05/08/2022
๐
๐๐๐๐๐ ๐๐๐๐๐๐ ๐๐๐
๐๐๐๐ ๐๐๐ ๐๐๐๐
๐๐๐๐๐๐๐๐๐๐
๐๐ก๐๐ข๐ค๐ก ๐๐๐๐ฎ๐ฅ๐ซ๐๐ฎ๐ ๐๐ฎ๐ข๐๐ฅ๐๐ง๐ข
@ Green Masjid, Bangsamoro Government Center, Cotabato City, BARMM
Muharram 7, 1444H | August 5, 2022
Assalamu Alaikum wa Rahmatullahi wa Barakaatuhu.
Nya su mga mapuntok a dalem (Salient Points) na Khutba:
1. Nya ba lagun na lagun a ipeg kwinta kanu mga galbekan a mapya a nakatunay atawka galbekan a mga kalimbanan.
2. Timpu tanu saguna na pinggungalanan nu mga Ulama sa Fitnatu Zaman.
3. Timpo a mapasang papedsenggayan su Haq endu su Batil. Aden kataw ta a Haq, dikena ka batil besen. Aden menem Batil i kataw talun, dikena ka tuba besen i Haq.
4. Su mga Fitna na dikena Gakulangan ka kaumanan uman lagun.
5. Ikagilek su Fitna ka apya su da akal pandapat nin na malalagit, uged lu sa Gay a muli na dinin malalagit su kaped nin.
6. Kadtalu nu Rasulullah SAW, Su langun na mga Kaum na aden fitna lun, su laki a Kaum na yanin fitna na Tamuk.
7. Ameka kalilinyan ka nu Allah SWT na pamatalun kanin.
NOTE: Batalwan na dikena bu mapasang a ganggula ka apya su mga mapya a ganggula na tupamba i mas masla a batalwan.
8. Guna makauma si Abu Ubaida RA a nakapananggit sa Gijya ebpun sa Bahrain kanu magabi na nasabutan nu mga Ansar i kinauma nin.
Guna su waktu na Subboh na madakel i midsambayang, endaw i kinapasad nilan edsambayang na limyu mamagayas su Rasulullah SAW kanu Masjid na inalawan sekanin nu mga Ansar.
Nakanggemen-gemen su Rasulullah SAW endu naidsan nin su mga Sahaba sa masiken nasabutan nu i kinauma ni Abu Ubaida a nakapananggit sa Gijya? Ya sawal nu mga Ansar, Uway ya Rasulullah SAW.
Ya nakasawal nu Rasulullah SAW na pakapyani nu i ginawa nu ka uman isa na makakwa samba.
Ulyanan santu na inidsapa nu Rasulullah SAW kanu Allah sa dikena ko ya bangandamen sa kabinasa nu i kamiskin, uged na yaku bangandamen sa lekanu na ameka ukan nu Allah su Rizki na mamagagawa kanu, embunu-bunu kanu.
9. Ped kanu mga sifat a magan su kabangkit na:
a.) kegkenen nu Allah su ilmu nin sya kanu mga tao sa ukit a daden masama a Ulama ka mamamatay den, yaden makakamal na su da makasabut sa kitab.
b.) Mamelapay su tamuk.
c.) Egkadakel i embunu-bunu. Nyaba su pinangeni nu Rasulullah SAW sa di makambunu-bunu su kaum nin uged na danin makwa a pangeni kanu Allah SWT.
10. Ya makapangalaw syaba na kandua sa tatapen nu Allah su atay na uman isa kanu agama Islam.
11. Masla i balas nu tao a muslim a bag ibadah sa timpu na mabagel i fitna, Uged na masla bun mambu i kadusan na tao a enggalbek sa dimapya sa timpu a mabagel i fitna.
12. 10th Day of Muharram - Ashura, nyaba i mapya a gay kanu Kaum nu Musa AS ka nilepas silan nu Allah SWT kanu masimpit a gatamanan. Sabap santu na pebpwasan na mga Yahudi endu Nasrani su nyaba a Gay tanda sa kapedsla-sla nilan lun. Sabap santu na inisugu nu Rasulullah SAW i kabpwasa kanu Ashura sabap sa su Muslim i mas pakawagib lun.
13. Ya pahala na kabpwasa sa Ashura na gapunas su nepus a 1 year a dusa nu tao.
14. Su Ulan ulan na binaluy nu Allah sa 12 Months, aden samba pat (4) timan a ulan ulan a masla i pahala na mga simba lun, atawka masla bun i dusa lun ameka endupang. Nyaba su Muharram, Raajab, Dhul Qaada endu Dhul Hijja.
15. Abungi nu i madsalimbut nu su mga ginawa nu sa yanin ukit na enggalbek kanu sa masiksa kanu sa gay a muli.
Shukran!
