Catbalogan City District Jail

28/08/2026

27/08/2026

𝗦𝗔 𝗟𝗔𝗥𝗔𝗪𝗔𝗡 | 𝗛𝗮𝗸𝗯𝗮𝗻𝗴 𝗧𝘂𝗻𝗴𝗼 𝘀𝗮 𝗛𝘂𝘀𝘁𝗶𝘀𝘆𝗮 𝗮𝘁 𝗞𝗮𝗹𝗮𝘆𝗮𝗮𝗻

Isinagawa sa BJMP Compound, Catbalogan City, Samar ang Nationwide Synchronized Jail Decongestion Activity na may temang “One Bar, One Mission, One Day of Freedom.”

Sa pakikipagtulungan ng IBP Samar Chapter na pinangungunahan ni ATTY. DONNIE WAYNE M. VILLARIN, Public Attorney's Office, Catbalogan City sa pamumuno ni ATTY. CHESKA MARIE GELI at ng BJMP nabigyan ang mga PDL ng pagkakataong makatanggap ng legal na gabay at 1-on-1 consultation hinggil sa kanilang mga kaso.

Ang aktibidad ay isinagawa sa patnubay, at pangangasiwa ni Panrehiyong Direktor JSSUPT RILL F SONON, DSC, JD at SJO3 Gerberto D Maquidato, Officer In-charge, Catbalogan City District Jail bilang bahagi ng patuloy na pagsusulong ng makatao at makatarungang serbisyo para sa bawat PDL.

Justice beyond bars. Hope. Dignity. Freedom.

27/08/2026

𝗦𝗔 𝗟𝗔𝗥𝗔𝗪𝗔𝗡 | Bilang bahagi ng patuloy na pagsusulong ng ligtas, masustansiya, at dekalidad na serbisyo para sa mga Persons Deprived of Liberty (PDL), dumalo sina SJO3 Gerberto D Maquidato, Officer-in-Charge ng Catbalogan City District Jail, at JO3 Gerald B Dagohoy, Unit Food Service Supervisor, sa 1-Day Regional Food Safety and Hygiene Management Training-Workshop for Food Service Unit Personnel na isinagawa noong Agosto 26, 2026, sa BJMP Regional Office VIII Main Conference Room.

Tinalakay sa pagsasanay ang mahahalagang konsepto hinggil sa food safety and hygiene, basic nutrition, institutional food service management, meal planning, kitchen documentation, inventory control, at EPAPH compliance, na naglalayong higit pang mapahusay ang pamamahala at paghahanda ng pagkain sa mga pasilidad ng BJMP.

Ang naturang training-workshop ay nagsilbing mahalagang pagkakataon upang mapalawak ang kaalaman at kasanayan ng Food Service Unit personnel sa pagbibigay ng ligtas, masustansiya, at angkop na pagkain para sa mga PDL. Sa pamamagitan nito, patuloy na pinagtitibay ang commitment ng Catbalogan City District Jail sa kapakanan, kalusugan, at dignidad ng bawat PDL sa ilalim ng pangangalaga ng Bureau.

Ang aktibidad ay isinagawa sa ilalim ng patnubay at pangangasiwa ng Panrehiyong Director ng Kawanihan ng Pamamahala sa Piitan at Penolohiya, BJMPRO VIII, JSSUPT RILL F SONON, DSC, JD, bilang bahagi ng patuloy na pagsusumikap ng BJMPRO VIII na mapahusay ang serbisyo at maisulong ang kapakanan ng mga PDL.

26/08/2026

BJMP REGION VIII REAFFIRMS ZERO-TOLERANCE POLICY ON ILLEGAL DRUGS AND MISCONDUCT

The Bureau of Jail Management and Penology (BJMP) Regional Office VIII, under the leadership of JSSUPT RILL F SONON, DSC, JD, Regional Director, strongly reaffirms its commitment to integrity, discipline, accountability, and the rule of law following the recent arrest of a personnel assigned at the Ormoc City Jail – Male Dormitory, who was allegedly found in possession of a self-sealed plastic sachet containing a white crystalline substance suspected to be methamphetamine hydrochloride, or “shabu,” weighing approximately 2.34 grams.

The suspected illegal drugs were recovered during the incident, and the matter is now subject to the appropriate legal and administrative processes.

The BJMP Regional Office VIII emphasizes that there is no room for illegal drugs or any unlawful activity within its ranks. Any personnel found to have violated the law or existing rules and regulations shall be held accountable, regardless of rank or position.

“We will not tolerate any act that compromises the integrity of the Bureau. Our personnel are expected to uphold the law, not violate it. Those found responsible shall face the appropriate legal and administrative consequences.”

