Provincial Youth Development Office - Camarines Norte

03/09/2026

𝐋𝐈𝐍𝐆𝐆𝐎 𝐍𝐆 𝐊𝐀𝐁𝐀𝐓𝐀𝐀𝐍 𝟐𝟎𝟐𝟔 𝐘𝐎𝐔𝐓𝐇 𝐂𝐎𝐍𝐆𝐑𝐄𝐒𝐒 | 𝐃𝐀𝐘 𝟐 – 𝐏𝐀𝐑𝐓 𝟐

Bilang pagpapatuloy ng 𝐋𝐢𝐧𝐠𝐠𝐨 𝐧𝐠 𝐊𝐚𝐛𝐚𝐭𝐚𝐚𝐧 𝟐𝟎𝟐𝟔 𝐘𝐨𝐮𝐭𝐡 𝐂𝐨𝐧𝐠𝐫𝐞𝐬𝐬, isinagawa ang 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔 𝐀𝐰𝐚𝐫𝐝𝐢𝐧𝐠 𝐂𝐞𝐫𝐞𝐦𝐨𝐧𝐲, na naglalayong kilalanin ang mga kabataan at organisasyong nagpakita ng natatanging pamumuno, paglilingkod, kahusayan, at ambag sa kanilang mga pamayanan.

Bago ang seremonya ng paggawad, naghatid ng mensahe si 𝐀𝐧𝐢𝐜𝐚 𝐏𝐚𝐝𝐢𝐥𝐥𝐚, 𝐒𝐩𝐞𝐜𝐢𝐚𝐥 𝐀𝐬𝐬𝐢𝐬𝐭𝐚𝐧𝐭 𝐭𝐨 𝐭𝐡𝐞 𝐆𝐨𝐯𝐞𝐫𝐧𝐨𝐫, na nagbigay-diin sa kahalagahan ng kabataan bilang mahalagang katuwang sa pagpapaunlad ng lalawigan.

Kabilang sa mga larangang kinilala sa Gawad Bintao 2026 ang Outstanding Youth Leader, Outstanding Youth with Disability, Outstanding Youth in Sports, Outstanding Youth in Culture and the Arts, at Outstanding SK Chairperson.

Iginawad din ang mga parangal para sa Outstanding Youth Organization (YO), Outstanding Youth-Serving Organization (YSO), at Outstanding SK Council, bilang pagkilala sa mga organisasyong nagsusulong ng mga programang tumutugon sa pangangailangan at kapakanan ng kabataan.

Isinagawa rin ang 𝐘𝐨𝐮𝐭𝐡 𝐈𝐧𝐧𝐨𝐯𝐚𝐭𝐢𝐨𝐧 𝐂𝐡𝐚𝐥𝐥𝐞𝐧𝐠𝐞 – 𝐏𝐫𝐨𝐣𝐞𝐜𝐭 𝐏𝐢𝐭𝐜𝐡, kung saan ipinamalas ng mga kabataang kalahok ang kanilang mga inisyatiba at makabagong solusyon para sa kanilang mga pamayanan.

Ang 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔 ay bahagi ng patuloy na pagsisikap ng Pamahalaang Panlalawigan na kilalanin at bigyang-halaga ang mga kabataang nagsisilbing huwaran sa pamumuno, paglilingkod, at pakikilahok sa pagpapaunlad ng komunidad.

Sa pamamagitan ng PYSDO, patuloy na isinusulong ng Pamahalaang Panlalawigan ng Camarines Norte ang mga programang nagbibigay ng pagkakataon sa kabataan na mahasa ang kanilang kakayahan, maipamalas ang kanilang potensyal, at maging aktibong katuwang sa pag-unlad ng lalawigan.

Kabataang CamNorteño: Alam. Kaya. Laban.

03/09/2026

𝐋𝐈𝐍𝐆𝐆𝐎 𝐍𝐆 𝐊𝐀𝐁𝐀𝐓𝐀𝐀𝐍 𝟐𝟎𝟐𝟔 𝐘𝐎𝐔𝐓𝐇 𝐂𝐎𝐍𝐆𝐑𝐄𝐒𝐒 | 𝐃𝐀𝐘 𝟐 – 𝐏𝐀𝐑𝐓 𝟏

Ipinagpatuloy noong Agosto 28, 2026 ang 𝐋𝐢𝐧𝐠𝐠𝐨 𝐧𝐠 𝐊𝐚𝐛𝐚𝐭𝐚𝐚𝐧 𝟐𝟎𝟐𝟔 𝐘𝐨𝐮𝐭𝐡 𝐂𝐨𝐧𝐠𝐫𝐞𝐬𝐬 na may temang “𝐊𝐚𝐛𝐚𝐭𝐚𝐚𝐧𝐠 𝐂𝐚𝐦𝐍𝐨𝐫𝐭𝐞ñ𝐨: 𝐀𝐥𝐚𝐦, 𝐊𝐚𝐲𝐚, 𝐋𝐚𝐛𝐚𝐧!”, na isinagawa ng Pamahalaang Panlalawigan ng Camarines Norte sa pamamagitan ng Provincial Youth and Sports Development Office (PYSDO).

