Daet Municipal Information Office, 3rd Floor, New Municipal Hall Building, Barangay Pamorangon, Daet (2026)

04/09/2026

𝐏𝐀𝐆𝐒𝐀𝐒𝐀𝐆𝐀𝐖𝐀 𝐍𝐆 𝐁𝐋𝐒 𝐎𝐑𝐈𝐄𝐍𝐓𝐀𝐓𝐈𝐎𝐍 𝐀𝐓 𝐁𝐀𝐒𝐈𝐂 𝐄𝐌𝐄𝐑𝐆𝐄𝐍𝐂𝐘 𝐂𝐀𝐑𝐄 𝐒𝐀 𝐁𝐀𝐑𝐀𝐍𝐆𝐀𝐘 𝐌𝐀𝐌𝐁𝐀𝐋𝐈𝐓𝐄

Nagsagawa ng isang matagumpay na Basic Life Support (BLS) Orientation at Basic Emergency Care Training ang Lokal na Pamahalaan bilang bahagi ng patuloy na pagsusulong ng kahandaan at kaligtasan sa bawat komunidad.

Isinagawa ngayong Agosto 30, 2026 sa Don Lau Private Resort ang nasabing pagsasanay na inorganisa ng Sangguniang Kabataan ng Mambalite sa pamumuno ni SK Chairman Nathaniel Ocan. Masayang dinaluhan at nilahukan ng mga kabataan ng Barangay Mambalite ang aktibidad upang magkaroon ng sapat na kaalaman at kasanayan bilang mga first responder sa oras ng sakuna at emergency.

Pinangunahan at pinasilite ang programa ng MDRRMO Daet sa pamumuno ni MDRRM Officer Santiago M. Mella Jr., kasama ang C-HEMS Daet Focal Person / LDRRMH Coordinator na si Fara Ferrer Calimlim. Sa pamamagitan ng mga lektura, demonstrasyon, at return demonstration, itinuro sa mga kabataan ang tamang pag-assess sa pasyente, CPR, pagkontrol ng pagdurugo, at iba pang pangunahing life-saving skills.

Sa ilalim ng pamumuno at suporta ni MDRRMC Chairman Mayor Rossano “Ronie” C. Valencia, patuloy ang LGU Daet sa pakikipagbalikatan sa mga organisasyong pangkabataan upang makabuo ng isang mas ligtas, matatag, at handang komunidad.

Contributed by: Frederick Edward Q. Ferrer (MDRRMO-Daet Designated Information Officer)

Manatiling updated at nakatutok! I-follow ang ating mga opisyal na social media account para sa iba pang balita at impormasyon:
Facebook: Daet Municipal Information Office
TikTok: tiktok.com/
Instagram: instagram.com/daetmio

04/09/2026

𝐅𝐀𝐑𝐌𝐄𝐑𝐒 𝐅𝐈𝐄𝐋𝐃 𝐒𝐂𝐇𝐎𝐎𝐋 (𝐅𝐅𝐒) 𝐎𝐍 𝐕𝐄𝐆𝐄𝐓𝐀𝐁𝐋𝐄 𝐏𝐑𝐎𝐃𝐔𝐂𝐓𝐈𝐎𝐍, 𝐎𝐏𝐈𝐒𝐘𝐀𝐋 𝐍𝐀𝐍𝐆 𝐈𝐒𝐈𝐍𝐀𝐒𝐀𝐆𝐀𝐖𝐀 𝐒𝐀 𝐁𝐀𝐑𝐀𝐍𝐆𝐀𝐘 𝐏𝐀𝐌𝐎𝐑𝐀𝐍𝐆𝐎𝐍

Patuloy ang Pamahalaang Lokal ng Daet sa pagsuporta at pagpapalakas ng sektor ng agrikultura sa ating bayan!

