Dasmariñas City Jail - Female Dormitory

07/08/2026

𝐏𝐀𝐆𝐒𝐀𝐒𝐀𝐆𝐀𝐖𝐀 𝐍𝐆 𝐈𝐍𝐒𝐏𝐄𝐊𝐒𝐈𝐘𝐎𝐍 𝐍𝐆 𝐑𝐀𝐍𝐆𝐆𝐎 𝐀𝐓 𝐏𝐀𝐆𝐁𝐈𝐁𝐈𝐆𝐀𝐘 𝐍𝐆 𝐈𝐌𝐏𝐎𝐑𝐌𝐀𝐒𝐘𝐎𝐍 𝐀𝐓 𝐄𝐃𝐔𝐊𝐀𝐒𝐘𝐎𝐍 𝐒𝐀 𝐌𝐆𝐀 𝐊𝐀𝐖𝐀𝐍𝐈 𝐒𝐀 𝐏𝐀𝐍𝐆𝐔𝐍𝐆𝐔𝐍𝐀 𝐍𝐈 𝐒𝐉𝐎𝟒 𝐑𝐎𝐆𝐄𝐋𝐈𝐎 𝐃𝐄𝐋𝐀 𝐂𝐑𝐔𝐙, 𝐑𝐄𝐒𝐉𝐎

Bilang bahagi ng patuloy na pagpapatupad ng mga pamantayan sa disiplina at propesyonalismo sa hanay ng mga kawani ng Bureau of Jail Management and Penology (BJMP), nagsagawa si SJO4 Rogelio Dela Cruz, Regional Executive Senior Jail Officer (RESJO) ng Rank Inspection at Personnel Information and Education (PI&E) sa mga kawani ng Dasmarinas City Jail.

Layunin ng isinagawang Rank Inspection na tiyakin ang wastong pagsusuot ng itinakdang uniporme, insignia, at ranggo ng bawat kawani, alinsunod sa umiiral na mga tuntunin, regulasyon, at pamantayan ng BJMP. Isinagawa rin ang Personnel Information and Education upang maipabatid ang mahahalagang impormasyon, mga paalala, at mga direktibang naglalayong higit pang mapaigting ang disiplina, kaayusan, at kahusayan sa pagganap ng tungkulin.

Kasabay nito, nagsagawa rin si SJO4 Dela Cruz ng pag-iinspeksiyon sa pangkalahatang kalagayan ng piitan at nakipagpulong sa mga kawani upang personal na alamin ang kasalukuyang sitwasyon ng yunit at nagbigay ng mga kaukulang gabay at paalala upang higit pang mapahusay ang kalidad ng serbisyo at mapanatili ang mataas na antas ng kahandaan ng bawat kawani.

Ang gawaing ito ay sumasalamin sa patuloy na adhikain ng BJMP na mapanatili ang isang organisasyong may mataas na pamantayan ng disiplina, integridad, at propesyonalismo, na nagsisilbing matibay na saligan sa paghahatid ng ligtas, maayos, at makataong serbisyo sa publiko.



#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏




BJMP Regional Office CALABARZON
PA Office Cavite Province

07/08/2026

𝐏𝐀𝐆𝐓𝐀𝐍𝐆𝐆𝐀𝐏 𝐀𝐓 𝐏𝐀𝐌𝐀𝐌𝐀𝐇𝐀𝐆𝐈 𝐍𝐆 𝐌𝐆𝐀 𝐑𝐄𝐇𝐀𝐁𝐈𝐋𝐈𝐓𝐀𝐓𝐈𝐎𝐍 𝐒𝐔𝐏𝐏𝐋𝐈𝐄𝐒 𝐏𝐀𝐑𝐀 𝐒𝐀 𝐌𝐆𝐀 𝐏𝐄𝐑𝐒𝐎𝐍𝐒 𝐃𝐄𝐏𝐑𝐈𝐕𝐄𝐃 𝐎𝐅 𝐋𝐈𝐁𝐄𝐑𝐓𝐘 (𝐏𝐃𝐋)

