BFAR - National Fisheries Development Center, Dagupan City

03/09/2026

𝗣𝗔𝗥𝗧 𝟰 | Hands-on Training sa Hatchery Operation and Management at Preparation and Fabrication of Oyster and Mussel Substrate

Idinaos noong Agosto 27–28, 2026 ang hands-on training sa Hatchery Operation and Management at Preparation and fabrication of oyster and mussel substrate, na parte ng Hands‑on Training on the Production Method and Sanitation Standards for Oyster and Mussels sa BFAR–National Fisheries Development Center (NFDC), sa pangunguna ng Asian Fisheries Academy (AFA) at NFDC Shellfish Unit. Ang naturang pagsasanay ay nagbigay ng mas malalim na kaalaman at praktikal na karanasan sa hatchery operation at pamamahala ng shellfish, na mahalaga sa pagpapaunlad ng industriya ng pangisdaan.

Sa ilalim ng pangangasiwa ng Shellfish Unit at Training Unit ng NFDC, isinagawa ang serye ng aktwal na gawain na naglatag ng kumpletong proseso mula sa hatchery hanggang sa nursery rearing.

Itinuro ang tamang pamamaraan ng mass production ng natural food na kinakailangan sa pagpapakain ng larval stages ng oyster at mussel. Binanggit ang kahalagahan ng kalidad ng microalgae at iba pang natural na pagkain upang matiyak ang mabilis at ligtas na paglaki ng mga larvae.

Kasunod nito, isinagawa ang aktwal na pagpili at paglilinis ng broodstock. Ipinaliwanag ng mga eksperto ang pamantayan sa pagpili ng malulusog na talaba at tahong na gagamitin sa pagpaparami. Sa pamamagitan ng induced spawning techniques, natutunan ng mga kalahok ang tamang proseso ng pagpapalabas ng gametes upang makapagsimula ng larval production.

Sa larval rearing, binigyang-diin ang wastong kondisyon ng tubig at regular na monitoring upang matiyak ang mataas na survival rate ng larvae. Pagdating sa nursery rearing, ipinakita ang mga hakbang sa paglipat ng larvae patungo sa mas malaking substrate, kabilang ang tamang paghahanda ng pasilidad at pangangalaga sa mga juvenile shellfish.

Bilang huling bahagi ng pagsasanay, isinagawa ang paggawa at paghahanda ng substrate para sa oyster at mussel. Sa tulong ng Shellfish Unit, natutunan ng mga kalahok ang tamang materyales at disenyo ng substrate na makatutulong sa mas mataas na recruitment at paglaki ng shellfish sa mga coastal farm.

Sa kabuuan, ang dalawang araw na pagsasanay ay nagbigay ng komprehensibong kaalaman at praktikal na kasanayan sa Hatchery Operation and Management. Ang aktwal na partisipasyon ng mga trainees sa bawat yugto ng proseso ay nagpatibay sa layunin ng programa na pagpapalakas ng kakayahan ng mga mangingisda at fisheries practitioners tungo sa ligtas, produktibo, at masustansyang industriya ng shellfish sa bansa.

02/09/2026

𝗣𝗔𝗥𝗧 𝟯 | Lectures sa Shellfish Food Safety at Shellfish Aquaculture and Microbiology, isinigawa; Eldica Seafood Processing Facility, Binisita.

Nagpatuloy ang Hands-on Training on the Production Method and Sanitation Standards for Oyster and Mussels sa BFAR–National Fisheries Development Center (NFDC), Bonuan Binloc, sa pangunguna ng Asian Fisheries Academy (AFA). Sa ikalawang araw ng programa, Agosto 27, 2026, naging masinsinan ang mga aktibidad sa umaga na nagbigay ng dagdag na kaalaman sa mga kalahok hinggil sa produksyon at kaligtasan ng shellfish.

