04/02/2026
ALAMIN NATIN: NIPAH VIRUS
Ang Nipah virus (NiV) ay isang zoonotic virus o sakit na galing sa infected na mga hayop (tulad ng paniki at iba pang domestic na hayop) at maaaring maipasa sa tao sa pamamagitan ng kontaminadong pagkain o person-to-person contact.
Mayroon itong 40% hanggang 75% na fatality rate, at itinuturing ng World Health Organization bilang isa sa mga "Priority Diseases", kasama ng Zika virus at COVID-19.
Karaniwang sintomas na nararanasan ng taong may Nipah Virus ang lagnat, pananakit ng ulo, ubo, pagkahilo, Pananakit ng lalamunan, hirap sa paghinga, at pagsusuka. Sa ilang kaso, maaaring humantong sa pagkalito, encephalitis o pamamaga ng utak, kombulsyon (seizures), at comatose sa loob ng 24 - 48 na oras.
Wala pang gamot o bakuna laban sa Nipah virus kaya mahalagang gawin ang mga pag-iingat upang maprotektahan ang sarili laban sa sakit na ito.
✅ Iwasan ang kontak sa fruit bats at mga hayop na may sakit
✅ Iwasan ang pagkain ng prutas na may kagat o sira
✅ Maghugas ng kamay pagkatapos humawak ng hayop
✅ Lutuin nang mabuti ang karne bago kainin
✅ Hugasang mabuti ang mga gulay at prutas bago kainin
Kung may travel history sa mga bansang may banta ng Nipah virus, agad na kumonsulta sa doktor o mag-report sa local health authority.
TANDAAN: WASTONG IMPORMASYON ANG PANGUNAHING PROTEKSYON SA MGA SAKIT
Para sa iba pang disease surveillance update, I-like, i-follow, at magmessage sa aming page.
Hotline Number: 0998-598-6041
