What are the opening hours?

Monday 9am - 5pm Tuesday 8am - 5pm Wednesday 9am - 5pm Thursday 8am - 5pm Friday 9am - 5pm

https://www.facebook.com/282438328575636/

City Health Services Office Danao City

Home
Philippines
Danao City
City Health Services Office Danao City

Sincere service to humanity.

19/08/2026

WEEK 2, DAY 3 SA MR-SIA: MAS DAGHAN NA ANG NAKIGSUSI, NAKIGSAYOD, UG NAKIGLAMBIGIT PARA SA PROTEKSYON SA ILANG CHIKITING!

Padayon nga nagkadaghan ang mga ginikanan nga nakigsusi, nangutana, ug nakisayod kabahin sa MR-SIA ug sa hustong proteksyon para sa ilang mga chikiting.

Kay sa matag pangutana nga atong tubagon, matag kahadlok nga atong masabtan, ug matag hustong impormasyon nga atong mahatag—mas napalig-on nato ang proteksyon sa atong mga anak.

Ayaw kahadlok mangutana. Ayaw pagduha-duha sa pagpangita sa tinuod ug sakto nga impormasyon.
Kay ang ginikanan nga nahibalo, mas andam nga manalipod.

18/08/2026

WEEK 2, DAY 2 SA MR-SIA: MAS NAGKAKUSOG ANG MISINFORMATION, PERO MAS KUSOG UG LIG-ON ANG AMONG TUMONG PARA SA MGA CHIKITING!

Mas nisamot ang pagkatag sa misinformation ug fake news, pero dili kini makapahunong sa among paningkamot.

Padayon mi sa pag-adto sa matag purok, pagpangutana, pagpaminaw, ug paghatag og saktong impormasyon aron matabangan ang mga ginikanan sa paghimo og husto ug luwas nga desisyon para sa ilang mga anak.

Kay bisan unsa pa kadaghan ang bakak nga impormasyon, mas kusgan ang among tinguha nga maprotektahan ang matag chikiting batok sa Measles ug Rubella.

Ayaw tuo dayon—pakigsusi. Pangutana. Paminaw sa tinuod nga impormasyon.

PARA SA MGA CHIKITING, PADAYON MI!!!

17/08/2026

WEEK 2, DAY 1 SA MR-SIA: PADAYON LANG GIHAPON MI—APIL ANG PAG-EDUKAR NINYO!

Sugdan na nato ang ikaduhang semana sa MR-SIA, ug padayon gihapon ang among paglibot sa matag barangay ug purok aron maabot ang matag bata nga angay maprotektahan batok sa Measles ug Rubella.

Dili lang bakuna ang among gidala—apil usab ang sakto, klaro, ug kasaligan nga impormasyon. Kay nasabtan namo nga usahay, ang kahadlok ug misinformation mahimong babag sa desisyon sa mga ginikanan.

Mao nga padayon mi sa pagpaminaw, pagtubag sa inyong mga pangutana, ug pag-edukar aron mas masabtan ninyo ang importansya sa MR vaccination.

Sa mga ginikanan nga nakig-cooperate ug misalig—daghang salamat!
Sa mga wala pa makapa-bakuna, naa ra gihapon mi para kaninyo. Ayaw kahadlok mangutana. Pangitaa ang tinuod nga impormasyon ug protektahi ang inyong mga chikiting.

Bakuna + Tinuod nga Impormasyon = Mas Lig-on nga Proteksyon!

14/08/2026

IT’S A WRAP SA UNANG SEMANA SA MR-SIA!
1,350 KA CHIKITING, NAKADAWAT NA SA MEASLES UG RUBELLA VACCINE!

Sa unang semana pa lamang, kapin 1,350 ka chikiting ang nakadawat na sa Measles ug Rubella vaccine—usa ka dakong lakang sa pagdugang sa ilang proteksyon batok sa maong mga sakit.

Kini nga kalampusan dili mahimo kung wala ang kooperasyon, pagsalig, ug suporta sa atong mga ginikanan.