Bilang bahagi ng kanilang pananatili sa Dagupan City, nagsagawa ang mga trainees ng pagbisita sa Eldica Seafood Processing. Sa tulong ng koordinasyon ni Ms. Eden P. Borce mula sa Don Mariano Memorial State University, naisakatuparan ang tour na nagbigay ng pagkakataon sa mga kalahok na makita ang iba’t ibang produkto ng kompanya at marinig ang kuwento ng pagsisimula nito bilang isang lokal na negosyo. Nasilip din nila ang pasilidad, na bagama’t hindi naging masyadong teknikal ang pagtalakay, nagbigay pa rin ng mahalagang pananaw sa aktwal na operasyon ng seafood processing. Ang pagbisita ay isinama upang masulit ang oras at makapagbigay ng dagdag na kaalaman sa mga trainees habang nasa Dagupan City.

Pagbalik sa NFDC, nagsimula ang serye ng lectures sa pamamagitan ng presentasyon ni Dr. Dennis D. Tanay, Center Chief ng BFAR–NFDC, na nagbigay ng “Overview of Shellfish Food Safety.” Sa kanyang talakayan, ipinaliwanag ang mga pamantayan at regulasyon sa kaligtasan ng shellfish, kabilang ang depuration at iba pang post-harvest practices na mahalaga upang matiyak ang kalidad ng produkto bago ito makarating sa merkado.

Kasunod nito, nagbigay ng lecture si Ms. Jheimariz S. Madayag mula sa Microbiology Unit hinggil sa Shellfish Aquaculture and Microbiology. Binanggit niya ang kahalagahan ng microbiology sa pagpapanatili ng kaligtasan ng shellfish, lalo na sa pagsusuri ng tubig at pag-iwas sa kontaminasyon. Ipinaliwanag niya na ang tamang kaalaman sa microbiology ay pundasyon ng ligtas na produksyon ng shellfish at mahalaga sa pagpapanatili ng integridad ng industriya.

Sa kabuuan, ang umaga ng ikalawang araw ay nagbigay ng balanseng karanasan sa mga kalahok, mula sa pagbisita sa isang lokal na seafood processor hanggang sa masinsinang talakayan sa food safety at microbiology. Ang mga aktibidad na ito ay nagpatibay sa layunin ng programa na palakasin ang kaalaman at kasanayan ng mga trainees tungo sa mas ligtas, mas mataas na kalidad, at mas produktibong industriya ng shellfish sa bansa.

02/09/2026

Dive into the world of freshwater prawn hatchery production! 🦐💧
Join the Asian Fisheries Academy (AFA) of BFAR-NFDC as we explore the essential principles, practices, and techniques in the hatchery operation of Giant Freshwater Prawn (Macrobrachium rosenbergii).
Enhance your knowledge on hatchery management, larval rearing, water quality, feeding, and other essential practices for successful freshwater prawn seedstock production.

01/09/2026

𝗩𝗜𝗥𝗧𝗨𝗔𝗟 𝗧𝗥𝗔𝗜𝗡𝗜𝗡𝗚 | 𝗛𝗮𝘁𝗰𝗵𝗲𝗿𝘆 𝗢𝗽𝗲𝗿𝗮𝘁𝗶𝗼𝗻 𝗼𝗳 𝗚𝗶𝗮𝗻𝘁 𝗙𝗿𝗲𝘀𝗵𝘄𝗮𝘁𝗲𝗿 𝗣𝗿𝗮𝘄𝗻 🦐

Dive into the world of freshwater prawn hatchery production! 🦐💧

Join the Asian Fisheries Academy (AFA) of BFAR-NFDC as we explore the essential principles, practices, and techniques in the hatchery operation of Giant Freshwater Prawn (Macrobrachium rosenbergii).

Enhance your knowledge on hatchery management, larval rearing, water quality, feeding, and other essential practices for successful freshwater prawn seedstock production.

