20/06/2025
KITUN: An grade 8 student na si Kimberly M. Lodor san barangay Tabon-Tabon an pigtanghal na Grand Winner sa katatapos pa sanang Municipal Search for Pantawid Pamilya Exemplary Child 2025 san Daraga na ginibo nganang aldaw, Hunyo 19, 2025 sa New Blossoms, Tagas, Daraga.
Sa bilog na kompetisyon, pinakita ni Kimberly an sainyang tali, talento dangan karakter, na nangibabaw kontra sa lima pa nyang kalaban, dangan nag-uli nin P7,000 dangan seritipiko bilang premyo.
Sa unga na "Anong adbokasiya ang iyong isinusulong bilang kabataan ng Pantawid Program at paano ito nakakatulong sa iyong komunidad?", may duon na sinabi ni Kimberly an manungod sa youth empowerment bilang sainyang adbokasiya. Segun sainya, nagatubod sya na ang kabataan an pag-asa ng bayan. Siring sa saindang barangay, kung an mga kabataan matabangan, ma-empower sinda, magkaayo sinda ning magayon na futuro, magadara man yadi nin magayon na resulta, dangan makatabang man yadi sa pag-uswag san komunidad.
Dayl sa panggana nya, sya an magigin representante san Daraga sa provincial level san kompetisyon.
An Search for Pantawid Pamilya Exemplary Child, usad na aktibidad san Department of Social Welfare and Development (DSWD) na mawot tawan nin pagngilala dangan honra an mga 4Ps (Pantawid Pamilyang Pilipino Program) benefiaries na nagaserbing modelo sa saindang balay, eswkelan dangan komunidad. Mawot man sading engganyaron an mga akos na magin tagabusol san programa sa salud,edukasyon, dangan positibong pag-uugali, pigatawan nin duon an saindang tibay dangan aktibong partisipasyon bilang young leaders san komunidad.
Bukas an kompetisyon sa mga 10-14 years old na mga estudyanteng benepisyaryo san programa sa lug nin santawn dangan pasok sa mga kwalipikasyon na pig-set san programa lalo na an magayon na rekord san mga academic dangan co-curricular activities.
Mientrastanto, udi an kompletong listahan san mga nanggana:
Grand Winner (P7,000): Kimberly M. Lodor san Brgy. Tabon-Tabon, Grade 8 Student san Bascaran HS
1st Runner Up (P4,000): Rosh Christian N. Manuel san Brgy. Bongalon, Grade 8 student san Daraga NHS
2nd Runner Up (P3,000): Krismelhey Cassandra L. Nicol san Brgy. Burgos, Grade 9 student san Anislag NHS
Consolation Prizes:
Jillian L. Entera san Brgy. Kidaco, Grade 8 student san Kidaco Integrated School
Kresia Mae C. Baloro san Brgy. Gabawan, Grade 9 student san Daraga NHS
Kent Andre B. Camasis san Brgy. Malabog, Grade 6 pupil san Upper Malabog ES
�Best in Talent: Rosh Christian N. Manuel
Nagserbing mga hurado sinda Virgie Barrun, Nurse 2 san Municipal Health Office (MHO), Janet Buama, Principal 2 san Budiao Elementary School, former municipal councilor Amado Mier, Executive Assistant ni Acting Mayor Jungie Jaucian, Andre John Magdaong, representante san Sanggunian Kabataan (SK) Federation of Daraga, Reymon Lozada, Local Youth Development Officer (LYDO), dangan Meljie Matociños, pamayo san Municipal Agricultural Services Office (MASO), na nagpaabot man san saindang pagbati dangan mensahe sa mga participante dangan sa mga gurang.
Sa nagin mensahe ni Maricel Ordinario, Municipal Social Welfare and Development Officer (MSWDO) san Daraga, pinasalamatan nya an lokal na gobyerno sa pag-aprubar san aktibidad. Pinasalamatan man nya an mga katuwang san ahensya para sa matrayumpong implementasyon san programa partikular an Department of Education, Municipal Operations Office, Municipal Links, DSWD, mga gurang dangan an mga participante. Tinawan nyang duon an importanteng papel ninda para sa trayumpo san programa.
"This search [Pantawid Pamilya Exemplary Child], nagpapakita ito ng tangible outcome ng program sa mga kabataan," dagdag pa ni Ordinario.
An Search for Pantawid Pamilya Exemplary Child, pig-organisar san MOO Daraga sa pangenot ninda Cyril Cabredo, RSW Cluster 2-SWO III, Mary Joy Gregorio, CCVO-Cluster 2 focal dangan Marites Buena, LGU Link. Presente man an mga estudyante san Daraga Community College (DComC).
