Barangay Mabolo Public Information Office

01/06/2026

𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟲 | 𝗠𝗔𝗕𝗢𝗟𝗢 𝗘𝗟𝗘𝗠. 𝗦𝗖𝗛𝗢𝗢𝗟

Malampusong gipahigayon ang Stakeholder’s Summit ug Brigada Eskwela 2026 sa Mabolo Elementary School isip pagpangandam sa umaabot nga klase.

Kini nga kalihokan gipadayag sa diwa sa bayanihan, diin nagtinabangay ang tanang stakeholders alang sa kalimpyo, kahapsay, ug kaluwasan sa eskwelahan.

Gitambongan usab kini ni Brgy. Captain Atty. Daniel Francis Arguedo ug Konsehal Lando Supremo, nga nagpakita sa ilang suporta sa programa alang sa edukasyon ug komunidad.

Dako kaayong pasalamat sa tanang miapil, ilabi na sa Clean and Green Team UG sa mga ginikanan nga naghatag og suporta sa pagpanglimpyo ug paghapsay sa palibot sa eskwelahan.

Padayon ta sa pagtinabangay alang sa mas hayag ug lig-on nga kaugmaon sa atong kabataan!

30/05/2026

𝟏𝟖-𝐀𝐍𝐘𝐎𝐒 𝐍𝐆𝐀 𝐁𝐀𝐁𝐀𝐄 𝐒𝐈𝐊𝐎𝐏 𝐒𝐀 𝐃𝐑𝐔𝐆𝐀𝐒, 𝐃𝐔𝐇𝐀 𝐍𝐀𝐃𝐀𝐊𝐏𝐀𝐍 𝐒𝐀 𝐌𝐀𝐆𝐊𝐀𝐋𝐀𝐈𝐍𝐆 𝐀𝐍𝐓𝐈- 𝐈𝐋𝐋𝐄𝐆𝐀𝐋 𝐃𝐑𝐔𝐆 𝐎𝐏𝐒 𝐒𝐀 𝐁𝐀𝐑𝐀𝐍𝐆𝐀𝐘 𝐌𝐀𝐁𝐎𝐋𝐎

Nagpakita og lig-on nga panaghiusa ang mga awtoridad sa Mabolo Police Station 4 ug ang Barangay Mabolo sa ilang kampanya batok sa ilegal nga droga human madakpan ang duha ka suspetsado sa magkahiusang operasyon sa Barangay Mabolo.

Sa operasyon nga gihimo sa 𝐒𝐢𝐭𝐢𝐨 𝐇𝐨𝐥𝐲 𝐍𝐚𝐦𝐞, nadakpan ang usa ka lalaking suspetsado tungod sa ilegal nga droga ug armas de fuego. Narekober gikan sa maong suspetsado ang mga pakete sa gidudahang shabu ug usa ka armas nga walay legal nga dokumento.

Samtang sa laing operasyon sa 𝐒𝐢𝐭𝐢𝐨 𝐌𝐚𝐠𝐭𝐚𝐥𝐢𝐬𝐚𝐲, nadakpan ang usa ka 18-anyos nga babaeng suspetsado human makuhaan og gidudahang ilegal nga droga atol sa anti-illegal drug operation nga gipahigayon sa kapolisan.

Ang inventory sa mga ebidensya gisaksihan ni 𝐁𝐚𝐫𝐚𝐧𝐠𝐚𝐲 𝐂𝐨𝐮𝐧𝐜𝐢𝐥𝐨𝐫, 𝐉𝐨𝐡𝐧 𝐏𝐚𝐮𝐥 𝐁𝐨𝐫𝐜𝐞𝐬 uban si 𝐉𝐮𝐧 𝐃𝐞𝐯𝐢𝐥𝐚, 𝐏𝐮𝐛𝐥𝐢𝐜 𝐈𝐧𝐟𝐨𝐫𝐦𝐚𝐭𝐢𝐨𝐧 𝐎𝐟𝐟𝐢𝐜𝐞𝐫 𝐬𝐚 𝐁𝐚𝐫𝐚𝐧𝐠𝐚𝐲 𝐌𝐚𝐛𝐨𝐥𝐨.

Giawhag usab ang mga Mabolohanon nga magpabiling alerto ug makigtambayayong sa mga awtoridad pinaagi sa pagreport sa mga illegal nga kalihokan sa komunidad.

29/05/2026

29/05/2026

𝗣𝗔𝗛𝗜𝗕𝗔𝗟𝗢 | 𝗠𝗘𝗗𝗜𝗖𝗔𝗟 𝗠𝗜𝗦𝗦𝗜𝗢𝗡 (𝗬𝗔𝗞𝗔𝗣)

Giawhag ang mosunod nga mga indibidwal nga motungha sa Barangay aron makakuha sa ilang tambal gikan sa Medical Mission (YAKAP):

📌 LISTAHAN SA MGA BENEPISYARYO:

• MARIÑAS, LAGRIMAS
• LUCENAS, ISIDRA
• BARGAMENTO, TERESITA
• CRISTORIA, TERESITA
• YBANEZ, GUILLERMA
• PRIMITIVA, ELENA
• CALIPARO, RONITA
• CAÑAR, RENERIO
• LASTIMOSA, MA. ELENA
• PEPITO, HELEN
• FERNANDEZ, IRENE
• ARCILAS, SONIA
• SUAN, ELPIDIA
• BASUBAS, RICHARD
• GONZALES, BRENDA
• BONGOLO, TOMAS
• ROSOS, DIOSDADO
• DELGADO, ROGELIA
• ESPINOSA, MELGINA
• RAMOS, EVANGELINE
• ROSOS, BENJAMIN
• DELA CERNA, MA. FLORDELUNA
• LARIDE, JESSICA
• BANGUIRAN, SINFROSA
• CONCEPCION, WILFREDO

📌 Palihog dad-a ang valid ID isip pamatuod.
📌 Kung dili makapersonal, pwede ra ang authorization letter uban sa valid ID sa tag-iya ug sa mu-claim.