Nakatuon ang ikalawang araw ng pagtitipon sa pagpapalakas ng kakayahan ng kabataan sa resilient leadership, mental wellness, climate action, environmental awareness, at youth empowerment.

Sa 𝐒𝐞𝐬𝐬𝐢𝐨𝐧 𝟒: 𝐑𝐞𝐬𝐢𝐥𝐢𝐞𝐧𝐭 𝐋𝐞𝐚𝐝𝐞𝐫𝐬𝐡𝐢𝐩 𝐟𝐨𝐫 𝐒𝐮𝐬𝐭𝐚𝐢𝐧𝐚𝐛𝐥𝐞 𝐂𝐨𝐦𝐦𝐮𝐧𝐢𝐭𝐢𝐞𝐬, tinalakay ni 𝐃𝐫. 𝐆𝐫𝐚𝐜𝐞 𝐀. 𝐃𝐞 𝐕𝐢𝐚𝐧𝐚-𝐍𝐞𝐦𝐞𝐳𝐨, Mental Health Coordinator ng Provincial Health Office, ang mga usapin hinggil sa mental wellness, pamamahala ng stress at burnout, at pagbuo ng malusog na support systems bilang bahagi ng pagpapaunlad ng katatagan ng kabataan.

Samantala, nagbahagi sina 𝐀𝐝𝐨𝐧𝐢𝐬 𝐈𝐈 𝐋. 𝐒𝐚𝐥𝐞𝐧 at 𝐂𝐡𝐫𝐢𝐬𝐭𝐢𝐚𝐧 𝐉𝐚𝐲 𝐌𝐚𝐫𝐦𝐨𝐥 ng 𝐑𝐞𝐛𝐨𝐨𝐭 𝐏𝐡𝐢𝐥𝐢𝐩𝐩𝐢𝐧𝐞𝐬 – 𝐁𝐢𝐜𝐨𝐥 tungkol sa youth-led climate action at environmental awareness, kabilang ang papel ng kabataan sa pagsusulong ng mga pamayanang ligtas, responsable, at napapanatili.

Naging tampok din ang 𝐒𝐩𝐞𝐜𝐢𝐚𝐥 𝐋𝐞𝐚𝐝𝐞𝐫𝐬𝐡𝐢𝐩 𝐏𝐥𝐞𝐧𝐚𝐫𝐲: “𝐂𝐨𝐧𝐯𝐞𝐫𝐬𝐚𝐭𝐢𝐨𝐧𝐬 𝐰𝐢𝐭𝐡 𝐓𝐨𝐝𝐚𝐲’𝐬 𝐂𝐡𝐚𝐧𝐠𝐞𝐦𝐚𝐤𝐞𝐫𝐬,” na nagbigay-diin sa ethical leadership, public service, innovation, at youth empowerment.

Bilang Guest of Honor, nagbahagi ng kanilang karanasan at pananaw sina 𝐂𝐡𝐫𝐢𝐬𝐭𝐢𝐚𝐧 𝐚𝐭 𝐉𝐞𝐬𝐬𝐞 𝐏𝐞𝐫𝐤𝐢𝐧𝐬, na mas kilala bilang 𝐏𝐞𝐫𝐤𝐢𝐧𝐬 𝐓𝐰𝐢𝐧𝐬, na nagsusulong ng mga adbokasiya bilang World Vision Ambassadors, DepEd Anti-Drug and Anti-Bullying Advocates, at GMA’s Youngest FILM-AM Difference Makers.

Sa pamamagitan ng mga talakayan at palitan ng kaalaman, layunin ng Youth Congress na higit na mapalakas ang kakayahan ng mga kabataang CamNorteño na gampanan ang kanilang papel bilang responsableng lider at katuwang ng pamahalaan sa pagpapaunlad ng kanilang mga pamayanan.

Kabataang CamNorteño: Alam. Kaya. Laban.

