Kadayangan Municipality

08/10/2026

𝐋𝐆𝐔 𝐊𝐀𝐃𝐀𝐘𝐀𝐍𝐆𝐀𝐍, 𝐏𝐈𝐍𝐀𝐋𝐀𝐋𝐀𝐊𝐀𝐒 𝐀𝐍𝐆 𝐃𝐈𝐒𝐀𝐒𝐓𝐄𝐑 𝐏𝐑𝐄𝐏𝐀𝐑𝐄𝐃𝐍𝐄𝐒𝐒 𝐀𝐓 𝐏𝐖𝐃 𝐈𝐍𝐂𝐋𝐔𝐒𝐈𝐎𝐍

KADAYANGAN, SGA | October 8, 2026 — Sa pamumuno ni Mayor Duma M. Mascud, Alhaj, isinagawa ang pakikipag-ugnayan ng Humanity & Inclusion (HI) at mga partner organizations sa Municipality of Kadayangan bilang bahagi ng pagpapalakas ng disaster preparedness at inclusive disaster risk reduction.

Sa isinagawang pag-uusap, nakipagpulong ang grupo kay MDRRMO Johanna G. Mascod upang talakayin ang mga hakbang para sa pagpapahusay ng Local Disaster Risk Reduction and Management (LDRRM) Plan, gayundin ang mas aktibong pagsasama ng Persons with Disabilities (PWDs) sa mga programa at mekanismo ng disaster risk reduction.

Bahagi ito ng ACCES project, na naglalayong palakasin ang kakayahan ng mga komunidad at paaralan na ma-access ang de-kalidad at napapanahong humanitarian at disaster preparedness services, lalo na para sa mga vulnerable sectors.

|MUNICIPAL INFORMATION OFFICE

08/10/2026

𝐑𝐎𝐔𝐍𝐃 𝐓𝐀𝐁𝐋𝐄 𝐃𝐈𝐒𝐂𝐔𝐒𝐒𝐈𝐎𝐍, 𝐈𝐒𝐈𝐍𝐀𝐆𝐀𝐖𝐀 𝐒𝐀 𝐊𝐀𝐃𝐀𝐘𝐀𝐍𝐆𝐀𝐍 𝐏𝐀𝐑𝐀 𝐒𝐀 𝐌𝐀𝐒 𝐏𝐈𝐍𝐀𝐓𝐀𝐓𝐀𝐆 𝐍𝐀 𝐊𝐎𝐎𝐑𝐃𝐈𝐍𝐀𝐒𝐘𝐎𝐍 𝐀𝐓 𝐒𝐄𝐑𝐁𝐈𝐒𝐘𝐎
October 7, 2026
📍Kadayangan Municipal Session Hall

KADAYANGAN, SGA-BARMM — Sa pamumuno ni Mayor Duma M. Mascud, isinagawa ang Round Table Discussion (RTD) na dinaluhan ng mga kinatawan mula sa Local Government Unit (LGU), Barangay Local Government Units (BLGUs), Civil Society Organizations (CSOs), at iba’t ibang partner agencies upang talakayin ang mahahalagang isyu, pangangailangan, at mga hakbang para sa patuloy na pagpapaunlad, seguridad, at kapakanan ng mga mamamayan ng Kadayangan.

Naging mahalagang venue ang nasabing talakayan para sa pagbabahagi ng mga programa, serbisyo, at inisyatiba ng bawat ahensya at organisasyon. Tinalakay rin ang mga hamon na kinakaharap ng iba’t ibang sektor, gayundin ang mga posibleng solusyon at hakbang upang higit pang mapalakas ang koordinasyon at pagtutulungan sa pagtugon sa pangangailangan ng komunidad.

