League of Filipino Students - UPLB

Home
Philippines
College
League of Filipino Students - UPLB

A national democratic mass organization for students lobbying against imperialists and fascists. It releases posters and statements on burning issues.

ABOUT US

The League of Filipino Students (LFS) started as an alliance against tuition fee increases and school repression during the time of Martial Law. Born September 11, 1977, the alliance formally became a national democratic mass organization in 1982. The LFS remains one of the largest student organizations in the country, continuously taking part in the history of the struggle of the youth

and the people. It has chapters in different colleges, universities and high schools, and also has a chapter in the San Francisco State University in America. The LFS is among the founding members of the Kabataan Partylist, the first and only youth partylist in Philippine Congress. It is a member of the New Patriotic Alliance (Bagong Alyansang Makabayan – BAYAN) and Kalikasan-People’s Network for the Environment (Kalikasan-PNE). It is also a member of the Asia Pacific Youth and Students Association, the International League of Peoples Struggle and the Philippines-Cuba Friendship Association. LFS-UPLB is a member-organization of Samahan ng Kabataan para sa Bayan (SAKBAYAN) and is a convenor of Youth League for the Advancement of Democratic Rights (Youth-LEAD) Save Our Education Movement (SOEM) and Republika Katagalugan.

----------

BASIC PRINCIPLES

The LFS is a national democratic mass organization with a socialist perspective. It believes in these basic truths:

Philippine society is semi-colonial and semi-feudal and the Filipino people is plagued by three evils – imperialism, feudalism and bureaucrat-capitalism. The Philippine education system, being colonial, commercialized and reactionary, needs to be replaced by a nationalist, scientific and mass-oriented education. The historical role of the youth and students is to arouse, mobilize and organize the broadest number of youth for the national democratic struggle of the people. The youth and the students need to unite with the basic masses, the peasants and the workers, in its struggle for genuine social change, through genuine agrarian reform and national industrialization.

----------

WHAT WE DO

To raise the socio-political awareness of the youth, the LFS organizes discussions such as forums, group discussions and other similar activities. It releases Commitment, its official newsletter, and Praxis, its theoretical journal. It also maintains online presencs through lfs.ph and Facebook among oter channels. It launches leadership and skills trainings and seminars for its members. To foster the cultural development of its members, as well as integration among its chapters, the LFS joins and holds their own plays, films and other cultural productions. To voice out the calls and stance of LFS through collective action, it organizes mass mobilizations, pickets, noise barrage and other forms of protests. Aside from taking up issues of the basic masses, the LFS also organizes integration programs with the workers, urban poor, peasant, fisherfolk, and indigenous peoples. It also reaches out to disaster victims through the Tulong Kabataan program. To foster solidarity with the youth and people of other nations, the LFS hosts exposure trips such as the annual Baliksambayanan program of members from USA, and the integration programs of the Anti-Invasion Asian Student Joint Action – Japan (AASJA).

31/08/2026

𝐈𝐥𝐢𝐭𝐚𝐰 𝐚𝐧𝐠 𝐥𝐚𝐡𝐚𝐭 𝐧𝐠 𝐛𝐢𝐤𝐭𝐢𝐦𝐚 𝐧𝐠 𝐬𝐚𝐩𝐢𝐥𝐢𝐭𝐚𝐧𝐠 𝐩𝐚𝐠𝐤𝐚𝐰𝐚𝐥𝐚! 𝐒𝐮𝐫𝐟𝐚𝐜𝐞 𝐚𝐥𝐥 𝐃𝐞𝐬𝐚𝐩𝐚𝐫𝐞𝐜𝐢𝐝𝐨𝐬!

Sa paggunita natin sa Pambansang Araw ng mga Desaparecidos nitong Agosto 30, kinikilala at pinararangalan natin ang mga bayaning nagbuwis ng buhay at nakibaka para sa kalayaan at karapatan ng mamamayan.

Ang International Day of the Victims of Enforced Disappearances ay araw ng pagkilala at pag-alala sa mga biktima ng sapilitang pagkawala—mga iligal na inaresto at idinitine, dinukot, pinaslang, at hanggang sa kasalukuyan ay hindi pa rin inililitaw. Hanggang ngayon, marami sa kanila ang nananatiling nawawala, habang ang kanilang mga pamilya ay patuloy na naghihintay ng katarungan at hustisya.

