801 Laang Kawal CDC - Northern Samar

18/08/2026

Isang maalab at mapagpalang pagbati ng Maligayang Kaarawan kay Cpl Romel T Mejica (Inf) PA, ang isa sa mga matitibay na haligi at sandigan ng ating 801st CDC!

Sa pagdiriwang ng iyong kaarawan, idinadalangin ng buong yunit ang iyong patuloy na tagumpay at banal na proteksyon. Nawa’y higit ka pang pagpalain ng Maykapal ng masaganang kalusugan, lakas ng katawan, at tunay na kaligayahan sa piling ng iyong pamilya.

Taos-puso ang aming pasasalamat sa iyong tapat at walang-sawang paglilingkod na nagsisilbing gabay at inspirasyon sa ating mga Laang-Kawal at sa mga Kadete ng ROTC. Ang iyong marubdob na dedikasyon sa tungkulin ang humuhubog sa susunod na henerasyon ng mga tagapagtanggol ng ating bayan, at siya ring nagsisilbing matibay na pundasyon ng tagumpay ng ating samahan.

Mabuhay ka nang mahaba, makabuluhan, at masagana, Corporal! Isang mataas at snappy na saludo po sa iyong serbisyo!

17/08/2026

Bayanihan ng Dugo, Pinangunahan ng 801st CDC at NVBSP-Northern Samar Chapter

CATARMAN, NORTHERN SAMAR — Isang dakilang patunay ng bayanihan! Nag-alab ang diwa ng pagtutulungan at pagkakaisa sa matagumpay na Simultaneous Blood Donation Drive na inilunsad ng 801st Community Defense Center (801st CDC), 8RCDG, RESCOM, PA, katuwang ang National Voluntary Blood Services Program (NVBSP) – Northern Samar Chapter. Ginanap ang makasaysayang aktibidad na ito nitong ika-15 ng Agosto 2026 sa Covered Court ng 803rd Infantry Brigade, 8ID, PA, Camp Sumoroy, Barangay Dalakit, Catarman, Northern Samar.

Ang makabuluhang hakbang na ito ay bahagi ng pagdiriwang ng ika-43 na Founding Anniversary ng Reserve Command, Philippine Army (RESCOM, PA). Nakiisa rin sa programa ang Mercury Drug Foundation Incorporated (MDFI) bilang paggunita sa kanilang prestihiyosong Founder's Day.

Sa ilalim ng aktibong pamumuno ni Lieutenant Colonel Jeson G. Capoquian, Director ng 801st CDC, taos-pusong ipinaabot ng buong yunit ang kanilang pasasalamat sa mga sumusunod na haligi ng pamahalaan at pribadong sektor na naging katuwang upang maging posible ang tagumpay na ito:

*Provincial Government of Northern Samar (PGNS) sa ilalim ng pamumuno ni Governor Harris Christopher M. Ongchuan

*803rd Infantry Brigade, 8ID, PA sa ilalim ni Brigadier General Carmelito T. Pangatungan, Commander

*1903rd Ready Reserve Infantry Brigade sa ilalim ni Colonel Agustin A. Ganaden Sr, Acting Brigade Commander

*801st Ready Reserve Infantry Battalion sa pangunguna ni Major Neil S. Hernandez, Acting Battalion Commander

*Catarman Municipal Police Station sa ilalim ni PLTCOL Alden E. Dugan, ACOP

*UEP-Main & EVCC ROTC Unit

*Congressman Niko Raul S. Daza

*Congressman Edwin Marino C. Ongchuan

*Board Member Lope E. Dorado Jr.

*Sanvic Supermart Incorporated

*M Lhuillier

Ang bawat patak ng dugong nailikom ay hindi lamang simbolo ng kalusugan, kundi isang regalo ng bagong buhay at pag-asa para sa mga kababayan natin sa lalawigan. Ipinapakita ng 801st CDC na ang inyong kasundaluhan ay hindi lamang kalasag at kaagapay sa seguridad ng bayan—sila rin ay katuwang, kaisa, at kadugo tungo sa isang mas masigla, mas ligtas, at mas malusog na pamayanan ng Hilagang Samar!

