗶𝗹𝗶𝗻𝗴𝗮𝗻, 𝗻𝗮𝗴𝗶𝗻𝗴 𝗸𝗮𝘁𝗼𝘁𝗼𝗵𝗮𝗻𝗮𝗻. 𝗦𝗼𝗹𝗮𝗿 𝗦𝘁𝗿𝗲𝗲𝘁 𝗟𝗶𝗴𝗵𝘁𝘀 𝘀𝘂𝗰𝗰𝗲𝘀𝘀𝗳𝘂𝗹𝗹𝘆 𝗶𝗻𝘀𝘁𝗮𝗹𝗹𝗲𝗱! 💡

Matagumpay nang naikabit ang 20 Solar Street Lights para sa mas maliwanag at mas ligtas na komunidad.

Sa pamamagitan ng kahilingan at matiyagang pag-follow up ni PB Kudjie Villaran , naisakatuparan ang proyektong ito sa pag-apruba at suporta ni Gov. Nina Ynares . Maraming salamat po, Gov. Nina!

Mas maliwanag na daan, mas ligtas na pamayanan.

Patunay na kapag may malasakit at pagtutulungan, may konkretong resulta para sa ating barangay. 💙

12/06/2026

📍 𝗦𝗜𝗧𝗜𝗢 𝗡𝗔𝗚𝗦𝗔𝗡𝗗𝗜𝗚 | 𝗣𝗥𝗢𝗝𝗘𝗖𝗧 𝗖𝗢𝗠𝗣𝗟𝗘𝗧𝗘𝗗

Sa pangunguna ni Punong Barangay Kudjie Villaran at sa pamamagitan ng Pamahalaang Barangay Looc, matagumpay na natapos ang pagpapagawa ng konkretong hagdanan at daanan sa Sitio Nagsandig.

Ang proyektong ito ay isinagawa upang mapabuti ang kaligtasan at accessibility ng mga residente, lalo na sa mga bahaging may matarik at mahirap daanang lugar. Sa pamamagitan ng proyektong ito, mas magiging maginhawa at ligtas ang araw-araw na paglalakbay ng ating mga kabarangay.

Patuloy na nagsisikap ang Pamahalaang Barangay Looc na maihatid ang mga proyektong may konkretong pakinabang sa komunidad, na naglalayong mapabuti ang kalidad ng pamumuhay ng bawat mamamayan.

Lubos ang pasasalamat sa lahat ng nakiisa at naging katuwang sa pagsasakatuparan ng proyektong ito. Ang bawat natatapos na programa at proyekto ay bunga ng pagkakaisa, pagtutulungan, at malasakit para sa kapakanan ng buong barangay.

Serbisyong may malasakit, proyektong may pakinabang para sa bawat mamamayan.

12/06/2026

𝗖𝗢𝗠𝗠𝗨𝗡𝗜𝗧𝗬 𝗖𝗟𝗘𝗔𝗡-𝗨𝗣 𝗔𝗡𝗗 𝗧𝗥𝗘𝗘 𝗣𝗟𝗔𝗡𝗧𝗜𝗡𝗚 𝗔𝗖𝗧𝗜𝗩𝗜𝗧𝗬 🌱 June 11, 2026

Taos-pusong nagpapasalamat ang Pamahalaang Barangay Looc sa lahat ng mga nakiisa at naglaan ng oras sa isinagawang Community Clean-Up and Tree Planting Activity bilang pakikiisa sa pagdiriwang ng ika-125 Founding Anniversary ng Rizal Province.

Ang matagumpay na aktibidad na ito ay sumasalamin sa diwa ng bayanihan, pagkakaisa, at malasakit ng bawat mamamayan sa pangangalaga ng ating kapaligiran. Nawa’y patuloy nating mapanatili ang kalinisan, kaayusan, at kaligtasan ng ating barangay para sa kapakinabangan ng kasalukuyan at susunod na henerasyon.

Maraming salamat po sa inyong pakikiisa at suporta.

12/06/2026

🇵🇭 ARAW NG KALAYAAN 🇵🇭

Sa pagdiriwang ng ika-128th Araw ng Kalayaan, ating alalahanin ang kabayanihan ng mga Pilipinong nagbigay-daan sa kalayaang ating tinatamasa ngayon.

Nawa'y patuloy nating isabuhay ang pagkakaisa, pagmamahal sa bayan, at malasakit sa kapwa.

Mula sa Sangguniang Barangay Looc, maligayang Araw ng Kalayaan sa ating lahat!

Mabuhay ang Pilipinas! 🇵🇭

08/06/2026

🚨 𝗟𝗜𝗡𝗗𝗢𝗟 𝗔𝗟𝗘𝗥𝗧, 𝗠𝗚𝗔 𝗞𝗔𝗕𝗔𝗥𝗔𝗡𝗚𝗔𝗬!
𝗔𝗟𝗔𝗠𝗜𝗡 𝗔𝗡𝗚 𝗦𝗔𝗙𝗘𝗧𝗬 𝗧𝗜𝗣𝗦 𝗣𝗔𝗥𝗔 𝗟𝗜𝗚𝗧𝗔𝗦 𝗔𝗡𝗚 𝗕𝗨𝗛𝗔𝗬 🌍

Maging handa, maging alerto, at alamin ang tamang dapat gawin bago, habang, at pagkatapos ng lindol upang mapanatiling ligtas ang ating sarili, pamilya, at komunidad. 🏘️💙

Basahin at ibahagi ang mahalagang paalalang ito mula sa Sangguniang Barangay Looc para sa kaligtasan ng bawat mamamayan.