Ibabao, Cordova, Cebu

02/06/2026

𝗜𝗕𝗔𝗕𝗔𝗢 𝗔𝗡𝗧𝗜 𝗖𝗥𝗜𝗠𝗘 𝗧𝗘𝗔𝗠 𝗡𝗔𝗚𝗣𝗔𝗗𝗔𝗬𝗢𝗡 𝗦𝗔 𝗔𝗗𝗟𝗔𝗪 𝗔𝗗𝗟𝗔𝗪 𝗡𝗚𝗔 𝗡𝗜𝗚𝗛𝗧 𝗥𝗢𝗩𝗜𝗡𝗚 𝗢𝗣𝗘𝗥𝗔𝗧𝗜𝗢𝗡𝗦

Padayon ang adlaw adlaw nga night roving operations sa atong Ibabao Anti Crime Team (I-ACT), diin ang atong mga volunteers nagserbisyo ug nagbantay sa lain laing bahin sa Barangay Ibabao aron makatabang sa pagmintinar sa kalinaw, kahapsay, ug kaluwasan sa komunidad. Dako ang ilang nahimong papel sa pagpamenos sa mga insidente sama sa pagpangawat, kagubot, ug uban pang mga kalapasan nga kasagarang mahitabo matag gabii, tungod kay andam silang motubag ug motabang gikan sa ilang mga nakatalagang estasyon.

Kini nga programa gisugdan ubos sa pagpanguna ni Punong Barangay Hon. Atty. Arthur L. Degamo kauban ang tibuok Ibabao Council nga mipakita sa ilang suporta ug pag aproba sa maong inisyatiba alang sa kaayohan sa komunidad. Atong giila ug gipasalamatan si Sir Jose Estremos tungod sa iyang dakong kontribusyon sa pag facilitate ug pagtabang sa pagpalihok sa maong programa. Pinaagi sa hiniusang paningkamot sa barangay ug sa mga volunteers, nagpadayon ang paglig on sa kaluwasan ug kalinaw sa Barangay Ibabao.

02/06/2026

𝗖𝗔𝗦𝗛 𝗔𝗦𝗦𝗜𝗦𝗧𝗔𝗡𝗖𝗘 𝗧𝗨𝗥𝗡 𝗢𝗩𝗘𝗥 𝗦𝗔 𝗦𝗜𝗧𝗜𝗢 𝗜𝗕𝗔𝗕𝗔𝗢 𝗧𝗨𝗠𝗢𝗬 𝗖𝗛𝗔𝗣𝗘𝗟

Isip pagsuporta sa atong mga chapel sa lainlaing mga sitio sa atong Barangay mihatag kita og cash assistance sa Sitio Tumoy Chapel alang sa ilang niagi nga fiesta, maingon nga late na kini nga post pero bout natong ipa hibaw nga mihatag kita nila ug financial assistance aron sa ilang mga kalihokan. Ang maong assistance nagtumong sa pagtabang sa preparasyon ug pagpahigayon sa ilang mga kalihokan.

Ang total nga financial assistance nga gihatag nagkantidad og ₱19,500.00 — ₱15,000.00 para sa purok ug ₱4,500.00 para sa chapel.

Ang Barangay ubos sa pagdumala sa atong Punong Barangay Hon. Atty. Arthur L. Degamo ug Ibabao Council nagpadayon sa pagsuporta sa mga umaabot pa nga mga kalihokan sa matag sitio ug nagdasig sa pagpadayon sa atong tradisyon ug debosyon.

01/06/2026

𝗕𝗔𝗥𝗔𝗡𝗚𝗔𝗬 𝗥𝗘𝗚𝗨𝗟𝗔𝗥 𝗦𝗘𝗦𝗦𝗜𝗢𝗡

May 9, 2026

Niadtong Mayo 9, 2026, malampusong gipahigayon ang Barangay Regular Session diin gipanghisgutan ug girepaso sa mga opisyal sa barangay ang nagkalain-laing mga isyu, programa, ug mga umaabot nga proyekto ug kalihokan alang sa kaayohan sa komunidad.

Lakip sa mga hilisgutan ang mga plano alang sa pagpalambo sa serbisyo publiko, mga kalihokan para sa katawhan, ug uban pang mga inisyatiba nga nagtumong sa paghatag og mas maayong serbisyo ug padayon nga kalamboan sa atong barangay.

Ang maong sesyon nagpamatuod sa padayon nga paningkamot sa mga opisyal sa barangay sa pagtrabaho nga adunay panaghiusa, responsibilidad, ug dedikasyon aron masiguro ang kaayohan ug kauswagan sa tanang lumulupyo sa atong barangay.