Patuloy ang ating panawagan na bigyang-katarungan ang mga biktima at pamilya ng mga desaparecidos. Hangga’t patuloy na nilalabag ng estado ang karapatang pantao ng mamamayan, hindi mananahimik ang hanay ng mga kabataang estudyante at ang sambayanan. Kasama ang mamamayan, patuloy nating kakalampagin at lalabanan ang bulok na sistemang nagpapatuloy sa kultura ng pandarahas at kawalang-pananagutan—mula sa panahon ng diktadurang Marcos Sr. hanggang sa kasalukuyang rehimen ng kanyang anak, si Marcos Jr.

Sa loob ng ating pamantasan, kilala ang Southern Tagalog 10 bilang mga biktima ng sapilitang pagkawala. Sila ay dinakip ng mga armadong puwersa sa ilalim ng diktadurya ni Marcos Sr. noong 1977 sa ilalim ng batas militar na hanggang ngayon ay hindi pa rin naililitaw. Sila ay ilan lamang sa mga aktibista at indibidwal na pinaslang ng pasistang estado dahil sa kanilang paglaban sa mapanupil na sistema. Ang kanilang buhay ay hinding-hindi masasayang dahil magpapatuloy ang kanilang sinimulan sa bagong dugo ng pakikibaka ng sangkaestudyantehan at iigting pa lalo upang pabagsakin ang bulok na sistema.

13/08/2026

🔺𝐓𝐔𝐌𝐁𝐀𝐍𝐆 𝐏𝐑𝐄𝐒𝐎
🔻𝐏𝐀𝐁𝐀𝐆𝐒𝐀𝐊𝐈𝐍 𝐀𝐍𝐆 𝐍𝐀𝐆𝐇𝐀𝐇𝐀𝐑𝐈𝐍𝐆 𝐔𝐑𝐈

🚨 MOST WANTED NG BAYAN🚨
Donald Trump
Benjamin Netanyahu
Sara Duterte
Bongbong Marcos
Gilbert Teodoro
Rodrigo Duterte
Bato Dela Rosa
Ralph Recto
Enrique Razon
Ramon Ang
Vina del Campo