Sa pangunguna ni 𝐌𝐚𝐲𝐨𝐫 𝐑𝐨𝐬𝐬𝐚𝐧𝐨 “𝐑𝐨𝐧𝐢𝐞” 𝐂. 𝐕𝐚𝐥𝐞𝐧𝐜𝐢𝐚, sa pamamagitan ng Municipal Agriculture Office (MAO) at Barangay Agricultural Extension Workers (BAEW), opisyal nang sinimulan ang 𝐅𝐚𝐫𝐦𝐞𝐫𝐬 𝐅𝐢𝐞𝐥𝐝 𝐒𝐜𝐡𝐨𝐨𝐥 (𝐅𝐅𝐒) 𝐨𝐧 𝐕𝐞𝐠𝐞𝐓𝐚𝐛𝐥𝐞 𝐏𝐫𝐨𝐝𝐮𝐜𝐭𝐢𝐨𝐧 para sa mga kasapi ng Daet Vegetable Growers Association.

Ang nasabing programa ay isang long-season training na magtatagal ng 11 linggo at gaganapin tuwing araw ng Miyerkules sa Barangay Pamorangon mula Setyembre hanggang Nobyembre 2026. Layunin nitong maghatid ng mga makabagong kaalaman at teknolohiya sa pagtatanim ng gulay upang mas mapataas ang ani at kita ng ating mga lokal na magsasaka.

Ipinapakita ng inisyatibong ito ang patuloy na pagsisikap ng LGU Daet na tiyakin ang sapat na supply ng pagkain at ang pag-unlad ng kabuhayan ng ating mga agrarian sector partners.

Maraming salamat po sa inyong walang sawang pakikipagtulungan para sa isang mas maunlad at Maogmang Daet!

𝗦𝘁𝗮𝘆 𝗶𝗻𝗳𝗼𝗿𝗺𝗲𝗱 𝗮𝗻𝗱 𝗰𝗼𝗻𝗻𝗲𝗰𝘁𝗲𝗱! 𝗙𝗼𝗹𝗹𝗼𝘄 𝘂𝘀 𝗼𝗻 𝗼𝘂𝗿 𝗼𝗳𝗳𝗶𝗰𝗶𝗮𝗹 𝘀𝗼𝗰𝗶𝗮𝗹 𝗺𝗲𝗱𝗶𝗮 𝗮𝗰𝗰𝗼𝘂𝗻𝘁𝘀 𝗳𝗼𝗿 𝗺𝗼𝗿𝗲 𝘂𝗽𝗱𝗮𝘁𝗲𝘀 𝗮𝗻𝗱 𝗮𝗻𝗻𝗼𝘂𝗻𝗰𝗲𝗺𝗲𝗻𝘁𝘀.

𝗙𝗮𝗰𝗲𝗯𝗼𝗼𝗸: Daet Municipal Information Office
𝗧𝗶𝗸𝗧𝗼𝗸: tiktok.com/
𝗜𝗻𝘀𝘁𝗮𝗴𝗿𝗮𝗺: instagram.com/daetmio

03/09/2026

𝐏𝐀𝐆𝐊𝐈𝐋𝐀𝐋𝐀 𝐒𝐀 𝐌𝐆𝐀 𝐊𝐀𝐓𝐔𝐖𝐀𝐍𝐆 𝐒𝐀 𝐀𝐆𝐑𝐈𝐊𝐔𝐋𝐓𝐔𝐑𝐀: 𝐌𝐀𝐅𝐂-𝐃𝐀𝐄𝐓 𝐀𝐓 𝐋𝐆𝐔-𝐃𝐀𝐄𝐓, 𝐖𝐀𝐆𝐀𝐘𝐖𝐀𝐘 𝐀𝐍𝐆 𝐓𝐀𝐆𝐔𝐌𝐏𝐀𝐘 𝐒𝐀 𝟓𝟏𝐒𝐓 𝐆𝐀𝐖𝐀𝐃 𝐒𝐀𝐊𝐀!

Muling napatunayan ang galing, sipag, at dedikasyon ng Bayan ng Daet sa larangan ng agrikultura matapos hakutin ang iba't ibang prestihiyosong parangal sa ginanap na 51st GAWAD SAKA – Parangal sa mga Natatanging Magsasaka at Mangingisda noong Agosto 27, 2026 sa Regional Rice Training and Convention Hall, DA RFO-5, San Agustin, Pili, Camarines Sur.