01/06/2026

𝗙𝗟𝗢𝗥𝗘𝗦 𝗗𝗘 𝗠𝗔𝗬𝗢 𝗖𝗨𝗟𝗠𝗜𝗡𝗔𝗧𝗜𝗢𝗡 𝗚𝗜𝗣𝗔𝗛𝗜𝗚𝗔𝗬𝗢𝗡 𝗦𝗔 𝗟𝗔𝗜𝗡 𝗟𝗔𝗜𝗡𝗚 𝗦𝗜𝗧𝗜𝗢 𝗦𝗔 𝗕𝗔𝗥𝗔𝗡𝗚𝗔𝗬 𝗜𝗕𝗔𝗕𝗔𝗢

Malampuson natong gipahigayon ang 𝐅𝐥𝐨𝐫𝐞𝐬 𝐃𝐞 𝐌𝐚𝐲𝐨 𝐂𝐮𝐥𝐦𝐢𝐧𝐚𝐭𝐢𝐨𝐧 sa lain laing sitio sa atong Barangay Ibabao, diin nagkahiusa ang atong mga constituents sa pagpadayon sa maong tradisyon nga nagpalig on sa pagtuo ug panaghiusa sa komunidad. Ang kalihokan nahimong higayon alang sa mga pamilya ug kabatan onan nga magkahiusa ug makigbahin sa usa ka mahinungdanong selebrasyon.

Isip kabahin sa maong kalihokan, naghatag kita ug kaping labing 𝟰𝟭𝟮 ka mga 𝘀𝗰𝗵𝗼𝗼𝗹 𝘀𝘂𝗽𝗽𝗹𝗶𝗲𝘀 ngadto sa mga estudyante aron makatabang sa ilang pagpangandam alang sa umaabot nga pagsugod sa klase. Pinaagi sa suporta sa atong Barangay Council ubos sa pagpanguna ni Punong Barangay Hon. Atty. Arthur L. Degamo, nagpadayon kita sa paghatag ug bili nga makatampo sa kaayohan ug edukasyon sa atong mga kabatan onan.

01/06/2026

𝗠𝗔𝗟𝗔𝗠𝗣𝗨𝗦𝗢𝗡 𝗡𝗚𝗔 𝗕𝗥𝗜𝗚𝗔𝗗𝗔 𝗘𝗦𝗞𝗪𝗘𝗟𝗔 𝟮𝟬𝟮𝟲 𝗞𝗜𝗖𝗞-𝗢𝗙𝗙 𝗣𝗥𝗢𝗚𝗥𝗔𝗠

June 1, 2026

Nagmalampuson ang Brigada Eskwela 2026 Kick-Off Program diin aktibong misalmot ang atong Barangay isip pagpakita sa padayon nga suporta sa atong mga institusyong pang-edukasyon, ilabina sa Ibabao Elementary School ug Ibabao National High School. Ang maong kalihokan gitambongan sa atoang mga opisyal sa barangay, mga magtutudlo, ginikanan, estudyante, employees ug mga volunteers nga adunay usa ka tumong nga maandam ang mga eskwelahan alang sa umaabot nga pagbukas sa klase.

Pinaagi sa paghatag ug tabang ug suporta sa atong Brigada Eskwela, ang atong Barangay mi donate ug mga 𝗽𝗶𝗻𝘁𝗮𝗹, 𝘀𝗶𝗹𝗵𝗶𝗴, 𝗱𝘂𝘀𝘁 𝗽𝗮𝗻, ug uban pang materials nga magamit aron mas mapalimpyo ang facility sa eskwelehan; gipakita sa atong Barangay ubos sa pagdumala ni Punong Barangay Hon. Atty. Arthur L. Degamo ang kahinungdanon sa panaghiusa ug kooperasyon sa komunidad alang sa kaayohan sa edukasyon. Kini nga inisyatibo dili lamang nakatampo sa pagpanindot ug pagpalambo sa kahimtang sa atong mga eskwelahan, apan nagpalig-on usab sa paghi-usa ug sa pagtinabangay aron masiguro ang luwas, limpyo, ug maayong palibot sa pagkat-on alang sa tanang kabatan-onan. Ang kalampusan sa maong kalihokan usa ka pamatuod nga kung maghiusa ang komunidad, mas daghan ang mahimong nindot alang sa kaugmaon sa atong mga estudyante.

31/05/2026

𝗟𝗜𝗕𝗥𝗘𝗡𝗚 𝗔𝗡𝗧𝗜-𝗥𝗔𝗕𝗜𝗘𝗦 𝗩𝗔𝗖𝗖𝗜𝗡𝗔𝗧𝗜𝗢𝗡 𝗣𝗔𝗥𝗔 𝗦𝗔 𝗠𝗚𝗔 𝗜𝗥𝗢 𝗨𝗚 𝗜𝗥𝗜𝗡𝗚 𝗦𝗔 𝗕𝗔𝗥𝗔𝗡𝗚𝗔𝗬 𝗜𝗕𝗔𝗕𝗔𝗢

May 29, 2026

Ngadtong May 29, 2026, malampusong gipahigayon diri sa Barangay Ibabao ang libreng anti-rabies vaccination para sa atoang mga iro ug iring didto sa Ibabao Health Center pinaagi sa programa ug suporta sa 𝗖𝗼𝗿𝗱𝗼𝘃𝗮 𝗟𝗚𝗨. Dako ang atong pasalamat sa 𝗖𝗼𝗿𝗱𝗼𝘃𝗮 𝗟𝗚𝗨 sa ilang padayon nga pagtagad sa kaayohan sa atong mga hayop ug sa kaluwasan sa katawhan, nga nakatabang sa pagmintinar sa usa ka mas himsog ug luwas nga komunidad alang sa tanan.