Nag-enjoy ba kayo magpabagsak ng salot kahapon? 🪨

Hango sa Larong Pinoy na Tumbang Preso, layunin ng gimik na ito na pabagsakin ang mga lata na nagrerepresenta sa mga naghaharing uri at mayor na may sala sa masa. Gamit ang mga bolang taglay ang lakas ng mga manggagawa, magsasaka, kababaihan, artista, at kabataan, sama sama nating pababagsakin ang bulok na sistema.

~~~~~

Sumali sa mga pang-masang organisasyon

🔴 Anakbayan (AB) - UPLB
Pinaka komprehensibong pang-masang organisasyon ng kabataang Pilipino na nagbubuklod sa kabataan mula sa iba’t-ibang saray ng lipunan para kamtin ang tunay na pambansang demokrasya na may sosyalistang perspektiba.
📎tinyurl.com/abuplb-24-7

🟣 GABRIELA Youth (GY) - UPLB
Isang pambansa-demokratikong organisasyon na layuning pagkaisahin ang kabataang kababaihan laban sa pyudal-patriyarkal na lipunan. Kabigkis ang iba pang sektor sa lipunan, isinusulong ng organisasyon ang makauring paglaya kasabay ng paglaya ng kasarian.
📎https://bit.ly/GabYouthUPLB

🔴 League of Filipino Students (LFS) - UPLB
Nangungunang anti-imperyalistang pang-masang organisasyon ng kabataan-estudyante na nagsusulong ng pambansang demokratikong pakikibaka na may sosyalistang perspektiba.
📎tinyurl.com/LFSUPLBOnlineOrye2024

🟠 Panday Sining (PS) - UPLB
Isang pangkulturang organisasyon ng mga kabataang artista na naninindigang ang panitikan at sining ay mula sa masa at para sa masa.
📎https://tinyurl.com/PSUPLBOrientation

🟢 National Network of Agrarian Reform Advocates (NRY) - Youth
Isang pangmasang organisasyon ng mga kabataan at estudyanteng nagsusulong sa panawagan para sa tunay na reporma sa lupa.
📎https://forms.gle/7xBieULGVUM7kNy7A

⚪️ Student Christian Movement of the Philippines (SCMP) - UPLB
Isang ekumenikal na pangmasang organisasyon na naniniwala sa pamumuhay ng pananampalataya sa pamamagitan ng pagtataguyod ng karapatang pantao at pagsusumikap para sa isang makatao at makatarungang lipunan.
📎https://forms.gle/qAkk5hLXctJjM5La9

07/08/2026

𝐀𝐍𝐃𝐈𝐓𝐎 𝐍𝐀?! 𝐒𝐈𝐍𝐎?! 𝐒𝐈 𝐃𝐘𝐋𝐄𝐍! 𝐘𝐀𝐍 𝐀𝐍𝐆 𝐒𝐑 𝐍𝐀𝐌𝐈𝐍!

Buong lakas na ineendorso ng League of Filipino Students - UPLB si Dylen Gain V. Solomo sa kanyang nominasyon bilang ika-43 na Student Regent ng Unibersidad ng Pilipinas

Nananatiling atrasado ang kasalukuyang kaayusan ng sistema ng edukasyon. Habang sinasalat ang bawat estudyante sa rekurso’t pasilidad sa pagkatuto, siya ring paglulustay ng kaban ng bayan sa mga lutang na polisiya tulad ng Reframed General Education Curriculum Component (RGECC), Walang malinaw na plano para sa kinabukasan ng kabataan kundi gawin tayong murang lakas paggawa. Ipinapakain sa atin ang mga makadayuha at hindi makaestudyanteng pamantayan sa edukasyon para lamang manatili tayong “globally-competitive”. Matingkad na ang ating danas ay maiuugat sa kolonyal na tipo ng ating edukasyon, na pinagtitibay ng papet na rehimeng Marcos Jr.

