https://www.facebook.com/112442288015546/

Office for Other Bangsamoro Communities, BARMM/Bangsamoro Government Center, Rosary Heights 7, Cotabato City (2026)

21/08/2026

OOBC-OCM Nakikiisa sa Unang Bangsamoro Day Celebration ng Bangsamoro Sector ng Kidapawan City

Cotabato City| Nakikiisa ang Office for Other Bangsamoro Communities (OOBC) sa ilalim ng Office of the Chief Minister (OCM) sa makasaysayang pagdiriwang ng kauna-unahang Bangsamoro Day ng Bangsamoro Sector ng Kidapawan City, na ginanap sa Kidapawan City Gymnasium.

Bitbit ang temang “Adat sa Tademan: Remembering the Past for the Future of Bangsamoro,” tampok sa pagdiriwang ang mayamang kultura, kasaysayan, pagkakakilanlan, at tradisyon ng Bangsamoro communities sa lungsod.

Sinimulan ang programa sa pamamagitan ng Grand Entrance at Ribbon Cutting (“KUYOG”), na sinundan ng isang Kulintang Performance na nilahukan ng mga opisyal ng lungsod, National Commission for Culture and the Arts (NCCA), Barangay Local Government Units (BLGUs), sectoral leaders, Moro leaders, mga bisita, at Deputy Mayors ng Bangsamoro Organizing Committee.

Sinundan ito ng Pagbasa ng Qur’an at Dua na pinangunahan ni Ustadz Ansarie Bato mula sa Religious Group ng Maranao Sector.

Naghatid naman ng makulay na pagtatanghal ang B’dadali Dance Troupe ng University of Southern Mindanao (USM), Kabacan, Cotabato, sa pamamagitan ng Kulintang Ensemble at Traditional Dance Presentation na nagbigay-buhay sa sining at tradisyon ng Bangsamoro.

Sa kanyang mensahe, nagpaabot ng mainit na pagbati si Mr. Nasrulla Badal, LPT, Head ng Bangsamoro Sector ng Kidapawan City.

Nagbigay rin ng inspirational message si Atty. Jose Paolo M. Evangelista, City Mayor ng Kidapawan City. Binigyang-diin niya na ang Bangsamoro Code, na umiiral bilang ordinansa mula pa noong 2024, ay nagsisilbing pangmatagalang institutional framework para sa pangangalaga at pagtataguyod ng karapatan at kapakanan ng Bangsamoro community sa lungsod—isang mekanismong nagpapatuloy lampas sa termino ng kasalukuyang administrasyon.

Samantala, ipinaliwanag ni Mr. Noron S. Andan, MPA, MAEd, Executive Director ng OOBC, ang mandato at papel ng tanggapan sa paglilingkod, pagsuporta, at pagtataguyod ng kapakanan at interes ng mga Bangsamoro communities na naninirahan sa labas ng Bangsamoro Autonomous Region in Muslim Mindanao (BARMM).

Binigyang-diin ni Andan ang kahalagahan ng matatag na partnership at koordinasyon sa pagitan ng mga institusyon at Bangsamoro communities upang matiyak na ang mga Bangsamoro sa labas ng BARMM ay nananatiling konektado, kinikilala, at nabibigyan ng nararapat na suporta.

Naghatid din ng mensahe si Atty. Gapor G. Quituar, Acting Regional Director ng NCMF-SOCCSKSARGEN, na binigyang-diin ang kahalagahan ng pagkakaisa at inter-institutional collaboration sa pagsusulong ng karapatan, kapakanan, at cultural identity ng Bangsamoro.

Bilang resource speaker, nagbahagi naman si Mr. Al Nezzar Ali, Chairman ng National Committee on Visual Arts (NCVA) ng NCCA, ng mahahalagang pananaw hinggil sa kultura, pamana, at pagkakakilanlan ng Bangsamoro.

Nagpatuloy ang programa sa pamamagitan ng heritage talks, traditional performances, visual arts presentations, pop-up museum, culinary heritage showcases, at iba pang cultural presentations na naglalayong ipakita at ipagdiwang ang mayaman at makulay na tradisyon ng iba’t ibang Bangsamoro communities.

