https://www.facebook.com/2173158346300229/

MAFAR -Maguindanao, Bangsamoro Government Center, Gov. Gutierrez, Rosary Heights VII, Cotabato City (2026)

05/09/2026

𝐊𝐚𝐚𝐥𝐚𝐦𝐚𝐧 𝐧𝐠 𝐦𝐠𝐚 𝐊𝐚𝐛𝐚𝐛𝐚𝐢𝐡𝐚𝐧𝐠 𝐀𝐑𝐁𝐬 𝐬𝐚 𝐏𝐚𝐧𝐚𝐧𝐚𝐥𝐚𝐩𝐢, 𝐏𝐢𝐧𝐚𝐩𝐚𝐥𝐚𝐤𝐚𝐬 𝐧𝐠 𝐌𝐀𝐅𝐀𝐑-𝐌𝐚𝐠𝐮𝐢𝐧𝐝𝐚𝐧𝐚𝐨

Hindi lamang sipag at puhunan ang kailangan upang mapalago ang isang kabuhayan. Mahalaga rin ang kaalaman sa wastong pamamahala ng pera upang matiyak na ang kinikita ay nagagamit nang maayos at nakatutulong sa patuloy na pag-unlad ng negosyo.

Ito ang isa sa mga kasanayang binibigyang-diin ng Ministry of Agriculture, Fisheries and Agrarian Reform (MAFAR)-Maguindanao sa isinagawang Training on Financial Literacy for the Empowered Women Agrarian Reform Beneficiaries (ARBs) noong Setyembre 2–3, 2026 sa Pagana Kutawato Native Restaurant, Cotabato City.

Lumahok sa dalawang araw na pagsasanay ang 30 kababaihang ARBs na kabilang sa apat na kooperatiba mula sa Maguindanao del Norte at Maguindanao del Sur.

Sa pamamagitan ng pagsasanay, natutuhan ng mga kalahok ang mga pangunahing konsepto ng financial literacy, financial budgeting, at bookkeeping upang higit nilang maunawaan ang tamang pagtatala ng mga transaksyon, pagsubaybay sa kita at gastusin, at paggawa ng mga desisyong makatutulong sa pagpapatuloy at pagpapalago ng kanilang mga negosyo.

Bukod sa mga pangunahing kaalaman sa pamamahala ng pananalapi, ipinakilala rin sa mga kalahok ang MAFARLEND at Sagip Saka, na maaaring magsilbing karagdagang suporta sa kanilang mga gawaing pangkabuhayan at pagpapaunlad ng negosyo.

Isinagawa ang aktibidad sa ilalim ng pamumuno ni MAFAR-Maguindanao Chief Agrarian Reform Program Officer at kasalukuyang Assistant Provincial Director for MDN Nur Amin Calutiag, at sa pangunguna ni Supervising Agrarian Reform Program Officer Bai Shaharazad Lidasan, kasama si MAFAR-Municipal Officer Adam Evaristo at iba pang mga kawani ng MAFAR-Maguindanao.

Sa pamamagitan ng naturang pagsasanay, hindi lamang kaalaman tungkol sa pera ang nais maibahagi sa mga kababaihang ARBs, kundi maging ang kahalagahan ng pagiging 𝐦𝐚𝐢𝐧𝐠𝐚𝐭, 𝐫𝐞𝐬𝐩𝐨𝐧𝐬𝐚𝐛𝐥𝐞, 𝐚𝐭 𝐦𝐚𝐝𝐢𝐬𝐤𝐚𝐫𝐭𝐞 𝐬𝐚 𝐩𝐚𝐠𝐠𝐚𝐦𝐢𝐭 𝐚𝐭 𝐩𝐚𝐦𝐚𝐦𝐚𝐡𝐚𝐥𝐚 𝐧𝐠 𝐤𝐚𝐧𝐢𝐥𝐚𝐧𝐠 𝐤𝐢𝐭𝐚. Sa ganitong paraan, mas nagiging handa silang gumawa ng wastong desisyong pinansiyal na makatutulong sa pagpapatatag at pagpapaunlad ng kanilang mga kabuhayan.

