Liberal Party - Cavite

26/08/2026

Maligayang Bati sa Iyong Kaarawan Manay Leila de Lima . Hangad po namin ang mas matagumpay na Paglilingkod ninyo sa Bayan at nawa'y pagkalooban pa kayo ng mas mabuting kalusugan ! 💛🩷💙

26/08/2026

Isang taon na mula nang pumanaw si Mrs. Judy Araneta-Roxas, ngunit nananatiling buhay ang kanyang pamana ng paglilingkod, malasakit, at pagmamahal sa bayan.

Bilang isang matibay na haligi ng Partido Liberal, naging bahagi si Tita Judy ng mga henerasyong nagtaguyod sa laban para sa demokrasya at mabuting pamamahala. Mula sa kanyang matatag na paninindigan matapos masugatan sa Plaza Miranda Bombing hanggang sa kanyang patuloy na suporta sa Partido Liberal, naging tahanan at sandigan siya ng maraming henerasyon ng mga Liberal.

Sa pamamagitan din ng kanyang paglilingkod sa Gerry Roxas Foundation at J. Amado Araneta Foundation, naipagpatuloy niya ang adhikaing maglingkod at magbigay ng pagkakataon sa mas maraming Pilipino.

Sa araw na ito, muli nating ginugunita ang kanyang buhay at pinahahalagahan ang isang pamana na patuloy na nagbibigay-inspirasyon sa Partido Liberal: ang pulitika ay hindi tungkol sa kapangyarihan, kundi sa paglilingkod.



📸 Liberal Party of the Philippines 🇵🇭

26/08/2026

During an impeachment trial proceeding, Senator Robin Padilla cited late Senator Ninoy Aquino's use of the alias "Marcial Bonifacio" to defend the use of pseudonyms, prompting Senator Bam Aquino to retort that while Ninoy had an alias, he "had no confidential funds.

Hayys ano koneksiyon ng sinasabi mo 🌶🌶?

24/08/2026

Maligayang Kaarawan , Senator Kiko Pangilinan !

Hangad namin at suportado ang tuloy-tuloy mong serbisyo na mag bebenepisyo ang ating mga kababayan , lalo na sa larangan ng Agrikultura at Mangingisda . Isang mabuting kalusugan nawa ang igawad lagi ng Panginoong Diyos sa inyo 💛 .

21/08/2026

Sa 𝗶𝗸𝗮-𝟰𝟯 𝗮𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗽𝗮𝗴𝗽𝗮𝗻𝗮𝘄 𝗻𝗶 𝗧𝗶𝘁𝗼 𝗡𝗶𝗻𝗼𝘆, magandang balikan ang ilan sa kanyang mga salita na nagpatawa, nagpaiyak, at nagbigay-inspirasyon sa maraming Pilipino, kabilang na ako.

Iba talaga siyang magsalita. Matalas mag-isip, mahusay sa mga salita, pero higit sa lahat, marunong siyang kumonekta sa mga tao. Kahit ilang dekada na ang lumipas, marami pa rin tayong mapupulot sa kanyang mga kuwento, paninindigan, at pagmamahal sa bayan.

𝗦𝗮𝗺𝗮𝗵𝗮𝗻 𝗻𝗶𝗻𝘆𝗼 𝗮𝗸𝗼𝗻𝗴 𝗯𝗮𝗹𝗶𝗸𝗮𝗻 𝗮𝗻𝗴 𝗶𝗹𝗮𝗻 𝘀𝗮 𝗺𝗴𝗮 𝗽𝗮𝗯𝗼𝗿𝗶𝘁𝗼 𝗸𝗼𝗻𝗴 𝘀𝗽𝗲𝗲𝗰𝗵𝗲𝘀 𝗮𝘁 𝗶𝗻𝘁𝗲𝗿𝘃𝗶𝗲𝘄𝘀 𝗻𝗶 𝗧𝗶𝘁𝗼 𝗡𝗶𝗻𝗼𝘆. ❤️🔥🇵🇭

***

𝗣𝗮𝗻𝗼𝗼𝗿𝗶𝗻 𝗻𝗮𝗻𝗴 𝗯𝘂𝗼 𝗮𝗻𝗴 𝗺𝗴𝗮 𝘁𝗮𝗹𝘂𝗺𝗽𝗮𝘁𝗶 𝗮𝘁 𝗶𝗻𝘁𝗲𝗿𝘃𝗶𝗲𝘄 𝗻𝗶 𝗧𝗶𝘁𝗼 𝗡𝗶𝗻𝗼𝘆 𝗻𝗮 𝗯𝗶𝗻𝗮𝗹𝗶𝗸𝗮𝗻 𝗻𝗮𝘁𝗶𝗻 𝘀𝗮 𝗿𝗲𝗮𝗰𝘁𝗶𝗼𝗻 𝘃𝗶𝗱𝗲𝗼:

🔗 Ninoy Aquino’s Speech in Los Angeles: https://www.youtube.com/watch?v=iSNYC9BLV_g
🔗 Ninoy Aquino’s guesting at The 700 Club Asia: https://www.youtube.com/watch?v=CD6jKICYFEE

𝗣𝗮𝗻𝗼𝗼𝗿𝗶𝗻 𝗱𝗶𝗻 𝗮𝗻𝗴 𝗶𝗯𝗮 𝗽𝗮𝗻𝗴 𝗶𝗻𝘁𝗲𝗿𝘃𝗶𝗲𝘄𝘀 𝗻𝗶 𝗧𝗶𝘁𝗼 𝗡𝗶𝗻𝗼𝘆:

🔗 Face the Nation Interview: https://www.youtube.com/watch?v=EDhKhI0LJYw
🔗 Ninoy’s Interview from Fort Bonifacio: https://www.youtube.com/watch?v=p2kylwJJY-A
🔗 Ninoy’s interview from inside his prison cell in Fort Bonifacio: https://www.youtube.com/watch?v=puGrKnbQ6rI
🔗 Ninoy Aquino’s last interview: https://www.youtube.com/watch?v=lUZAzIrnzNo

21/08/2026

Remembering Ninoy 🎗 (The Filipino Is Worth Dying For ) .