Higit pa sa isang pagdiriwang, ang Bangsamoro Day ay isang pagpupugay sa pinagmulan, kultura, at pagkakakilanlan ng Bangsamoro—isang paalala na ang pangangalaga sa ating pamana ay mahalagang bahagi ng paghubog ng mas matatag na kinabukasan para sa kasalukuyan at susunod na henerasyon.

Sa pakikiisa ng OOBC-OCM, muling binibigyang-diin ang patuloy na pagsusulong ng pagkakakilanlan, pagkilala, koneksyon, at kapakanan ng Bangsamoro communities sa labas ng BARMM.

21/08/2026

OOBC Lumahok sa Webinar sa Islamic Finance

COTABATO CITY — Agosto 21, 2026 — Lumahok ang Office for Other Bangsamoro Communities (OOBC) sa webinar na may temang “RA 11439 at 7: Advancing Global Excellence and New Frontiers in Islamic Finance” noong Agosto 19, 2026.

Inorganisa ng M&T Consultants, Islamic Co., sa pakikipagtulungan ng PICPA Cotabato City Chapter at Integrated Bar of the Philippines (IBP)–Cotabato Chapter, tinalakay sa webinar ang mahahalagang usapin sa Islamic finance, kabilang ang mga polisiya at regulasyon, Islamic capital markets at Sukuk, Shari’ah governance, at mga prayoridad sa pagpapaunlad ng Islamic finance sa Bangsamoro.

Binigyang-diin din ang kahalagahan ng pagsunod sa pandaigdigang pamantayan, pagpapalakas ng professional capacity, at pagkakaroon ng multidisciplinary expertise upang higit na mapatatag ang Islamic finance sector sa bansa at sa Bangsamoro.

Ang pakikilahok ng OOBC ay bahagi ng patuloy na pagsisikap ng Tanggapan na palawakin ang kaalaman at strategic engagement sa mga larangang may potensyal na makapag-ambag sa inclusive economic development at financial opportunities para sa mga Bangsamoro communities, kabilang ang mga komunidad na nasa labas ng territorial jurisdiction ng BARMM.

Sa pamamagitan ng pag-unawa sa Islamic finance at sa institutional ecosystem nito, patuloy na pinalalawak ng OOBC ang kaalaman at mga perspektibong maaaring makatulong sa pagsusulong ng Bangsamoro development vision beyond territorial boundaries.

21/08/2026

OOBC Nagsagawa ng Validation Activity para sa Assistance Request ng Bangsamoro Fishermen’s Cooperative sa Lebak

LEBAK, SULTAN KUDARAT — Nagsagawa ang Office for Other Bangsamoro Communities (OOBC) ng validation activity sa Lebak, Sultan Kudarat bilang tugon sa assistance request ng Lebak Bangsamoro Fishermen Cooperative.

Pinangunahan nina Community Affairs Officer III Samrah Karon, Planning Officer II Farhanna Kabalu, at Ricky Chan Gubel ang validation activity, kung saan nakipagpulong ang team sa mga kinatawan ng kooperatiba upang beripikahin ang kanilang request at mga kinakailangang dokumento.

Bilang bahagi ng proseso, magsusumite ang kooperatiba ng validated listahan ng 300 beneficiary households, na isasailalim naman sa beripikasyon at sertipikasyon ng Municipal Social Welfare and Development (MSWD) Office upang matiyak ang eligibility ng mga benepisyaryo.

Kaugnay nito, inaasahang manggagaling sa Ministry of Social Services and Development (MSSD) ang mga sako ng bigas bilang pangunahing tugon para sa agarang pangangailangan ng mga kwalipikadong benepisyaryo na naapektuhan ng naturang kalamidad. Ang MSSD ay nasa pamumuno ni Butihing Minister Atty. Raissa H. Jajurie, na patuloy na nangunguna sa pagbibigay ng social protection at humanitarian assistance sa mga nangangailangang komunidad.

Ipinaabot din ng OOBC ang naturang request sa Tanggapan ng Mayor ng Lebak. Nagpahayag ang lokal na pamahalaan ng kahandaang maglaan ng sasakyan para sa transportasyon at paghahatid ng mga sako ng bigas sa mga kwalipikadong benepisyaryo, habang makikipagtulungan ang kooperatiba sa mga kinakailangang kaayusan para sa distribusyon.