Kabilang sa mga dumalo ang mga kinatawan mula sa Armed Forces of the Philippines (AFP), Municipal Local Government Unit (MLGU), Barangay Local Government Units (BLGUs), Ministry of Agriculture, Fisheries and Agrarian Reform (MAFAR), Ministry of Trade, Investments and Tourism (MTIT), Municipal Peace and Order and Public Safety (MPOS), Civil Society Organizations (CSOs), at Cooperative (COOP).

Kabilang sa mga pangunahing isyung tinalakay ang Business Permit and Requirements, access sa mga programa at serbisyo ng MAFAR, RSBSA Registration and Geotagging, access sa agricultural assistance para sa mga indibidwal na magsasaka, mga paghahanda kaugnay ng posibleng epekto ng Super El Niño, tree planting at iba pang environmental activities, access sa malinis at ligtas na inuming tubig, at capacity building para sa Barangay Peacekeeping Action Teams (BPATs).

Sa pamamagitan ng RTD, nabigyang-daan ang mas malawak na dialogue, information sharing, coordination, at collaborative problem-solving sa pagitan ng LGU, BLGUs, CSOs, partner agencies, at iba pang stakeholders. Layunin nitong matiyak na ang mga programa at hakbang na isinasagawa ay mas nakabatay sa aktuwal na pangangailangan ng mga mamamayan at komunidad.

Nagpaabot naman ng taos-pusong pasasalamat ang LGU Kadayangan, sa pamumuno ni Mayor Duma M. Mascud, sa ACTED para sa patuloy na paggabay, suporta, at pagbabahagi ng kaalaman at mga makabuluhang inisyatiba para sa kapakanan at kaunlaran ng mga mamamayan ng Kadayangan.

Ang naturang aktibidad ay patunay sa kahalagahan ng multi-stakeholder collaboration sa pagsusulong ng isang ligtas, maayos, matatag, at empowered na komunidad.

|MUNICIPAL INFORMATION OFFICE

07/10/2026

07/10/2026

𝐁𝐑𝐈𝐃𝐆𝐄 𝐏𝐄𝐀𝐂𝐄 𝐍𝐆𝐎𝐬 𝐍𝐀𝐆𝐒𝐀𝐆𝐀𝐖𝐀 𝐍𝐆 𝐂𝐎𝐔𝐑𝐓𝐄𝐒𝐘 𝐕𝐈𝐒𝐈𝐓 𝐒𝐀 𝐌𝐔𝐍𝐈𝐂𝐈𝐏𝐀𝐋𝐈𝐓𝐘 𝐎𝐅 𝐊𝐀𝐃𝐀𝐘𝐀𝐍𝐆𝐀𝐍

𝗢𝗰𝘁𝗼𝗯𝗲𝗿 𝟲, 𝟮𝟬𝟮𝟲 | Kadayangan, SGA-BARMM — Nagsagawa ng courtesy visit sa Municipality of Kadayangan ang mga kinatawan ng BRIDGE Peace NGOs bilang bahagi ng kanilang patuloy na mga hakbang para sa pagsusuri at pagpapaunlad ng mga oportunidad pangkabuhayan sa mga Special Geographic Area (SGA) ng Bangsamoro Autonomous Region in Muslim Mindanao (BARMM).

Bilang bahagi ng proyekto, isinasagawa ng IDEALS ang Integrated Livelihood Systems Assessment (ILSA) upang mas maunawaan ang kalagayan ng kabuhayan, sistema ng pamilihan, pagpapaunlad ng kooperatiba, at iba pang mekanismong maaaring makatulong sa paglikha ng mas maraming oportunidad pang-ekonomiya sa komunidad. Kaugnay nito, isinagawa ang mga panayam at konsultasyon kasama ang mga kinatawan ng Municipal Planning and Development Office (MPDO), tanggapan para sa kabuhayan at pagtatrabaho, Gender and Development (GAD), at Local Youth Development Office (LYDO).