Dahil sa maayos na pamamalakad at matibay na pakikipag-ugnayan sa mga lokal na sektor, pormal na iginawad ang mga sumusunod na pagkilala:

🏆 MAFC-Daet
• Outstanding MAFC Regional Winner and National Finalist
• Advocacy Champion
• Agri-Fishery Innovation and Partnership
(Certificate of Recognition, Plaque of Recognition, at ₱50,000 cash prize)

🥇 MLGU-Daet
• Most Supportive Municipal Local Government Partner
(Certificate of Appreciation at Certificate of Recognition)

🎖️ Natatanging Mga Lingkod-Bayan:
• Dr. Reuben P. Naperi – Most Supportive Municipal Agriculturist
• Nerissa P. Villaluz – Most Supportive MLGU GAWAD SAKA Coordinator

Ang tagumpay na ito ay bunga ng patuloy na suporta at gabay ng LGU-Daet sa pamumuno ni 𝐌𝐚𝐲𝐨𝐫 𝐑𝐨𝐬𝐬𝐚𝐧𝐨 “𝐑𝐨𝐧𝐢𝐞” 𝐂. 𝐕𝐚𝐥𝐞𝐧𝐜𝐢𝐚, ng Sangguniang Bayan sa ilalim ni Vice Mayor Benito Ochoa, at ni Kgd. Luhay Urbano, Chairperson ng Committee on Agriculture.

Mula sa Pamahalaang Lokal ng Daet, taos-pusong pagbati at pasasalamat sa buong Municipal Agriculture Staff sa pamumuno ni Dr. Naperi, sa PAFC, sa Department of Agriculture Region 5 sa pangunguna ni Sir Alvin (Regional Coordinator), at lalo na sa ating mga masisipag na magsasaka, mangingisda, at agricultural volunteers na tunay na haligi ng ating bayan.

Contributed by: Mao Lgu-daet and MAFC Daet Official .

Manatiling updated at nakatutok! I-follow ang ating mga opisyal na social media account para sa iba pang balita at impormasyon:

Facebook: Daet Municipal Information Office
TikTok: tiktok.com/
Instagram: instagram.com/daetmio

03/09/2026

𝐋𝐆𝐔 𝐃𝐀𝐄𝐓 𝐀𝐓 𝐋𝐀 𝐂𝐎𝐍𝐒𝐎𝐋𝐀𝐂𝐈𝐎𝐍 𝐂𝐎𝐋𝐋𝐄𝐆𝐄 𝐎𝐅 𝐃𝐀𝐄𝐓, 𝐍𝐀𝐆𝐓𝐔𝐋𝐔𝐍𝐆𝐀𝐍 𝐒𝐀 𝐈𝐒𝐀𝐍𝐆 𝐀𝐂𝐓𝐈𝐕𝐄 𝐀𝐓𝐓𝐀𝐂𝐊 𝐒𝐈𝐌𝐔𝐋𝐀𝐓𝐈𝐎𝐍 𝐒𝐀𝐅𝐄𝐓𝐘 𝐃𝐑𝐈𝐋𝐋

Upang matiyak ang kahandaan, kaligtasan, at mabilis na pagtugon sa anumang banta ng kagipitan sa mga pampublikong paaralan at institusyon, matagumpay na isinagawa ang isang "Active Attack / Armed Intruder Simulation Safety Drill" sa La Consolacion College of Daet.

Nagsimula ang pagsasanay ganap na alas-3:00 ng hapon kung saan sinubok ang kahandaan ng paaralan sa pagpapatupad ng Lockout at Lockdown protocols. Layunin ng aktibidad na ito na linangin ang kakayahan ng paaralan sa mabilis na pagpapaseg**o ng mga silid-aralan, maayos na pakikipag-ugnayan sa mga emergency responder, pagbibigay ng paunang lunas (first aid), at pagsasagawa ng organisadong reunification process pagkatapos ng insidente.

Sa ilalim ng pamumuno ni Mayor Rossano “Ronie” C. Valencia, patuloy ang Lokal na Pamahalaan ng Daet sa pagsuporta sa mga pagsasanay na naglalayong protektahan ang kapakanan ng mga estudyante, g**o, at buong komunidad ng Daeteño.