Ang validation activity ay bahagi ng mandato ng OOBC na tumulong sa pag-uugnay at pagproseso ng mga kahilingan ng Bangsamoro communities na nasa labas ng BARMM, katuwang ang concerned BARMM ministries/agencies, local government units, at community organizations.

Patuloy ang koordinasyon ng OOBC sa MSSD, concerned offices, at sa Lebak Bangsamoro Fishermen Cooperative upang makumpleto ang mga kinakailangang requirements at maisulong ang kaukulang agarang aksyon para sa kanilang assistance request.

19/08/2026

Nakilahok ang OOBC sa BPDA Development Planning Workshop

Aktibong nakilahok ang Office for Other Bangsamoro Communities (OOBC) sa Orientation Workshop on the Guidelines for the Updating of the Bangsamoro Development Investment Program (BDIP) 2023–2028 and Preparation of the FY 2028 Annual Investment Program (AIP), and Validation of the FY 2025 Bangsamoro Development Report (BDR) na ginanap noong Agosto 17, 2026 sa Grand Pagana Function Hall, Cotabato City.

Ang aktibidad ay pinangunahan ng Bangsamoro Planning and Development Authority (BPDA) at dinaluhan ng iba’t ibang tanggapan ng Bangsamoro Autonomous Region in Muslim Mindanao (BARMM) upang palakasin ang koordinasyon at matiyak ang pagkakatugma ng mga prayoridad sa pagpapaunlad ng rehiyon.

Layunin ng workshop na mapalakas ang teknikal na kakayahan ng mga kalahok na tanggapan sa pagbuo at pag-aangkop ng mga programa, proyekto, at pamumuhunan alinsunod sa mga layunin ng Bangsamoro Development Plan. Naging mahalagang bahagi rin ito sa pagsusuri ng mga nagawang hakbang, pagpapatibay ng mga resulta, at pagtitiyak na ang mga planong pamumuhunan ay tumutugon sa mga pangangailangan at prayoridad ng Bangsamoro.

Sa pamamagitan ng evidence-based planning at sama-samang pagpapatibay ng mga ulat at programa, patuloy na isinusulong ng Pamahalaang Bangsamoro ang mas organisado, nasusukat, at makabuluhang mga interbensyon para sa kapakanan at kaunlaran ng mamamayang Bangsamoro

19/08/2026

>>REPLAY EPISODE

Office for Other Bangsamoro Communities-OOBC

"BANGSAMORO KA, SAAN KA MAN"

Mapapakinggan Tuwing Araw ng Miyerkules
4:00 To 5:00 ng Hapon

19 August, 2026 | 06 Rabi ul Awal, 1448

DISCLAIMER : No Copyright Infringement intended, Music belongs to the rightful owners

16/08/2026

OOBC Nagsagawa ng Strategic at Digital Benchmarking sa Cebu City

CEBU CITY | Agosto 16, 2026 — Nagsagawa ang Office for Other Bangsamoro Communities (OOBC) ng Strategic and Digital Benchmarking Activity noong Agosto 11–13, 2026 sa Cebu City upang pag-aralan ang mga umiiral na digital systems, teknolohiya, organizational processes, at institutional practices na maaaring magsilbing sanggunian sa patuloy na pagpapahusay ng operasyon at serbisyo ng tanggapan.

Kabilang sa mga tanggapang binisita ng OOBC ang City Government of Cebu, Department of Information and Communications Technology (DICT) Regional Office VII, Philippine Statistics Authority (PSA) Regional Statistical Services Office VII, National Commission on Muslim Filipinos (NCMF) Regional Office VII, at Office of Muslim Affairs and Indigenous Cultural Communities of Cebu City (OMAICC).

Pangunahing layunin ng benchmarking na matukoy at masuri ang mga digital solutions, data and information management systems, records and documentation practices, organizational workflows, inter-office coordination mechanisms, at operational approaches na maaaring maging teknikal at institusyunal na reference ng OOBC.

