11th Sangguniang Bayan ng Culion

12/06/2026

🎉🌴 𝐂𝐔𝐋𝐈𝐎𝐍 𝐒𝐇𝐈𝐍𝐄𝐒 𝐀𝐓 𝐓𝐇𝐄 𝐆𝐑𝐀𝐍𝐃 𝐎𝐏𝐄𝐍𝐈𝐍𝐆 𝐏𝐀𝐑𝐀𝐃𝐄 𝐎𝐅 𝐁𝐀𝐑𝐀𝐆𝐀𝐓𝐀𝐍 𝐒𝐀 𝐏𝐀𝐋𝐀𝐖𝐀𝐍 𝐅𝐄𝐒𝐓𝐈𝐕𝐀𝐋 𝟐𝟎𝟐𝟔!🌴🎉

Buong pagmamalaking nakiisa ang Bayan ng Culion sa Grand Opening Parade ng Baragatan sa Palawan Festival 2026, dala ang ating natatanging kasaysayan, kultura, at pagkakakilanlan bilang isang bayan na tunay na maipagmamalaki.

Tampok sa parada ang makabuluhang Culion Float na nagtatanghal sa La Inmaculada Concepcion Church, isa sa mga pinakakilalang simbolo ng ating bayan. Higit pa sa pagiging isang makasaysayang estruktura, ito ay sumisimbolo sa kanlungan, pananampalataya, katatagan, at lakas ng mga mamamayan ng Culion sa pagharap sa mga hamon ng panahon.

Kasunod ng float ay ang masiglang delegasyon ng Culion para sa Pantigoan sa Dalan, na pinangunahan nina Mayor Oyet De Vera, Vice Mayor Vinyang De Vera, mga miyembro ng Sangguniang Bayan, mga department heads, kawani ng pamahalaan, at mga kalahok na buong pusong nagpakita ng pagkakaisa at pagmamahal sa ating bayan.

Taos-puso rin kaming nagpapasalamat sa lahat ng Culionaires na nakisama at nakiisa sa parada. Ang inyong presensya, sigla, at walang sawang suporta ang nagbigay buhay at kulay sa ating delegasyon. Ang tagumpay ng ating partisipasyon ay tagumpay ng buong Culion.

Sama-sama nating ipagpatuloy ang pagpapakita ng mayamang kasaysayan, makulay na kultura, at natatanging diwa ng ating bayan habang ipinagmamalaki natin ang Culion sa buong Palawan.

💙💛❤️ Maraming salamat sa inyong suporta!
🌴 Mabuhay ang mga Culionaire!
✨ Mabuhay ang Culion: The Paradise Regained!

07/06/2026

✨𝐂𝐔𝐋𝐈𝐎𝐍𝐀𝐈𝐑𝐄𝐒, 𝐕𝐎𝐓𝐄 𝐎𝐔𝐑 𝐍𝐈𝐂𝐎𝐋𝐄 𝐀𝐒 𝐌𝐒. 𝐒𝐌!! ✨

𝗣𝗮𝗮𝗻𝗼 𝗯𝘂𝗺𝗼𝘁𝗼❓

1. Hindi po ito like and share lamang ng picture.
2. Mag-install ng SM Online App sa Google Playstore (kulay blue na logo).
3. Iregister ang iyong cellphone number at pangalan.
4. I-scan ang QR code na nasa unang larawan.
5. Piliin ang picture ng ating kandidata, MA. NICOLE D. BANTOG. I-redeem ang coupon, at i-swipe hanggang sampung beses.
6. Kapag mayroon ka nang sampung redeemed coupon, ibig sabihin noon ay nabilang na ang iyong boto.

Tara na, Culionaires, at ipakita ang ating pagmamahal at suporta sa ating representative. 👏🏻✨

18/05/2026

44th REGULAR SESSION NG IKA-11 SANGGUNIANG BAYAN NG CULION

Matagumpay na naipasa ngayong araw, Mayo 18, 2026, sa ginanap na ika-44 na Regular Session ng Sangguniang Bayan ng Culion, sa pangunguna ni Municipal Vice Mayor Ma. Virginia N. De Vera, ang Resolution No. 2026-2509 at Resolution No. 2026-2510.