Manatiling updated at nakatutok! I-follow ang ating mga opisyal na social media account para sa iba pang balita at impormasyon:

Facebook: Daet Municipal Information Office
TikTok: tiktok.com/
Instagram: instagram.com/daetmio

02/09/2026

𝐍𝐀𝐓𝐈𝐎𝐍𝐀𝐋 𝐒𝐈𝐌𝐔𝐋𝐓𝐀𝐍𝐄𝐎𝐔𝐒 𝐒𝐂𝐇𝐎𝐎𝐋 𝐒𝐀𝐅𝐄𝐓𝐘 𝐃𝐑𝐈𝐋𝐋, 𝐈𝐒𝐀𝐒𝐀𝐆𝐀𝐖𝐀 𝐒𝐀 𝐒𝐄𝐓𝐘𝐄𝐌𝐁𝐑𝐄 𝟑, 𝟐𝟎𝟐𝟔

Kaisa ang Lokal na Pamahalaan ng Daet sa panawagan ng Department of the Interior and Local Government (DILG) at Department of Education (DepEd) sa pagsasagawa ng National Simultaneous School Safety Drill ngayong Setyembre 3, 2026 (Huwebes) sa iba't ibang paaralan sa ating bayan.

Sa ilalim ng pamumuno ni Mayor Rossano “Ronie” C. Valencia, patuloy ang suporta ng LGU Daet sa mga proyektong naglalayong palakasin ang kahandaan, kaligtasan, at kaalaman ng ating mga mag-aaral at g**o sa oras ng sakuna o emergency.

Kahandaan ngayon, kaligtasan bukas!

Manatiling updated at nakatutok! I-follow ang ating mga opicial na social media account para sa iba pang balita at impormasyon:

Facebook: Daet Municipal Information Office
TikTok: tiktok.com/
Instagram: instagram.com/daetmio

02/09/2026

𝐏𝐎𝐑𝐌𝐀𝐋 𝐍𝐀 𝐈𝐍𝐈𝐋𝐔𝐍𝐒𝐀𝐃 𝐀𝐍𝐆 𝟏𝟐𝟔𝐓𝐇 𝐏𝐇𝐈𝐋𝐈𝐏𝐏𝐈𝐍𝐄 𝐂𝐈𝐕𝐈𝐋 𝐒𝐄𝐑𝐕𝐈𝐂𝐄 𝐀𝐍𝐍𝐈𝐕𝐄𝐑𝐒𝐀𝐑𝐘 𝐒𝐀 𝐁𝐀𝐘𝐀𝐍 𝐍𝐆 𝐃𝐀𝐄𝐓

Muling nakiisa ang Lokal na Pamahalaan ng Daet sa pambansang pagdiriwang ng ika-126 na Annibersaryo ng Serbisyo Sibil sa Pilipinas bilang pagkilala sa dedikasyon, tapat na paglilingkod, at sakripisyo ng bawat kawani ng gobyerno.

Isinagawa ang makabuluhang pagbubukas ng pagdiriwang ngayong Setyembre 1, 2026 sa Freedom Park, Provincial Capitol, Daet, Camarines Norte. Sa pamamagitan ng temang “Bawat Kawani, Lingkod Bayani: Puso, Dangal, at Galing Para sa Bayan,” binigyang-diin sa aktibidad ang kahalagahan ng pagtutulungan at pagpapanatili ng mataas na antas ng serbisyo publiko para sa mamamayang Daeteño at Bicolano.

Sa ilalim ng pamumuno ni Mayor Rossano “Ronie” C. Valencia, patuloy ang LGU Daet sa pagtataguyod ng mga programang naglalayong magbigay ng maayos, mabilis, at tapat na serbisyo, habang pinapalakas ang kakayahan at kapakanan ng bawat lingkod-bayan.

Manatiling updated at nakatutok! I-follow ang ating mga opisyal na social media account para sa iba pang balita at impormasyon:

Facebook: Daet Municipal Information Office

TikTok: tiktok.com/

Instagram: instagram.com/daetmio

02/09/2026

𝐏𝐀𝐌𝐎𝐑𝐌𝐀𝐋 𝐍𝐀 𝐈𝐒𝐈𝐍𝐀𝐆𝐀𝐖𝐀 𝐀𝐍𝐆 𝐋𝐀𝐔𝐍𝐂𝐇𝐈𝐍𝐆 𝐍𝐆 𝐊𝐔𝐌𝐔𝐒𝐓𝐀𝐇𝐀𝐍 𝐒𝐀 𝐁𝐀𝐑𝐀𝐍𝐆𝐀𝐘: 𝐊𝐀𝐓𝐀𝐑𝐔𝐍𝐆𝐀𝐍𝐆 𝐏𝐀𝐌𝐁𝐀𝐑𝐀𝐍𝐆𝐀𝐘 𝐋𝐄𝐂𝐓𝐔𝐑𝐄 𝐒𝐄𝐑𝐈𝐄𝐒

Pormal nang inilunsad ng Lokal na Pamahalaan ang "Kumustahan sa Barangay: Katarungang Pambarangay Lecture Series" upang mas mapalakas at mapalawak ang kaalaman sa pamamahala at pagbibigay ng hustisya sa antas ng barangay.