03/09/2026

As-salamu alaykum!
Here are the prices of Rice (Wet and Dry) and Corn (Dry) from different Municipalities of Maguindanao del Sur and Maguindanao Del Norte from August 31,2026 to September 06, 2026.

02/09/2026

𝐁𝐀𝐒𝐈𝐋 𝐏𝐫𝐨𝐠𝐫𝐚𝐦 𝐎𝐫𝐢𝐞𝐧𝐭𝐚𝐭𝐢𝐨𝐧, 𝐇𝐚𝐭𝐢𝐝 𝐧𝐠 𝐌𝐀𝐅𝐀𝐑-𝐌𝐚𝐠𝐮𝐢𝐧𝐝𝐚𝐧𝐚𝐨 𝐩𝐚𝐫𝐚 𝐬𝐚 𝐌𝐚𝐬 𝐏𝐢𝐧𝐚𝐥𝐚𝐤𝐚𝐬 𝐧𝐚 𝐏𝐚𝐧𝐠𝐚𝐧𝐠𝐚𝐥𝐚𝐠𝐚 𝐬𝐚 𝐈𝐥𝐨𝐠 𝐚𝐭 𝐋𝐚𝐰𝐚

MAGUINDANAO DEL SUR — Patuloy na isinusulong ng Ministry of Agriculture, Fisheries and Agrarian Reform (MAFAR)-Maguindanao Fisheries Division ang pangangalaga at pagpapanumbalik ng mga ilog at lawa sa pamamagitan ng Program Orientation tungkol sa Balik Sigla sa Ilog at Lawa (BASIL) Program na isinagawa noong August 27, 2026 sa bayan ng General Salipada K. Pendatun (GSKP).

Layunin ng programa na maibalik at mapanatili ang magandang kondisyon ng mga ilog at lawa sa pamamagitan ng pagpapalawak ng kaalaman at kamalayan ng mga komunidad hinggil sa wastong pamamahala, pangangalaga, at responsableng paggamit ng mga yamang tubig.

Sa isinagawang community orientation, binigyang-diin ang mahalagang papel ng mga lokal na komunidad sa pangangalaga at pagpapanatili ng mga anyong tubig, partikular na ang Ligawasan Marsh, na nagsisilbing mahalagang pinagkukunan ng kabuhayan at yamang tubig ng maraming komunidad sa Maguindanao.

Lumahok sa aktibidad ang 30 miyembro ng Bantay-Pawas (Bantay Ilog) na nagsisilbing katuwang sa pagbabantay, pangangalaga, at pagpapanatili ng mga yamang tubig sa kanilang mga nasasakupan. Sa pamamagitan ng kanilang aktibong partisipasyon, inaasahang higit na mapalalakas ang community-based monitoring at pangangalaga sa mga ilog at lawa.

Isinagawa ang orientation sa ilalim ng pamumuno ni Chief Aquaculturist Norhata Dumacil at sa pangunguna ni Supervising Aquaculturist Noralyn Lumbatan, kasama si MAFAR Municipal Officer (MMO) Salilagia P. Alang, mga kawani ng MAFAR-Maguindanao, at mga kinatawan mula sa Local Government Unit (LGU) ng GSKP.

Sa pamamagitan ng BASIL Program, patuloy na pinatitibay ng MAFAR-Maguindanao ang pakikipagtulungan sa mga lokal na pamahalaan at komunidad upang mapangalagaan, mapanumbalik, at magamit nang wasto ang mga yamang tubig, tungo sa mas sustenableng kabuhayan at kapakinabangan ng mga komunidad sa kasalukuyan at sa mga susunod na henerasyon.