03/09/2026

𝐋𝐈𝐍𝐆𝐆𝐎 𝐍𝐆 𝐊𝐀𝐁𝐀𝐓𝐀𝐀𝐍 𝟐𝟎𝟐𝟔 𝐘𝐎𝐔𝐓𝐇 𝐂𝐎𝐍𝐆𝐑𝐄𝐒𝐒 | 𝐃𝐀𝐘 𝟏

Matagumpay na isinagawa ng Pamahalaang Panlalawigan ng Camarines Norte, sa pamamagitan ng Provincial Youth and Sports Development Office (PYSDO), ang unang araw ng 𝐋𝐢𝐧𝐠𝐠𝐨 𝐧𝐠 𝐊𝐚𝐛𝐚𝐭𝐚𝐚𝐧 𝟐𝟎𝟐𝟔 𝐘𝐨𝐮𝐭𝐡 𝐂𝐨𝐧𝐠𝐫𝐞𝐬𝐬 na may temang “𝐊𝐚𝐛𝐚𝐭𝐚𝐚𝐧𝐠 𝐂𝐚𝐦𝐍𝐨𝐫𝐭𝐞ñ𝐨: 𝐀𝐥𝐚𝐦, 𝐊𝐚𝐲𝐚, 𝐋𝐚𝐛𝐚𝐧!”

Pinagsama-sama ng unang araw ang mga SK officials, youth leaders, youth organization representatives, at mga kabataang aktibong nakikilahok sa kanilang mga pamayanan para sa isang araw ng pagkatuto, pagpapalitan ng kaalaman, at paghubog ng kanilang kakayahan bilang mga lider.

Naging bahagi ng pagbubukas ng programa si 𝐏𝐫𝐨𝐯𝐢𝐧𝐜𝐢𝐚𝐥 𝐀𝐝𝐦𝐢𝐧𝐢𝐬𝐭𝐫𝐚𝐭𝐨𝐫 𝐃𝐨𝐧 𝐄𝐝𝐮𝐚𝐫𝐝𝐨 𝐒. 𝐏𝐚𝐝𝐢𝐥𝐥𝐚, na naghatid ng mensahe para kay 𝐆𝐨𝐯𝐞𝐫𝐧𝐨𝐫 𝐑𝐢𝐜𝐚𝐫𝐭𝐞 “𝐃𝐨𝐧𝐠” 𝐑. 𝐏𝐚𝐝𝐢𝐥𝐥𝐚, at si Sir 𝐉𝐌 𝐏𝐚𝐬𝐚𝐭𝐢𝐞𝐦𝐩𝐨, na naghatid naman ng mensahe para kay 𝐕𝐢𝐜𝐞 𝐆𝐨𝐯𝐞𝐫𝐧𝐨𝐫 𝐄𝐧𝐠𝐫. 𝐉𝐨𝐬𝐞𝐩𝐡 𝐕. 𝐀𝐬𝐜𝐮𝐭𝐢𝐚. Pinangunahan ni 𝐂𝐡𝐫𝐢𝐬𝐭𝐚𝐛𝐞𝐥𝐥 𝐀𝐧𝐠𝐞𝐥𝐢𝐜𝐚 𝐑. 𝐀𝐛𝐚ñ𝐨, 𝐑𝐍, 𝐌𝐏𝐀, 𝐀𝐜𝐭𝐢𝐧𝐠 𝐏𝐫𝐨𝐯𝐢𝐧𝐜𝐢𝐚𝐥 𝐘𝐨𝐮𝐭𝐡 𝐃𝐞𝐯𝐞𝐥𝐨𝐩𝐦𝐞𝐧𝐭 𝐎𝐟𝐟𝐢𝐜𝐞𝐫 / 𝐂𝐀𝐎 𝐈𝐕, ang Welcome Message at Opening Remarks.

Tinalakay sa 𝐘𝐨𝐮𝐭𝐡 𝐋𝐞𝐚𝐝𝐞𝐫𝐬𝐡𝐢𝐩 𝐚𝐧𝐝 𝐂𝐨𝐦𝐦𝐮𝐧𝐢𝐭𝐲 𝐓𝐫𝐚𝐧𝐬𝐟𝐨𝐫𝐦𝐚𝐭𝐢𝐨𝐧 Session ni 𝐒𝐲𝐝𝐧𝐞𝐲 𝐉𝐨𝐬𝐞𝐩𝐡 𝐋. 𝐓𝐨𝐫𝐫𝐞𝐧𝐮𝐞𝐯𝐚 ng Development Academy of the Philippines ang transformative leadership, youth participation, 10 Pillars of the Sangguniang Kabataan, at personal leadership vision.