The BJMP Regional Office VIII assures the public that the incident will not be tolerated or concealed and that all necessary actions will be undertaken in accordance with law, with full respect for due process and a fair, impartial investigation.


#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻

22/08/2026

SA LARAWAN | Agosto 21, 2026 Sa ilalim ng patnubay at pangangasiwa ng Panrehiyong Director ng Kawanihan ng Pamamahala sa Piitan at Penolohiya, BJMPRO8, JSSUPT RILL F SONON, DSC, JD, ang mga tauhan ng pasilidad na ito sa pangunguna ng Piitang Pandistrito, SJO3 Gerberto D Maquidato ay dumalo sa St. Bartholomew the Apostle Parish Church para sa pagdaraos ng Banal na Misa.

Nilalayon nitong maitaguyod ang pagkakaisa, disiplina, at malasakit sa kapwa, gayundin ang aktibong pakikilahok ng Kawanihan ng Piitan sa mga gawaing pangkomunidad. Higit sa lahat, ang pakikiisa sa mga gawaing panrelihiyon ay nakatutulong sa pagpapatibay ng moral at spiritwal na aspeto.

Ang naturang pakikilahok ay nagpapakita ng kahalagahan ng pagkakaisa, pananampalataya, at mabuting pakikipag-ugnayan sa komunidad.


#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏

22/08/2026

𝗣𝗔𝗞𝗜𝗞𝗜𝗜𝗦𝗔 𝗧𝗨𝗡𝗚𝗢 𝗦𝗔 𝗠𝗔𝗦 𝗠𝗔𝗟𝗜𝗡𝗜𝗦 𝗡𝗔 𝗞𝗢𝗠𝗨𝗡𝗜𝗗𝗔𝗗

SA LARAWAN | Agosto 21, 2026 — Sa ilalim ng patnubay at pangangasiwa ng Panrehiyong Direktor BJMPROVIII, 𝐉𝐒𝐒𝐔𝐏𝐓 𝐑𝐈𝐋𝐋 𝐅 𝐒𝐎𝐍𝐎𝐍, 𝐃𝐒𝐂, 𝐉𝐃, at sa pamumuno ng Piitang Pandistrito, 𝐒𝐉𝐎3 𝐆𝐞𝐫𝐛𝐞𝐫𝐭𝐨 𝐃 𝐌𝐚𝐪𝐮𝐢𝐝𝐚𝐭𝐨, ang mga tauhan ng Catbalogan City District Jail ay nagtungo sa Brgy. Mercedes, Lungsod ng Catbalogan upang maki-isa at magsagawa ng Clean-Up Drive Activity.

Ang nasabing gawain ay naging matagumpay dahil sa pagtutulungan ng mga kalahok galing sa ibat-ibang ahensya ng gobyerno. Itong gawain ay mahalaga sapagkat nagbibigay ito nang kaligtasan sa kalusugan ng tao, nagpoprotekta sa kalikasan, nagpapatibay ng pagkakaisa sa komunidad at isa sa naging mahalagang gawain na paghahanda para sa nalalapit na kaarawan ng Lungsod.

Sa pamamagitan ng matagumpay na gawaing pangkalikasan na ito, binibigyang-diin ng ahensya ang kahalagahan ng pagtutulungan ng mga institusyon sa lokal nakapurihang sibil.



#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏

22/08/2026

𝗦𝗮 𝗟𝗔𝗥𝗔𝗪𝗔𝗡 | Sa ilalim ng patnubay at pangangasiwa ng Panrehiyong Director ng Kawanihan ng Pamamahala sa Piitan at Penolohiya, BJMPROVIII ni JSSUPT RILL F SONON, DSC, JD, ang mga tauhan ng pasilidad na ito sa pangunguna ng Piitang Pangdistrito, SJO3 Gerberto D Maquidato ay isinagawa ang pagdaraos ng Banal na Misa at pamamahagi ng mga Packed Lunch sa mga Persons Deprived of Liberty (PDL), na pinangunahan ng mga Hermano Mayor na sina Wilfrid Garcia C Alli, Urbano Paul C Alli Jr, Frederick Beda C Alli at Rafel C Alli. Ang nasabing aktibidad ay nagbigay ng pagkakataon upang maipakita sa mga PDL ang diwa ng pananampalataya, malasakit, at pagkakaisa ng komunidad, gayundin upang sila ay makibahagi sa relihiyoso at kultural na kahalagahan ng pagdiriwang ng pista ng lungsod.