01/09/2026

𝗜𝗡 𝗣𝗛𝗢𝗧𝗢𝗦 || 𝗠𝗔𝗙𝗔𝗥, 𝗜𝗽𝗶𝗻𝗮𝗴𝗱𝗶𝘄𝗮𝗻𝗴 𝗮𝗻𝗴 𝗜𝗸𝗮-𝟯𝟴 𝗔𝗻𝗶𝗯𝗲𝗿𝘀𝗮𝗿𝘆𝗼 𝗻𝗴 𝗖𝗔𝗥𝗣 𝘀𝗮 𝗣𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗣𝗶𝗰𝗸𝗹𝗲𝗯𝗮𝗹𝗹 𝗧𝗼𝘂𝗿𝗻𝗮𝗺𝗲𝗻𝘁

Sa temang“𝘼𝙙𝙫𝙖𝙣𝙘𝙞𝙣𝙜 𝘼𝙜𝙧𝙖𝙧𝙞𝙖𝙣 𝙍𝙚𝙛𝙤𝙧𝙢 𝙛𝙤𝙧 𝙖 𝙋𝙚𝙖𝙘𝙚𝙛𝙪𝙡, 𝙋𝙧𝙤𝙙𝙪𝙘𝙩𝙞𝙫𝙚, 𝙖𝙣𝙙 𝙀𝙢𝙥𝙤𝙬𝙚𝙧𝙚𝙙 𝘽𝙖𝙣𝙜𝙨𝙖𝙢𝙤𝙧𝙤,” ipinagdiwang ng Ministry of Agriculture, Fisheries, and Agrarian Reform (MAFAR) ang ika-38 Anibersaryo ng Comprehensive Agrarian Reform Program (CARP) sa pamamagitan ng isang Pickleball Tournament noong August 29, 2026.

Layunin ng paligsahan na palakasin ang pagkakaisa, kolaborasyon, at camaraderie ng mga kawani upang higit na mapagtibay ang pagtutulungan sa paghahatid ng produktibo at mahusay na serbisyo para sa sektor ng repormang pansakahan.

Nakiisa sa paligsahan ang mga kawani ng Agrarian Reform Division mula sa MAFAR Regional Office, sa pangunguna ni Thong Pinguiaman, Director for Agrarian Reform Services at Arphia T. Ebus, JD, Director II for Land Tenure Services; MAFAR-Maguindanao, sa pangunguna ni Provincial Director Ronjamin M. Maulana at Chief Agrarian Reform Program Officer Nur-amin Caludtiag; at MAFAR–Special Geographic Area (SGA) and Cotabato City sa pangunguna ni Provincial and City Director Julie O. Maliga.

Samantala, itinanghal na Champion ang MAFAR Regional Office, habang 1st Runner-Up ang MAFAR-SGA and Cotabato City, at 2nd Runner-Up naman ang MAFAR-Maguindanao.

Higit pa sa kompetisyon, nagsilbing daan ang paligsahan upang patibayin ang ugnayan ng mga kawani at maisulong ang teamwork, respeto, disiplina, sportsmanship, at pagkakaisa—mga pagpapahalagang mahalaga sa pagtataguyod ng isang mapayapa, produktibo, at empowered na Bangsamoro sa sektor ng repormang pansakahan.

29/08/2026

𝗪𝗔𝗧𝗖𝗛 || L𝗮𝘂𝗻𝗰𝗵 𝗼𝗳 "𝘽𝙚𝙣𝙩𝙚𝙣𝙜 𝘽𝙞𝙜𝙖𝙨, 𝙈𝙚𝙧𝙤𝙣 𝙉𝙖!"𝗶𝗻 𝗗𝗮𝘁𝘂 𝗦𝗮𝘂𝗱𝗶 𝗔𝗺𝗽𝗮𝘁𝘂𝗮𝗻, 𝗠𝗮𝗴𝘂𝗶𝗻𝗱𝗮𝗻𝗮𝗼 𝗗𝗲𝗹 𝗦𝘂𝗿. 𝗔 𝗣20 𝗥𝗶𝗰𝗲 𝗣𝗿𝗼𝗴𝗿𝗮𝗺 𝗼𝗳 𝗣𝗿𝗲𝘀𝗶𝗱𝗲𝗻𝘁 𝗙𝗲𝗿𝗱𝗶𝗻𝗮𝗻𝗱 "𝗕𝗼𝗻𝗴𝗯𝗼𝗻𝗴" 𝗠𝗮𝗿𝗰𝗼𝘀 𝗝𝗿., 𝗶𝗺𝗽𝗹𝗲𝗺𝗲𝗻𝘁𝗲𝗱 𝘁𝗵𝗿𝗼𝘂𝗴𝗵 𝗠𝗔𝗙𝗔𝗥-𝗠𝗮𝗴𝘂𝗶𝗻𝗱𝗮𝗻𝗮𝗼 𝗔𝗴𝗿𝗶𝗯𝘂𝘀𝗶𝗻𝗲𝘀𝘀 𝗮𝗻𝗱 𝗠𝗮𝗿𝗸𝗲𝘁𝗶𝗻𝗴 𝗔𝘀𝘀𝗶𝘀𝘁𝗮𝗻𝗰𝗲 𝗗𝗶𝘃𝗶𝘀𝗶𝗼𝗻 (𝗔𝗠𝗔𝗗).