Daghang salamat sa mga ginikanan nga bisan adunay pangutana, kahadlok, ug kabalaka, gipili gihapon ang kaluwasan ug proteksyon sa ilang mga anak. Salamat usab sa inyong pagsalig sa atong mga doktor, nurses, midwives, vaccinators, BHWs, BNS nga walay kapoy sa pag-adto sa matag purok aron maabot ang matag bata.

Kay ang matag bakuna nga nadawat sa usa ka bata, usa ka dugang nga panalipod—dili lamang alang kaniya, kundili alang usab sa iyang pamilya, komunidad, ug sa atong kaugmaon.

Kita-kita gihapon ta sunod nga mga adlaw sa inyung matag purok.

13/08/2026

DAY 4 SA MR-SIA: PADAYON GIHAPON SA AMONG TUMONG—NAKIGBATOK SA MISINFORMATION! 💉🛡️❤️

Padayon sa pagpaningkamot ang atong mga health workers aron maabot ang matag bata ug masiguro ang ilang proteksyon batok sa Measles ug Rubella.

Dili lang bakuna ang atong gidala sa matag purok—apil usab ang hustong impormasyon, pagpasabot, ug pagwagtang sa mga sayop nga pagtuo bahin sa bakuna.

Kay sa matag pangutana, adunay tubag. Sa matag kabalaka, adunay health worker nga andam maminaw ug mopasabot. Ug sa matag sayop nga impormasyon, atong ipuli ang TINUOD UG SAKTO NGA KAHIBALO.

PADAYON GIHAPON TA!
Kontra misinformation, para sa proteksyon sa matag bata!

KAY ANG SAKTO NGA IMPORMASYON, USA USAB KA MATANG SA PROTEKSYON!!!!!

12/08/2026

DAY 3 SA MR-SIA: TALIWALA SA FAKE NEWS, SALAMAT SA MGA NITOO GIHAPON SA EPEKTIBO SA BAKUNA! ❤️

Salamat sa inyong pagsalig ug pagpakabana sa proteksyon sa atong mga anak. Padayon ta sa pagpili sa sakto nga impormasyon ug sa pagpanalipod sa ilang proteksyon ug kaugmaon!!!!!!!

11/08/2026

DAY 2: DAGHAN NA, PERO DAGHAN PA!! PADAYON ANG MR-SIA SA MATAG PUROK

Kita-kita ta ugma hangtod Agosto 28 Danawanon, kay ang proteksyon ni Baby, atoang responsibility!!

10/08/2026

DANAO CITY NAGKAHIUSA! CITYWIDE SIMULTANEOUS LAUNCHING SA MR-SIA 2026 “BAKUNA UG PROTEKSYON NI BABY, ATONG RESPONSIBILIDAD!”

Usa ka Danao. Usa ka paningkamot. Usa ka responsibilidad—PROTEKTAHAN ANG MATAG BATA!

Karong adlawa, nagkahiusa ang Danao City—gikan sa City Health Services Office hangtod sa atong mga barangay—alang sa usa ka dakong tumong: mapanalipdan ang atong mga anak batok sa Measles ug Rubella.

Pinaagi sa Measles-Rubella Supplemental Immunization Activity (MR-SIA) 2026, ang atong mga health workers ug partners nagkahiusa sa usa ka citywide simultaneous launching ug intensified vaccination activities sa mga barangay.

Agosto 10–28, 2026, padayon ang kampanya sa tibuok siyudad aron mas mapaduol ang bakuna ngadto sa matag pamilya ug matag komunidad, ug aron matag bata nga kwalipikado makadawat sa dugang nga proteksyon batok sa measles ug rubella.

Apan ang MR-SIA dili lamang usa ka vaccination activity. Kini usa ka panawagan ug kolektibong responsibilidad.
• Responsibilidad sa ginikanan nga protektahan ang anak.
• Responsibilidad sa goberno nga suportahan ang pamilya.
• Responsibilidad sa health workers nga maabot ang matag bata
• Responsibilidad natong tanan nga magtinabangay alang sa usa ka mas luwas nga Danao.