Isinagawa ang matagumpay na aktibidad noong Agosto 27, 2026 sa SM City Daet Events Center, Daet, Camarines Norte, na pinalakas din sa pamamagitan ng virtual attendance via Zoom application. Naging pangunahing tagapagsalita sa nasabing lektura si Prosecutor Perry Boy N. Solano mula sa Department of Justice - Camarines Norte, kung saan kaniyang ibinahagi ang mahahalagang kaalaman at gabay patungkol sa tamang proseso ng Katarungang Pambarangay.

Dumalo at nakiisa rin sa programa si Municipal Administrator Dr. Raychel Valencia bilang kinatawan ni Mayor Rossano “Ronie” C. Valencia upang ipaabot ang buong suporta ng pamahalaang lokal sa mahalagang inisyatibong ito.

Sa ilalim ng pamumuno ni Mayor Rossano “Ronie” C. Valencia, patuloy ang LGU Daet sa pagtataguyod ng mga programang naglalayong maghatid ng sapat na kaalaman, maayos na pamamahala, at maasahang serbisyo para sa bawat barangay at mamamayan ng bayan.

Manatiling updated at nakatutok! I-follow ang ating mga opisyal na social media account para sa iba pang balita at impormasyon:

Facebook: Daet Municipal Information Office

TikTok: tiktok.com/

Instagram: instagram.com/daetmio

01/09/2026

𝐏𝐀𝐆𝐁𝐀𝐓𝐈 𝐀𝐓 𝐏𝐀𝐆𝐓𝐀𝐍𝐆𝐆𝐀𝐏: 𝐀𝐓𝐓𝐘. 𝐑𝐀𝐘𝐌𝐔𝐍𝐃𝐎 𝐑. 𝐀𝐐𝐔𝐈𝐍𝐎
‎𝐒𝐞𝐩𝐭𝐞𝐦𝐛𝐞𝐫 𝟏, 𝟐𝟎𝟐𝟔 | 𝐋𝐆𝐔 𝐃𝐚𝐞𝐭
‎
‎Isang mainit at maogmang pagtanggap ang ipinapaabot ng Local Government Unit of Daet sa ating bagong italagang Municipal Legal Officer, 𝐀𝐭𝐭𝐲. 𝐑𝐚𝐲𝐦𝐮𝐧𝐝𝐨 𝐑. 𝐀𝐪𝐮𝐢𝐧𝐨!
‎
‎Sa ilalim ng liderato ni 𝑴𝒂𝒚𝒐𝒓 𝑹𝒐𝒔𝒔𝒂𝒏𝒐 “𝑹𝒐𝒏𝒊𝒆” 𝑪. 𝑽𝒂𝒍𝒆𝒏𝒄𝒊𝒂, buong-pusong nagdadala ng suporta at pagtiwala ang buong pamilya ng LGU Daet sa inyong bagong gampanin. Inaasahan ang inyong mahalagang kontribusyon sa pagpapanatili ng patas na pagpapatupad ng batas, prinsipyo ng magandang pamamahala, at maasahang serbisyo para sa lahat ng mamamayan ng ating bayan.
‎
‎Hangad natin ang inyong tagumpay at produktibong pagsisilbi para sa mas progresibong Daet!
‎