Read full story here:
https://tinyurl.com/jb9x9826

29/08/2026

𝟯𝟴𝘁𝗵 𝗖𝗔𝗥𝗣 𝗔𝗻𝗻𝗶𝘃𝗲𝗿𝘀𝗮𝗿𝘆 || MAFAR-Maguindanao joins the nation in honoring the 38th Anniversary of the Comprehensive Agrarian Reform Program (CARP) with the theme: “𝘼𝙙𝙫𝙖𝙣𝙘𝙞𝙣𝙜 𝘼𝙜𝙧𝙖𝙧𝙞𝙖𝙣 𝙍𝙚𝙛𝙤𝙧𝙢 𝙛𝙤𝙧 𝙖 𝙋𝙚𝙖𝙘𝙚𝙛𝙪𝙡, 𝙋𝙧𝙤𝙙𝙪𝙘𝙩𝙞𝙫𝙚, 𝙖𝙣𝙙 𝙀𝙢𝙥𝙤𝙬𝙚𝙧𝙚𝙙 𝘽𝙖𝙣𝙜𝙨𝙖𝙢𝙤𝙧𝙤.”

Today, we honor the Bangsamoro Agrarian Reform Beneficiaries (ARBs) whose hard work, resilience, and dedication continue to cultivate not only the land, but also hope and opportunities for their families and communities.

Together, let us advance agrarian reform toward a peaceful, productive, and empowered Bangsamoro. 🌱🤝

27/08/2026

𝐀𝐛𝐨𝐭-𝐊𝐚𝐲𝐚𝐧𝐠 𝐁𝐢𝐠𝐚𝐬, 𝐇𝐚𝐧𝐝𝐨𝐠 𝐧𝐠 𝐏𝟐𝟎 𝐏𝐫𝐨𝐠𝐫𝐚𝐦 𝐬𝐚 𝐦𝐠𝐚 𝐁𝐞𝐧𝐞𝐩𝐢𝐬𝐲𝐚𝐫𝐲𝐨 𝐬𝐚 𝐃𝐚𝐭𝐮 𝐒𝐚𝐮𝐝𝐢 𝐀𝐦𝐩𝐚𝐭𝐮𝐚𝐧 𝐃𝐀𝐓𝐔 𝐒𝐀𝐔𝐃𝐈 𝐀𝐌𝐏𝐀𝐓𝐔𝐀𝐍

Maguindanao del Sur – Bilang bahagi ng patuloy na pagsusulong ng suporta para sa mga vulnerable sector, inilunsad ng Ministry of Agriculture, Fisheries, and Agrarian Reform (MAFAR)-Maguindanao ang P20 Program “Benteng Bigas, Meron Na” noong Agosto 22, 2026 sa bayan ng Datu Saudi Ampatuan, Maguindanao del Sur.

Sa pamamagitan ng programa, mahigit 500 benepisyaryo ang nabigyan ng pagkakataong makabili ng tig-10 kilo ng bigas sa halagang P200, o katumbas ng P20 kada kilo, bilang tulong upang magkaroon ng access ang mga kwalipikadong mamamayan sa mas abot-kayang pangunahing pagkain.

Pinangunahan ang aktibidad ni Supervising Agriculturist at AMAD Focal Sharmaine Baraguir, sa pakikipagtulungan ng National Food Authority (NFA)-Maguindanao, Local Government Unit (LGU) ng Datu Saudi Ampatuan sa ilalim ng pamumuno ni Mayor Datu Bassir Utto, at MAFAR Municipal Office of Datu Saudi Ampatuan.