16/08/2026

MAS TIBAY AT HANDA: PINATATAG ANG PUWERSANG LAANG-KAWAL SA MATAGUMPAY NA PINAGSAMANG PAGTITIPON

CATARMAN, NORTHERN SAMAR — Pinangasiwaan ng 801st Community Defense Center (801CDC), 8RCDG, RESCOM,PA ang matagumpay na isinagawang Quarterly Mustering ng 1903rd Ready Reserve Infantry Brigade (1903RRIBbe) sa pamumuno ni Colonel Agustin A. Ganaden Sr., Acting Brigade Commander, at ng 801st Ready Reserve Infantry Battalion(801RRIBn) sa pangunguna ni Major Neil S. Hernandez, Acting Battalion Commander nitong Ika-15 ng Agosto 2026 sa Multipurpose Hall, H801CDC, Camp Sumoroy, Brgy. Dalakit, Catarman, N. Samar.

Ang pagsasagawa ng regular na mustering ay hindi lamang isang karaniwang gawain—ito ay mandato at mahalagang kinakailangan sa ilalim ng Republic Act 7077 o ang Citizen Armed Forces of the Philippines Reservist Act. Layunin nitong panatilihing sanay, may sapat na kaalaman, laging handa, at organisado ang bawat laang-kawal upang mabilis na makatugon sa panahon ng sakuna, pangangailangan ng bayan, o anumang banta sa kapayapaan.

Bahagi ng makabuluhang programa ang espesyal na talakayan laban sa marahas na ekstremismo na ibinahagi ni PLTCOL Alden E. Dugan, Acting Chief of Police, Catarman Municipal Police Station. Ang naturang lecture ay naglalayong ipabatid at idilat ang kaisipan ng bawat reservist at personnel ng Philippine Army hinggil sa lumalalang banta ng Nihilistic Violence Extremism (NVE) at ang mapanirang impluwensya nito, partikular na sa hanay ng mga kabataan. Dito lumitaw ang napakahalagang pakikipagtulungan ng Kapulisan at Puwersang Laang-Kawal. Ipinaliwanag ni PLtCol Dugan na kapag nagkakaisa ang mga puwersang panseguridad at mga mamamayang sundalo, mas mabilis ang pagpapanatili ng kaayusan at mas matibay ang depensa laban sa masasamang impluwensya.

Isang makabuluhang Pagbibigay-Pagkilala at Parangal ang naganap—bilang taos-pusong pagpupugay sa panahon, pagsisikap, at tapat na sakripisyo ng mga Nortehanon reservist na naglalaan ng sarili para sa bayan kahit sa gitna ng kanilang pang-araw-araw na trabaho at buhay-pamilya.

Sa kabuuan, ang aktibidad na ito ay Isang patunay: kapag handa ang Laang-Kawal, nagkakaisa ang kapulisan at mamamayan—mas matibay ang pundasyon ng kapayapaan, kaunlaran, at ligtas na kinabukasan para sa buong lalawigan ng Hilagang Samar!

14/08/2026

"Hindi kailangang maging sundalo para maging bayani—sa bawat patak ng iyong dugo, may pamilyang muling nabibigyan ng bukas."

Maging bayani sa sarili mong paraan! Ang 801st Community Defense Center (801CDC), 8th Regional Community Defense Group, (8RCDG), Reserve Command (RESCOM), Philippine Army, katuwang ang Northern Samar Provincial Hospital (NSPH) ay magsasagawa ng Blood Donation Activity bukas, Agosto 15, 2026, mula 8:00 AM hanggang 3:00 PM sa Covered Court, 803rd Infantry Brigade, 8ID, Philippine Army, Camp Sumoroy, Brgy. Dalakit, Catarman, Northern Samar.

Para sa kaligtasan ng lahat, narito ang mga mahahalagang alituntunin at gabay bago at habang nagpapakunan ng dugo:
Mga Pamantayan para Makapag-donate
• Edad: Dapat ay nasa 18 hanggang 65 taong gulang (tanggap ang 16-17 taong gulang basta may written parent's consent).
• Timbang: Dapat ay may bigat na hindi bababa sa 110 lbs (50 kg).
• Kalusugan: Walang sakit gaya ng ubo, sipon, o lagnat sa araw ng pagkuha ng dugo.
• Tattoo at Piercing: Dapat ay lumipas muna ang isang buong taon (12 buwan) mula noong huling magpa-tattoo o magpa-body piercing.

