Culion Municipal Health And Nutrition Office

02/09/2026

DOH: ALAMIN ANG KAHULUGAN NG BAWAT KULAY AT ANTAS NG AIR QUALITY INDEX (AQI) PARA MAPROTEKTAHAN ANG KALUSUGAN

Para maprotektahan ang kalusugan ng iyong pamilya, subaybayan ang mga opisyal na anunsyo ukol sa kalidad ng hangin sa inyong lugar mula sa DENR-EMB o sa inyong lokal na pamahalaan.

Maaari ring makita ang real-time AQI sa inyong lugar sa link na nasa comment section. Sa kasalukuyan, mariing pinaghahanda ang mga taga Visayas at Mindanao para sa posibleng pag-abot ng Haze sa dalawang rehiyon na ito.

Kung hindi maganda ang air quality sa inyong lugar, tandaan ang mga sumusunod:

✅ Magsuot ng mask kapag kailangang lumabas ng bahay at iwasan muna ang mabibigat na outdoor activities.
✅ Mag-ingat lalo ang mga bata, matatanda, buntis, at may sakit sa puso o baga, at ihanda ang kanilang mga gamot.
✅ Para sa mga nagtatrabaho sa labas, magsuot ng mask at regular na magpahinga sa loob ng mga gusali. Laging unahin ang proteksyon sa kalusugan.
✅ Maging maingat sa pagmamaneho dahil sa mababang visibility mula sa haze.

Sakaling mangailangan ng tulong, tumawag agad sa National Emergency Hotline 911. Maaari ring pumunta sa mga Health Center at YAKAP Clinic para sa libreng konsultasyon, risk screening, mga laboratoryo, at libreng gamot para sa hika o mild-to-moderate pneumonia.

01/09/2026

𝗛𝗲𝗮𝗹𝘁𝗵 𝗔𝗱𝘃𝗶𝘀𝗼𝗿𝘆 𝗡𝗼. 𝟴 - 𝟮𝟬𝟮𝟲

𝗣𝗔𝗚-𝗜𝗜𝗡𝗚𝗔𝗧 𝗟𝗔𝗕𝗔𝗡 𝗦𝗔 𝗛𝗔𝗭𝗘 𝗔𝗧 𝗣𝗢𝗟𝗨𝗦𝗬𝗢𝗡 𝗦𝗔 𝗛𝗔𝗡𝗚𝗜𝗡

Kung makaranas ng matinding hirap sa paghinga, pananakit o paninikip ng dibdib, matinding panghihina, pagkalito, o iba pang malubhang sintomas, agad na humingi ng medikal na atensyon sa pinakamalapit na health facility.

01/09/2026

Huwag baliwalain ang sintomas ng sakit na Dengue

31/08/2026

Ngayong National Heroes Day, binibigyang-pugay natin ang ating mga mahal na healthcare workers, vaccinators, health educators, at frontline volunteers! 🩺✨

Mula sa tirik na araw hanggang sa pagtawid ng mga bundok at ilog, hindi kayo napapagod para masigurong ang bawat batang Pilipino. Saludo kami sa inyong dedikasyon at pagmamahal sa bayan! ❤️🇵🇭

28/08/2026

GUSTO MUNANG IPAGPALIBAN ANG PAGBUBUNTIS?

Ang Family Planning ay mahalagang bahagi ng responsible parenthood. Tinutulungan nito ang mag-asawa o magkapareha na makapagdesisyon kung kailan at gaano karaming anak ang nais nila, ayon sa kanilang kalagayan, pangangailangan, at plano para sa pamilya.

May iba’t ibang ligtas at epektibong family planning methods, tulad ng:

Condom – ginagamit tuwing pakikipagtalik at nakatutulong din sa pag-iwas sa sexually transmitted infections (STIs) at HIV.

Pills – iniinom araw-araw upang maiwasan ang pagbubuntis.

Injectables – hormonal method na ibinibigay sa takdang pagitan depende sa uri.

Implant – maliit na rod na inilalagay sa ilalim ng balat ng braso at nagbibigay ng pangmatagalang proteksyon.

IUD – inilalagay sa loob ng matris at nagbibigay ng pangmatagalang proteksyon; may hormonal at non-hormonal na uri.

Tandaan:
Hindi pare-pareho ang angkop na method para sa lahat. Mahalagang kumonsulta sa healthcare provider upang malaman ang tamang method batay sa iyong kalusugan, pangangailangan, at reproductive goals.

Bumisita sa aming opisina para sa tamang impormasyon, counseling, at family planning services.
Lunes hanggang Biyernes.

"Ang SMART na Pamilya, Panalo! Tara, Usap Tayo sa Family Planning!

27/08/2026

May mga bacteria at virus na kumakapit sa ating mga kamay nang hindi natin nakikita. Sa simpleng madalas at wastong paghuhugas ng kamay gamit ang malinis na tubig at sabon, napipigilan natin ang pagpasok ng mga mikrobyo sa ating katawan na maaaring magdulot ng diarrhea, cholera, typhoid fever, trangkaso, at marami pang ibang nakahahawang sakit.

Ugaliin ang regular na paghuhugas ng kamay at panatilihing malinis ang bahay at kapaligiran. Manatiling malusog at protektado sa anumang panahon!

27/08/2026

FAMILY PLANNING: May Options Din Para sa Lalaki!

Ang Family Planning ay responsibilidad ng mag-partner. 👩‍❤️‍👨 Hindi lamang para sa babae—may mga family planning options din para sa mga lalaki, tulad ng Condom at Vasectomy.

CONDOM – Isang pansamantalang paraan na nakatutulong maiwasan ang hindi planadong pagbubuntis at nagbibigay-proteksyon laban sa HIV at iba pang sexually transmitted infections (STIs).

VASECTOMY – Isang ligtas, mabisa, at permanenteng family planning option para sa mga lalaking ayaw nang magdagdag ng anak. Hindi nito naaapektuhan ang sexual desire, er****on, o pagiging lalaki.

Mag-usap bilang mag-partner at kumonsulta sa healthcare provider upang malaman ang paraang angkop sa inyong plano at pangangailangan bilang pamilya.

Ang SMART na Pamilya,Panalo! Tara, Usap Tayo sa Family Planning!

Ctto: CPD,DOH

26/08/2026

Dahil sa kanilang mahinang resistensya, ang mga batang 5 taong gulang pababa ay mas madaling kapitan ng TB. Kaya mahalagang bantayan sila laban sa sakit na ito!

Maaaring magdulot ang TB ng malulubhang komplikasyon sa mga bata tulad ng Pott's Disease (TB sa buto),
TB Meningitis (TB sa utak), at pangmatagalang pinsala sa baga.

Makipag-ugnayan agad sa inyong pinakamalapit na Health Facility para sa libreng check-up at testing: bit.ly/TBDOTSFacilities

26/08/2026

25/08/2026