16/05/2026
PUBLIC APOLOGY
Para sa: Lumulupyo sa Brgy. Caduawan hilabi na kang Ms. Cristy Monterola ug sa tibouk niyang pamilya
Gikan sa: SK OFFICIALS BRGY. CADUAWAN
Jade
Gelle
Maayung buntag/gabie sa tanan,
Gumikan sa isyu nga nahitabo miaging adlaw, kami mga SK OFFICIALS sa Brgy. Caduawan (Karen, Kyla, Vim, Mary Gelle and Liesly) mapainubsanon nga mangayo og sinserong pasaylo sa among dili maayo nga nabuhat. Hilabi na kang Ms. Cristy Mae Monterola, Miss Tabogon Tourism -Brgy Caduawan Candidate og sa tibouk niya nga pamilya. Kami nasayud nga adunay mga butang nga among nabuhat nga sayop ug dili angay nga bulohaton.
Human sa among pag istoryahanay ug paghusay sa Barangay, nagkasinabtanay na ang tanang panig ug nahuman na kini sa malinawun nga paagi. Nagpasalamat kami sa higayon nga gihatag ni Ms. Cristy og sa iyang tibouk nga pamilya, aron maipakita ang among pagbasol og pag ako sa responsibilidad.
Sa among lumolupyo sa Brgy. Caduawan, nasayud kami isip mga lider sa kabatan-onan og public servant, Adunay dakong responsibilidad nga mahimong maayong ehemplo sa kumonidad. Apan tungod sa among sayop nga desisyon ug binuhatan, adunay mga tawo nga nasakitan ug nawad-an ug pagsalig kanamo. Amo kining gidawat ug among giaku ang among kakulang.
Unta mahatagan pa kame ug higayon nga mapakita ang among tinuoray nga pag basol. Nang hinaut kami nga pinaagi sa among mga lihok ug pag serbisyo sa atong Barangay mahinay-hinay namong mabawi ang inyong pag salig.
Hinaut usab nga kini mahimong leksyon dili lang kanamo kun dili usab sa tanan nga nag serbisyo sa publiko, nga ang respeto, pagpugong sa emosyon og sa kaugalingon, ug pag una sa kaayoha sa katawhan maoy kinahanglan.
Daghang Salamat.
