HUNYN C. ABU

20/03/2026

Taqabalallaahu minna wa minkum salihaal a’maal.

Eid Mubarak😊

08/09/2025

Salaam, Cotabateños! Ngayong darating na October 13, 2025 Bangsamoro Parliamentary Elections, samahan po ninyo akong isulong ang laban sa Bangsamoro Parliament para makapaghatid ng serbisyong tutugon sa mga suliranin ng mga kababayan dito sa Cotabato City. Mga serbisyong hindi lamang maghahatid ng tulong kundi magreresolba rin sa mga deka-dekadang problema na natin sa kapayapaan, imprastruktura, kabuhayan, edukasyon at kalusugan. Kailangan natin ng isang mambabatas na may angking galing sa batas at nakikinig sa taumbayan.

Sa kauna-unahang Bangsamoro Parliamentary Elections, pumili NANG matalino. Pumili NG matalino. MP Atty. Naguib Sinarimbo po, Number 5 sa balota para sa District 2 ng Cotabato City.

⚫️ 5 SINARIMBO, Atty. Naguib
Cotabato City District 2

17/07/2025

13/07/2025

Another branch of makkhan in siargao😊 congratulations my sister Jambu Abu👍

29/06/2025

FAREWELL MESSAGE of COUNCILOR HUNYN C. ABU

Assalamu Alaikum Warahmatullahi Wabarakatuh.

Ngayong pormal nang nagtatapos ang aking termino bilang Konsehal ng Cotabato City, gusto ko lang huminga saglit at magpasalamat.

Tatlong taon akong pinagkatiwalaan na maging boses ng bawat Cotabateño sa loob ng Konseho. Tatlong taon kong dinala ang mga kwento, ang mga hinaing at ang mga pangarap. Hindi lahat ng araw ay magaan. Pero bawat araw ay may saysay, Dahil alam ko na para ito sa inyo.

Isa sa mga proyektong pinaka-malapit sa puso ko ay ang Senior Coffeezen Foodtruck. Hindi lang ito tungkol sa pagkain—ito ay tungkol sa presensya. Sa pagpaparamdam sa bawat lolo’t lola, bata, nanay at tatay, at sa lahat na may gobyernong lumalapit, nakikinig, at may dalang malasakit. Simpleng proyekto, pero libo-libo ang naabot. At sa puso ko, milyon-milyong alaala ang iniwan.

Bilang Konsehal, sinikap kong maging makabuluhan ang bawat boto sa akin, bawat tanong ko sa sesyon, at bawat ordinansang isinulat ko. Hindi para sa pansariling pangalan, kundi para sa kapakinabangan ng mas marami.

Hindi po ako perpekto. Pero mula umpisa, sinabi ko sa sarili ko: “Kung hindi man ako pinakamagaling, sana ako ang isa sa pinakaramdam.”

Sa bawat empleyado ng City Government, sa mga nakatrabaho ko, at sa mga sektor na palaging nagpapaalala kung para kanino ito—mga kababaihan, solo parents, ALS teachers, kabataan, madrasah learners, mga bata sa orphanage, daycare workers, senior citizens at PWDs—maraming salamat.

Ngayong huminto man pansamantala ang opisyal na tungkulin, hindi ibig sabihin titigil ang puso sa paglilingkod. Dahil ang malasakit para sa bawat Cotabateño at buong Cotabato City ay dala ko pa rin.

Sa mga bagong halal, dalangin ko ang inyong tagumpay. Sana sa bawat boto at pasya, marinig at maramdaman kayo ng taumbayan.

At sa bawat Cotabateño na naging bahagi ng tatlong taon kong paglilingkod—maraming, maraming salamat.

Hindi ito paalam. Isa lang itong maikling “hanggang sa muli.” Mahal ko po kayong lahat.
Wassalamu Alaikum Warahmatullahi Wabarakatuh.

06/06/2025

🌙✨ 𝐄𝐢𝐝 𝐚𝐥-𝐀𝐝𝐡𝐚 𝐌𝐮𝐛𝐚𝐫𝐚𝐤! Nawa’y mapuno ng pagmamahal, kapayapaan, at biyaya ang ating mga puso sa espesyal na araw na ito. Sa diwa ng sakripisyo at pananampalataya, patuloy tayong magkaisa at magmahalan bilang isang komunidad.

Isang taos-pusong pagbati mula sa inyong lingkod,
Councilor Hunyn C. Abu 💜

05/06/2025

Maraming salamat PCL National sa Exemplary Service Award na ito. Isang malaking karangalan ang makilala, hindi dahil sa posisyon, kundi dahil sa tunay na serbisyo na naipadama sa mga tao. Ang award na ito ay hindi lang para sa akin, kundi para sa buong PCL Cotabato City Chapter na buong puso kong pinangunahan.