Sa ilalim ng pamumuno ni Mayor Duma M. Mascud, patuloy na ipinapakita ng Pamahalaang Bayan ng Kadayangan ang suporta nito sa mga programang naglalayong palakasin ang kabuhayan at oportunidad para sa mga mamamayan. Kinikilala ng lokal na pamahalaan ang kahalagahan ng pakikipagtulungan sa mga development partners tulad ng BRIDGE Peace NGOs at IDEALS upang makabuo ng mga programang angkop sa pangangailangan at potensyal ng mga komunidad ng Kadayangan.

|MUNICIPAL INFORMATION OFFICE

06/10/2026

𝐎𝐍𝐄-𝐌𝐎𝐓𝐂 𝐈𝐍𝐓𝐄𝐆𝐑𝐀𝐓𝐄𝐃 𝐏𝐑𝐎𝐕𝐈𝐍𝐂𝐈𝐀𝐋 𝐎𝐅𝐅𝐈𝐂𝐄, 𝐒𝐔𝐌𝐀𝐈𝐋𝐀𝐋𝐈𝐌 𝐒𝐀 𝐎𝐂𝐔𝐋𝐀𝐑 𝐈𝐍𝐒𝐏𝐄𝐂𝐓𝐈𝐎𝐍 𝐒𝐀 𝐊𝐀𝐃𝐀𝐘𝐀𝐍𝐆𝐀𝐍
📍Kapinpilan, Kadayangan

October 5, 2026 | Sa ilalim ng pamumuno ni Mayor Duma M. Mascud, nagsagawa ng ocular inspection sa planong pagtatayuan ng One-MOTC Integrated Provincial Office sa Kadayangan, kasama ang mga kinatawan mula sa Municipal Engineering Office at mga engineers mula sa Ministry of Transportation and Communications (MOTC).

Dumalo rin sina Councilor Prince Salman Karon, Councilor Muslimin Antao, at Councilor Kaharudin Dubpaleg bilang bahagi ng pagsusuri sa lugar.

Layunin ng pagbisita na makita ang aktuwal na kondisyon ng lugar at mapag-usapan ang mga kinakailangang paghahanda para sa planong proyekto.

|MUNICIPAL INFORMATION OFFICE

06/10/2026

𝐂𝐔𝐋𝐌𝐈𝐍𝐀𝐓𝐈𝐎𝐍 𝐏𝐑𝐎𝐆𝐑𝐀𝐌 𝐍𝐆 𝐄𝐋𝐃𝐄𝐑𝐋𝐘 𝐅𝐈𝐋𝐈𝐏𝐈𝐍𝐎 𝐖𝐄𝐄𝐊 𝟐𝟎𝟐𝟔
📍Kadayangan Municipal Covered Court

Sa pamumuno ni Mayor Duma M. Mascud, Kahapon October 5, 2026, matagumpay na isinagawa ang Culmination Program ng Elderly Filipino Week 2026, na pinangunahan ng MSSD Kadayangan Field Office, katuwang ang RHU Kadayangan, LGU Kadayangan, at SGAFO-MOH.
Tampok sa nasabing programa ang isang health discussion tungkol sa wastong pangangalaga sa kalusugan ng mga senior citizens, na ibinahagi ni Rahima Pagador, Senior Citizens Focal Person ng RHU Kadayangan. Layunin ng talakayan na madagdagan ang kaalaman ng mga nakatatanda tungkol sa pagpapanatili ng kanilang kalusugan at pag-iwas sa mga karaniwang karamdaman.

Isinagawa rin ang Medical Mission at Dental Check-up, na pinangunahan ni Dr. Hessa Ebrahim, kasama ang mga health personnel ng SGAFO-MOH, upang mabigyan ng pangunahing serbisyong pangkalusugan ang mga senior citizens na dumalo sa programa.
Kasabay nito ang pamamahagi ng wheelchairs, tungkod, saklay, at bigas bilang Hadiya para sa mga senior citizens. Ang mga kagamitang ito ay naglalayong makatulong sa kanilang mobility at pang-araw-araw na pangangailangan .