Mga Dapat Gawin Bago Mag-donate (Pre-donation)
• Sapat na tulog: Siguraduhing may 6 hanggang 8 oras na tulog sa gabi bago ang aktibidad.
• Tamang nutrisyon: Kumain ng masusustansyang pagkain. Iwasan ang matatabang pagkain bago mag-donate.
• Uminom ng tubig: Uminom ng maraming tubig o juice para maging hydrated ang katawan.
• Iwasan ang alak: Mahigpit na ipinagbabawal ang pag-inom ng alak sa loob ng 24 oras bago mag-donate.
• Iwasan ang sigarilyo: Huwag manigarilyo nang hindi bababa sa 4 na oras bago ang aktibidad.

Paalala sa Araw ng Aktibidad
• Magdala ng ID: Magdala ng valid photo ID para sa mabilis na pagrehistro.
• Magsuot ng komportableng damit: Mas mainam ang mga damit na may manggas na madaling itaas o itupi (short sleeves).
• Maging tapat: Sagutin nang may katapatan ang medical questionnaire at interview ng mga doktor.
Mag-ambag para sa kaligtasan ng ating komunidad. Kita-kits bukas, mga kapwa Bayani!

, 8RCDG
University of Eastern Philippines Main Campus-ROTCU

06/08/2026

Pinag-isang Lakas: 801CDC, at NSPPO, Nagkasundo Para sa Mas Ligtas at Maunlad na Northern Samar

CATARMAN, Northern Samar — Mas pinalakas pa ng 801st Community Defense Center (801CDC), sa ilalim ng 8th Regional Community Defense Group (8RCDG) ng Reserve Command, Philippine Army (RCPA), kasama ng Northern Samar Ready Reserve Units (RRU), ang ugnayan nito sa kapulisan matapos ang isang opisyal na pagbisita sa himpilan ng Northern Samar Provincial Police Office (NSPPO) nitong ika-5 ng Agosto 2026.

Mainit na tinanggap ni Police Colonel George Buyacao Jr., Provincial Director ng NSPPO, sina Colonel Agustin A. Ganaden Sr., Acting Brigade Commander, 1903rd Ready Reserve Infantry Brigade (1903RRIBde); Major Neil S. Hernandez, Acting Battalion Commander, 801st Ready Reserve Infantry Battalion (801RRIBn), na kasalukuyan ding nagsisilbi bilang aktibong Board Member ng Unang Distrito ng Northern Samar; at si Master Sergeant Noel S. Regal, Chief Clerk, 801CDC.

Sa ngalan ng Northern Samar Reserve Force, ipinaabot ng delegasyon ang kanilang walang-maliw na suporta at kahandaang umalalay sa mga adbokasiya at programang pangkapayapaan ng pulisya. Bilang tugon, tiniyak naman ni PCol. Buyacao Jr. ang buong suporta ng NSPPO sa mga inisyatiba ng Reserve Force, at binigyang-diin ang kahalagahan ng pagkakaisa ng dalawang sektor para sa isang mas ligtas na pamayanan.

Sa ilalim ng pamumuno ni Lieutenant Jeson G. Capoquian, Director ng 801st CDC, katuwang ang buong lakas ng 1903rd RRIBde at 801RRIBn, nananatiling matatag ang institusyon sa kanilang sinumpaang tungkulin na makipagtulungan sa iba't ibang ahensya ng pamahalaan. Ang paggigiit sa pagkakaisang ito ang siyang magsisilbing matibay na haligi tungo sa isang progresibo, mapayapa, at maunlad na probinsya ng Northern Samar.

,PA

04/08/2026

03/08/2026

801CDC and DILG Unite to Build a Stronger Reserve Force for Northern Samar!


CATARMAN, Northern Samar — Ready to serve and stronger together!

Today, August 3, 2026, the 801st Community Defense Center (801CDC), 8th Regional Community Defense Group (8RCDG), Reserve Command (RESCOM), Philippine Army (PA), and our local Ready Reserve Units officially teamed up with the DILG Northern Samar Provincial Office during an important courtesy meeting.

Major Geraldine C. Maquilabit, DILG Provincial Director and herself a dedicated Reservist Officer, warmly received Colonel Agustin A. Ganaden Sr. — Acting Brigade Commander, 1903rd Ready Reserve Infantry Brigade (1903RRIBde); Major Neil S. Hernandez — Acting Battalion Commander, 801st Ready Reserve Infantry Battalion (801RRIBn) & 1st District Board Member; Master Sergeant Noel S. Regal — Chief Clerk, 801CDC, along with other reservist.