Bilang bahagi ng patuloy na pagpapatupad ng mga programang pangrehabilitasyon at pangangalaga sa kapakanan ng mga Persons Deprived of Liberty (PDL), isinagawa sa Dasmariñas City Jail – Female Dormitory ang buwanang pamamahagi ng Rehabilitation Supplies na ipinagkaloob ng 𝗕𝗝𝗠𝗣 𝗥𝗲𝗴𝗶𝗼𝗻𝗮𝗹 𝗢𝗳𝗳𝗶𝗰𝗲 𝗖𝗔𝗟𝗔𝗕𝗔𝗥𝗭𝗢𝗡.

Kabilang sa mga ipinamahaging kagamitan ang mga pangunahing pangangailangan sa personal na kalinisan tulad ng sabon sa paliligo, shampoo, toothpaste, deodorant, at iba pang hygiene supplies, gayundin ang mga school supplies na magsisilbing suporta sa patuloy na pag-aaral at pagpapaunlad ng kaalaman ng mga PDL.

Ang gawaing ito ay sumasalamin sa patuloy na pangako ng Bureau of Jail Management and Penology na pangalagaan ang kalusugan, kalinisan, at pangkalahatang kapakanan ng mga Persons Deprived of Liberty (PDL), kasabay ng pagsusulong ng mga programang nakatuon sa kanilang rehabilitasyon, pag-unlad, at paghahanda sa kanilang responsableng muling pagsasama sa lipunan.

Sa pangunguna ni JSUPT MARVI A DIAZ, City Jail Warden, nananatiling matatag ang Dasmariñas City Jail – Female Dormitory sa pagpapatupad ng mga programang nagbibigay ng pag-asa, pagkakataon, at makataong serbisyo para sa bawat PDL.



#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏




BJMP Regional Office CALABARZON
PA Office Cavite Province

07/08/2026

𝐏𝐀𝐆𝐏𝐀𝐏𝐀𝐓𝐔𝐏𝐀𝐃 𝐍𝐆 𝐀𝐑𝐀𝐖-𝐀𝐑𝐀𝐖 𝐍𝐀 𝐌𝐎𝐑𝐍𝐈𝐍𝐆 𝐙𝐔𝐌𝐁𝐀 𝐁𝐈𝐋𝐀𝐍𝐆 𝐁𝐀𝐇𝐀𝐆𝐈 𝐍𝐆 𝐏𝐑𝐎𝐆𝐑𝐀𝐌𝐀𝐍𝐆 𝐏𝐀𝐍𝐆𝐊𝐀𝐋𝐔𝐒𝐔𝐆𝐀𝐍 𝐀𝐓 𝐑𝐄𝐇𝐀𝐁𝐈𝐋𝐈𝐓𝐀𝐒𝐘𝐎𝐍 𝐍𝐆 𝐌𝐆𝐀 𝐏𝐄𝐑𝐒𝐎𝐍𝐒 𝐃𝐄𝐏𝐑𝐈𝐕𝐄𝐃 𝐎𝐅 𝐋𝐈𝐁𝐄𝐑𝐓𝐘 (𝐏𝐃𝐋)

Bilang bahagi ng patuloy na pagpapatupad ng mga programang pangkalusugan at rehabilitasyon, regular na isinasagawa sa Dasmariñas City Jail – Female Dormitory ang Morning Zumba ng mga Persons Deprived of Liberty (PDL). Ang gawaing ito ay naglalayong itaguyod ang kanilang pisikal na kalusugan, mental na kagalingan, at pangkalahatang kapakanan bilang mahalagang bahagi ng kanilang rehabilitasyon.

Sa pamamagitan ng sama-samang ehersisyo, napauunlad ang kanilang lakas at sigla, napapanatili ang maayos na kondisyon ng pangangatawan, nababawasan ang stress, at nahuhubog ang disiplina, at positibong pananaw sa buhay. Nagsisilbi rin itong makabuluhang paraan upang mahikayat ang aktibong pakikilahok ng mga PDL sa mga programang naglalayong ihanda sila sa kanilang produktibo at responsableng pagbabalik sa lipunan.

