LGU SB Catarman Camiguin

LGU SB Catarman Camiguin Contact information, map and directions, contact form, opening hours, services, ratings, photos, videos and announcements from LGU SB Catarman Camiguin, Government Organization, Sangguniang Bayan Street, Catarman.

🖇️ PUBLIC HEARING SUCCESSFULLY CONDUCTED (Day2) Malampusong nahuman karong adlawa, Hunyo 5, 2026, ang Public Hearing nga...
05/06/2026

🖇️ PUBLIC HEARING SUCCESSFULLY CONDUCTED (Day2)

Malampusong nahuman karong adlawa, Hunyo 5, 2026, ang Public Hearing nga gipahigayon sa 17th Sangguniang Bayan sa Catarman didto sa Catarman Gymnasium. Aktibong mitambong ug nakigbahin sa panaghisgot ang mga lumulupyo gikan sa Sto. Niño, Liloan, Manduao, Looc, Poblacion, Alga, ug Tangaro.

Nakitambong usab si Mayor Kiterio Antonio U. Palarca II nga mipadayag sa iyang suporta sa maong kalihokan pinaagi sa paghatag og dugang nga pagpasabot kabahin sa mga gisugyot nga ordinansa. Gipahimulosan usab niya ang higayon sa pagpahibalo sa mga programa ug inisyatiba sa lokal nga kagamhanan nga nagpunting sa kalamboan ug kaayohan sa mga Catarmanon.

Atol sa maong hearing, gisaysay ug giablihan alang sa opinyon sa publiko ang siyam (9) ka proposed ordinances nga may kalabutan sa pagpalig-on sa kaluwasan sa komunidad, pagmintinar sa kahapsay ug kalinaw, pagpangandam sa panahon sa mga katalagman, hapsay nga pagdumala sa mga pasilidad sa munisipyo, ug uban pa alang sa kinatibuk-ang kaayohan sa katawhan.

Ang Sangguniang Bayan sa Catarman, ubos sa pagpanguna ni Vice Mayor Rony N. Sagocsoc, naghatag sa ilang kinasingkasing nga pasalamat sa tanang indibidwal ug mga grupo nga nakatampo sa kalampusan sa maong kalihokan.
Espesyal nga pagpasalamat kang Mayor Kiterio Antonio U. Palarca II sa iyang padayon nga suporta ug pakig-uban; kang Mrs. Maria Christy M. Comcom, Municipal Mayor’s Executive Secretary; kang MDRRMO Mr. Agbu ug sa iyang mga kawani; kang Task Force Disiplina Head Mr. Morgadez ug sa iyang team; kang Sangguniang Bayan Secretary Ms. Grace Nieves Veloso; sa tanang Sangguniang Bayan staff nga walay kakapoy nga mitabang sa pag-andam ug pagdumala sa kalihokan; ingon man sa atong sound system operator nga nakatampo aron mahimong hapsay ug malampuson ang tibuok programa.

Dakong pasalamat usab sa tanang residente, mga opisyal sa barangay, ug uban pang stakeholders nga mitambong, nagpakabana ug aktibong nakigbahin pinaagi sa pagpaambit sa ilang mga opinyon, suhestiyon, ug mga kabalaka. Ang inyong partisipasyon usa ka lig-on nga timaan sa atong hiniusang paningkamot sa paghimo og mga polisiya ug programa nga makatubag sa mga panginahanglan ug makapalambo sa kaayohan sa atong komunidad.

📌 Ang inyong tingog importante. Magpadayon kita sa pagtinabangay alang sa mas lig-on, mas malinawon, ug mas mauswagon nga Catarman.



🖇️ PUBLIC HEARING SUCCESSFULLY CONDUCTEDMalampusong napahigayon sa 17th Sangguniang Bayan sa Catarman ang Public Hearing...
05/06/2026

🖇️ PUBLIC HEARING SUCCESSFULLY CONDUCTED

Malampusong napahigayon sa 17th Sangguniang Bayan sa Catarman ang Public Hearing nga gihimo sa Panghiawan Covered Court uban sa aktibong partisipasyon sa mga lumulupyo gikan sa Bonbon, Catibac, Bura, Lawigan, Mainit, Panghiawan ug Compol.