What is this partnership all about?
Our local military and civilian leaders talked about how to work closer together. The main goal is to build a well-trained, active, and reliable Reserve Force in our province. This means having volunteer soldiers who are always ready to help during peace-keeping missions and step up instantly during typhoons, floods, and other emergencies.

Under the leadership of CDC Director Lieutenant Colonel Jason G. Capoquian, ,the 801CDC will continue to partner with other government offices. By working as one team, we can make sure Northern Samar is safer, better prepared, and well-protected!

17/07/2026

Bakasyon o Sakripisyo? Isang Pagsilip sa Buhay ng mga Kadete sa Northern Samar

Ang pinakamasarap na bakasyon ay panandalian lamang, ngunit ang karangalan ng paglilingkod sa bayan ay nananatili habambuhay.

BAKASYON NA! Dalawang maikling salita na sadyang napakasarap pakinggan para sa mga mag-aaral sa kolehiyo. Sa kanilang puso’t isipan, ito ang panahong maaari na silang makapagpahinga—hindi lang ng utak, kundi maging ng mga katawang pagod sa halos araw-araw na pakikibaka sa akademya.

Ito ang oras para magliwaliw kasama ang pamilya at mga kaibigan, humilata maghapon, manood ng mga paboritong palabas, o gumawa ng anumang libangang makapagpapasaya sa kanila. Kay sarap talaga tuwing bakasyon! Lalo na sa makabagong panahon ngayon kung saan mas pinadali at pinagaan na ang buhay ng mga kabataan dahil sa teknolohiya.

Sa gitna ng ganitong karangyaan, mayroon pa nga ba kayang mga kabataang nakahandang tumalikod sa komportableng buhay? Mayroon pa bang handang tahakin ang mahirap na landas upang magsilbi sa ating bayan?

Oo, mayroon pa.

Sila ang matatapang na kadete na bumubuo sa ROTC Summer Camp Training (RSCT) at Philippine Army Advance ROTC Academic Phase Training (PAARAPT) Class 10-2026. Sila ay mga kabataang nagmula sa iba’t ibang sulok ng Northern Samar—mga kabataang may iba’t ibang pinagmulan, samu’t saring karanasan, at kanya-kanyang kwento. Subalit, pinag-iisa sila ng isang nag-aalab at marubdob na pangarap: ang magsilbi at ipagtanggol ang bansang kanilang kinagisnan.

Hindi lahat ng kabataan ay nakararanas ng nakasanayang masayang bakasyon. Ang ilan sa kanila ay matapang na pumili sa landas na iilan lamang ang naglalakas-loob na dumaan—isang landas na bagamat puno ng hirap, ay siyang tanging paraan upang marating ang kanilang pinakamimithing pangarap: ang mamuno sa pagtatanggol sa ating bansa.

Ang RSCT at PAARAPT ay mga pagsasanay na aprubado ng Philippine Army at ipinapatupad ng Reserve Command sa pamamagitan ng iba’t ibang Regional Community Defense Groups (RCDG) sa buong bansa tuwing bakasyon. Ito ay isang mandatoryong pagsasanay upang opisyal na matawag na isang ganap na Advance ROTC Officer ang isang kadete.

Sa training na ito, hindi lamang talas ng isip ang sinusubok, hindi lang lakas ng katawan o tibay ng dibdib. Higit sa lahat, dito sinusukat ang lakas ng kanilang determinasyon na ipagpatuloy ang laban na kanilang sinimulan.

Isa sa mga unang pagsubok na kailangang malampasan ng mga kadeteng ito ay ang “Reception Rites.” Sa karaniwang kahulugan, ang reception ay isang masayang kainan o pagdiriwang. Subalit sa mundo ng militar, ito ay isang tradisyunal na seremonya sa simula ng pagsasanay. Dito opisyal na tinatanggap ang mga bagong sibilyang aplikante upang simulan ang kanilang transisyon patungo sa buhay-militar. Sa bahaging ito sinusukat ang disiplina, katatagan, at mentalidad ng isang kadete kung handa nga ba niyang yakapin ang tunay na buhay ng pagiging sundalo.

Sa kabanatang ito, maaaninag mo sa kanilang mga mukha ang matinding pagod at hirap. May ilan pa ngang tila mababakas ang pagsuko kahit hindi pa nagsisimula ang tunay na laban. Hindi man madaling pagdaanan ang reception rites, nakahanda silang tiisin ang lahat malampasan lamang ang ganitong pagsubok para sa kanilang pangarap.