Sa pangunguna ni JSUPT MARVI A DIAZ, City Jail Warden, nananatiling nakatuon ang Dasmariñas City Jail – Female Dormitory sa pagpapatupad ng mga programang nagsusulong ng isang ligtas, maayos, at makataong kapaligiran na nagbibigay-daan sa holistic na pag-unlad at matagumpay na rehabilitasyon ng mga taong pinagkaitan ng kalayaan.



#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏




BJMP Regional Office CALABARZON
PA Office Cavite Province

07/08/2026

𝐏𝐀𝐆𝐒𝐀𝐒𝐀𝐆𝐀𝐖𝐀 𝐍𝐆 𝐎𝐍𝐒𝐈𝐓𝐄 𝐏𝐀𝐆-𝐈𝐁𝐈𝐆 𝐅𝐔𝐍𝐃 𝐈𝐍𝐅𝐎𝐑𝐌𝐀𝐓𝐈𝐎𝐍 𝐃𝐑𝐈𝐕𝐄 𝐏𝐀𝐑𝐀 𝐒𝐀 𝐌𝐆𝐀 𝐊𝐀𝐖𝐀𝐍𝐈 𝐍𝐆 𝐁𝐉𝐌𝐏 𝐒𝐀 𝐃𝐀𝐒𝐌𝐀𝐑𝐈Ñ𝐀𝐒 𝐂𝐈𝐓𝐘 𝐉𝐀𝐈𝐋 – 𝐅𝐄𝐌𝐀𝐋𝐄 𝐃𝐎𝐑𝐌𝐈𝐓𝐎𝐑𝐘

Sa pangunguna ni JSUPT MARVI A DIAZ, Tagapamahala ng Piitan ng Lungsod, matagumpay na isinagawa ang Onsite Pag-IBIG Fund Information Drive para sa mga Kawani ng BJMP sa Dasmariñas City Jail – Female Dormitory.

Layunin ng nasabing gawain na maipabatid at mapalawak ang kaalaman ng mga kawani hinggil sa iba’t ibang programa, serbisyo, at benepisyong iniaalok ng Pag-IBIG Fund, kabilang ang Modified Pag-IBIG II (MP2) Savings Program, Housing Loan Program, Loyalty Card Plus, at iba pang serbisyong nakalaan para sa mga miyembro nito.

Bilang bahagi ng aktibidad, isinagawa rin ang aktuwal na pagkuha ng kinakailangang impormasyon at pagproseso ng mga aplikasyon para sa Pag-IBIG Loyalty Card Plus, na naging kapaki-pakinabang sa kabuuang apatnapu’t lima (45) na kawani ng BJMP mula sa Male at Female Dormitory.

Sa pamamagitan ng nasabing inisyatiba, nabigyan ang mga kawani ng mas maginhawa at mabilis na paraan upang makapagpatala para sa Loyalty Card Plus nang hindi na kinakailangang magtungo pa sa tanggapan ng Pag-IBIG Fund.

Patuloy ang Dasmariñas City Jail – Female Dormitory sa pagsuporta sa mga programang naglalayong itaguyod ang kapakanan, seguridad, at kapakinabangan ng mga kawani ng BJMP sa pamamagitan ng pagbibigay ng impormasyon at pagkakaroon ng mas madaling access sa mahahalagang serbisyo.



#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏




BJMP Regional Office CALABARZON
PA Office Cavite Province

06/08/2026

Ang mga kawani ng Dasmariñas City Jail – Female Dormitory, sa pangunguna ni JSUPT MARVI A DIAZ, Punong Tagapamahala ng Piitang Panlungsod, ay buong pusong nagpapaabot ng mainit na pagbati ng Maligayang Kaarawan si JSUPT REYNO M DAMASO, Panrehiyong Punong Tagapamahala ng Direktoryo ng Kawanihan.