Resolution No. 2026-2509 – Isang resolusyon na nagpapatibay sa Provincial Resolution No. 22165, Series of 2026, na nagbibigay-pahintulot sa ating Punong Bayan Cesar M. De Vera Jr. na pumasok sa isang Partnership Agreement sa Pamahalaang Panlalawigan ng Palawan kaugnay ng pagbabahagi ng gastusin at operasyon ng Lualhati Women Center of Palawan (LWCP) para sa mga Women in Especially Difficult Circumstances (WEDC) at Children in Need of Special Protection (CNSP).

Resolution No. 2026-2510 – Isang resolusyon na humihiling sa ating butihing Governor Amy Roa Alvarez at sa Pamahalaang Panlalawigan ng Palawan ng pinansyal na tulong para sa Municipality of Culion, Palawan bilang suporta sa paghahanda, pakikilahok, at implementasyon ng mga natukoy na flagship activities para sa Baragatan sa Palawan Festival 2026.

Sa kabuuan, ang mga panukalang ito ay inaasahang magpapalakas sa kapasidad ng pamahalaang lokal, magpapahusay sa paghahatid ng mga pangunahing serbisyo, at magsusulong ng kapakanan ng mamamayan ng Culion.

Patuloy ang Sangguniang Bayan sa pagpapatupad ng mga makabuluhang hakbang tungo sa mas maayos, episyente, at inklusibong pamamahala.

09/05/2026

🌿🏹 ARAW NG MGA KATUTUBO – PAGPAPASALAMAT SA MGA KATUTUBO, PAG DAYAW EG PAGSARASA 🏹🌿
Tirimes-Times Festival 2026

Ating saksihan ang isang makulay at makahulugang pagdiriwang bilang pagpupugay sa ating mga katutubong pamayanan at sa kanilang mayamang kultura, tradisyon, at talento. ✨

📅 Mayo 11, 2026
🕖 7:00 AM – Simula ng Parada
📍 Ruta: CES, Brgy. Osmeña → Lower Libis → Balala Covered Court
🕗 8:00 AM – Simula ng Programa sa Balala Covered Court

🎭 Tunghayan ang mga kahanga-hangang pagtatanghal na magpapakita ng husay, talento, at kaugalian ng ating mga katutubo sa Culion.

🌺 Sama-sama nating ipagdiwang ang kanilang natatanging kontribusyon sa ating komunidad at patuloy na pangalagaan ang kanilang kultura at pagkakakilanlan.

💚 ISANG KULTURA, ISANG CULION. AMOS! MAGTIRIMES-TIMES KITA! 💚

🌿🏹 ARAW NG MGA KATUTUBO – PAGPAPASALAMAT SA MGA KATUTUBO, PAG DAYAW EG PAGSARASA 🏹🌿
Tirimes-Times Festival 2026

Ating saksihan ang isang makulay at makahulugang pagdiriwang bilang pagpupugay sa ating mga katutubong pamayanan at sa kanilang mayamang kultura, tradisyon, at talento. ✨

📅 Mayo 11, 2026
🕖 7:00 AM – Simula ng Parada
📍 Ruta: CES, Brgy. Osmeña → Lower Libis → Balala Covered Court
🕗 8:00 AM – Simula ng Programa sa Balala Covered Court

🎭 Tunghayan ang mga kahanga-hangang pagtatanghal na magpapakita ng husay, talento, at kaugalian ng ating mga katutubo sa Culion.

🌺 Sama-sama nating ipagdiwang ang kanilang natatanging kontribusyon sa ating komunidad at patuloy na pangalagaan ang kanilang kultura at pagkakakilanlan.