Kabilang sa mga pangunahing prayoridad ng programa ang mga sektor na higit na nangangailangan ng suporta, gaya ng senior citizens, persons with disabilities (PWDs), solo parents, mga tsuper, magsasaka, at mangingisda.

Ang P20 Program “Benteng Bigas, Meron Na” ay bahagi ng malawakang kampanya ng administrasyon ni Pangulong Ferdinand “Bongbong” Marcos Jr. na mapababa at mapanatiling abot-kaya ang presyo ng mga pangunahing bilihin, lalo na ang bigas, para sa mga Pilipinong higit na nangangailangan.

Sa pagpapatuloy ng naturang programa sa mga komunidad, layunin nitong makatulong sa pagpapagaan ng gastusin sa pagkain ng mga benepisyaryo at mapalakas ang access ng vulnerable sectors sa abot-kayang bigas.

21/08/2026

𝗠𝗔𝗙𝗔𝗥-𝗠𝗮𝗴𝘂𝗶𝗻𝗱𝗮𝗻𝗮𝗼 𝗣𝗶𝗻𝗮𝗹𝗮𝗹𝗮𝗸𝗮𝘀 𝗮𝗻𝗴 𝗞𝗮𝗮𝗹𝗮𝗺𝗮𝗻 𝗻𝗴 𝗺𝗴𝗮 𝗠𝗮𝗴𝘀𝗮𝘀𝗮𝗸𝗮 𝘀𝗮 𝗣𝗮𝗺𝗮𝗺𝗮𝗵𝗮𝗹𝗮 𝗻𝗴 𝗣𝗲𝘀𝘁𝗲 𝗮𝘁 𝗦𝗮𝗸𝗶𝘁 𝘀𝗮 𝗣𝗮𝗹𝗮𝘆 𝗮𝘁 𝗠𝗮𝗶𝘀

MAGUINDANAO – Mahigit 75 na magsasaka ang lumahok sa Training on Identification and Management of Major Rice and Corn Pest Diseases na isinagawa ng Ministry of Agriculture, Fisheries and Agrarian Reform (MAFAR)-Maguindanao sa mga piling munisipalidad noong Agosto 18–20, 2026.

Isinagawa ang pagsasanay sa pakikipagtulungan ng MAFAR Municipal Offices at Local Government Unit (LGU) ng Datu Paglas, Datu Abdullah Sangki, at Northern Kabuntalan kung saan dumalo ang mahigit 25 kalahok na magsasaka mula sa bawat munisipalidad.

Sa inisyatiba naman ng MMO ng Datu Abdullah Sangki, nakibahagi rin sa pagsasanay ang mahigit labing apat (14) na third-year Agriculture students mula sa Sultan Pax Mangudadatu Islamic College Incorporated upang mapalawak ang kanilang kaalaman na magsisilbing dagdag na paghahanda sa kanilang tatahaking propesyon sa larangan ng agrikultura.

Sa pangunguna ni Engr. Muhaimin Ali, Senior Agriculturist kasama ang iba pang kawani ng Agriculture Division, layunin ng pagsasanay na mapalawak ang kaalaman at kasanayan ng mga kalahok sa wastong pagkilala, pag-iwas, at pamamahala sa mga pangunahing peste at sakit na maaaring makaapekto sa produksyon ng palay at mais.

Pinangunahan naman ng mga kinatawan mula sa MAFAR Regional Regulatory Division, sa pangunguna ni Agriculturist II Mojahed Gaga, ang mga talakayan at pagbabahagi ng teknikal na kaalaman.

Kabilang sa mga pangunahing paksang tinalakay ang pagkilala at pamamahala sa mga karaniwang sakit ng palay at mais, mga arthropod pests o insektong umaatake sa mga pananim, gayundin ang mga damo na maaaring magdulot ng pinsala sa pananim. Binigyang-diin din ang mga angkop na pamamaraan sa pag-iwas at pagkontrol sa mga biotic at abiotic factors na nakaaapekto sa paglago at produktibidad ng mga pananim.