📅 Date: SEPTEMBER 2, 2026
⏰ Time: 9:00 AM
💻 Platform: GOOGLE MEET & FACEBOOK LIVE STREAM

📌 Registration Link:
https://forms.gle/6sNxKAcBMDnpp2VB9

Come and learn with us as we grow knowledge, strengthen skills, and advance sustainable aquaculture! 🦐🌱

31/08/2026

Ngayong 𝐀𝐫𝐚𝐰 𝐧𝐠 𝐦𝐠𝐚 𝐁𝐚𝐲𝐚𝐧𝐢, ating binibigyang-pugay ang mga bayaning nakaukit sa kasaysayan. Kasabay nito, kinikilala rin natin ang mga Pilipinong mangingisda na araw-araw na nagsisikap para sa ating bayan.

Bago pa sumikat ang araw, tumatawid na sila sa alon. Sa bawat paghagis ng lambat, paglalayag, at pag-uwi dala ang kanilang huli, bitbit nila ang pag-asa para sa kanilang pamilya at pagkain para sa bawat Pilipino.

Sila ang mga Mangingisdang Bayani: tahimik na nagsisikap, matatag sa gitna ng hamon, at patuloy na nag-aambag sa seguridad sa pagkain at kabuhayan ng bansa.

Saludo kami sa ating mga bayani at sa bawat Mangingisdang Pilipino!

━━━━━━━━━━━━━━━━━━
Dahil dito, ipinababatid sa publiko na 𝐖𝐀𝐋𝐀𝐍𝐆 𝐏𝐀𝐒𝐎𝐊 sa Department of Agriculture–Bureau of Fisheries and Aquatic Resources (DA-BFAR) ngayong Agosto 31, 2026, bilang paggunita sa Araw ng mga Bayani.

Magbabalik ang regular na operasyon ng tanggapan sa Martes, Setyembre 1, 2026, mula alas-8:00 ng umaga hanggang alas-5:00 ng hapon.

Para sa agarang usapin o pangangailangan, maaaring makipag-ugnayan at magpadala ng mensahe sa [email protected] sa kaukulang aksyon.

27/08/2026

Sharing from the BFAR Philippines

Magkakaibang ekosistema ang lusay, korales, at bakawan, ngunit magkakaugnay ang kanilang ambag sa ating karagatan at mga pamayanan.

Nagbibigay ang mga ito ng mahahalagang tirahan para sa iba’t ibang isda at likas-yamang katubigan. Pinagmumulan ng kabuhayan ng mga baybaying-komunidad, tumutulong sa proteksyon ng mga pamayanan, at nag-aambag sa pangmatagalang seguridad sa pagkain.

Ngayong 𝐢𝐤𝐚-𝟔𝟑 𝐅𝐢𝐬𝐡 𝐂𝐨𝐧𝐬𝐞𝐫𝐯𝐚𝐭𝐢𝐨𝐧 𝐖𝐞𝐞𝐤, mula Setyembre 14 hanggang 18, 2026, binibigyang-diin ng DA-BFAR ang pangangalaga at responsableng pamamahala sa mahahalagang coastal at marine ecosystems sa ilalim ng temang:

“𝐋𝐮𝐬𝐚𝐲, 𝐊𝐨𝐫𝐚𝐥𝐞𝐬, 𝐚𝐭 𝐁𝐚𝐤𝐚𝐰𝐚𝐧: 𝐘𝐚𝐦𝐚𝐧 𝐧𝐠 𝐊𝐚𝐫𝐚𝐠𝐚𝐭𝐚𝐧, 𝐌𝐚𝐬𝐚𝐠𝐚𝐧𝐚𝐧𝐠 𝐁𝐮𝐡𝐚𝐲 𝐧𝐠 𝐏𝐚𝐦𝐚𝐲𝐚𝐧𝐚𝐧.”

Tayo nang proteksyunan at pangalagaan ang mga "tahanang" nagbibigay-buhay sa ating pamayanan!