💚 ISANG KULTURA, ISANG CULION. AMOSI! MAGTIRIMES-TIMES KITA! 💚

08/05/2026

𝙼𝚊𝚕𝚒𝚐𝚊𝚢𝚊𝚗𝚐 𝙺𝚊𝚊𝚛𝚊𝚠𝚊𝚗, 𝚂𝙱 𝙾𝚗𝚊𝚌! 🎂

𝙼𝚊𝚛𝚊𝚖𝚒𝚗𝚐 𝚜𝚊𝚕𝚊𝚖𝚊𝚝 𝚜𝚊 𝚒𝚢𝚘𝚗𝚐 𝚙𝚊𝚐𝚕𝚒𝚕𝚒𝚗𝚐𝚔𝚘𝚍 𝚜𝚊 𝚊𝚝𝚒𝚗𝚐 𝚋𝚊𝚢𝚊𝚗.

𝙰𝚗𝚐 𝚒𝚢𝚘𝚗𝚐 𝚜𝚒𝚙𝚊𝚐 𝚊𝚝 𝚍𝚎𝚍𝚒𝚔𝚊𝚜𝚢𝚘𝚗 𝚜𝚊 𝚜𝚎𝚛𝚋𝚒𝚜𝚢𝚘 𝚊𝚢 𝚖𝚊𝚑𝚊𝚕𝚊𝚐𝚊𝚗𝚐 𝚔𝚘𝚗𝚝𝚛𝚒𝚋𝚞𝚜𝚢𝚘𝚗 𝚜𝚊 𝚊𝚝𝚒𝚗𝚐 𝚙𝚊𝚝𝚞𝚕𝚘𝚢 𝚗𝚊 𝚙𝚊𝚐-𝚞𝚗𝚕𝚊𝚍 𝚊𝚝 𝚙𝚊𝚐-𝚊𝚋𝚊𝚗𝚝𝚎.

𝙽𝚊𝚠𝚊’𝚢 𝚙𝚊𝚐𝚙𝚊𝚕𝚊𝚒𝚗 𝚙𝚊 𝚔𝚊𝚢𝚘 𝚗𝚐 𝚖𝚊𝚋𝚞𝚝𝚒𝚗𝚐 𝚔𝚊𝚕𝚞𝚜𝚞𝚐𝚊𝚗, 𝚕𝚊𝚔𝚊𝚜, 𝚊𝚝 𝚖𝚊𝚛𝚊𝚖𝚒 𝚙𝚊𝚗𝚐 𝚝𝚊𝚐𝚞𝚖𝚙𝚊𝚢 𝚜𝚊 𝚒𝚢𝚘𝚗𝚐 𝚋𝚞𝚑𝚊𝚢 𝚊𝚝 𝚜𝚎𝚛𝚋𝚒𝚜𝚢𝚘 𝚙𝚞𝚋𝚕𝚒𝚔𝚘.

𝙿𝚊𝚐𝚋𝚊𝚝𝚒 𝚖𝚞𝚕𝚊 𝚜𝚊 𝙸𝚔𝚊-𝟷𝟷 𝚗𝚊 𝚂𝚊𝚗𝚐𝚐𝚞𝚗𝚒𝚊𝚗𝚐 𝙱𝚊𝚢𝚊𝚗 𝚗𝚐 𝙲𝚞𝚕𝚒𝚘𝚗.

06/05/2026

42nd REGULAR SESSION NG IKA-11 SANGGUNIANG BAYAN NG CULION

Noong Mayo 4, 2026, isinagawa ang ika-42 Regular na Sesyon ng Sangguniang Bayan ng Culion sa pamumuno ng Temporary Presiding Officer na si Hon. Ronald H. Alcantara.

Sa naturang pagpupulong, ilan sa mga panukalang pormal na pinagtibay ay ang mga sumusunod:

Ordinance No. 2026-278 – Isang ordinansa na nag-aamyenda sa ilang probisyon ng Ordinance No. 2026-270 upang i-update ang mga water rates, fees, at charges, gayundin ang mga patakaran sa operasyon at pamamahala ng Culion Water Supply System (CWSS), alinsunod sa mga umiiral na pamantayan at regulasyon.

Resolution No. 2026-2505 – Isang resolusyon na nagbibigay pahintulot sa Punong Bayan, Cesar M. De Vera, Jr. na pumasok at lumagda sa isang Training Agreement sa Culion Foundation, Inc. para sa implementasyon ng isang Multi-Cadre Training na naglalayong palakasin ang TB Contact Investigation at Prevention sa loob ng nasasakupan ng Munisipyo ng Culion, Lalawigan ng Palawan.