Sa pamamagitan ng pagsasanay, inaasahang mas magiging maagap at episyente ang mga magsasaka sa pagtukoy ng mga peste at sakit sa kanilang mga bukid, gayundin sa pagpili ng angkop at responsableng pamamaraan ng pamamahala upang mabawasan ang pinsala at pagkalugi sa produksyon.

Ito ay bilang bahagi ng patuloy na pagpapalakas ng teknikal na kakayahan ng mga magsasaka upang maisulong ang mas episyente, siyentipiko, at responsableng pamamahala ng mga pananim tungo sa mas matatag, at sustenableng produksyon ng palay at mais sa lalawigan.

21/08/2026

𝐌𝐀𝐅𝐀𝐑-𝐌𝐚𝐠𝐮𝐢𝐧𝐝𝐚𝐧𝐚𝐨 𝐏𝐢𝐧𝐚𝐧𝐠𝐮𝐧𝐚𝐡𝐚𝐧 𝐚𝐧𝐠 𝐊𝐨𝐧𝐬𝐮𝐥𝐭𝐚𝐬𝐲𝐨𝐧 𝐩𝐚𝐫𝐚 𝐬𝐚 𝐌𝐮𝐥𝐢𝐧𝐠 𝐏𝐚𝐠𝐩𝐚𝐩𝐚𝐚𝐤𝐭𝐢𝐛𝐨 𝐧𝐠 𝐁𝐚𝐲-𝐰𝐢𝐝𝐞 𝐌𝐚𝐧𝐚𝐠𝐞𝐦𝐞𝐧𝐭 𝐂𝐨𝐮𝐧𝐜𝐢𝐥 𝐬𝐚 𝐈𝐥𝐥𝐚𝐧𝐚 𝐁𝐚𝐲

COTABATO CITY — Bilang bahagi ng patuloy na pagsusulong ng mas maayos at koordinadong pamamahala sa yamang pangisdaan, pinangunahan ng Ministry of Agriculture, Fisheries and Agrarian Reform (MAFAR)-Maguindanao ang Consultation Meeting for the Re-activation of the Bay-wide Management Council (BMC) in Illana Bay noong Agosto 17, 2026, na ginanap sa MAFAR Provincial Office.

Layunin ng isinagawang konsultasyon na talakayin ang mga kinakailangang hakbang para sa muling pagpapaaktibo at institusyonalisasyon ng BMC, gayundin ang pagpapalakas ng koordinasyon, pakikilahok, at pagtutulungan ng mga kinauukulang tanggapan, LGU, at iba pang stakeholder sa pangangalaga at pamamahala ng yamang pangisdaan sa Illana Bay.

Sa pamamagitan ng bukas na talakayan, nagbahagi ang mga kalahok ng kanilang mga pananaw, mungkahi, at rekomendasyon hinggil sa mga susunod na hakbang upang maging mas organisado at mas inklusibo ang pagpapatupad ng BMC sa Illana Bay. Inaasahang magsisilbing mahalagang bahagi ang mga naging input ng konsultasyon sa pagpapatibay ng mga susunod na plano at mekanismo para sa pangmatagalang pamamahala ng Illana Bay.