Ibinahagi ng mga partner institutions ang kanilang aktuwal na karanasan at mga pamamaraang ginagamit sa government operations, kabilang ang paggamit ng teknolohiya at datos upang mapahusay ang efficiency, information management, coordination, at paghahatid ng serbisyo publiko.

Nagbigay ang aktibidad ng mahalagang pagkakataon para sa OOBC na ihambing ang sariling mga proseso sa umiiral na practices ng ibang government institutions at tukuyin ang mga posibleng sistema o pamamaraan na maaaring i-adopt o i-adapt batay sa kanilang relevance, feasibility, resource requirements, institutional capacity, at pagiging angkop sa mandato ng OOBC.

Binigyang-diin din na ang mga nakalap na impormasyon, obserbasyon, at practices ay hindi awtomatikong ia-adopt, kundi sasailalim muna sa masusing pagsusuri alinsunod sa umiiral na policies, institutional requirements, available resources, at partikular na pangangailangan ng Other Bangsamoro Communities (OBCs) na nasa labas ng Bangsamoro Autonomous Region in Muslim Mindanao (BARMM).

Bukod sa technical learning, nagsilbi rin ang benchmarking bilang plataporma para sa knowledge exchange at institutional networking, na nagpalawak sa pananaw ng OOBC hinggil sa mga makabagong pamamaraan ng paggamit ng teknolohiya, datos, at digital systems sa pamamahala at paghahatid ng serbisyo publiko.

Pinangunahan ni Executive Director Noron S. Andan MPA, MAEd ang delegasyon ng OOBC na binubuo nina Mr. Norhan B. Hadji Abdullah, Development Management Officer IV; Mr. Rusman B. Musa, Development Management Officer III; Mr. Esnain C. Mapait, Community Development Officer II; Mr. Ricky Chan K. Gubel, Administrative Assistant I; Mr. Datu Noah P. Darping, Administrative Assistant V; Ms. Ramla L. Manguda, Administrative Assistant I; Ms. Habiba B. Abunawas, Development Management Officer I; at Mr. Al-amid Gandawali.

Bilang resulta ng benchmarking, maaaring bumuo ang OOBC ng mga recommendations at proposed digital and institutional innovations na maaaring isumite at i-recommend sa Office of the Chief Minister (OCM) para sa kaukulang pagsusuri at posibleng suporta o adoption. Ang mga rekomendasyong ito ay maaaring i-align sa 12 Priority Agenda ng BARMM, partikular sa pagsusulong ng digitalization, modernization, innovation, at pagpapahusay ng government systems and services.

Sa ganitong paraan, ang benchmarking ay hindi lamang nagsilbing learning activity, kundi isang hakbang tungo sa pagbuo ng mga konkretong rekomendasyon para sa mas integrated, digitally enabled, efficient, at responsive na serbisyo ng OOBC at ng Bangsamoro Government.

Bahagi ang Strategic and Digital Benchmarking Activity ng patuloy na pagsisikap ng OOBC na palakasin ang institutional systems, paghusayin ang operational processes, at gamitin ang teknolohiya at datos bilang suporta sa mas episyente at responsive na serbisyo para sa mga Other Bangsamoro Communities.

Sa pamamagitan ng benchmarking, patuloy na isinusulong ng OOBC ang evidence-based, digitally enabled, innovative, at needs-responsive governance na nakaangkla sa aktuwal na pangangailangan ng mga Bangsamoro communities sa labas ng BARMM, habang sinusuportahan ang mas malawak na layunin at 12 Priority Agenda ng BARMM.

12/08/2026

OOBC NAKIBAHAGI SA PUBLIC HEARING SA BTA BILL NO. 394; PAGPAPALAKAS NG INSTITUSYONAL NA SUPORTA SA MGA BANGSAMORO SA LABAS NG BARMM, BINIGYANG-DIIN

General Santos City | Nakibahagi ang Office for Other Bangsamoro Communities (OOBC) sa isinagawang public hearing ng Committee on Social Services and Development (CSSD) ng Bangsamoro Transition Authority (BTA) na pinamununuan ni MP Nurheda Misuari hinggil sa BTA Bill No. 394, na naglalayong maglatag ng malinaw at institusyonalisadong mekanismo para sa pagbibigay ng suporta at serbisyo sa mga Bangsamoro communities na nasa labas ng Bangsamoro Autonomous Region in Muslim Mindanao (BARMM).