Samantala, binigyang-diin sa 𝐏𝐮𝐛𝐥𝐢𝐜 𝐒𝐞𝐫𝐯𝐢𝐜𝐞, 𝐆𝐨𝐨𝐝 𝐆𝐨𝐯𝐞𝐫𝐧𝐚𝐧𝐜𝐞, 𝐚𝐧𝐝 𝐂𝐨𝐦𝐦𝐮𝐧𝐢𝐭𝐲 𝐒𝐚𝐟𝐞𝐭𝐲 𝐒𝐞𝐬𝐬𝐢𝐨𝐧 ng DILG ang RA 10742, good governance, accountability, responsible public service, planning, budgeting, at monitoring, na pinangunahan nina 𝐋𝐆𝐎𝐎 𝐕𝐈 𝐄𝐫𝐯𝐢𝐧 𝐁𝐞𝐥𝐚𝐧𝐨 at 𝐋𝐆𝐎𝐎 𝐕𝐈 𝐒𝐡𝐢𝐞𝐥𝐚 𝐎. 𝐂𝐚𝐝𝐚. Nagbahagi rin si 𝐉𝐚𝐤𝐞 𝐃𝐚𝐜𝐮𝐥𝐚 ng National Intelligence Coordinating Agency tungkol sa safety, security, at emerging security challenges.

Sa 𝐄𝐧𝐭𝐫𝐞𝐩𝐫𝐞𝐧𝐞𝐮𝐫𝐬𝐡𝐢𝐩 𝐚𝐧𝐝 𝐍𝐚𝐭𝐢𝐨𝐧-𝐁𝐮𝐢𝐥𝐝𝐢𝐧𝐠 𝐒𝐞𝐬𝐬𝐢𝐨𝐧, ibinahagi ni 𝐕𝐢𝐜𝐭𝐨𝐫𝐢𝐚 𝐌𝐚𝐫𝐢𝐞𝐥𝐥𝐞 𝐓𝐢𝐫𝐚𝐨 ng Department of Trades and Industry ang mga oportunidad at programa para sa youth entrepreneurship, social enterprise, at suporta ng pamahalaan para sa mga batang negosyante. Nagkaroon din ng maikling pagbabahagi mula sa 𝐄𝐍𝐂 𝐄𝐯𝐞𝐫𝐲 𝐍𝐚𝐭𝐢𝐨𝐧 𝐂𝐚𝐦𝐩𝐮𝐬.

Sa pamamagitan ng mga sesyong ito, patuloy na binibigyang-kakayahan ang kabataang CamNorteño na maging responsableng lider, aktibong mamamayan, at katuwang sa pagpapaunlad ng kanilang pamayanan.

𝐊𝐚𝐛𝐚𝐭𝐚𝐚𝐧𝐠 𝐂𝐚𝐦𝐍𝐨𝐫𝐭𝐞ñ𝐨: 𝐀𝐥𝐚𝐦. 𝐊𝐚𝐲𝐚. 𝐋𝐚𝐛𝐚𝐧.

02/09/2026

🏆 𝐆𝐀𝐖𝐀𝐃 𝐁𝐈𝐍𝐓𝐀𝐎 𝟐𝟎𝟐𝟔 | 𝐌𝐆𝐀 𝐏𝐀𝐍𝐀𝐋𝐎 𝐒𝐀 𝐏𝐀𝐆𝐇𝐀𝐍𝐀𝐏 𝐒𝐀 𝐍𝐀𝐓𝐀𝐓𝐀𝐍𝐆𝐈𝐍𝐆 𝐊𝐀𝐁𝐀𝐓𝐀𝐀𝐍 𝐍𝐆 𝐂𝐀𝐌𝐀𝐑𝐈𝐍𝐄𝐒 𝐍𝐎𝐑𝐓𝐄

Sa diwa ng pagkilala sa kahusayan, paglilingkod, at makabuluhang ambag ng kabataan sa lalawigan, buong pagmamalaki ng 𝐏𝐚𝐦𝐚𝐡𝐚𝐥𝐚𝐚𝐧𝐠 𝐏𝐚𝐧𝐥𝐚𝐥𝐚𝐰𝐢𝐠𝐚𝐧 𝐧𝐠 𝐂𝐚𝐦𝐚𝐫𝐢𝐧𝐞𝐬 𝐍𝐨𝐫𝐭𝐞, sa pamamagitan ng Provincial Youth and Sports Development Office (PYSDO), ang mga natatanging kabataan at organisasyong itinanghal bilang mga 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔 𝐀𝐰𝐚𝐫𝐝𝐞𝐞𝐬.

Ang 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔: 𝐒𝐞𝐚𝐫𝐜𝐡 𝐟𝐨𝐫 𝐎𝐮𝐭𝐬𝐭𝐚𝐧𝐝𝐢𝐧𝐠 𝐘𝐨𝐮𝐭𝐡 𝐨𝐟 𝐂𝐚𝐦𝐚𝐫𝐢𝐧𝐞𝐬 𝐍𝐨𝐫𝐭𝐞 ay kumikilala sa mga kabataan at organisasyong nagpakita ng natatanging pamumuno, dedikasyon sa paglilingkod, kahusayan, at patuloy na pakikilahok sa mga gawaing may positibong ambag sa kanilang komunidad.