Kabilang sa mga lumahok ang mga kinatawan mula sa 𝗠𝗔𝗙𝗔𝗥 𝗥𝗲𝗴𝗶𝗼𝗻𝗮𝗹 𝗢𝗳𝗳𝗶𝗰𝗲 𝘀𝗮 𝗽𝗮𝗻𝗴𝘂𝗻𝗴𝘂𝗻𝗮 𝗻𝗶 𝗠𝗮𝗰𝗺𝗼𝗱 𝗗. 𝗠𝗮𝗺𝗮𝗹𝗮𝗻𝗴𝗸𝗮𝗽, 𝗣𝗵.𝗗, 𝗗𝗶𝗿𝗲𝗰𝘁𝗼𝗿 𝗜𝗜 𝗳𝗼𝗿 𝗙𝗶𝘀𝗵𝗲𝗿𝗶𝗲𝘀 𝗢𝗽𝗲𝗿𝗮𝘁𝗶𝗼𝗻𝘀, 𝗠𝗔𝗙𝗔𝗥-𝗠𝗮𝗴𝘂𝗶𝗻𝗱𝗮𝗻𝗮𝗼, sa pangunguna ni Provincial Director Ronjamin M. Maulana, Ph.D, MAFAR-BARMM Senior Aquaculturist Honey Lou A Marcelo, John Enriq T. Batapa at kinatawan mula sa Philippine Rural Development Project (PRDP)-BARMM na si Jeshia S. Serdoncillo, Planning Officer, gayundin ng mga kinatawan mula sa 𝐋𝐨𝐜𝐚𝐥 𝐆𝐨𝐯𝐞𝐫𝐧𝐦𝐞𝐧𝐭 𝐔𝐧𝐢𝐭 𝐧𝐠 𝐌𝐚𝐠𝐮𝐢𝐧𝐝𝐚𝐧𝐚𝐨 𝐝𝐞𝐥 𝐍𝐨𝐫𝐭𝐞 𝐚𝐭 𝐋𝐚𝐧𝐚𝐨 𝐝𝐞𝐥 𝐍𝐨𝐫𝐭𝐞, na kapwa mahalagang katuwang sa pangangalaga at responsableng paggamit ng yamang pangisdaan ng Illana Bay.

Sa kanyang mensahe, binigyang-diin ni 𝐏𝐃 𝐌𝐚𝐮𝐥𝐚𝐧𝐚 ang kahalagahan ng patuloy na pagtutulungan, koordinasyon, at aktibong pakikilahok ng mga LGU at iba pang stakeholders sa pagsusulong ng mga layunin ng Bay-wide Management Council. Ipinahayag niya ang kanyang commitment na suportahan ang mga kinakailangang hakbang para sa muling pagpapaaktibo ng BMC at sa pagpapatuloy ng mga inisyatiba para sa sustainable fisheries management at mas mahusay na pamamahala ng coastal resources sa Illana Bay.

Ang konsultasyon ay bahagi ng patuloy na pagsisikap ng MAFAR na palakasin ang bay-wide management, responsableng paggamit ng yamang pangisdaan, at sama-samang pangangalaga sa Illana Bay para sa kapakinabangan ng mga pamayanang umaasa rito.

21/08/2026

𝗠𝗮𝘁𝗮𝘁𝗮𝗴 𝗻𝗮 𝗦𝘂𝗽𝗹𝗮𝘆 𝗻𝗴 𝗙𝗶𝗻𝗴𝗲𝗿𝗹𝗶𝗻𝗴𝘀 𝘀𝗮 𝗠𝗮𝗴𝘂𝗶𝗻𝗱𝗮𝗻𝗮𝗼, 𝗣𝗶𝗻𝗮𝗹𝗮𝗹𝗮𝗸𝗮𝘀 𝗻𝗴 𝗠𝗔𝗙𝗔𝗥-𝗠𝗮𝗴𝘂𝗶𝗻𝗱𝗮𝗻𝗮𝗼 𝘀𝗮 𝗣𝗮𝗺𝗮𝗺𝗮𝗴𝗶𝘁𝗮𝗻 𝗻𝗴 𝗧𝗶𝗹𝗮𝗽𝗶𝗮 𝗛𝗮𝘁𝗰𝗵𝗲𝗿𝘆 𝗠𝗮𝗻𝗮𝗴𝗲𝗺𝗲𝗻𝘁 𝗧𝗿𝗮𝗶𝗻𝗶𝗻𝗴

KABACAN, North Cotabato – Sa layuning mapalawak ang operasyon ng mga lokal na tilapia hatchery sa lalawigan ng Maguindanao, matagumpay na isinagawa ng Ministry of Agriculture, Fisheries and Agrarian Reform (MAFAR)-Maguindanao Fisheries Division ang dalawang araw na Training on Tilapia Hatchery Management Noong Agusto 18 - 19, 2026 sa Bureau of Fisheries And Aquatic Resources (BFAR)-Mindanao Freshwater Fisheries Technology Center (MFFTC), USM Kabacan, North Cotabato.