Isinagawa ang public hearing nitong Lunes, Agosto 10, sa General Santos City, at pinangunahan ni CSSD Vice Chairperson Member of Parliament Abdulbasit Benito.

Pinangunahan naman ni Deputy Executive Director Quraish D. Langcap ang delegasyon ng OOBC, kasama sina Consultant Saidamen Mambayao, Information Officer Omulheir Noddin, at iba pang kinatawan ng tanggapan.

Sa kanyang pahayag, binigyang-diin ni Langcap ang kahalagahan ng pagkakaroon ng malinaw, inclusive, evidence-based, at responsive na mekanismo sa pagtukoy at pagtugon sa mga pangangailangan ng Bangsamoro communities na nasa labas ng BARMM.

Partikular niyang binigyang-diin ang OOBC Mapping and Needs Assessment (MANA) bilang mahalagang reference sa pagkilala sa mga umiiral na Bangsamoro communities at sa kanilang aktuwal na kalagayan at pangangailangan. Aniya, mahalagang nakabatay sa community evidence ang pagpaplano, prioritization, at paglalaan ng assistance upang masiguro na naaabot ang iba’t ibang uri ng komunidad, kabilang ang urban, dispersed, minority, historic, at displaced Bangsamoro communities.

Kabilang sa mga naging sentro ng diskusyon ang saklaw ng mga benepisyaryong komunidad, community designation, representation, application process, implementation, accountability, at funding, na pawang mahalagang elemento sa pagtatatag ng isang sustainable at transparent na mekanismo ng suporta.

Para sa OOBC, mahalaga ang public hearing bilang pagkakataon upang marinig at maisama sa legislative process ang boses ng mga Bangsamoro communities at iba’t ibang stakeholders sa labas ng BARMM. Sa pamamagitan nito, mas mailalapit ang magiging polisiya sa aktuwal na kalagayan, karanasan, at pangangailangan ng mga komunidad na nilalayon nitong paglingkuran.

Nanatiling nasa legislative consideration ang BTA Bill No. 394. Ang mga rekomendasyon, pananaw, at inputs na nakalap mula sa public hearing ay magsisilbing bahagi ng patuloy na deliberasyon ng komite sa paghubog ng magiging final legislative design ng panukala.

Sa patuloy na pakikilahok ng OOBC sa mga policy at legislative discussions, isinusulong ng tanggapan ang mas inclusive, evidence-based, at institutionalized na suporta para sa mga Bangsamoro communities sa labas ng BARMM.

12/08/2026

Office for Other Bangsamoro Communities-OOBC

"BANGSAMORO KA, SAAN KA MAN"

Mapapakinggan Tuwing Araw ng Miyerkules
4:00 To 5:00 ng Hapon

12 August, 2026 | 29 Safar, 1448

DISCLAIMER : No Copyright Infringement intended, Music belongs to the rightful owners

07/08/2026

OOBC PINAIIGTING ANG KAKAYAHAN NG MGA KAWANI, NAKIISA SA MANDATORY ONBOARDING TRAINING NG DAB

Cotabato City | August 4–6, 2026 — Patuloy na pinaiigting ng Office for Other Bangsamoro Communities (OOBC) ang kakayahan at kahandaan ng mga kawani nito sa pamamagitan ng aktibong pakikilahok sa Mandatory Onboarding Training (MOT) na isinagawa ng Development Academy of the Bangsamoro (DAB) sa Cotabato City.

Kumatawan sa OOBC sina Jehan M. Mangrar, Mardhea Jaukal, Rayyana Pendi, Ricky Chan Gubel, Norhaya Donde, Hera Taug, at Rufaida Berwal, kasama ang mga bagong kawani mula sa iba’t ibang ministeryo, tanggapan, at ahensya ng Bangsamoro Autonomous Region in Muslim Mindanao (BARMM).

Isinagawa ang tatlong araw na pagsasanay upang higit na maihanda ang mga bagong kawani at mga nasa yugto ng transisyon sa kanilang tungkulin bilang mga lingkod-bayan. Tinalakay dito ang bisyon at misyon ng Bangsamoro Government, estruktura at sistema ng pamahalaan, mahahalagang polisiya, at mga pangunahing prinsipyo ng Moral Governance.