Ngayong taon, kinilala ang mga natatanging indibidwal sa limang kategorya, tatlong natatanging organisasyon, at mga kabataang naglatag ng makabago at makabuluhang mga panukala sa ilalim ng 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔 𝐏𝐫𝐨𝐣𝐞𝐜𝐭 𝐏𝐢𝐭𝐜𝐡 – Youth Innovation Challenge.

💡 𝐏𝐑𝐎𝐉𝐄𝐂𝐓 𝐏𝐈𝐓𝐂𝐇 – 𝐘𝐎𝐔𝐓𝐇 𝐈𝐍𝐍𝐎𝐕𝐀𝐓𝐈𝐎𝐍 𝐂𝐇𝐀𝐋𝐋𝐄𝐍𝐆𝐄
• Champion
• 1st Runner-Up
• 2nd Runner-Up

🏅 𝐈𝐍𝐃𝐈𝐕𝐈𝐃𝐔𝐀𝐋 𝐂𝐀𝐓𝐄𝐆𝐎𝐑𝐘
• Outstanding Youth Leader
• Outstanding SK Chairperson
• Outstanding Youth in Sports
• Outstanding Youth in Culture and the Arts
• Outstanding Youth with Disability

🏆 𝐎𝐑𝐆𝐀𝐍𝐈𝐙𝐀𝐓𝐈𝐎𝐍𝐀𝐋 𝐂𝐀𝐓𝐄𝐆𝐎𝐑𝐘
• Outstanding SK Council
• Outstanding Youth Organization
• Outstanding Youth-Serving Organization

Ang pagkilalang ito ay hindi lamang parangal sa mga natamo, kundi pagkilala rin sa mga kuwento ng paglilingkod, pagtitiyaga, pamumuno, at pagkilos na patuloy na nagbibigay-inspirasyon sa kapwa kabataan.

Sa lahat ng nominado at kalahok, maraming salamat sa pagbabahagi ng inyong mga kuwento, adhikain, at ambag sa lalawigan. Ang inyong mga halimbawa ay nagpapaalala na ang kabataan ay hindi lamang tagatanggap ng pagbabago—kayo rin ay mga katuwang at tagapagtaguyod nito.

𝐒𝐚 𝐚𝐭𝐢𝐧𝐠 𝐦𝐠𝐚 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔 𝐀𝐰𝐚𝐫𝐝𝐞𝐞𝐬, 𝐭𝐚𝐨𝐬-𝐩𝐮𝐬𝐨𝐧𝐠 𝐩𝐚𝐠𝐛𝐚𝐭𝐢!

Nawa'y magsilbing inspirasyon ang pagkilalang ito upang higit pa ninyong ipagpatuloy ang pamumuno nang may layunin, paglilingkod nang may puso, at pagkilos para sa kapwa at pamayanan.

𝐊𝐚𝐛𝐚𝐭𝐚𝐚𝐧𝐠 𝐂𝐚𝐦𝐍𝐨𝐫𝐭𝐞ñ𝐨: 𝐀𝐥𝐚𝐦. 𝐊𝐚𝐲𝐚. 𝐋𝐚𝐛𝐚𝐧.

01/09/2026

27/08/2026

LIBRENG LET REVIEW PROGRAM

August 28, 2026

27/08/2026

✨𝐃𝐀𝐘 𝟐 𝐈𝐒 𝐒𝐎𝐌𝐄𝐓𝐇𝐈𝐍𝐆 𝐘𝐎𝐔 𝐃𝐎𝐍’𝐓 𝐖𝐀𝐍𝐓 𝐓𝐎 𝐌𝐈𝐒𝐒!

Calling all CamNorteño youth, SK officials, youth leaders, youth advocates, and young changemakers!

Get ready for an inspiring and meaningful Day 2 of the Linggo ng Kabataan 2026 Youth Congress: “𝐊𝐚𝐛𝐚𝐭𝐚𝐚𝐧𝐠 𝐂𝐚𝐦𝐍𝐨𝐫𝐭𝐞ñ𝐨: 𝐀𝐥𝐚𝐦, 𝐊𝐚𝐲𝐚, 𝐋𝐚𝐛𝐚𝐧!”

And yes…𝐓𝐇𝐄 𝐏𝐄𝐑𝐊𝐈𝐍𝐒 𝐓𝐖𝐈𝐍𝐒 𝐀𝐑𝐄 𝐂𝐎𝐌𝐈𝐍𝐆 𝐓𝐎 𝐂𝐀𝐌𝐀𝐑𝐈𝐍𝐄𝐒 𝐍𝐎𝐑𝐓𝐄!

