13/08/2026
๐๐ ๐๐๐-18 ๐๐๐๐๐๐๐ ๐๐๐ฆ๐ ๐๐ ๐๐๐๐ก๐๐ค๐๐ ๐๐๐๐๐๐ฆ๐๐๐ ๐๐๐๐๐๐๐๐ ๐๐๐๐๐๐๐ (4๐๐ ), โ๐๐ก๐๐ ๐๐ ๐๐ข๐๐๐๐๐๐๐ ๐๐๐๐๐๐ก๐๐๐๐ ๐๐๐๐๐๐ ๐๐ ๐ท๐๐๐ก ๐๐๐ 18 ๐๐๐ ๐๐ข๐ค๐๐๐ก๐ ๐๐ ๐๐๐๐๐๐๐๐, ๐๐๐๐๐๐๐๐๐, ๐๐๐๐ก๐๐ก๐๐ฆ๐, ๐๐ก ๐๐๐๐ก๐๐ก๐๐๐ข๐ฆ๐๐.
___________________________________
๐๐๐๐๐๐๐๐ ๐๐๐: ๐ท๐ด๐๐ผ๐๐บ ๐ต๐ด๐๐ด๐๐บ 4๐๐, ๐ท๐๐๐ต๐ฟ๐ธ ๐ท๐ธ๐บ๐
๐ธ๐ธ ๐ป๐๐ฟ๐ท๐ธ๐
๐๐ด ๐๐บ๐ด๐๐๐ "๐ด๐๐ ๐พ๐ค๐๐๐ก๐ ๐๐ ๐๐ ๐ ๐ ๐ ๐๐๐ ๐ด๐๐๐๐๐ ๐๐ ๐
๐๐ ๐๐๐ ๐ก ๐๐ ๐ท๐๐๐ก, ๐ถ๐๐๐๐๐๐๐๐ ๐๐๐๐ก๐"
Si Mark Paulo Carido Pada, 28 taong gulang, ay ipinanganak noong Mayo 10, 1998, at kasalukuyang naninirahan sa Del Carmen, Talisay, Camarines Norte. Nagtapos siya ng Bachelor of Secondary Education major in Technology and Home Economics (T.H.E.) sa Camarines Norte State College. Kalaunan, ipinagpatuloy niya ang kanyang pag-aaral at nagtapos din ng Bachelor of Science in Real Estate Management sa Trimex Colleges. Sa pamamagitan ng kanyang sipag, tiyaga, at dedikasyon sa pag-aaral, nakamit niya ang pagiging Licensed Professional Teacher (LPT). Noong Abril 2026, matagumpay rin niyang naipasa ang pagsusulit para sa pagiging Real Estate Broker, na lalo pang nagpatibay sa kanyang mga propesyonal na kwalipikasyon.
Bilang dating benepisyaryo ng 4Ps, malaki ang naitulong nito sa kanilang pamilya. Ang mga grant na kanilang natanggap ay nakatulong sa pagtustos sa mga gastusin sa pag-aaral, tulad ng pagbili ng mga school supplies, uniporme, at iba pang pangangailangan sa paaralan. Dahil dito, nabawasan ang pinansyal na pasanin ng pamilya at nabigyan sila ng mas malaking oportunidad na magpatuloy sa kanilang mga pangarap sa edukasyon.
Ayon kay Ginoong Pada, malaki rin ang naging epekto ng Family Development Sessions (FDS) sa kanilang sambahayan. Sa pamamagitan ng mga aral at kaalamang ibinabahagi sa bawat sesyon, natuto silang maging mas responsable, disiplinado, at aktibong mamamayan. Ang mga natutunang ito ay kanilang isinabuhay at naging gabay sa kanilang pang-araw-araw na pamumuhay at pagdedesisyon.