Dagdag pa rito, nananatiling banta ang patuloy na komersyalisasyon sa loob at labas ng ating pamantasan. Hindi maikakaila dito ang kaliwa’t kanang pagpapatayo ng mga gentrified establishments sa palibot ng ating pamantasan gayundin ang patuloy na pagpapasok ng ating administrasyon ng mga Private-Public Partnership programs.Tuloy-tuloy ang pagkabutas ng bulsa ng ating kapwa mag-aaral habang nagpapakasasa sa salapi at kita ang mga malalaking korporasyon.

Labas pa sa pamantasan, malinaw at nasaksihan rin na'tin ang walang humpay na pag-atake ng estado sa mga progresibong indibidwal kasama rito ang ating mga lider-estudyante na nagsusulong ng ating mga demokratikong kahilingan. Hindi na napudpud ang bota ng AFP at PNP sa dami ng karapatang kanilang inaapakan, magmula pa lamang sa simula ng taong 2026 kung saan ay inatake ng berdugong AFP ang Abra De Ilog, Mindoro papunta sa karumal-dumal na sinapit ng Toboso 19 sa Negros Occidental. Malinaw na sa ilalim ng sindikatong gobyerno ni Marcos Jr ay walang tunay na demokrasya at kalayaan.

Mahalagang mapatimo sa atin na ang ugat ng ating danas ay ang mas lalong pagpapatibay ng Estados Unidos sa mapang-aping liderato ni Marcos Jr. para sa pansarili nitong interest, at ganansya.

Nananatiling malaking hamon sa ating mga susunod na lider-estudyante na panghawakan ang pinaka matalas na linya sa pagsusulong ng karapatan para sa sangkaestudyantehan at para sa mas malawak na sambayanang pilipino.

Sa kanyang tatlong taong panunungkulan bilang parte ng Konseho ng mag-aaral ng Kolehiyo ng Agham at Sining bilang Tagapangulo at Konsehal ay napuspos ni Dylen ang kanyang pagtugon sa mga isyu sa loob ng pamantasan, isa sa pinakamatingkad na tagumpay sa ilalim ng kanyang panunungkulan ay ang pagkakatanggal ng mandatory lab manuals sa chemistry, kalakip nito ay ang kanyang patuloy na pagkilos patungkol sa kasalukuyang kinahaharap na krisis ng sektor ng edukasyon sa porma ng RGECC, siya ay isang conveor ng Defend GE na naglalayong tutulan ang RGECC. Si Dylen ay lead convenor ng Rise 4 Education UPLB na kung saan ay isang alyansang nangunguna sa pagtugon sa mga kampanya laban sa neoliberal na tipo ng edukasyon.

Ipinakikita ng mayamang karanasan ni Dylen ang kanyang kasigagasigan sa pakikibaka para sa tunay na dekalibre at dekalidad na edukasyon. Sinasalamin ng kanyang determinasyon ang kanyang kakayahan para tanganan ang responsibilidad at irepresenta ang interes ng higit 60,000 UP constituents!

𝗜𝗦𝗞𝗢𝗟𝗔𝗥 𝗡𝗚 𝗕𝗔𝗬𝗔𝗡, 𝗣𝗔𝗚𝗟𝗜𝗡𝗚𝗞𝗨𝗥𝗔𝗡 𝗔𝗡𝗚 𝗦𝗔𝗠𝗕𝗔𝗬𝗔𝗡𝗔𝗡!

𝗠𝗔𝗚-𝗔𝗥𝗔𝗟, 𝗠𝗔𝗚𝗟𝗜𝗡𝗚𝗞𝗢𝗗, 𝗠𝗔𝗡𝗚𝗔𝗛𝗔𝗦 𝗡𝗔 𝗠𝗔𝗞𝗜𝗕𝗔𝗞𝗔!

04/08/2026

BAGONG ISKOLAR NG BAYAN, MAKIISA SA LABAN NG MAMAMAYAN! 🔥✊

Bukas, ika-4 ng agosto ay gaganapin ang FIRST SEM RAGE kung saan patatambuling ng sangkaestudyantehan ng UP Los Baños ang laban para sa totoong Nationalistic, Scientific at Mass-oriented na tipo ng edukasyon!

Sa gitna ng papatinding hamon ng panahon, sa tumitinding krisis sa pulitika at ekonomiya, nananatiling hamon sa ating mga bagong iskolar ng bayan na isalin ang ating lakas sa laban ng mamamayan labas pa sa mga bulwagan ng ating pamantasan para labanan ang imperyalistang pandarambong ng Estados Unidos, wakasan ang mapagsamantalang rehimeng US-Marcos at Duterte, at igiit ang tunay na soberanya!