Meet the Perkins Twins
🌍 World Vision Ambassadors
🛡️ DepEd Anti-Drug & Anti-Bullying Advocates
🎬 GMA’s Youngest FILM-AM Difference Makers

Come listen to their story, learn from their experiences, and be inspired by two young people who continue to use their voices and talents to make a difference.

But that’s not all!

🏆 DAY 2 will also feature the 𝐆𝐀𝐖𝐀𝐃 𝐁𝐈𝐍𝐓𝐀𝐎 𝟐𝟎𝟐𝟔 𝐀𝐖𝐀𝐑𝐃𝐈𝐍𝐆 𝐂𝐄𝐑𝐄𝐌𝐎𝐍𝐘, where we recognize and celebrate the outstanding young people of Camarines Norte who are making meaningful contributions to their communities.

So, CamNorteño youth, tara! Bring your friends, fellow SKs, youth organizations, and fellow young changemakers and be part of this special gathering.

📅 𝐀𝐮𝐠𝐮𝐬𝐭 𝟐𝟖, 𝟐𝟎𝟐𝟔
📍 𝐏𝐢𝐧𝐞𝐚𝐩𝐩𝐥𝐞 𝐈𝐬𝐥𝐚𝐧𝐝 𝐑𝐞𝐬𝐨𝐫𝐭, 𝐃𝐚𝐞𝐭, 𝐂𝐚𝐦𝐚𝐫𝐢𝐧𝐞𝐬 𝐍𝐨𝐫𝐭𝐞

Let’s celebrate young people who lead, inspire, create, and make a difference.

𝐀𝐥𝐚𝐦. 𝐊𝐚𝐲𝐚. 𝐋𝐚𝐛𝐚𝐧.

𝐒𝐞𝐞 𝐲𝐨𝐮 𝐨𝐧 𝐃𝐚𝐲 𝟐!

26/08/2026

📢 𝐎𝐅𝐅𝐈𝐂𝐈𝐀𝐋 𝐋𝐈𝐒𝐓 𝐎𝐅 𝐑𝐄𝐆𝐈𝐒𝐓𝐄𝐑𝐄𝐃 𝐑𝐄𝐕𝐈𝐄𝐖𝐄𝐄𝐒

𝐎𝐅𝐅𝐈𝐂𝐈𝐀𝐋 𝐋𝐈𝐒𝐓 𝐎𝐅 𝐑𝐄𝐆𝐈𝐒𝐓𝐄𝐑𝐄𝐃 𝐑𝐄𝐕𝐈𝐄𝐖𝐄𝐄𝐒𝐋𝐈𝐁𝐑𝐄𝐍𝐆 𝐂𝐑𝐈𝐌𝐈𝐍𝐎𝐋𝐎𝐆𝐈𝐒𝐓 𝐋𝐈𝐂𝐄𝐍𝐒𝐔𝐑𝐄 𝐄𝐗𝐀𝐌𝐈𝐍𝐀𝐓𝐈𝐎𝐍 𝐑𝐄𝐕𝐈𝐄𝐖 𝐏𝐑𝐎𝐆𝐑𝐀𝐌

Narito ang listahan ng mga nag-online registration at nakapagpasa ng kinakailangang requirements para sa Libreng Criminologist Licensure Examination Review Program.

Ang mga nakalistang pangalan ay kabilang sa mga qualified reviewees na makakasama sa libreng review program na inihahandog ng Provincial Government of Camarines Norte – Provincial Youth and Sports Development Office (PYSDO), in partnership with Dr. Carl E. Balita Review Center (CBRC).

📌 𝐏𝐀𝐀𝐋𝐀𝐋𝐀 𝐒𝐀 𝐌𝐆𝐀 𝐑𝐄𝐕𝐈𝐄𝐖𝐄𝐄𝐒

Mangyaring tiyaking tama ang inyong pangalan sa listahan at manatiling updated sa mga susunod na announcements tungkol sa schedule, orientation, venue, at iba pang mahahalagang impormasyon ukol sa programa.

📩 Para sa mga nakapag-online register at nakapagpasa na ng requirements ngunit HINDI PA NA-ADD sa GC, maaari kayong mag-PM sa page na ito o mag-comment sa post na ito upang ma-check at ma-assist kayo sa pag-add sa official GC.