Sa pangunguna ni Chief Aquaculturist Norhata Dumasil, Division Chief ng MAFAR Maguindanao Fisheries Division, at sa pakikipagtulungan ng BFAR-MFFTC sa pangunguna ni OIC-MFFTC Zabidi S. Badrudin, layunin ng pagsasanay na mapalawak ang kaalaman at kasanayan ng mga mangingisda sa wasto, episyente, at makabagong pamamahala ng tilapia hatchery upang mapataas ang produksyon ng fry at fingerlings sa lalawigan.

Dumalo rin si RDE Chief for Fisheries Services Alimudin Pendulat upang ipakita ang kanyang suporta sa programa at sa mga inisyatiba na naglalayong palakasin ang kakayahan ng mga mangingisda at kooperatiba tungo sa mas self-reliant at matatag na produksyon ng tilapia fry at fingerlings sa lalawigan.

Lumahok sa pagsasanay ang mahigit 14 na miyembro ng mga kooperatiba ng mga mangingisda mula sa anim na munisipalidad ng Maguindanao na may potensyal na magtatag at mamahala ng sariling hatchery. Kabilang dito ang Ampatuan, Buluan, Datu Hoffer, Datu Saudi Ampatuan, Mamasapano, at Datu Odin Sinsuat.

Sa loob ng dalawang araw, tinalakay ang mahahalagang konsepto at teknikal na kaalaman sa tilapia hatchery management, kabilang ang biology ng tilapia, tamang nutritional requirements, strategic feeding management, at mga pamamaraan sa pagpapanatili ng mataas na survival rate sa hatchery environment, gayundin ang mga makabagong pamamaraan ng breeding na matatag at naaangkop sa pabago-bagong kondisyon ng klima.

Binigyang-pansin din sa pagsasanay ang pagpapalakas ng produksyon sa pamamagitan ng iExCEL Tilapia System, kabilang ang wastong pamamahala at operasyon nito. Tinalakay rin ang Improved Modified Intensive Tilapia Hatchery (IMITH) Framework at ang integrated i-BEST Hatchery Technology, na naglalayong gawing mas episyente, produktibo, at makabago ang operasyon ng mga lokal na hatchery.

Sumailalim din ang mga kalahok sa praktikal na demonstrasyon upang maiugnay ang mga teoretikal na konsepto sa aktuwal na aplikasyon. isinagawa ang sunod-sunod na demonstrasyon sa mahahalagang hatchery operations, kabilang ang sistematikong pangongolekta ng itlog, wastong pamamaraan ng pag-aani ng fingerlings, at proseso ng pagtukoy sa kasarian ng tilapia.

Sa kanyang mensahe, binigyang-diin ni BFAR National Director Elizer S. Salilig, MFT, ang mahalagang papel ng inobasyon, teknolohiya, at science-based management sa pagkamit ng food security at sufficiency sa rehiyon. Nagbigay rin ng rekomendayon si Director Salilig sa pamunuan ng BFAR-MFFTC at sa MAFAR Maguindanao na magtakda ng follow-up activity makalipas ang anim na buwan, kung saan maipapakita at maibabahagi ng bawat kalahok ang kanilang mga success stories at aktuwal na resulta sa pagtatatag at pagpapatakbo ng kanilang lokal na tilapia hatchery.

Sa pammagitan ng mga ganitong pagsasanay, inaasahan na mas mapapalakas ang kakayahan ng mga mangingisda na maging mas self-reliant sa produksyon ng tilapia fry at fingerlings, mabawasan ang pag-asa sa suplay mula sa ibang rehiyon, at makapag-ambag sa pagkakaroon ng mas matatag at sustainable na aquaculture industry sa Maguindanao at sa buong Bangsamoro Autonomous Region in Muslim Mindanao (BARMM).

MAFAR -Maguindanao

05/09/2026

03/09/2026

02/09/2026

01/09/2026

29/08/2026

29/08/2026

27/08/2026

21/08/2026

21/08/2026

21/08/2026

Address

Website

Alerts

Contact The Organization

Shortcuts

Share

Category

Listing takedown request