Daghang salamat sa inyong kooperasyon!

27/05/2026

26/05/2026

𝗧𝗨𝗟𝗢 𝗞𝗔 𝗠𝗜𝗡𝗢𝗥, 𝗡𝗔-𝗥𝗘𝗦𝗖𝗨𝗘 𝗦𝗔 𝗠𝗔𝗕𝗢𝗟𝗢

Tulo ka mga minor ang na-rescue sa Barangay Mabolo. Matod pa sa mga bata nga atong gikahinabi, nagsugod sila og lakaw sukad alas 10 sa buntag gikan sa Minglanilla ug nakaabot sa Mabolo alas 9 sa gabii.

Samtang nagpaabot sa ilang mga ginikanan, gipakaon ug giatiman una ang mga bata aron masiguro ang ilang kahimtang.

Dako kaayong pasalamat gikan sa mga ginikanan ngadto sa atong sa atong Barangay Kapitan Atty. Daniel Francis Arguedo, Konsehal Markjones Dela Cruz ug sa Gad Focal Edna Maramara tungod sa dali ug episyenteng aksyon.

26/05/2026

𝗣𝗔𝗛𝗜𝗕𝗔𝗟𝗢 | 𝗣𝗛𝗜𝗟𝗛𝗘𝗔𝗟𝗧𝗛 𝗜𝗗 𝗔𝗩𝗔𝗜𝗟𝗔𝗕𝗟𝗘 𝗡𝗔

Sa tanang nikuhag ug nagparehistro sa PhilHealth ID, available na kini ug pwede na makuha dinhi sa Barangay Mabolo.

Palihug dalha ang inyong valid ID sa pag-claim.

Daghang salamat.

26/05/2026

𝗦𝗢𝗖𝗜𝗔𝗟 𝗣𝗘𝗡𝗦𝗜𝗢𝗡 𝗣𝗔𝗬-𝗢𝗨𝗧 𝗦𝗖𝗛𝗘𝗗𝗨𝗟𝗘

📅 Date: May 30, 2026 (Saturday)
⏰ Time: 8:00 AM – 3:00 PM
📍 Venue: Mabolo Elementary School Covered Court.

📌Gikinahanglan nga ang tanang benepisyaryo sa Social Pension Program for Indigent Senior Citizens magpa-verify pinaagi sa BBM Serbisyo Online Platform aron masuta kung rehistrado ba sila sa PhilSys I National ID System.

📌 Gidapit ang tanang Social Pension beneficiaries nga moadto sa nahisgutan nga lugar aron makadawat sa ilang benepisyo.

Palihog dad-a ang valid ID ug uban pang kinahanglanon nga dokumento alang sa verification.

Daghang salamat!

25/05/2026

✨ 𝐃𝐀𝐆𝐇𝐀𝐍𝐆 𝐒𝐀𝐋𝐀𝐌𝐀𝐓, 𝐌𝐀𝐁𝐎𝐋𝐎𝐇𝐀𝐍𝐎𝐍𝐒!

Sa makasaysayanong selebrasyon sa atong 𝐅𝐈𝐄𝐒𝐓𝐀 𝐒𝐀 𝐒𝐄Ñ𝐎𝐑 𝐒𝐀𝐍 𝐉𝐎𝐒𝐄 𝐏𝐀𝐓𝐑𝐈𝐀𝐑𝐊𝐀, daghang salamat sa matag Mabolohanon nga nakighiusa, nakigselebrar ug mipakita sa tinuod nga espiritu sa pagkahiusa, pagtoo ug kalipay!

Ang inyong presensya, suporta, pahiyom ug gugma maoy nakapahimong mas alegre, mas malipayon ug mas makahuluganon ang atong pista karong tuiga. Bisan asa ka gikan—kabatan-onan, ginikanan, tigulang, bisita ug mga kaigsuonan—kamo ang tinuod nga kasingkasing sa Mabolo!

Dili lang kini ordinaryong kasaulogan… kini usa ka pahinumdom nga lig-on gihapon ang atong panaghiusa isip usa ka komunidad nga puno sa pagtoo, kultura ug garbo sa pagka-Mabolohanon.

Ug kini pa lang ang sinugdanan!

Mas daghan pang makabungog, mas hugyaw nga kalihokan, ug mas dakong selebrasyon ang atong hulaton sunod tuig!

𝐕𝐈𝐕𝐀 𝐒𝐄Ñ𝐎𝐑 𝐒𝐀𝐍 𝐉𝐎𝐒𝐄 𝐏𝐀𝐓𝐑𝐈𝐀𝐑𝐊𝐀!

LAMBO MABOLO!