Gitambongan usab kini ni Mayor Kiterio Antonio U. Palarca II, kinsa aktibong mitabang sa pagpasabot sa mga gisugyot nga ordinansa ug mihatag og kasayuran mahitungod sa mga programa ug proyekto sa lokal nga panggamhanan alang sa kaayohan sa katawhan sa Catarman. Ang iyang mensahe naghatag og mas lawom nga pagsabot sa mga tumong sa maong mga ordinansa ug sa mga serbisyo nga gihatag sa munisipyo.

Gipresentar ug gihisgutan ang nwebe (9) ka proposed ordinances nga nagtumong sa pagpalambo sa kaluwasan, kahapsay, kaandam sa katalagman, maayong pagdumala sa mga pasilidad sa lungsod, ug sa kinatibuk-ang kaayohan sa katawhan sa Catarman.
Nagpasalamat ang Sangguniang Bayan sa tanang mga residente, barangay opisyal, ug stakeholders nga mitambong ug mihatag sa ilang mga opinyon, sugyot, ug suporta. Ang inyong partisipasyon maoy dakong tabang sa paghimo og mga polisiya nga makatubag sa panginahanglan sa atong komunidad.

📌 Dugang nga Pahibalo: Ang sunod nga Public Hearing pagahimoon karong Hunyo 5, alas 1:00 sa kahaponon sa Catarman Gymnasium, alang sa mga lumulupyo sa Sto. Niño, Liloan, Manduao, Looc, Poblacion, Alga ug Tangaro. Ginaaghat ang tanang hingtungdan nga motambong ug mopadayag sa ilang mga opinyon ug sugyot kabahin sa mga gisugyot nga ordinansa.
Padayon ang atong paningkamot alang sa mas luwas, mas organisado, ug mas mauswagon nga Catarman.



PAHIBALOANG SANGGUNIANG BAYAN SA CATARMAN, CAMIGUIN MOPAHIGAYON SA PUBLIC HEARING KARONG UMAABOT HUWEBES, HUNYO 4, SA MA...
03/06/2026

PAHIBALO

ANG SANGGUNIANG BAYAN SA CATARMAN, CAMIGUIN MOPAHIGAYON SA PUBLIC HEARING KARONG UMAABOT HUWEBES, HUNYO 4, SA MA'Y ALA UNA ANG TAKNA SA KAHAPONON, SA PANGHIAWAN COVERED COURT ALANG SA LUMULUPYO SA BONBON, CATIBAC, BURA, LAWIGAN, MAINIT, PANGHIAWAN UG COMPOL, UG SA ADLAW NGA BIERNES, HUNYO 5, SA MA'Y ALA UNA ANG TAKNA SA KAHAPUNON, SA CATARMAN GYMNASIUM, ALANG SA LUMULUPYO SA STO. NINO, LILOAN, MANDUAO, LOOC, POBLACION, ALGA UG TANGARO. ANG PAGAHISGUTAN SA MAONG PUBLIC HEARING MAO ANG MGA SUMUSUNOD:

1. "AN ORDINANCE ESTABLISHING AN EMERGENCY ALARM SYSTEM IN THE MUNICIPALITY OF CATARMAN, CAMIGUIN, TO PROMOTE PUBLIC HEALTH, SAFETY, AND DISASTER PREPAREDNESS, AND PROVIDING FUNDS THEREOF" NGA ANG AUTHOR NIINI MAO SI KONS. JORGE Y. SALAS

2. "AN ORDINANCE REGULATING THE USE, MANAGEMENT, AND STORAGE FEES OF THE MUNICIPAL COLD STORAGE FACILITY, LOCATED AT THE PUBLIC MARKET IN POBLACION, CATARMAN, CAMIGUIN, AND FOR OTHER PURPOSES." NGA ANG AUTHOR NIINI MAO SI KONS. JORGE Y. SALAS