Maraming salamat at congratulations sa lahat ng ating mga future Criminologists! 👮‍♂️👮‍♀️

Good luck sa inyong journey tungo sa pagiging Licensed Criminologists! 🎓

25/08/2026

𝐆𝐀𝐖𝐀𝐃 𝐁𝐈𝐍𝐓𝐀𝐎 𝟐𝟎𝟐𝟔: 𝐊𝐀𝐁𝐀𝐓𝐀𝐀𝐍𝐆 𝐌𝐀𝐘 𝐌𝐀𝐋𝐀𝐊𝐈𝐍𝐆 𝐏𝐀𝐆-𝐈𝐃𝐄𝐘𝐀 𝐀𝐓 𝐏𝐀𝐍𝐆𝐀𝐍𝐆𝐀𝐒𝐈𝐖𝐀

Matagumpay na naisagawa noong Agosto 20, 2026 ang 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔 – 𝐏𝐫𝐨𝐣𝐞𝐜𝐭 𝐏𝐢𝐭𝐜𝐡𝐢𝐧𝐠 sa Daet Heritage Center, Daet, Camarines Norte, sa pangunguna ng Provincial Youth and Sports Development Office (PYSDO) ng Pamahalaang Panlalawigan ng Camarines Norte.

Labintatlong (13) pangkat ng mga kabataang project proponents ang naglahad at nagtanggol ng kanilang mga makabuluhang proyekto sa harap ng lupon ng mga hurado. Bawat pangkat ay nagbahagi ng mga makabagong ideya, solusyon, at programang naglalayong tumugon sa mga pangangailangan ng pamayanan at magsulong ng makabuluhang pag-unlad para sa kabataan at lalawigan.

Pinangunahan ng ating mga hurado na sina 𝐌𝐚'𝐚𝐦 𝐀𝐧𝐢𝐜𝐚 𝐏𝐚𝐝𝐢𝐥𝐥𝐚, Special Assistant to the Governor; 𝐌𝐚'𝐚𝐦 𝐃𝐢𝐧𝐚 𝐆. 𝐁𝐚𝐥𝐞𝐳𝐚, Environmental Planner, PPDO, bilang kinatawan ni EnP. Teodoro Licarte; at 𝐒𝐢𝐫 𝐆𝐚𝐫𝐲 𝐏. 𝐑𝐚𝐟𝐚𝐧𝐚𝐧, Senior Trade-Industry Development Specialist, ang masusing pagsusuri sa mga inilahad na proyekto batay sa itinakdang pamantayan.

Higit pa sa isang paligsahan, ang Project Pitching ay naging daan upang maipamalas ng mga kabataang CamNorteño ang kanilang pagkamalikhain, kakayahang manguna, at paninindigan na maging bahagi ng paglutas sa mga hamon ng ating mga pamayanan.

Lubos na pinasasalamatan ng PYSDO ang lahat ng project proponents sa kanilang paghahanda, tapang, at pagsisikap na maipahayag ang kanilang mga ideya. Gayundin, taos-pusong pasasalamat sa ating mga hurado sa kanilang oras, kaalaman, at makabuluhang puna na nakatulong upang higit pang mapahusay ang mga inisyatiba ng ating mga kabataan.

Sa patuloy na suporta ng Pamahalaang Panlalawigan ng Camarines Norte, patuloy nating binibigyang-lakas ang kabataan na hindi lamang mangarap, kundi mag-isip, lumikha, at kumilos para sa bayan.

💡 𝐌𝐚𝐥𝐚𝐤𝐢𝐧𝐠 𝐈𝐝𝐞𝐲𝐚. 𝐌𝐚𝐤𝐚𝐛𝐮𝐥𝐮𝐡𝐚𝐧𝐠 𝐀𝐤𝐬𝐲𝐨𝐧. 𝐌𝐚𝐬 𝐌𝐚𝐮𝐧𝐥𝐚𝐝 𝐧𝐚 C𝐚𝐦𝐚𝐫𝐢𝐧𝐞𝐬 𝐍𝐨𝐫𝐭𝐞.

25/08/2026

𝐆𝐀𝐖𝐀𝐃 𝐁𝐈𝐍𝐓𝐀𝐎 𝟐𝟎𝟐𝟔: 𝐊𝐀𝐁𝐀𝐓𝐀𝐀𝐍𝐆 𝐂𝐀𝐌𝐍𝐎𝐑𝐓𝐄Ñ𝐎

Matagumpay na naisagawa noong Agosto 19, 2026 ang 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔: 𝐒𝐞𝐚𝐫𝐜𝐡 𝐟𝐨𝐫 𝐎𝐮𝐭𝐬𝐭𝐚𝐧𝐝𝐢𝐧𝐠 𝐘𝐨𝐮𝐭𝐡 𝐨𝐟 𝐂𝐚𝐦𝐚𝐫𝐢𝐧𝐞𝐬 𝐍𝐨𝐫𝐭𝐞, sa pamamagitan ng isinagawang Panel Interview sa Daet Heritage Center, Daet, Camarines Norte, sa pangunguna ng Provincial Youth and Sports Development Office (PYSDO) ng Pamahalaang Panlalawigan ng Camarines Norte.