27/08/2026

𝗣𝗔𝗥𝗧 𝟮 | Hands-on Training sa Oyster Depuration

Sa pagpapatuloy ng Hands-on Training on the Production Method and Sanitation Standards for Oyster and Mussels sa BFAR–National Fisheries Development Center (NFDC), pinangunahan ni Ms. Rizalyn J. Bautista, Aquaculturist II at Head ng Post-Harvest Unit, at ng NFDC Shellfish Unit na pinangungunahan ni Mr. Francisco M. Reyes Jr., ang hapon ng unang araw ng pagsasanay sa pamamagitan ng hands-on training sa oyster depuration. Ang pagsasanay ay ginanap mismo sa BFAR-NFDC Shellfish Hatchery compound, Agosto 26, 2026.

Ang depuration ay isang mahalagang proseso sa post-harvest handling ng mga shellfish, partikular ng talaba at tahong. Sa pamamaraang ito, ang mga shellfish ay inilalagay sa malinis na tubig na kontrolado ang kalidad upang alisin ang mga bakterya at iba pang kontaminant mula sa kanilang katawan bago ito iproseso o ibenta. Ipinunto ni Ms. Bautista na ang depuration ay hindi lamang teknikal na hakbang, kundi isang pamantayan sa kaligtasan ng pagkain na tumutulong upang matiyak na ang mga produktong shellfish ay ligtas kainin at tumutugon sa sanitation standards ng industriya.

Sa pagsasanay na ito, naranasan ng mga fisheries professionals na kalahok mula sa iba’t ibang rehiyon sa bansa ang aktwal na pagsasagawa ng oyster depuration. Ang aktibidad ay nagbigay ng praktikal na karanasan sa mga kalahok, na nagpatibay sa kanilang kaalaman sa tamang post-harvest sanitation.

Sa pamamagitan ng ganitong pagsasanay, patuloy na ipinapakita ng BFAR–NFDC, katuwang ang Shellfish Unit at Post-Harvest Unit, at Asian Fisheries Academy (AFA) ang kanilang dedikasyon sa pagpapalaganap ng ligtas, mataas na kalidad, at sustenableng produksyon ng shellfish.

26/08/2026

𝗣𝗔𝗥𝗧 𝟭 | Lectures sa Biology, Breeding ng Oyster at Green Mussels, at Depuration Technology Tampok sa Unang Araw ng Training sa BFAR-NFDC

Matagumpay na binuksan ang unang araw ng Shellfish Hands-on Training on the Production Method and Sanitation Standards for Oyster and Mussels ngayong Agosto 26, 2026 sa BFAR–National Fisheries Development Center (NFDC), Bonuan Binloc, Dagupan City, Pangasinan.

Sa unang bahagi ng programa, tinalakay ni Mr. Francisco M. Reyes Jr., Aquaculturist II at Head ng Shellfish Unit, ang “Biology and Breeding of Oyster and Mussel” at “NFDC Aquaculture Practices.” Ibinahagi niya ang mahahalagang kaalaman sa pagpaparami ng talaba at tahong, kabilang ang tamang pagpili ng broodstock, kondisyon ng tubig, at mga hakbang upang mapanatili ang kalidad ng produksyon.

Samantala, tinalakay ni Ms. Rizalyn J. Bautista, Aquaculturist II at Head ng Post-Harvest Unit, ang “Depuration Technology.” Ipinaliwanag niya ang proseso ng paglilinis ng shellfish upang matanggal ang mga nakalalasong sangkap at matiyak ang kaligtasan ng produkto bago ito iproseso o ibenta.

Ang kabuuan ng unang bahagi ng unang araw ay naglatag ng matibay na pundasyon para sa mga kalahok upang mas maunawaan ang kabuuang proseso ng shellfish aquaculture, mula sa breeding hanggang sa post-harvest sanitation. Sa pamamagitan ng mga detalyadong pagbabahagi ng kaalaman sa mga lumahok sa pagsasanay, muling pinatotohanan ng BFAR–NFDC at Asian Fisheries Academy ang kanilang dedikasyon sa pagpapaunlad ng industriya ng pangisdaan tungo sa mas ligtas, mas produktibo, at mas maunlad na shellfish sector sa bansa.