21/08/2026

𝘈𝘯𝘨 𝘢𝘵𝘪𝘯𝘨 𝘮𝘨𝘢 𝘬𝘢𝘱𝘢𝘵𝘪𝘥 𝘯𝘢 𝘒𝘢𝘵𝘶𝘵𝘶𝘣𝘰 𝘮𝘶𝘭𝘢 𝘴𝘢 𝘚𝘪𝘵𝘪𝘰 𝘔𝘢𝘱𝘰𝘳𝘢𝘤, 𝘉𝘳𝘨𝘺. 𝘕𝘦𝘸 𝘚𝘢𝘯 𝘑𝘶𝘢𝘯, 𝘊𝘢𝘣𝘢𝘯𝘨𝘢𝘯, 𝘡𝘢𝘮𝘣𝘢𝘭𝘦𝘴 𝘢𝘺 𝘭𝘶𝘣𝘰𝘴 𝘯𝘢 𝘯𝘢𝘢𝘱𝘦𝘬𝘵𝘶𝘩𝘢𝘯 𝘯𝘨 𝘮𝘢𝘵𝘪𝘯𝘥𝘪𝘯𝘨 𝘱𝘢𝘨𝘣𝘢𝘩𝘢 𝘥𝘶𝘭𝘰𝘵 𝘯𝘨 𝘏𝘢𝘣𝘢𝘨𝘢𝘵.

Humigit-kumulang 158 pamilya ang pinasok ng tubig-baha ang kanilang mga tahanan at kasalukuyang hindi makapaghanapbuhay dahil sa patuloy na masamang panahon.

Sa panahong ito ng pangangailangan, kailangan nila ang ating tulong.

Sa ngayon, MONETARY DONATIONS muna ang aming tinatanggap upang mabilis nating maibili sa lokal na pamilihan ang kanilang mga pangunahing pangangailangan, kabilang ang:

• Bigas
• Kape
• Asukal
• Hygiene kits para sa mga kababaihan
• Iba pang pangunahing pangangailangan

MGA DONATION CHANNELS:

📱 GCash: 0966 451 4769
Maricris A. Sausa

🏦 BPI: 1993199989
Teodoro B. Baguilat Jr.

🏦 China Bank: 134002043625
Angat Kalikasan Katutubo Pilipinas, Inc.

📌 Para sa maayos na pag-record at accounting ng inyong donasyon, mangyaring i-send ang screenshot ng proof of transfer sa aming Facebook Messenger o sa aming email:
[email protected]

Magkaisa at magbayanihan tayo. Anumang halaga ng tulong, gaano man kaliit, ay maaaring maging malaking ginhawa para sa ating mga kapatid na Katutubo na patuloy na humaharap sa epekto ng pagbaha.

Huwag nating hayaang malunod sa baha ang kanilang pag-asa. Sama-sama tayong tumulong.

Maraming salamat, KaTribu!
Haggiyo! Para sa Kalikasan at Katutubo.






📸 Angat Kalikasan Pilipinas

21/08/2026

Sa paggunita ng Partido Liberal sa 1971 Plaza Miranda Bombing ngayong araw, hindi na natin natagpuan ang historical marker na inilagay ng ating Partido sa Plaza Miranda noong 2008.

Limampu’t limang taon man ang lumipas, tanggalin man o nakawin ang mga palatandaan ng ating kasaysayan, hindi nito mabubura ang mga gunita at aral na iniwan ng Plaza Miranda Bombing.

Magpapatuloy tayong alalahanin ang mga yugto ng kasaysayan kung saan tumindig ang Partido Liberal—at patuloy na tumitindig—para sa demokrasya, kalayaan, at mga paninindigang pinanghahawakan natin hanggang ngayon.

Nananawagan tayo sa ating mga kababayan: kung mayroon mang nakakita sa historical marker ng Partido Liberal na inilagay sa Plaza Miranda, maaari lamang po ninyo itong ipagbigay-alam sa atin.

Ang mga palatandaan ay maaaring mawala, ngunit ang kasaysayan ay hindi mabubura.

Hindi Pasisiil.



📸 Liberal Party of the Philippines

21/08/2026

Kasama ang ating mga Liberal Party, Mamamayang Liberal (ML) Partylist, at Liberal Youth local chapters, pinangunahan ng ating LP Secretary-General Atty. Kit Belmonte at ni Kiko Aquino Dee ang paggunita sa ika-55 taon ng 1971 Plaza Miranda Bombing at ika-43 taon ng pagkamatay ni Ninoy Aquino.

Nag-alay sila ng mga bulaklak sa Plaza Miranda bilang pagpupugay sa mga Liberal at Pilipinong nagbuwis at nag-alay ng kanilang buhay sa paglaban para sa demokrasya at kalayaan.

Sa paggunita sa kanilang sakripisyo, muling pinagtitibay ng Partido Liberal ang paninindigan nitong ipaglaban ang katotohanan, kalayaan, at demokrasya.

18/08/2026