Sumama sa pagkilos!
Magsuot ng p**a!

When: 2:30 PM, Aug 04
Where: Humss Steps, Main Cas Bldg

MAG-ARAL.
MAGLINGKOD.
MANGAHAS NA MAKIBAKA.

24/07/2026

𝙆𝘼𝘽𝘼𝙏𝘼𝘼𝙉 𝙉𝙂 𝙏𝙄𝙈𝙊𝙂 𝙆𝘼𝙏𝘼𝙂𝘼𝙇𝙐𝙂𝘼𝙉,
𝙈𝘼𝙂𝘽𝙄𝙂𝙆𝙄𝙎 𝙇𝘼𝘽𝘼𝙉 𝙎𝘼 𝙍𝙀𝙃𝙄𝙈𝙀𝙉𝙂 𝙐𝙎-𝙈𝘼𝙍𝘾𝙊𝙎 𝘼𝙏 𝘿𝙐𝙏𝙀𝙍𝙏𝙀!

Ngayong ikalimang State of the Nation Address (SONA) ng rehimeng US-Marcos Jr., inaasahang ipagyayabang na naman niya sa taumbayan ang pagpapakatuta niya sa imperyalistang Estados Unidos.

Sa gitna ng papalalang krisis panlipunan, at pabulusok na kalidad ng pamumuhay ay nagpapatuloy ang samu't saring kasinungalingan ng sindikatong Marcos Jr. at Duterte. Tuloy-tuloy ang pagpapasa ng mga huwad na polisiya ng estado para lamang pahintulutan ang imperyalistang pandarambong sa mismo nating lupain. Ang Pax Silica ang magpapagana sa pagnanakaw na ito sa 1,619 ektaryang lupa ng New Clark City na isusuko mismo ng gubyerno sa ilalim ng hurisdiksyon ng US. Patuloy rin ang bangayan sa Senado ng nagtutunggaliang pangkatin ng mga burukrata-kapitalista sa nangyayaring impeachment hearing ni Sara Duterte. Walang humpay ang atake ng parehong kampo sa isa't isa upang manatili at mag-agawan sa kapangyarihan ng estado poder habang naghihikahos ang sambayanang Pilipino.

Sa ika-25 ng Hulyo hanggang ika-27, madarama ng mga lansangan ang Hagupit ng Timog Katagalugan, na siyang maglalantad sa mga kasinungalingan at tunay na danas ng mamayan sa tutang rehimen.

Kung kaya't inaanyayahan ng League of Filipino Students - UPLB ngayong SONA ng BAYAN ang lahat ng kabataan ng Timog Katagalugan upang magbuklod at sumanib sa hanay ng aping masa.

Sumama sa mangyayaring pagkilos, makiisa sa laban ng sambayanan!

𝐌𝐀𝐑𝐂𝐎𝐒, 𝐏𝐀𝐓𝐀𝐋𝐒𝐈𝐊𝐈𝐍!
𝐃𝐔𝐓𝐄𝐑𝐓𝐄, 𝐏𝐀𝐓𝐀𝐋𝐒𝐈𝐊𝐈𝐍!
𝐈𝐌𝐏𝐄𝐑𝐘𝐀𝐋𝐈𝐒𝐌𝐎, 𝐈𝐁𝐀𝐆𝐒𝐀𝐊!

21/07/2026

𝙆𝘼𝘽𝘼𝙏𝘼𝘼𝙉 𝙏𝘼𝙉𝙂𝘼𝙉𝘼𝙉 𝘼𝙉𝙂 𝙈𝙄𝙇𝙄𝙏𝘼𝙉𝙏𝙀𝙉𝙂 𝘿𝙄𝙒𝘼!
𝙋𝙐𝙈𝙐𝙉𝙏𝘼 𝙎𝘼 𝙎𝙊𝙉𝘼 𝙉𝙂 𝘽𝘼𝙔𝘼𝙉 𝙉𝙂𝘼𝙔𝙊𝙉𝙂 𝙅𝙐𝙇𝙔 25-27!

Lubog na lubog sa krisis ang samabayanang pilipino. Mula sa pasistang pagsalubong ng bagong taon, nagsusumirit na presyo ng mga pangangailangan, presyo ng langis, at hindi makataong serbisyo sa mamamayan.

Lahat ng ito habang patuloy ang pakikipagsapakat ng sindikatong rehimen ni Marcos Jr. sa Imperyalistang Estados Unidos. Mula sa mga tagibang na polisiyang ekonomiko hanggang sa tahasang pagbebenta ng sariling lupain para sa Data centers ng Pax Silica. Pinatutunayan at sinasalamin ng sindikatong gobyerno ni Marcos Jr. ang kanyang pagiging huwad na serbisyong bayan sa halip ay tunay na papet ng mga naghaharing imperyalista.

Ngayon ika-27 ng Hulyo ay gaganapin muli ang taunang pagsisinungaling ng administrasyong Marcos sa mga tagumpay at nakamit nito upang tangkang pagtakpan ang kanyang kapabayaan, at pangaabuso sa mamamayang pilipino sa ngalan ng makadayuhang negosyo.

Ang League of Filipino Students – UPLB ay magsasagawa ng mga serye ng diskurso para sa papalapit na State of the Nation Address ng Bayan sa ganap na ika-22 hanggang ika-1 ng Agosto. Hinihimok ng Liga ang lahat ng kabataan sa iba’t-ibang sektor na makiisa sa gaganaping SONA ng bayan!

Ang mga Educational Discussion na ito ay itatampok ang:
Pax Silica, Hindi Regalo sa mga Pilipino 22, 3PM
Education Situationer 24, 4PM
On Imperialist Neoliberal Offensive in Education 1, 4PM

Mangyaring mag sign-up sa link:
https://forms.gle/vagPpYNwmsUoiF4T9
https://forms.gle/vagPpYNwmsUoiF4T9
https://forms.gle/vagPpYNwmsUoiF4T9

14/07/2026

𝐒𝐀𝐑𝐀𝐇 𝐏𝐀𝐓𝐀𝐋𝐒𝐈𝐊𝐈𝐍, 𝐌𝐀𝐑𝐂𝐎𝐒 𝐏𝐀𝐓𝐀𝐋𝐒𝐈𝐊𝐈𝐍
𝐋𝐀𝐇𝐀𝐓 𝐍𝐆 𝐒𝐀𝐍𝐆𝐊𝐎𝐓, 𝐃𝐀𝐏𝐀𝐓 𝐌𝐀𝐍𝐀𝐆𝐎𝐓!

Sa pagpapatuloy ng impeachment trial laban kay Sara Duterte, muling nahahati ang atensyon ng sambayanan sa banggaan ng mga paksyon ng naghaharing uri. Habang inilalarawan ng kampo ni Duterte ang impeachment bilang isang pamumulitika lang, ginagamit naman ng kampo ni Marcos Jr. ang proseso upang higit pang palakasin ang kanilang pampulitikang posisyon. Bilang kabataan at estudyante, hindi tayo dapat magpalinlang sa alinmang kampo ng mandarambong at sinungaling na Duterte at Marcos Jr.

Ang usapin ng impeachment kay Sara Duterte ay usapin ng ananagutan. Isang paglapastangan sa karapatan at hustisyang panlipunan ang walang pagpapasubaling sabihin na “pamumulitika” ang inirerehistrong hinaing ng taumbayan sa walang habas na kurapsyon at pandarambong ni Duterte.

Hindi katanggap-tanggap ang hindi pagsipot ni Sara Duterte sa panimulang impeachment trial, habang nagkukumahog ang kanyang legal counsel sa paglinis ng kanyang pangalan. Sinasalamin lamang ng pag iwas ni Sara Duterte sa Impeachment trial hearings ang kanyang maduming konsensya at halang na bituka. Kalapastanganan sa karapatan ng taumbayan sa katotohanan at hustisya ang kanyang pag-iwas sa pananagutan.

Gayunpaman, mahalagang mapatimo sa ating mga kabataan na hindi hiwalay sa tunggalian ng Marcos Jr at Duterte ang nangyayaring impeachment. Ginagamit ng sindikatong gobyerno ni Marcos Jr. ang impeachment process bilang bahagi ng mas malawak na konsolidasyon ng kapangyarihan at pagpapalakas ng kanilang pampulitikang kampo. Higit sa nakikita, ay dapat din na panagutin si Marcos Jr. sa libong inutang na dugo sa Hindi nito inaabswelto ang pangangailangang papanagutin si Sara Duterte. Ang tunggalian ng dalawang paksyon ay hindi dapat maging dahilan upang makaligtas ang sinuman sa pananagutan.

Habang nag-aagawan ng kapangyarihan ang mga naghaharing dinastiya, patuloy namang dinaranas ng mamamayan ang komersyalisadong edukasyon, mababang sahod, kawalan ng lupa para sa mga magsasaka, mataas na presyo ng bilihin, at iba pang bunga ng isang sistemang nagsisilbi sa interes ng iilan. Sa aming pagsusuri, ang mga suliraning ito ay nakaugat sa malakolonyal at malapyudal na kaayusan at sa burukrata kapitalismo na pinananatili ng magkakasunod na naghaharing rehimen.

Kaya hindi dapat mauwi ang laban sa pagpili lamang sa pagitan ng Marcos at Duterte. Dapat panagutin si Sara Duterte sa mga akusasyong kinakaharap niya. Dapat ding singilin ang administrasyong Marcos sa pagpapatuloy ng mga patakarang nagpapahirap sa mamamayan at sa paggamit ng bangayang pampulitika para sa sariling konsolidasyon ng kapangyarihan. Lahat ng sangkot sa pandarambong, korupsyon, at pang-aabuso sa kapangyarihan ay dapat managot.