Salamat sa aking mga kapwa konsehal na naging kaagapay sa pagbuhay muli ng ating chapter sa lungsod. Sa bawat outreach program, advocacy programs, at serbisyo sa komunidad—kayo ang katuwang at lakas ng inisyatibong ito. Pero higit sa lahat, taos-pusong pasasalamat sa mga komunidad at indibidwal na naging inspirasyon at dahilan kung bakit may saysay ang lahat ng pagod at sakripisyo.

Hindi mababayaran ng kahit anong halaga ang ganitong klaseng pagkilala dahil ang tunay na serbisyo, damang-dama sa puso.

04/06/2025

𝐂𝐈𝐓𝐘 𝐂𝐎𝐔𝐍𝐂𝐈𝐋𝐎𝐑 𝐇𝐔𝐍𝐘𝐍 𝐂. 𝐀𝐁𝐔, 𝐃𝐔𝐌𝐀𝐋𝐎 𝐒𝐀 𝟐𝐧𝐝 𝐀𝐍𝐍𝐈𝐕𝐄𝐑𝐒𝐀𝐑𝐘 𝐍𝐆 𝐎𝐕𝐏 𝐒𝐀𝐓𝐄𝐋𝐋𝐈𝐓𝐄 𝐎𝐅𝐅𝐈𝐂𝐄

Ipinagdiwang ngayong araw, June 4 2025, ang ikalawang anibersaryo ng Office of the Vice President (OVP) Satellite Office sa 3rd Street, Don E. Sero, Gen. Luna RH-5, Cotabato City na dinaluhan ni City Councilor Hunyn C. Abu bilang suporta sa patuloy na serbisyo ng OVP para sa komunidad.

Bilang bahagi ng kanyang adbokasiya sa serbisyong may malasakit, naghatid din si Councilor Abu ng libreng pagkain sa pamamagitan ng programang 𝑺𝑬𝑵𝑰𝑶𝑹 𝑪𝑶𝑭𝑭𝑬𝒁𝑬𝑵 𝑭𝑶𝑶𝑫𝑻𝑹𝑼𝑪𝑲 na lalong nagpasaya sa mga dumalo.

Ang pagtitipon ay dinaluhan ng iba’t ibang opisyal, kawani ng OVP, at mga miyembro ng komunidad. Isa itong patunay ng patuloy na serbisyo ng OVP at ng pakikiisa ng lokal na pamahalaan sa mga programang makatao at makabuluhan para sa mamamayan ng Cotabato City.

#𝐒𝐞𝐫𝐛𝐢𝐬𝐲𝐨𝐧𝐠𝐀𝐁𝐔𝐭𝐤𝐚𝐦𝐚𝐲

15/05/2025

Ito yung mamimiss ko tuwing Tuesday—ang mga lolo’t lola na tinuring ko nang parang sarili kong nanay at lola. Sila yung lagi kong inaabangan, at ako rin ang inaabangan nila lalo na yung simpleng pastil na hatid ko sa bawat session. Salamat sa tiwala at pagmamahal. Mananatili kayong espesyal sa puso ko. Hanggang sa muli 😊

14/05/2025

Maraming salamat sa lahat ng bumoto at nagtiwala sa akin. Mula sa kaibuturan ng aking puso, taos-puso akong nagpapasalamat sa inyong suporta at paniniwala sa aking kakayahan.

InShaa Allah, ipagpapatuloy pa rin natin ang mga nasimulan nating layunin at adhikain para sa ating mahal na Cotabato. Naniniwala akong may paraan si Allah para makapaglingkod pa rin ako sa inyo sa iba’t ibang paraan.

Binabati ko rin ang lahat ng mga nanalo sa eleksyong ito. Nawa’y magtagumpay kayo sa pagdadala ng tunay na serbisyo para sa ating mga kababayan.

At syempre, ngayong medyo may extra time na ako, baka sakaling magkaboyfriend na ako kasi hindi na ako sobrang busy! Hahaha😂😂😜

Mabuhay ang Cotabato!

13/05/2025

Nakakapagtaka lang po — mula sa 27,386 ang bilang ng boto ko noong 12:38 AM (May 13), ay naging 22,719 na lang pagsapit ng 9:02 AM sa parehong araw. Malinaw po ang tila ‘dagdag-bawas’ na naganap. Nais ko lamang po sanang malaman kung bakit biglang bumaba nang ganito ang boto ko. Umaasa po kami sa isang tapat at malinaw na paliwanag.