Layunin nito na mapalakas ang espirituwal na kapakanan ng mga PDL sa pamamagitan ng kanilang pakikilahok sa Banal na Misa at maitaguyod ang mga pagpapahalaga sa pananampalataya, pasasalamat, pag-asa, at malasakit. Ang pamamahagi ng mga pagkain ay nagsilbing pagpapakita rin ng pagiging bukas-palad at pagmamalasakit sa kapakanan ng mga PDL. Higit pa rito, nilayon ng aktibidad na mapatatag ang ugnayan sa pagitan ng piitan at ng komunidad, at maipakita ang patuloy na suporta ng komunidad sa rehabilitasyon, dignidad, at muling pakikibahagi sa lipunan ng mga Persons Deprived of Liberty.

Matagumpay na naisagawa ang Banal na Misa at pamamahagi ng mga pagkain, na nagbigay sa mga PDL ng pagkakataong maranasan at makibahagi sa diwa ng City Fiesta sa kabila ng kanilang kalagayan bilang mga nakakulong. Nakatulong ang aktibidad upang mapalakas ang kanilang pakiramdam ng pagiging bahagi ng komunidad, mahikayat ang espirituwal na pagninilay, at maisulong ang positibong ugnayan sa pagitan ng pasilidad ng piitan at ng komunidad. Ang ipinakitang kabutihang-loob ng Hermano Mayor at ng mga nakilahok na stakeholder ay nagbigay-diin sa kahalagahan ng malasakit, pagiging inklusibo, at suporta ng komunidad sa pagtataguyod ng kapakanan at patuloy na rehabilitasyon ng mga PDL.


#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏

21/08/2026

Sa LARAWAN | Sa ilalim ng patnubay at pangangasiwa ng Panrehiyong Director ng Kawanihan ng Pamamahala sa Piitan at Penolohiya, BJMPROVIII ni JSSUPT RILL F SONON, DSC, JD, ang mga tauhan ng pasilidad na ito sa pangunguna ng Piitang Pangdistrito, SJO3 Gerberto D Maquidato, ay nagsagawa ng courtesy visit sa Samar Parole and Probation Administration na pinamumunuan ni CPPO Sheree Ann G. Brosas, bilang bahagi ng patuloy na pagsisikap ng piitan na magtatag at magpatibay ng ugnayan at pakikipagtulungan sa mga ahensya at katuwang na may mahalagang papel sa rehabilitasyon at reintegrasyon ng mga Persons Deprived of Liberty (PDLs) sa lipunan.

Layunin ng pagbisita na palakasin ang koordinasyon at pakikipagtulungan sa pagitan ng Catbalogan City District Jail at Samar Parole and Probation Office, lalo na sa pagpapatupad ng mga programa at interbensyon na makatutulong sa rehabilitasyon, pagbabago ng pag-uugali, at matagumpay na pagbabalik ng mga PDL sa komunidad. Naging pagkakataon din ito upang talakayin ang mga posibleng larangan ng kooperasyon at mga programang kapaki-pakinabang para sa mga PDL at sa buong komunidad.

Binigyang-diin ng nasabing pagbisita ang kahalagahan ng ugnayan at pakikipagtulungan ng iba't ibang ahensya sa pagtataguyod ng rehabilitasyon at paghahanda sa mga PDL para sa isang produktibo, makabuluhan, at responsableng pamumuhay matapos ang kanilang pagkakakulong. Sa pamamagitan ng mas matibay na partnership at sama-samang pagkilos, patuloy na itinataguyod ng Catbalogan City District Jail ang positibong pagbabago, pagbibigay-kakayahan, at matagumpay na reintegrasyon ng mga PDL sa lipunan.



#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏

19/08/2026

SA LARAWAN | Agosto 18, 2026 — Nagsagawa ang BJMP Catbalogan City District Jail kasama ang mga tauhan nga PDEA Samar ng Joint Greyhound Operation bilang bahagi ng patuloy na pagpapatibay ng seguridad at pagpapanatili ng kaayusan sa loob ng pasilidad.

Matagumpay na isinagawa ang magkasanib na operasyon na nagbunga ng negatibong resulta, kung saan walang nakitang ipinagbabawal na gamot, kagamitan sa paggamit ng droga, o iba pang kontrabando sa loob ng pasilidad ng piitan.

Layunin ng operasyon na matiyak ang ligtas, maayos, at kontroladong kapaligiran para sa lahat, alinsunod sa mga patakaran ng Kawanihan.

Ang programang ito ay patuloy na sinusuportahan ni JSSUPT RILL F SONON, DSC, Panrehiyong Direktor ng BJMP Region 8, at ni SJO3 Gerberto D Maquidato, Nakatalang Tagapangasiwa ng Catbalogan City District Jail, bilang bahagi ng kanilang patuloy na pagsusulong ng seguridad, disiplina, at maayos na pamamahala sa pasilidad.

Disiplina, Seguridad, at Serbisyo para sa Ligtas na Pamayanan.