3. "AN ORDINANCE REGULATING THE INSTALLATION OF INTERNET LINES (FIBER OPTIC), CCTV CABLES, AND OTHER COMMUNICATION CABLES WITHIN THE MUNICIPALITY OF CATARMAN, CAMIGUIN, TO ENSURE ORGANIZED, SAFE AND PROPER INSTALLATION AND MAINTENANCE OF CABLES ON PUBLIC RIGHTS-OF-WAY, NGA ANG AUTHOR NIIN MAO SI KONS. JORGE Y. SALAS

4. "AN ORDINANCE REGULATING THE DISPLAY, SALE, AND DISTRIBUTION OF PRODUCTS WITH OFFENSIVE, MISLEADING, OR INAPPROPRIATE WORDS, LABELS, AND DESIGNS WITHIN THE MUNICIPALITY OF CATARMAN, CAMIGUIN, ESTABLISHING A TOURISM PRODUCT LABEL CLEARANCE SYSTEM, CREATING A JOINT INSPECTION TEAM, AND PROVIDING PENALTIES THEREOF." NGA ANG AUTHOR NIINI MAO SI KONS. JORGETA T. DE LA RIARTE

5. "AN ORDINANCE REGULATING THE USE, MANAGEMENT, AND MAINTENANCE OF THE DININGGASAN BOARDWALK, AND FOR OTHER PURPOSES." NGA ANG AUTHOR NIINI MAO SI KONS. CARLITO N. SAGOCSOC

6. "AN ORDINANCE FIXING CURFEW HOURS TO MINORS BELOW 4. 18 YEARS OLD WITHIN THE MUNICIPALITY OF CATARMAN, CAMIGUIN, FROM 10:00 O'CLOCK IN THE EVENING TO 4:00 5. O'CLOCK IN THE MORNING" NGA ANG AUTHOR NIINI MAO SI KONS. CARLITO N. SAGOCSOC

7. "AN ORDINANCE PROHIBITING THE ACT OF BEING TOPLESS OR GOING HALF-NAKED IN PUBLIC PLACE WITHIN THE TERRITORIAL JURISDICTION OF THE MUNICIPALITY OF CATARMAN, CAMIGUIN, AND PROVIDING PENALTIES THEREOF." NGA ANG AUTHOR NIINI MAO SI KONS. CARLITO N.SAGOCSOC

8. "AN ORDINANCE PENALIZING ANY INDIVIDUAL WHO CAUSES TROUBLE OR DISRUPTION DURING ANY OFFICIAL PROGRAM, ACTIVITY, OR EVENT WITHIN THE MUNICIPALITY OF CATARMAN, CAMIGUIN." NGA ANG AUTHOR NINI MAO SI KONS. CARLITO N. SAGOCSOC

TUNGOD NIINI AMO KAMO GIHANGYO SA PAGTAMBONG NIINING PANAGTIGOM ARON INYON MAHIBALOAN UNSA ANG TUMONG NIINING MGA ORDINANSA UG AMO USAB MADUNGOG ANG INYONG MGA HUNAHUNA MAHITUNGOD NIINI. USBON KO ANG PUBLIC HEARING O PANAGTIGOM PAGAHIMOON KARONG UMAABOT HUWEBES, HUNYO 4, SA MA'Y ALA UNA ANG TAKNA SA KAHAPONON, SA PANGHIAWAN COVERED COURT ALANG SA LUMULUPYO SA BONBON, CATIBAC, BURA, LAWIGAN, MAINIT, PANGHIAWAN UG COMPOL, UG ADLAW NGA BIERNES, HUNYO 5, SA MA'Y ALA UNA ANG TAKNA SA KAHAPUNON, SA CATARMAN GYMNASIUM, ALANG SA LUMULUPYO SA STO. NIÑO, LILOAN, MANDUAO, LOOC, POBLACION, ALGA UG TANGARO. KITA KITA, TA! DAGHANG SALAMAT!


Address

Sangguniang Bayan Street
Catarman
9104

Website

Alerts

Be the first to know and let us send you an email when LGU SB Catarman Camiguin posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to LGU SB Catarman Camiguin:

Shortcuts

Share

Category