Bukod sa reception rites, isa pang malaking hamon sa pagsasanay na ito ay ang Physical Fitness Test (PFT). Dito sinusukat ang kanilang liksi at lakas na kinakailangan sa pagtatanggol sa bayan. Araw-araw, habang ang ibang kabataan ay ninanamnam ang sarap ng bakasyon—kung saan maaari silang gumising sa kahit anong oras nila gustuhin—ang mga kadete naman ay kailangang bumangon sa madaling-araw upang ihanda ang katawan at maipasa ang PFT.

Tunay na hindi madali ang halos isang buwang training ng ating mga kadete.

Hindi madali ang gumising nang madaling-araw para sa mabibigat na ehersisyo…

Hindi madali na kahit gustong-gusto mo nang matulog dahil sa pagod ay kailangan mo pa ring makinig sa klase…

Hindi madali ang mawalay sa pamilya sa kanilang murang edad…

At lalong hindi madali na isakripisyo ang komportableng buhay at ang masayang bakasyon na kapiling ang mga mahal sa buhay…

Subalit, upang maging isang tunay na pinuno sa darating na bukas at mamuno sa pagtatanggol sa ating inang bayan, walang hirap o pagsubok na hindi kayang harapin ng mga kabataang ito—ang mga kabataang siyang tunay na pag-asa ng ating pinakamamahal na Pilipinas.

Ikaw, bilang kabataan na itinuturing na pag-asa ng ating bayan, , ano ang kaya mong ialay para sa iyong lupang sinilangan?

"Huwag mong itanong kung ano ang magagawa ng iyong bansa para sa iyo, kundi itanong mo kung ano ang magagawa mo para sa iyong bansa."
— John F. Kennedy

&PAAARAPTCL10-2026

15/07/2026

A FINAL SALUTE TO A DEDICATED NORTEHANON RESERVIST

"There is nothing stronger than the heart of a volunteer."
— General James H. Doolittle

It is with profound sorrow and heavy hearts that the 801st Community Defense Center (801CDC), 8th Regional Community Defense Group (8RCDG), Reserve Command, Philippine Army (RESCOM, PA), alongside the 801st Ready Reserve Infantry Battalion (801st RRIBn) and the UEP-PRMC (Affiliated) ROTC Unit, express their deepest condolences on the passing of our snappy comrade-in-arms:

MAJ BALTAZAR T BOJANGIN PA (RES)
Operations Officer, 801st RRIBn
Commandant, UEP-PRMC ROTC Unit

MAJ BOJANGIN exemplified the true spirit of a citizen-soldier—defined by unwavering commitment, exemplary leadership, and genuine patriotism. His legacy of selfless service to the nation and his dedicated mentorship of future youth leaders will forever be etched in the history of our command.

The entire Northern Samar reserve force and the cadet corps salute his life of dedication, sacrifice, and valor. We offer our fervent prayers of comfort, strength, and solace to his family and loved ones during this time of immense grief.

Sir, your final march is done. Thank you for your noble service to the country.
Stand down, Officer. Rest in eternal peace.

05/07/2026

FORGED IN SERVICE, BORN TO LEAD: 801CDC WELCOMES 3 NEW ARMY OFFICERS

The 801st Community Defense Center (801CDC), 8RCDG, RESCOM, Philippine Army proudly celebrates the commissioning of three exemplary officers from the OCC-ROTC "TALAGILAB" Class 03-2026.

Hailing from different backgrounds but united by a singular devotion to the nation, these fine officers represent the pride of Northern Samar:

✅ 2LT MARY GIFT C CELESPARA PA – UEP-MAIN (Activated) ROTC Unit
✅ 2LT MARK JADE C MOSLARES PA – UEP-MAIN (Activated) ROTC Unit
✅ 2LT MARY ANN C LIPATA PA – UEP-PRMC (Affiliated) ROTC Unit

Their milestone was marked during the joint graduation ceremonies held on July 4, 2026 at the Training Command, Camp O’Donnell, Capas, Tarlac.

Three distinct lives, three unique backgrounds—now bound by one unwavering promise: to serve the people and secure the land.

As you step into the arena of military leadership, may you remain anchored to the core values of the Armed Forces of the Philippines: Honor in every action, Patriotism in every decision, and Duty above all else.

The entire 801CDC family, alongside the UEP-Main ROTC and its affiliated units, stands in salute of your monumental achievement. Serve with courage, lead with integrity. Salute to the TALAGILAB Class!