#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏

12/08/2026

𝙋𝘼𝙂𝘿𝘼𝙇𝙊 𝙉𝙂 𝘽𝙅𝙈𝙋 𝘾𝘼𝙏𝘽𝘼𝙇𝙊𝙂𝘼𝙉 𝙎𝘼 𝙊𝙍𝙔𝙀𝙉𝙏𝘼𝙎𝙔𝙊𝙉 𝘼𝙏 𝙎𝙀𝙎𝙔𝙊𝙉 𝙉𝙂 𝙏𝙀𝙆𝙉𝙄𝙆𝘼𝙇 𝙉𝘼 𝙋𝘼𝙂𝙆𝘼𝙏𝙐𝙏𝙊 𝙃𝙄𝙉𝙂𝙂𝙄𝙇 𝙎𝘼 𝙍.𝘼. 9344 𝙉𝘼 𝙉𝘼𝘼𝙈𝙔𝙀𝙉𝘿𝘼𝙃𝘼𝙉 𝙉𝙂 𝙍.𝘼. 10630.

SA LARAWAN | Agosto 12, 2026 — Sa ilalim ng patnubay at pangangasiwa ng Panrehiyong Director ng Kawanihan ng Pamamahala sa Piitan at Penolohiya, BJMPROVIII ni JSSUPT RILL F SONON, DSC, JD, ang mga tauhan ng pasilidad na ito sa pangunguna ng Piitang Pangdistrito, SJO3 Gerberto D Maquidato, ay nagtungo sa Jiabong, Samar para makilahok sa oryentasyon at sesyon ng teknikal na pagkatuto hinggil sa R.A. 9344 o ang 𝙅𝙪𝙫𝙚𝙣𝙞𝙡𝙚 𝙅𝙪𝙨𝙩𝙞𝙘𝙚 𝙖𝙣𝙙 𝙒𝙚𝙡𝙛𝙖𝙧𝙚 𝘼𝙘𝙩 𝙤𝙛 2006 na naamyendahan ng 𝙍.𝘼. 𝙉𝙊. 10630.

Ang nasabing paksa ay itinalakay ni Mr. Leonilo L. Calipa, SWOIII, na nanggagaling sa Regional Juvenile Justice and Welfare Council, Rehiyon Otso, binigyang diin niya ay yung pagkakaiba ng Programang binibigay sa nasasakupan ng "Children At Risk" o ang "CAR" at sa "Child In Conflict with the Law" o ang tinatawag namang "CICL", ang mga ito ay mababase sa Programang Pang-interbensyon o ang Programang Pang-dibersyon. Ang nasabing kaganapan ay dinaluhan nina Atty. Joy P. Sadusta, OPP/Prosecutor 1 kasama sina Atty. Cheska D. Geli, Chief PAO Catbalogan City, Ma'am Ailene L. Ladera, RSW, MSSW, Head MSWDO at iba pang ahensya mula sa Munisipalidad ng Jiabong na kinabibilangan ng DepEd Jiabong, MHO, PESO, Sektor ng Kabataan, MDRRMO, PNP MPS at mga tauhan ng MSWDO. Mas naging makabuluhan ang kaganapan sa pamamagitan ng pagdalo ni 𝙃𝙊𝙉. 𝙅𝙐𝙇𝙄𝙀 𝙐. 𝘾𝙀𝙍𝙀𝙉𝙊, 𝙈𝘿, 𝙋𝙪𝙣𝙤𝙣𝙜 𝘽𝙖𝙮𝙖𝙣 ng Jiabong, kung saan siya ay nagbigay ng makabuluhang mensahe, inspirasyon at pasasalamat sa lahat ng mga dumalo lalong-lalo na sa mga bumubuo ng Regional Juvenile Justice and Welfare Committee.

Matapos ang mga talakayan, ang mga miyembro ng RJJWC kasama ang mga kalahok ay nagtungo sa pasilidad ng detensyon ng Jiabong MPS at Paranas MPS upang mag-monitor at bumisita.

Sa pamamagitan ng pagtutulungan ng Kawanihan ng Piitan at Penolohiya, kasama na ang Local na Pamahalaan at Regional Juvenile Justice and Welfare Council and Committee, tinitiyak ng mga ahensyang ito ang maayos na transisyon ng pangangalaga na binibigyang-priyoridad ang sistemang legal para sa mas epektibong rehabilitasyon ng mga nasasakupan.



#𝗖𝗵𝗮𝗻𝗴𝗶𝗻𝗴𝗟𝗶𝘃𝗲𝘀𝗕𝘂𝗶𝗹𝗱𝗶𝗻𝗴𝗔𝗦𝗮𝗳𝗲𝗿𝗡𝗮𝘁𝗶𝗼𝗻