Ang bakuna dili lamang usa ka injection—kini usa ka proteksyon, usa ka pagpangga, ug usa ka responsibilidad. Sa matag bata nga atong mabakunahan, usa ka pamilya ang mas mapanalipdan. Sa matag ginikanan nga moapil, usa ka komunidad ang mas mahimong luwas.

Danao City, atong ipakita nga kung magkahiusa kita, mas lig-on ang atong depensa batok sa sakit!
Mga ginikanan, ayaw hulata nga masakit ang inyong anak. Ipa-bakuna. Ipanalipod. Makig-uban.

Kay ang proteksyon ni Baby, dili lang trabaho sa mga health workers—RESPONSIBILIDAD NATONG TANAN!

08/08/2026

KUMUSTA, BAGA? GINHAWA LUNG! GINHAWA TA!
Danao City and DOH-CVCHD Unite for National Lung Month 2026
102 ka Danaoanon, usa ka komunidad, usa ka tumong—PROTEKTAHAN ANG BAGA!

Malampusong gipahigayon sa Danao City Health Services Office (CHSO) ubos sa pamunoan ni Dr. Eric P. Echavez II, sa pakigtambayayong sa Department of Health – Central Visayas Center for Health Development (DOH-CVCHD) ug Barangay Guinacot, ang National Lung Month 2026 nga nagtumong sa pagpalig-on sa kahibalo sa komunidad bahin sa lung health, TB prevention, early detection, ug tukmang pag-atiman.

Pinaagi sa libre nga Chest X-ray, Sputum Examination, ug Medical Consultation, 102 ka indibidwal ang nakabenepisyo ug nakadawat og importanteng serbisyo panglawas alang sa sayong pag-ila sa posibleng sakit sa baga, ilabi na ang Tuberculosis (TB).

Kay sa TB, mas maayo ang sayong pagpa-check kaysa ulahi nga pagmahay. Ang usa ka X-ray, sputum examination, ug medical consultation mahimong unang lakang aron mapanalipdan ang kaugalingon, ang pamilya, ug ang tibuok komunidad.

Magpa-check. Magpa-X-ray. Magpa-sputum. Magpakonsulta. Ayaw hulata ang grabe nga sintomas—ang sayong pag-detect, makaluwas og kinabuhi.

Sa Danao City, ang panglawas sa katawhan atong panag-ampingan ug panaghiusahan—walay biyaan, walay pasagdan.

Daghang salamat sa DOH-CVCHD, Barangay Guinacot, atong mga health workers, partners, volunteers, ug sa tanang Danawanon nga mitambong ug misuporta sa kalihokan.

07/08/2026

UNICEF and DOH-CVCHD Visit Danao City to Strengthen Preparations for the Measles-Rubella Supplemental Immunization Activity (MR-SIA)

In preparation for the upcoming Measles-Rubella Supplemental Immunization Activity (MR-SIA), UNICEF and the Department of Health–Central Visayas Center for Health Development (DOH-CVCHD) conducted a technical support and monitoring visit to Danao City to assess local readiness and strengthen campaign implementation.

The visit included a coordination meeting with the City Health Services Office (CHSO) and a field visit to Barangay Dunggoan Health Station, where the team reviewed microplans, vaccine logistics, health facility readiness, and community engagement strategies to ensure every eligible child is reached.

This collaborative effort reinforces the shared commitment of UNICEF, DOH-CVCHD, the Local Government Unit of Danao City, and CHSO to protect children from measles and rubella through safe, effective, and free immunization services.

Address

Mabini Street, Poblacion
Danao City
6004

Opening Hours

Monday	9am - 5pm
Tuesday	8am - 5pm
Wednesday	9am - 5pm
Thursday	8am - 5pm
Friday	9am - 5pm

Telephone

+63323451127

Website

facebook.com

Alerts

Be the first to know and let us send you an email when City Health Services Office Danao City posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to City Health Services Office Danao City:

Want your organization to be the top-listed Government Service in Danao City?