Nawa’y ang espesyal na araw na ito ay maghatid sa inyo ng masaganang biyaya, mabuting kalusugan, patuloy na tagumpay, at lakas sa patuloy ninyong pamumuno nang may katapatan, dedikasyon, at kahusayan.

Ang inyong walang sawang paglilingkod at malasakit sa kapwa ay nagsisilbing inspirasyon sa marami.

Maligayang Kaarawan po, JSUPT DAMASO!

𝐈𝐬𝐚𝐧𝐠 𝐏𝐚𝐠𝐩𝐮𝐩𝐮𝐠𝐚𝐲 𝐬𝐚 𝐈𝐬𝐚𝐧𝐠 𝐌𝐚𝐡𝐮𝐬𝐚𝐲 𝐧𝐚 𝐋𝐢𝐧𝐠𝐤𝐨𝐝-𝐁𝐚𝐲𝐚𝐧!

Malugod na binabati ng Kawanihan ng Pamamahala sa Piitan at Penolohiya CALABARZON, sa ilalim ng mahusay at makabuluhang pamumuno ni JCSUPT ISABELO V CARTIN JR., DSC, MBA, ng Maligayang Kaarawan si JSUPT REYNO M DAMASO, Panrehiyong Punong Tagapamahala ng Direktoryo ng Kawanihan.

Nawa’y patuloy kang pagkalooban ng Poong Maykapal ng mabuting kalusugan, karunungan, at lakas upang ipagpatuloy ang inyong tapat at mahusay na paglilingkod. Dalangin namin ang marami pang taon ng tagumpay, kapayapaan, at mga biyayang magsisilbing gabay sa inyong pamumuno at personal na buhay.

Maligayang Kaarawan po, Sir Damaso!

04/08/2026

𝐍𝐀𝐈𝐋 𝐂𝐀𝐑𝐄 𝐒𝐊𝐈𝐋𝐋𝐒 𝐓𝐑𝐀𝐈𝐍𝐈𝐍𝐆: 𝐏𝐀𝐆𝐋𝐈𝐍𝐀𝐍𝐆 𝐍𝐆 𝐊𝐀𝐒𝐀𝐍𝐀𝐘𝐀𝐍, 𝐏𝐀𝐆𝐁𝐈𝐁𝐈𝐆𝐀𝐘 𝐍𝐆 𝐏𝐀𝐆-𝐀𝐒𝐀 (𝐊𝐰𝐚𝐥𝐢𝐩𝐢𝐤𝐚𝐝𝐨 𝐩𝐚𝐫𝐚 𝐬𝐚 𝐓𝐀𝐒𝐓𝐌)

Bilang bahagi ng patuloy na pagpapatupad ng mga programang pangkabuhayan at rehabilitasyon, matagumpay na isinagawa ang Nail Care Skills Training para sa mga Persons Deprived of Liberty (PDLs) ng Dasmariñas City Jail – Female Dormitory sa pangunguna ng Dasmariñas City Training Center – Livelihood and Microenterprises Development Office sa pamamagitan ni Binibining Maricar Aragon.

Sa nasabing pagsasanay, nabigyan ang mga PDL ng mahahalagang kaalaman at praktikal na kasanayan sa nail care. Kabilang dito ang wastong paglilinis at paghahanda ng mga kuko, tamang paraan ng pagfa-file, maayos na paglalagay ng nail polish, at ang kahalagahan ng pagpapanatili ng mataas na pamantayan ng kalinisan at tamang paghawak ng mga kagamitan upang matiyak ang ligtas at de-kalidad na serbisyo.

Higit pa sa paglinang ng teknikal na kasanayan, layunin ng programang ito na ihanda ang mga PDL sa pagkakaroon ng mapagkakakitaang hanapbuhay at dagdagan ang kanilang kumpiyansa sa sarili bilang paghahanda sa kanilang muling pagbabalik at produktibong reintegrasyon sa komunidad.