Sa kabuuan, ang mga panukalang ito ay inaasahang magpapahusay sa paghahatid ng mga pangunahing serbisyo, at magsusulong ng kapakanan ng mamamayan ng Culion. Patuloy ang Sangguniang Bayan sa pagpapatupad ng mga makabuluhang hakbang tungo sa mas maayos, episyente, at inklusibong pamamahala.

28/04/2026

41st REGULAR SESSION NG IKA-11 SANGGUNIANG BAYAN NG CULION

Kahapon, April 27, 2026, matagumpay na idinaos ang ika-41 Regular na Sesyon ng Sangguniang Bayan ng Culion sa pangunguna ni Temporary Presiding Officer Hon. Ronald H. Alcantara.

Sa sesyong ito, pinagtibay ang:

Resolution 2026-2503: Resolution adopting Executive Order No. 110 and MDRRMC Resolution No. 03, Series of 2026, and expressing the commitment of the Municipality of Culion, Palawan to implement local measures pursuant to Section 7 thereof.

Ang Executive Order No. 110, Series of 2026 ay isang kautusan na inilabas ng Pangulo ng Pilipinas na nagdedeklara ng “State of National Energy Emergency.”

Ang State of National Energy Emergency ay idineklara upang tugunan ang kakulangan at pagtaas ng presyo ng enerhiya sa bansa. Layunin ng resolusyong ito na matiyak na ang lokal na pamahalaan ay nakaayon sa pambansang polisiya sa panahon ng state of emergency. Ito rin ay upang mabigyan ng kakayahan ang pamahalaan na magsagawa ng agarang hakbang upang masiguro ang sapat at tuloy-tuloy na suplay ng kuryente at langis, mapanatili ang katatagan ng ekonomiya, at mabawasan ang epekto ng krisis sa mamamayan.

21/04/2026

Ayon sa direktiba ng ating Bise Mayor, Ma. Virginia N. De Vera, matagumpay na idinaos ngayong araw, April 21, 2026, ang training tungkol sa Efficient Committee Meeting Management para sa ating mga Legislative Support Staff na ginanap sa Camilo A. Pepito Session Hall, New Legislative Bldg.

Sa pangunguna ni Mr. Karl Thomas L. Rosello, Secretary to the Sanggunian, tinalakay ang mga paraan kung paano mas mapapabilis at mapapaayos ang mga pagpupulong sa komite.

Layunin ng nasabing workshop na paigtingin ang kakayahan ng mga support staff sa mga sumusunod:
• Pre-Meeting Preparation: Maayos na paghahanda bago ang bawat pagpupulong.
• Conduct of Committee Meetings: Propesyonal at sistematikong pamamahala sa daloy ng diskusyon.
• Legislative Documentation: Tamang pagtatala ng mga minutes at mahahalagang resolusyon.

Ang mga kaalaman at kasanayang ito ay inaasahang lalong magpapatatag sa gampanin ng mga staff para sa epektibo, organisado, at produktibong mga pagpupulong. Ang kanilang mga kontribusyon ay mahalaga sa pagtiyak ng transparency, accountability, at efficiency sa ating mga prosesong lehislatibo.

Sa pamamagitan nito, mas nahasa ang kasanayan ng bawat isa upang masiguro ang mas mabilis at de-kalidad na serbisyo para sa mga mamamayan ng Culion.

Patuloy tayong kumikilos para sa mas maayos, mas mabilis, at mas epektibong serbisyo sa bawat mamamayan ng Culion!

21/04/2026

𝐈𝐍 𝐏𝐇𝐎𝐓𝐎𝐒:

April 21, 2026 | Courtesy Call of the Philippine Air Force and Aeromedical Technicians

Mainit na tinanggap ng ating Municipal Vice Mayor ang mga kinatawan ng Philippine Air Force at mga Aeromedical Technicians sa kanilang courtesy call. Layunin ng pagbisitang ito na mas mapalakas ang ugnayan at koordinasyon sa pagbibigay ng serbisyong medikal at pang-emergency, lalo na sa mga malalayong lugar.