‎
𝗠𝗮𝗻𝗮𝘁𝗶𝗹𝗶𝗻𝗴 𝗶𝗺𝗽𝗼𝗿𝗺𝗮𝗱𝗼 𝗮𝘁 𝗸𝗼𝗻𝗲𝗸𝘁𝗮𝗱𝗼! 𝗜-𝗳𝗼𝗹𝗹𝗼𝘄 𝗮𝗻𝗴 𝗮𝗺𝗶𝗻𝗴 𝗺𝗴𝗮 𝗼𝗽𝗶𝘀𝘆𝗮𝗹 𝗻𝗮 𝘀𝗼𝗰𝗶𝗮𝗹 𝗺𝗲𝗱𝗶𝗮 𝗮𝗰𝗰𝗼𝘂𝗻𝘁𝘀 𝗽𝗮𝗿𝗮 𝘀𝗮 𝗺𝗮𝘀 𝗺𝗮𝗿𝗮𝗺𝗶 𝗽𝗮𝗻𝗴 𝗯𝗮𝗹𝗶𝘁𝗮 𝗮𝘁 𝗶𝗺𝗽𝗼𝗿𝗺𝗮𝘀𝘆𝗼𝗻.

‎𝗙𝗮𝗰𝗲𝗯𝗼𝗼𝗸: Daet Municipal Information Office
‎𝗧𝗶𝗸𝗧𝗼𝗸: tiktok.com/
‎𝗜𝗻𝘀𝘁𝗮𝗴𝗿𝗮𝗺: instagram.com/daetmio

01/09/2026

𝐅𝐋𝐀𝐆 𝐑𝐀𝐈𝐒𝐈𝐍𝐆 𝐂𝐄𝐑𝐄𝐌𝐎𝐍𝐘

‎𝐒𝐞𝐩𝐭𝐞𝐦𝐛𝐞𝐫 𝟏, 𝟐𝟎𝟐𝟔 | 𝐌𝐮𝐧𝐢𝐜𝐢𝐩𝐚𝐥 𝐂𝐨𝐯𝐞𝐫𝐞𝐝 𝐂𝐨𝐮𝐫𝐭

‎Pinasimunuan ng pamunuan at mga kawani ng General Services Office (GSO) ang isinagawang lingguhang Flag Raising Ceremony ng Local Government Unit of Daet sa ilalim ng pamumuno ni 𝑴𝒂𝒚𝒐𝒓 𝑹𝒐𝒔𝒔𝒂𝒏𝒐 “𝑹𝒐𝒏𝒊𝒆” 𝑪. 𝑽𝒂𝒍𝒆𝒏𝒄𝒊𝒂.
‎
‎Dumalo sa naturang seremonya ang mga opisyal at kawani ng iba’t ibang tanggapan ng pamahalaang bayan bilang pagpapakita ng pagkakaisa, disiplina, at pagmamalasakit sa tungkuling maghatid ng mahusay at responsableng serbisyo publiko sa mamamayan ng Daet. Naging pagkakataon din ang pagtitipon upang maipabatid ang mahahalagang anunsyo at mga programang nakatuon sa patuloy na pag-unlad ng bayan.
‎
‎Sa patuloy na pamumuno ni 𝑴𝒂𝒚𝒐𝒓 𝑹𝒐𝒔𝒔𝒂𝒏𝒐 “𝑹𝒐𝒏𝒊𝒆” 𝑪. 𝑽𝒂𝒍𝒆𝒏𝒄𝒊𝒂, nananatiling matatag ang adhikain ng LGU Daet na makapaghatid ng tapat, maagap, at makataong serbisyo tungo sa isang mas maunlad, masigla, at progresibong bayan para sa lahat.

𝗠𝗮𝗻𝗮𝘁𝗶𝗹𝗶𝗻𝗴 𝗶𝗺𝗽𝗼𝗿𝗺𝗮𝗱𝗼 𝗮𝘁 𝗸𝗼𝗻𝗲𝗸𝘁𝗮𝗱𝗼! 𝗜-𝗳𝗼𝗹𝗹𝗼𝘄 𝗮𝗻𝗴 𝗮𝗺𝗶𝗻𝗴 𝗺𝗴𝗮 𝗼𝗽𝗶𝘀𝘆𝗮𝗹 𝗻𝗮 𝘀𝗼𝗰𝗶𝗮𝗹 𝗺𝗲𝗱𝗶𝗮 𝗮𝗰𝗰𝗼𝘂𝗻𝘁𝘀 𝗽𝗮𝗿𝗮 𝘀𝗮 𝗺𝗮𝘀 𝗺𝗮𝗿𝗮𝗺𝗶 𝗽𝗮𝗻𝗴 𝗯𝗮𝗹𝗶𝘁𝗮 𝗮𝘁 𝗶𝗺𝗽𝗼𝗿𝗺𝗮𝘀𝘆𝗼𝗻.