Binigyang-diin sa training ang kahalagahan ng integridad, accountability, professionalism, excellence, at malasakit sa paglilingkod mga pagpapahalagang mahalaga sa pagbuo ng isang pamahalaang tunay na tumutugon sa pangangailangan ng mamamayan.

Higit pa sa pagdaragdag ng kaalaman at kasanayan, nagsilbi rin ang MOT bilang mahalagang plataporma para sa pagbuo ng network, pagpapalakas ng inter-agency collaboration, at pagkakaroon ng iisang pananaw sa layunin at direksyon ng Bangsamoro Government. Sa pamamagitan nito, napapalakas ang collective commitment ng mga kawani sa pagtataguyod ng isang moral, transparent, accountable, responsive, at people-centered na pamahalaan.

Para sa OOBC, ang pagpapalakas ng kakayahan ng mga kawani ay mahalagang bahagi ng institutional development at continuous learning. Ang mga kaalamang natutuhan sa MOT ay inaasahang maisasalin sa mas mahusay na pagpapatupad ng mga programa, mas epektibong koordinasyon sa mga partner institutions, at higit na mahusay na pagtugon sa mga pangangailangan ng Other Bangsamoro Communities.

Sa patuloy na paghubog ng mga kawani nito, pinagtitibay ng OOBC ang pangako nitong maging mas responsive, inclusive, efficient, at values-driven na tanggapan katuwang sa paghahatid ng makabuluhan at makataong serbisyo sa mga Bangsamoro communities na nasa labas ng BARMM.

06/08/2026

NAKIISA ANG OOBC SA ESPESYAL NA PAGPUPULONG NG BEDC SOCIAL DEVELOPMENT COMMITTEE UPANG ISULONG ANG IMPLEMENTASYON NG SPIVET SA BARMM

Nakiisa ang Office for Other Bangsamoro Communities (OOBC), bilang aktibong kasapi ng Bangsamoro Economic and Development Council (BEDC) – Social Development Committee (SDCom), sa Unang Espesyal na Pagpupulong ng SDCom para sa CY 2026 na isinagawa noong 06 Agosto 2026 sa pamamagitan ng Zoom.

Pangunahing tinalakay sa pagpupulong ang muling pagpapatibay ng BEDC Resolution No. 03, s. 2021, na nag-eendorso sa BARMM component ng Supporting Innovation in the Philippine Technical and Vocational Education and Training Systems (SPIVET) Project sa TESDA National. Bahagi rin ng agenda ang pagpapabilis ng implementasyon ng proyekto sa Barangay Rebuken, Sultan Kudarat, Maguindanao del Norte, bilang hakbang upang higit na mapalawak ang dekalidad at makabagong Technical and Vocational Education and Training (TVET) sa rehiyon.

Sa pagpupulong, binigyang-diin ang kahalagahan ng mas matibay na koordinasyon, kolaborasyon, at pagkakaisa ng mga ahensyang bumubuo sa SDCom upang matiyak ang epektibo, inklusibo, at pangmatagalang pagpapatupad ng mga programang magpapalawak ng oportunidad sa edukasyon, pagsasanay sa kasanayan, at disenteng kabuhayan para sa mga Bangsamoro.

Bilang katuwang sa pagsusulong ng mga programang pangkaunlaran, nananatiling matatag ang suporta ng OOBC sa mga inisyatibang naglalayong palakasin ang human capital development at tiyaking walang Bangsamoro community ang maiiwan sa pag-abot ng mga serbisyo at oportunidad. Ang aktibong pakikilahok ng Tanggapan sa mga gawaing tulad nito ay patunay ng patuloy nitong pagtupad sa mandato na isulong ang inklusibo, makatarungan, at napapanatiling pag-unlad para sa lahat ng Bangsamoro, kabilang ang mga nasa labas ng pangunahing teritoryo ng BARMM.

Office for Other Bangsamoro Communities

21/08/2026

21/08/2026

21/08/2026

19/08/2026

19/08/2026

16/08/2026

12/08/2026

12/08/2026

07/08/2026

06/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request