31/05/2026

𝗣𝗔𝗗𝗔𝗬𝗢𝗡 𝗚𝗜𝗛𝗔𝗣𝗢𝗡 𝗔𝗡𝗚 𝗔𝗧𝗢𝗡𝗚 𝗦𝗧𝗥𝗘𝗡𝗚𝗛𝗧𝗘𝗡𝗘𝗗 𝗪𝗔𝗦𝗧𝗘 𝗦𝗘𝗚𝗥𝗘𝗚𝗔𝗧𝗜𝗢𝗡 𝗨𝗚 𝗖𝗢𝗠𝗠𝗨𝗡𝗜𝗧𝗬 𝗪𝗘𝗘𝗞𝗟𝗬 𝗖𝗟𝗘𝗔𝗡-𝗨𝗣 𝗗𝗥𝗜𝗩𝗘 𝗦𝗔 𝗕𝗔𝗥𝗔𝗡𝗚𝗔𝗬 𝗜𝗕𝗔𝗕𝗔𝗢

May 31, 2026

Gipahigayon karong adlawa ang regular nga waste segregation monitoring ug community weekly clean-up drive sa lainlaing bahin sa atong barangay. Ang mga residente ug mga volunteers nagtinabangay sa paglimpyo sa atong mga kadalanan ug komunidad samtang nagpadayon sa husto nga pagbulag sa basura.

Ang barangay nagpabiling mapapasalamaton sa tanan nga miapil ug mitabang niini nga kalihokan. Ang padayon nga partisipasyon sa tanan importante aron mapadayon ang limpyo ug himsog nga palibot sa atong komunidad.

30/05/2026

𝗖𝗔𝗦𝗛 𝗔𝗦𝗦𝗜𝗦𝗧𝗔𝗡𝗖𝗘 𝗧𝗨𝗥𝗡 𝗢𝗩𝗘𝗥 𝗦𝗔 𝗦𝗜𝗧𝗜𝗢 𝗕𝗟𝗜𝗦𝗦 𝗖𝗛𝗔𝗣𝗘𝗟

Isip pagsuporta sa atong mga chapel sa lainlaing mga sitio sa atong Barangay mihatag kita og cash assistance sa Sitio Bliss Chapel alang sa ilang umaabot nga fiesta. Ang maong assistance nagtumong sa pagtabang sa preparasyon ug pagpahigayon sa ilang mga kalihokan.

Ang total nga financial assistance nga gihatag nagkantidad og ₱19,500.00 — ₱15,000.00 para sa purok ug ₱4,500.00 para sa chapel.

Ang Barangay ubos sa pagdumala sa atong Punong Barangay Hon. Atty. Arthur L. Degamo ug Ibabao Council nagpadayon sa pagsuporta sa mga kalihokan sa matag sitio ug nagdasig sa pagpadayon sa atong tradisyon ug debosyon.

29/05/2026

𝗣𝗔𝗛𝗜𝗕𝗔𝗟𝗢 𝗦𝗔 𝗠𝗚𝗔 𝗚𝗔𝗡𝗔𝗛𝗔𝗡 𝗠𝗢𝗘𝗦𝗞𝗪𝗘𝗟𝗔 𝗦𝗔 𝗔𝗟𝗦 (𝗔𝗹𝘁𝗲𝗿𝗻𝗮𝘁𝗶𝘃𝗲 𝗟𝗲𝗮𝗿𝗻𝗶𝗻𝗴 𝗦𝘆𝘀𝘁𝗲𝗺)

Ibabao, Cordova, Cebu

Sa tanan interesado nga moeskwela sa 𝐀𝐥𝐭𝐞𝐫𝐧𝐚𝐭𝐢𝐯𝐞 𝐋𝐞𝐚𝐫𝐧𝐢𝐧𝐠 𝐒𝐲𝐬𝐭𝐞𝐦 (𝐀𝐋𝐒), aduna kitay enrollment para sa mga wala nakapadayon sa ilang pag-eskwela ug gusto nga makahuman.

Requirement:

PSA Live Birth
Any Valid ID
Form 137
Card

Sa mga pursigido nga moeskwela, palihug ug contact ani nga numero 09233841436 or Visit Cordova Central School.

28/05/2026