Sa pamilya nila, dalawa na ang nakapagtapos ng kolehiyo, habang ang isa ay kasalukuyang nag-aaral pa rin sa kolehiyo. Ang mga tagumpay na ito ay bunga ng kanilang pagsisikap bilang isang pamilya at ng malaking tulong na naibigay ng programa.
Lubos ang kanilang pasasalamat sa Department of Social Welfare and Development (DSWD) at sa Pantawid Pamilyang Pilipino Program (4Ps) sa patuloy nitong pagsuporta sa mga pamilyang nangangailangan. Nagbibigay ito ng pag-asa at oportunidad upang makamit ang mas magandang kinabukasan.
Ngayon, nakakatulong na siya sa mga kapwa benepisyaryo ng 4Ps dahil isa na siyang kawani ng programa. Bilang Social Welfare Assistant (SWA), pangunahing tungkulin niya ang panatilihing maayos, tama, at napapanahon ang datos ng mga benepisyaryo. Isinasagawa niya ito sa pamamagitan ng masusing pagsusuri at beripikasyon ng mga dokumentong isinusumite, tulad ng birth certificate, school certificate, health certificate, at iba pang kaugnay na papeles.
Matapos ang masusing pagberipika, ina-update niya ang mga kinakailangang impormasyon sa Pantawid Pamilya Information System (PPIS), ang opisyal na database ng DSWD na naglalaman ng mahahalagang rekord at datos ng mga benepisyaryo. Sa ganitong paraan, nakatutulong siya upang matiyak ang integridad at katumpakan ng impormasyon na nagsisilbing batayan sa maayos na pagpapatupad ng programa.
Bukod dito, regular siyang bumibisita sa mga paaralan at pasilidad pangkalusugan na nasasakupan ng Munisipalidad ng Daet. Kasama sa kanyang tungkulin ang pamamahagi ng mga Compliance Verification Forms (CVFs), na nagsisilbing pangunahing monitoring tool para sa pagsubaybay sa pagsunod ng mga batang mag-aaral, mga batang may edad 0โ5 taong gulang, at mga buntis na benepisyaryo sa mga itinakdang kondisyon ng programa.
Sinisig**o rin niya ang katumpakan, pagkakumpleto, at kalidad ng mga impormasyong nakatala sa bawat form sa pamamagitan ng paunang beripikasyon o initial validation. Sa ganitong paraan, natitiyak na ang mga datos na isinusumite ay maaasahan at maaaring magamit bilang batayan sa tamang pagmomonitor at pagpapatupad ng mga serbisyo at benepisyo ng programa.
Nakatutulong din siya sa komunidad sa pamamagitan ng aktibong pakikilahok at pag-augment sa mga talakayan tuwing Family Development Session (FDS). Sa mga pagkakataong may mga paksang higit siyang nauunawaan o may sapat na kaalaman, nagsisilbing tagapagsalita siya upang makatulong sa pagpapalalim ng pag-unawa ng mga benepisyaryo hinggil sa mga mahahalagang usapin na may kaugnayan sa kanilang pamilya at komunidad.
Bukod dito, madalas siyang inaanyayahang magsalita o magbigay-linaw sa mga katanungan ng mga mamamayan tungkol sa Pantawid Pamilyang Pilipino Program (4Ps). โSa pamamagitan ng pagbibigay ng tama at malinaw na impormasyon, nakatutulong ako upang mapalawak ang kaalaman ng mga benepisyaryo at iba pang miyembro ng komunidad hinggil sa mga layunin, benepisyo, at alituntunin ng programa.โ
Sa kanyang kwento, makikita ang tunay na diwa ng pagbabagoโmula sa pagtanggap ng tulong hanggang sa pagtulong sa iba. Si Mark ay isang inspirasyon na nagsasabing ang sipag, tiyaga, at tamang gabay ay susi sa tagumpay. Ang kanyang buhay ay patunay na ang bawat benepisyaryo ay may potensyal na maging isang tagapagbago at tagapaglingkod sa kanilang komunidad.