Hindi sapat ang pagpapalit ng mukha sa kapangyarihan. Ang kailangan ay tunay na pananagutan at pagbabagong magwawakas sa sistemang nagpapanatili ng korupsyon, dinastiyang pampulitika, at pagsasamantala.

09/07/2026

𝗛𝗜𝗡𝗗𝗜 𝗧𝗨𝗡𝗔𝗬 𝗡𝗔 𝗞𝗔𝗜𝗕𝗜𝗚𝗔𝗡 𝗔𝗡𝗚 𝗜𝗠𝗣𝗘𝗥𝗬𝗔𝗟𝗜𝗦𝗧𝗔𝗡𝗚 𝗨𝗦!

Bilang paggunita sa nagdaang "Filipino-American Friendship Day" noong ika-4 ng Hulyo, suriin natin ang mapanlinlang na paggigiit ng US at ng estado ng Pilipinas na mayroong "friendship" at pantay na alyansa sa pagitan ng dalawang bansa. Sa katunayan, nananatiling nakabatay ang relasyong ito sa lihis na interes ng imperyalistang US at sa pagkatuta ng estado ng Pilipinas sa bawat dikta ng imperyalistang bansa.

Hindi nagsimula sa "friendship" ang relasyon ng US sa Pilipinas kundi bilang isang pananakop. Matapos ideklara ng Pilipinas ang kalayaan noong 1898, ipinasa ito ng Espanya sa Estados Unidos sa pamamagitan ng Treaty of Paris nang walang pahintulot ng sambayanang Pilipino. Sinundan ito ng Digmaang Pilipino-Amerikano (1899–1902), kung saan daan-daang libong Pilipino ang nasawi at nawasak ang Unang Republika. Hanggang matapos ang pormal na kalayaan noong 1946, nanatiling malakas ang impluwensiya ng US sa ekonomiya at seguridad ng Pilipinas sa pamamagitan ng iba't ibang kasunduan.

𝙆𝙖𝙞𝙗𝙞𝙜𝙖𝙣 𝙗𝙖 𝙖𝙣𝙜 𝙢𝙜𝙖 𝙢𝙖𝙣𝙖𝙣𝙖𝙠𝙤𝙥?

Kahit na isantabi ang madugo at mapanlinlang na historya ng US at Pilipinas patuloy ang pandarambong sa kasalukuyan—gunitain natin: hindi maituturing mayroong "alyansa" kung ang mga inisiyatibang itinutulak ng imperyalistang US ay hindi pantay at makatarungan na siya namang patutang kinakagat ng estado ng Pilipinas. Kasalukuyang nangunguna sa mga inisiyatibang ito ang Pax Silica na kung saan isinanla ng rehimeng Marcos ang 1,619-ektaryang Economic Security Zone sa Luzon sa US upang makontrol ang supply chain ng mga kritikal na mineral gaya ng nickel at pagbuo ng superconductors na nagpapalago sa industriya ng artificial intelligence o AI sa US—dehado ang Pilipinas sa koalisyong ito at nakukulong sa mababang ekonomikang papel sa sarili nitong lupain at likas-yaman.

Kamukhang-kamukha ng inisiyatibang ito ang mga nagdaan at palpak na export-oriented industrialization projects na nagpapabaon sa dominasyon ng mga dayuhang monokapitalista sa lupain ng Pilipinas, habang patuloy naman na nahaharangan ang paglulunsad ng pambansang industriya.

𝙆𝙖𝙞𝙗𝙞𝙜𝙖𝙣 𝙗𝙖 𝙖𝙣𝙜 𝙢𝙜𝙖 𝙢𝙖𝙣𝙙𝙖𝙧𝙖𝙢𝙗𝙤𝙣𝙜?

Sumasabay pa rito ang tumitinding presensyang militar at agresyong militar ng US sa Pilipinas sa pamamagitan ng pagpapalawak ng mga kasunduang panseguridad, dagdag na akses sa mga pasilidad militar, at mas madalas na pagsasagawa ng mga ehersisyong militar gaya ng Balikatan Exercises na higit na nagsisilbi sa estratehikong interes ng US kaysa sa tunay na pambansang interes ng Pilipinas.

𝙆𝙖𝙞𝙗𝙞𝙜𝙖𝙣 𝙗𝙖 𝙖𝙣𝙜 𝙢𝙜𝙖 𝙬𝙖𝙧𝙢𝙤𝙣𝙜𝙚𝙧𝙨?

Tumatagos din ang kolonyalismo at neoliberal na kontrol sa edukasyon at maging ang kamalayan ng mamamayang Pilipino, na hinuhubog upang ituring na normal at kanais-nais ang impluwensiya ng US sa bansa.