Sa pamamagitan ng programang ito, patuloy na naipapakita ang pagkalinga, pagpapahalaga, at malasakit sa ating mga nakatatanda, bilang pagkilala sa kanilang mahalagang papel sa pamilya at komunidad.

|MUNICIPAL INFORMATION OFFICE

05/10/2026

𝐋𝐆𝐔 𝐊𝐀𝐃𝐀𝐘𝐀𝐍𝐆𝐀𝐍, 𝐍𝐀𝐊𝐈𝐋𝐀𝐇𝐎𝐊 𝐒𝐀 𝐆𝐄𝐍𝐃𝐄𝐑-𝐑𝐄𝐒𝐏𝐎𝐍𝐒𝐈𝐕𝐄 𝐂𝐋𝐈𝐌𝐀𝐓𝐄 𝐀𝐍𝐃 𝐃𝐈𝐒𝐀𝐒𝐓𝐄𝐑 𝐑𝐈𝐒𝐊 𝐀𝐒𝐒𝐄𝐒𝐒𝐌𝐄𝐍𝐓 𝐓𝐑𝐀𝐈𝐍𝐈𝐍𝐆

Sa ilalim ng pamumuno ni Mayor Duma M. Mascud, nakilahok ang Lokal na Pamahalaan ng Kadayangan sa Capacity-Building Training for Bangsamoro LGUs on Gender-Responsive Climate and Disaster Risk Assessment (CDRA) na ginanap mula Oktubre 1 hanggang Oktubre 5, 2026 sa The Royal Mandaya Hotel, Davao City.

Kinatawan ang LGU Kadayangan sa pagsasanay nina Johanna Mascod ng MDRRMO, MPDC Norman M. Salazar, MSWDO/MSSD Jalalodin Saad, kinatawan mula sa RHU, at MLGOO Jomar Abdulgafar, bilang bahagi ng multidisciplinary LGU delegation. Nakatuon ang training sa pagpapalakas ng kakayahan ng mga LGU sa pagsasagawa ng gender-responsive at inclusive Climate and Disaster Risk Assessment, kabilang ang pagsusuri sa hazards, exposure, vulnerability, at adaptive capacity ng mga komunidad.

Isinagawa ang pagsasanay sa pakikipagtulungan ng Ministry of the Interior and Local Government–Disaster Risk Reduction and Management Division (MILG-DRRM), Consortium of Bangsamoro Civil Society (CBCS), at United Nations Population Fund (UNFPA). Inaasahang magagamit ng LGU Kadayangan ang mga kaalaman at kasanayang natutunan upang higit pang mapalakas ang disaster preparedness, climate resilience, at risk-informed planning ng munisipyo, tungo sa isang mas ligtas, handa, inklusibo, at climate-resilient na komunidad.

|MUNICIPAL INFORMATION OFFICE

05/10/2026

𝐌𝐎𝐍𝐃𝐀𝐘 𝐓𝐑𝐀𝐃𝐈𝐓𝐈𝐎𝐍𝐀𝐋 𝐅𝐋𝐀𝐆 𝐑𝐀𝐈𝐒𝐈𝐍𝐆 𝐂𝐄𝐑𝐄𝐌𝐎𝐍𝐘, 𝐏𝐈𝐍𝐀𝐍𝐆𝐔𝐍𝐀𝐇𝐀𝐍 𝐍𝐆 𝐋𝐒𝐖𝐃𝐎

Sa pamumuno ni Mayor Duma M. Mascud Isinagawa ngayong Lunes, October 5, 2026, ang Traditional Flag Raising Ceremony ng Municipality of Kadayangan, na pinangunahan ng Local Social Welfare and Development Office (LSWDO), kasama ang mga Para social workers mula sa Ministry of Social Services and Development (MSSD) at mga Day Care Teachers mula sa pitong barangay ng Kadayangan.