‎𝗙𝗮𝗰𝗲𝗯𝗼𝗼𝗸: Daet Municipal Information Office
‎𝗧𝗶𝗸𝗧𝗼𝗸: tiktok.com/
‎𝗜𝗻𝘀𝘁𝗮𝗴𝗿𝗮𝗺: instagram.com/daetmio

31/08/2026

𝐏𝐀𝐆𝐒𝐀𝐒𝐀𝐆𝐀𝐖𝐀 𝐍𝐆 𝐁𝐀𝐒𝐈𝐂 𝐄𝐌𝐄𝐑𝐆𝐄𝐍𝐂𝐘 𝐂𝐀𝐑𝐄 𝐀𝐓 𝐁𝐋𝐒 𝐎𝐑𝐈𝐄𝐍𝐓𝐀𝐓𝐈𝐎𝐍 𝐒𝐀 𝐁𝐀𝐍𝐂𝐎 𝐒𝐀𝐍 𝐕𝐈𝐂𝐄𝐍𝐓𝐄

Patuloy ang Pamahalaang Lokal ng Daet sa pagtataguyod ng kultura ng kahandaan at kaligtasan sa ating mga pribado at pampublikong institusyon!

Noong Agosto 29, 2026, matagumpay na isinagawa ng Municipal Disaster Risk Reduction and Management Office (MDRRMO) Daet ang Basic Emergency Care at Basic Life Support (BLS) Orientation para sa mga empleyado ng Banco San Vicente, Daet.

Sa ilalim ng gabay at buong suporta ni MDRRMC Chairman at 𝐌𝐚𝐲𝐨𝐫 𝐑𝐨𝐬𝐬𝐚𝐧𝐨 “𝐑𝐨𝐧𝐢𝐞” 𝐂. 𝐕𝐚𝐥𝐞𝐧𝐜𝐢𝐚, pinangunahan ni MDRRM Officer Santiago M. Mella Jr. ang pagsasanay. Sa pamamagitan ng lectures, demonstrations, at return-demos, itinuro sa mga kawani ang pagsusuri sa mga biktima, first aid techniques, CPR, at tamang pagtugon sa mga medikal na emergency.

Layunin ng inisyatibong ito na mai-mainstream ang emergency response sa mga establisimyento at palakasin ang kahandaan ng komunidad para sa nalalapit na earthquake drill.

✍️ Contributed by: Frederick Edward Q. Ferrer (MDRRMO-Daet Designated Information Officer)

𝗦𝘁𝗮𝘆 𝗶𝗻𝗳𝗼𝗿𝗺𝗲𝗱 𝗮𝗻𝗱 𝗰𝗼𝗻𝗻𝗲𝗰𝘁𝗲𝗱! 𝗙𝗼𝗹𝗹𝗼𝘄 𝘂𝘀 𝗼𝗻 𝗼𝘂𝗿 𝗼𝗳𝗳𝗶𝗰𝗶𝗮𝗹 𝘀𝗼𝗰𝗶𝗮𝗹 𝗺𝗲𝗱𝗶𝗮 𝗮𝗰𝗰𝗼𝘂𝗻𝘁𝘀 𝗳𝗼𝗿 𝗺𝗼𝗿𝗲 𝘂𝗽𝗱𝗮𝘁𝗲𝘀 𝗮𝗻𝗱 𝗮𝗻𝗻𝗼𝘂𝗻𝗰𝗲𝗺𝗲𝗻𝘁𝘀.

𝗙𝗮𝗰𝗲𝗯𝗼𝗼𝗸: Daet Municipal Information Office
𝗧𝗶𝗸𝗧𝗼𝗸: tiktok.com/
𝗜𝗻𝘀𝘁𝗮𝗴𝗿𝗮𝗺: instagram.com/daetmio

orientation

Daet Municipal Information Office

04/09/2026

04/09/2026

03/09/2026

03/09/2026

02/09/2026

02/09/2026

02/09/2026

01/09/2026

01/09/2026

31/08/2026

Address

Telephone

Website

Alerts

Contact The Organization

Shortcuts

Share

Category

Listing takedown request