SURIIN NATIN: batid ng US ang mapalinlang ginagawa nito, ang kapal ng mukha ng US para ideklara ang sarili bilang kakampi o kaibigan ng Pilipinas habang harap harapang namamantala!

Kaya marapat lamang na makiisa at isulong ang anti-imperyalistang pagkilos! Ilantad ang kahuwaran ng pagkakaibigan ng US at Pilipinas at ang pagpapakatuta ng ating presidente na si Marcos Jr.!

Sumali na sa nangungunang anti; imperyalistang pangmasang organisasyon ng kabataan, ang League of Filipino Students-UPLB!

MAG-ARAL, MAGLINGKOD, AT MANGAHAS NA MAKIBAKA!

09/07/2026

Ipinagkanulo ng administrasyon ng UPLB ang mga Iskolar ng Bayan habang ipinalalandakan na “maglingkod sa sambayanan.”

Sa mismong araw ng pagtatapos, ang rurok ng tagumpay ng mga Iskolar ng Bayan, mas pinili ng UPLB administration na magbigay ng plataporma sa isang traydor na CHED Commissioner Agrupis at isang dayuhang Hapones, imbes na sa mga kinatawan ng sambayanan. Lantad ang totoong prayoridad ng admin—ang sundin ang neoliberal na hangarin ng pamantasan; ang “iglobalize” ang lakas-paggawa ng mga Iskolar ng Bayan; at isuko ang kakayahan ng mga Iskolar na maglingkod sa bayan para sa dayuhang kapital at tubo. Ang huwad na "internationalization" ay ang makabagong anyo ng kolonisasyon—ang pagsakop sa isipan ng kabataan sa ilalim ng edukasyong nakatali sa makadayuhang interes ng imperyalismo. Ngunit ito ang dapat lagi’t lagi nating panghawakan: Ang mga Iskolar ng Bayan ay mula sa bayan at para sa pagsisilbi sa sambayanan.

02/07/2026

𝗨𝗦 𝗜𝗠𝗣𝗘𝗥𝗜𝗔𝗟𝗜𝗦𝗧, 𝗙𝗔𝗞𝗘 𝗙𝗥𝗜𝗘𝗡𝗗 𝗞𝗔!

Sa paparating na ika-4 ng Hulyo, ginugunit ang Filipino-American “Friendship” Day na malinaw ay isang huwad na pagkakaibigan. Mula sa madugong kasaysayan ng Philippine-American War at direktang kolonyalismong US; magpahanggang sa malakolonyang modernong interbensyon nito sa militar, pulitika, hanggang sa pag-impluwensya nito sa kultura; tayo ay ginagamit lamang ng Imperyalistang US para palakihin pa at paigtingin ang kanyang kapangyarihan at mga adyenda.

Sumama sa mga aktibidad ngayong ika-4 at ika-5 ng Hulyo upang kondenahin ang panghihimasok ng US sa ating bansa at pag-aralan kung bakit hindi natin kaibigan ang US.

🗓️ Hulyo 4, 2025 Filipino-American Frienship Day Mobilization, 5pm, Cpark
🗓️ Hulyo 5, 2025 Ang Imperyalismong US ay Hindi Kaibigan ng US Educational Discussion, 5pm, Online

Mag register na!: https://forms.gle/fRfBdDw1wxgP7rqy5

𝙈𝘼𝙂-𝘼𝙍𝘼𝙇, 𝙈𝘼𝙂𝙇𝙄𝙉𝙂𝙆𝙊𝘿, 𝙈𝘼𝙉𝙂𝘼𝙃𝘼𝙎 𝙉𝘼 𝙈𝘼𝙆𝙄𝘽𝘼𝙆𝘼

Address

College

Website

https://bit.ly/JoinLFS-UPLB2026

Alerts

Be the first to know and let us send you an email when League of Filipino Students - UPLB posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to League of Filipino Students - UPLB:

Want your organization to be the top-listed Government Service in College?

League of Filipino Students - UPLB

31/08/2026

13/08/2026

07/08/2026

04/08/2026

24/07/2026

21/07/2026

14/07/2026

09/07/2026

09/07/2026

02/07/2026

Address

Website

Alerts

Contact The Organization

Shortcuts

Share

Category

Listing takedown request