Tampok sa isinagawang pagsusuri ang paglahok ng 22 indibidwal na nominado at 5 organisasyong nominado mula sa iba't ibang larangan at sektor. Sa pamamagitan ng panel interview, naibahagi ng mga nominado ang kanilang mga natatanging karanasan, tagumpay, inisyatiba, pamumuno, at mga ambag sa pagpapaunlad ng kabataan at pamayanan ng Camarines Norte.

Para sa Organizational Category, pinangunahan ng ating mga hurado na sina 𝐄𝐧𝐏. 𝐓𝐞𝐨𝐝𝐨𝐫𝐨 𝐋𝐢𝐜𝐚𝐫𝐭𝐞 𝐑𝐏𝐅, Head ng Provincial Planning and Development Office (PPDO), 𝐋𝐆𝐎𝐎 𝐈𝐈 𝐒𝐚𝐫𝐚𝐡 𝐉𝐚𝐧𝐞 𝐂𝐡𝐚𝐯𝐞𝐳, at 𝐀𝐭𝐭𝐲. 𝐅𝐚𝐭𝐢𝐦𝐚 𝐑. 𝐁𝐚𝐝𝐚𝐠𝐮𝐚𝐬 ang masusing pagsusuri sa mga organisasyong nominado batay sa kanilang pamamahala, mga programa at nagawa, epekto sa pamayanan at kabataan, pagpapanatili ng mga inisyatiba, at kalidad ng kanilang dokumentasyon.

Samantala, para sa Individual Category, pinangunahan nina 𝐋𝐆𝐎𝐎 𝐈𝐈 𝐒𝐚𝐫𝐚𝐡 𝐉𝐚𝐧𝐞 𝐂𝐡𝐚𝐯𝐞𝐳, 𝐀𝐛𝐞𝐥 𝐈𝐜𝐚𝐭𝐥𝐨, Museum Curator I – OIC, L*D, at 𝐌𝐋𝐋. 𝐑𝐡𝐨𝐝𝐚𝐯𝐢𝐯 𝐕. 𝐀𝐯𝐢𝐥𝐚 ang pagsusuri sa mga natatanging kabataang nominado, na isinasaalang-alang ang kanilang mga tagumpay, pamumuno, pakikilahok sa pamayanan, epekto ng kanilang mga inisyatiba, at pananaw para sa hinaharap.

Lubos na pinasasalamatan ng PYSDO ang lahat ng mga nominado na buong tapang na ibinahagi ang kanilang mga kuwento at karanasan. Ang inyong mga tagumpay at ambag ay patunay na ang kabataang CamNorteño ay may kakayahang manguna, maglingkod, at maging bahagi ng makabuluhang pagbabago sa ating mga pamayanan.

Sa bawat kabataang patuloy na kumikilos para sa kapwa, sa bawat organisasyong naglalaan ng panahon at lakas para sa komunidad, at sa bawat inisyatibang naglalayong magbigay ng mas magandang kinabukasan—kayo ang tunay na mukha ng isang kabataang may malasakit, kakayahan, at paninindigan.

Ang 𝐆𝐚𝐰𝐚𝐝 𝐁𝐢𝐧𝐭𝐚𝐨 𝟐𝟎𝟐𝟔 ay bahagi ng 𝐅𝐞𝐬𝐭𝐢𝐯𝐚𝐥 𝐨𝐟 𝐓𝐚𝐥𝐞𝐧𝐭𝐬 𝟐𝟎𝟐𝟔 (𝐋𝐢𝐧𝐠𝐠𝐨 𝐧𝐠 𝐊𝐚𝐛𝐚𝐭𝐚𝐚𝐧) ng Pamahalaang Panlalawigan ng Camarines Norte, bilang pagkilala sa mga kabataang patuloy na naglilingkod, lumilikha, at nangunguna tungo sa mas maunlad na kinabukasan.

🇵🇭 𝐊𝐚𝐛𝐚𝐭𝐚𝐚𝐧𝐠 𝐌𝐚𝐲 𝐏𝐚𝐦𝐮𝐦𝐮𝐧𝐨. 𝐊𝐚𝐛𝐚𝐭𝐚𝐚𝐧𝐠 𝐌𝐚𝐲 𝐌𝐚𝐥𝐚𝐬𝐚𝐤𝐢𝐭. 𝐊𝐚𝐛𝐚𝐭𝐚𝐚𝐧𝐠 𝐌𝐚𝐲 𝐀𝐦𝐛𝐚𝐠.