Municipal Health Office - Concepcion Tarlac

01/10/2026

🤱🏻 BREASTFEEDING AND PREGNANCY LAY FORUM SEPTEMBER 30, 2026

Isinagawa noong September 30, 2026 ang Breastfeeding and Pregnancy Lay Forum sa Concepcion Municipal Building, na pinangunahan ng Concepcion Municipal Health Office, katuwang ang Barangay Nutrition Scholars (BNS), HRH–NDP Concepcion, at Provincial Health Office (PHO).

Layunin ng forum na mabigyan ang mga buntis at nagpapasusong ina ng tama, napapanahon, at praktikal na kaalaman tungkol sa wastong pangangalaga sa panahon ng pagbubuntis, tamang nutrisyon, paghahanda para sa ligtas na panganganak, at wastong pagpapasuso.

Binigyang-diin din ang kahalagahan ng regular na prenatal check-up, pagkilala sa mga danger signs sa pagbubuntis, maternal nutrition, birth preparedness, exclusive breastfeeding, at tamang breastfeeding practices para sa kalusugan at kapakanan ng ina at sanggol.

Sa pamamagitan ng ganitong mga aktibidad, patuloy nating pinalalakas ang kaalaman, kumpiyansa, at kakayahan ng mga ina at pamilya na pangalagaan ang kanilang kalusugan at makapagbigay ng pinakamainam na pangangalaga sa kanilang mga anak.

24/09/2026

24/09/2026

IMMUNIZATION, DENGUE, & RABIES AWARENESS ACTIVITY 🦟💉🐶

Ngayong araw, matagumpay na isinagawa sa Jeci Lapus Sports Complex ang isang health awareness activity na pinangunahan ng Municipal Health Office of Concepcion sa pakikipagtulungan ng Tarlac Medical Society.

Tampok sa aktibidad ang mga makabuluhang health discussions tungkol sa:

🦟 Dengue Prevention and Control – mga paraan upang maiwasan ang pagdami ng lamok at maprotektahan ang pamilya at komunidad laban sa dengue.

💉 Immunization – kahalagahan ng bakuna bilang proteksyon laban sa mga vaccine-preventable diseases at pagpapanatili ng mataas na immunization coverage sa komunidad.

🐶 World Rabies Day Awareness – isinagawa rin ang paggunita sa World Rabies Day upang palawakin ang kaalaman ng komunidad tungkol sa rabies prevention, responsible pet ownership, at kahalagahan ng agarang pagpapatingin at pagbabakuna matapos ang animal bite.

Ang aktibidad ay bahagi ng patuloy na pagsisikap ng Municipal Health Office at mga katuwang nitong organisasyon na palakasin ang health education, disease prevention, at community participation

24/09/2026

📅 SEPTEMBER 24, 2026
📍 STA. MONICA COVERED COURT

💙 LIBRENG SERBISYONG PANGKALUSUGAN!

🩺 Medical Consultation
🦷 Dental Services
🫁 Free Chest X-Ray
🧪 Laboratory Services
🩸 Mass Blood Donation Drive
💊 Health Education
➕ Iba pang available na health services

Layunin ng gawaing ito na mailapit ang mahahalagang serbisyong pangkalusugan sa ating mga kabarangay at makatulong sa maagang pagtukoy at pag-iwas sa mga karamdaman.

📣 Tara na! Magpa-check-up, magpa-screening, at samantalahin ang mga LIBRENG SERBISYONG PANGKALUSUGAN! 💙

13/09/2026

04/09/2026

MEDICAL-DENTAL MISSION
Brgy. Minane
Brgy. San Nicolas Poblacion
September 3–4, 2026

Isinagawa ang Medical-Dental Mission sa Brgy. Minane kahapon at Brgy. San Nicolas Poblacion, Concepcion ngayon araw.

Ang aktibidad ay pinangunahan ng Concepcion Municipal Health Office sa pangunguna ni Dr. Benjamin Q. Bengco III, Municipal Health Officer kasama sina Dr. Gladys Lourdes Bengco, at Dr. Leilani Fernandez.

Layunin ng Medical-Dental Mission na makapaghatid ng pangunahing serbisyong medikal at dental sa mga residente ng ating komunidad, bilang bahagi ng patuloy na pagsisikap na mailapit ang serbisyong pangkalusugan.

Taos-pusong pasasalamat sa lahat ng Barangay Officials at health personnel na naglaan ng oras, pagod, at serbisyo upang maging matagumpay ang programang ito. Maraming salamat din sa lahat ng naging bahagi ng programa at sa mga residenteng nakiisa.

02/09/2026

📢 MEDICAL MISSION!

Venue: Little Baguio Covered Court San Nicolas Poblacion
Date: September 04, 2026

Sa panahon ng pagsubok, mahalaga ang pagtutulungan at malasakit sa isa't isa. Ang 𝘊𝘰𝘯𝘤𝘦𝘱𝘤𝘪𝘰𝘯 𝘙𝘶𝘳𝘢𝘭 𝘏𝘦𝘢𝘭𝘵𝘩 𝘜𝘯𝘪𝘵 𝘐 ay magsasagawa ng 𝘔𝘦𝘥𝘪𝘤𝘢𝘭 𝘔𝘪𝘴𝘴𝘪𝘰𝘯 para sa ating mga kababayang higit na nangangailangan at nasalanta ng bagyo.

Magkakaroon ng libreng serbisyong pangkalusugan upang makatulong sa pag-aalaga at pagpapanatili ng kalusugan ng ating komunidad.

Sama-sama tayong bumangon, magtulungan, at maghatid ng pag-asa sa ating mga kababayan!