Sa mensahe ni An-An S. Adam, Admin Assistant ng LSWDO binigyang-diin ang paggunita ngayong linggo sa Elderly Filipino Week at World Teachers’ Day, bilang pagkilala sa mahalagang ambag ng mga nakatatanda at mga g**o sa pamilya, edukasyon at komunidad.

Samantala, ipinaalam ni Ma’am Norhaya Gulam Lali, Team Leader ng 4Ps, na magsisimula bukas, October 6 hanggang October 9, 2026, ang validation at registration para sa 4Ps sa Municipality of Kadayangan. Hinikayat ang mga kabilang sa proseso na makipag-ugnayan at makilahok sa itinakdang validation at registration.

Patuloy ang pakikiisa ng LGU Kadayangan sa mga programa at gawaing naglalayong palakasin ang serbisyong panlipunan at kapakanan ng bawat mamamayan.

|MUNICIPAL INFORMATION OFFICE

04/10/2026

📢 𝗪𝗔𝗟𝗔𝗡𝗚 𝗣𝗔𝗦𝗢𝗞‼️

Bilang pagdiriwang ng World Teachers’ Day, ang regular na klase sa lahat ng antas sa mga pampubliko at pribadong paaralan sa Municipality of Kadayangan ay suspendido bukas, October 5, 2026.

Ang pagsususpinde ng klase ay isang pagkilala at pagbibigay-pugay sa ating mga g**o para sa kanilang mahalagang ambag sa edukasyon, sa komunidad, at sa patuloy na paghubog sa kinabukasan ng ating mga mag-aaral.

Sa pangunguna ni Mayor Duma M. Mascud, buong puso ang pasasalamat ng Pamahalaang Bayan ng Kadayangan sa lahat ng g**o sa kanilang dedikasyon, sakripisyo, at walang sawang paglilingkod.

Happy World Teachers’ Day! 👩‍🏫👨‍🏫📚

03/10/2026

𝐏𝐀𝐌𝐀𝐌𝐀𝐇𝐀𝐆𝐈 𝐍𝐆 𝐇𝐀𝐃𝐈𝐘𝐀 𝐏𝐀𝐂𝐊𝐀𝐆𝐄 𝐏𝐀𝐑𝐀 𝐒𝐀 𝐁𝐄𝐃𝐑𝐈𝐃𝐃𝐄𝐍 𝐒𝐄𝐍𝐈𝐎𝐑 𝐂𝐈𝐓𝐈𝐙𝐄𝐍𝐒

Sa ilalim ng pamumuno ni Mayor Duma M. Mascud, Ngayong October 2, 2026, bilang bahagi ng pagdiriwang ng Elderly Filipino Week 2026, nagsagawa ng pamamahagi ng Hadiya Packages ang Ministry of Social Services and Development (MSSD) Kadayangan Field Office, katuwang ang Rural Health Unit (RHU) Kadayangan at Local Government Unit (LGU) Kadayangan, para sa mga bedridden senior citizens mula sa pitong (7) barangay ng Kadayangan.

Layunin ng pamamahaging ito na makatulong sa mga senior citizens na may limitadong kakayahan na matugunan ang kanilang pang-araw-araw na pangangailangan, sa pamamagitan ng pagbibigay ng mga kagamitang angkop sa kanilang kalagayan. Higit sa lahat, makatulong sa patuloy na pangangalaga at pagpapanatili ng kanilang kalusugan at kaginhawaan.

Sa nasabing aktibidad, labinlimang (15) bedridden senior citizens ang nakatanggap ng Hadiya Packages. Labis naman ang pasasalamat ng kanilang mga caregivers sa tulong at malasakit na ipinagkaloob para sa kanilang mga mahal sa buhay.

Nakiisa rin sa nasabing pamamahagi si Hon. Prince Salman Karon, Committee Chair on Social Services, bilang pagpapakita ng patuloy na suporta sa kapakanan at pangangalaga sa mga senior citizens ng Kadayangan.