Ang inisyatibong ito ay naaayon sa pagpapatupad ng Time Allowance for Study, Teaching and Mentoring (TASTM), isang mahalagang probisyon sa ilalim ng Republic Act No. 10592. Sa ilalim nito, ang mga persons deprived of Liberty (PDL) na aktibong nakikilahok sa mga gawaing pang-edukasyon, bokasyonal, o pagtuturo at paggabay (mentoring) ay maaaring pagkalooban ng karagdagang time allowance. Ang kanilang aktibong pakikilahok sa mga programang ito ay maaaring maging batayan sa pagbawas ng kanilang sentensiya sa pamamagitan ng Expanded Good Conduct Time Allowance (GCTA) Program.



#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏




BJMP Regional Office CALABARZON
PA Office Cavite Province

02/08/2026

02/08/2026

𝐀𝐍𝐓𝐈-𝐈𝐋𝐋𝐄𝐆𝐀𝐋 𝐃𝐑𝐔𝐆𝐒: 𝐊𝐀𝐀𝐋𝐀𝐌𝐀𝐍 𝐀𝐓 𝐏𝐀𝐆-𝐈𝐖𝐀𝐒 𝐏𝐀𝐑𝐀 𝐒𝐀 𝐋𝐈𝐆𝐓𝐀𝐒 𝐍𝐀 𝐊𝐈𝐍𝐀𝐁𝐔𝐊𝐀𝐒𝐀𝐍

𝗔𝗻𝗼 𝗮𝗻𝗴 𝗜𝗹𝗲𝗴𝗮𝗹 𝗻𝗮 𝗗𝗿𝗼𝗴𝗮?
Ang ilegal na droga ay mga ipinagbabawal na sangkap na may masamang epekto sa katawan, isipan, at pag-uugali ng tao. Ang paggamit nito ay maaaring magdulot ng pagkalulong (drug addiction), pagkasira ng kalusugan, at paglabag sa batas. Hindi lamang ang gumagamit ang naaapektuhan, kundi maging ang kanyang pamilya, kaibigan, at buong komunidad.

𝗠𝗴𝗮 𝗠𝗮𝘀𝗮𝗺𝗮𝗻𝗴 𝗘𝗽𝗲𝗸𝘁𝗼 𝗻𝗴 𝗜𝗹𝗲𝗴𝗮𝗹 𝗻𝗮 𝗗𝗿𝗼𝗴𝗮
Ang paggamit ng ilegal na droga ay may malubhang epekto sa iba't ibang aspeto ng buhay:

𝗦𝗮 𝗞𝗮𝗹𝘂𝘀𝘂𝗴𝗮𝗻
-Nagdudulot ng pinsala sa utak, puso, atay, baga, at iba pang mahahalagang bahagi ng katawan.
-Maaaring magdulot ng stroke, sakit sa puso, at iba pang malulubhang karamdaman.
-Pinahihina ang resistensya ng katawan at maaaring humantong sa maagang pagkamatay.

𝗦𝗮 𝗞𝗮𝗹𝘂𝘀𝘂𝗴𝗮𝗻𝗴 𝗣𝗮𝗻𝗴𝗸𝗮𝗶𝘀𝗶𝗽𝗮𝗻
-Nagiging sanhi ng depresyon, matinding pagkabalisa, paranoia, at hallucinations.
-Nasisira ang kakayahang mag-isip nang tama at gumawa ng wastong desisyon.
-Maaari itong humantong sa marahas o mapanganib na pag-uugali.

𝗦𝗮 𝗣𝗮𝗺𝗶𝗹𝘆𝗮 𝗮𝘁 𝗟𝗶𝗽𝘂𝗻𝗮𝗻
-Sumisira sa tiwala at pagkakaisa ng pamilya. Nagiging dahilan ng paglayo sa mga mahal sa buhay at pagkawala ng magandang samahan.
-Maaaring humantong sa pagnanakaw, pananakit, at iba pang krimen upang matustusan ang bisyo.
-Nakaaapekto sa kapayapaan at kaayusan ng komunidad.

𝗣𝗮𝗮𝗻𝗼 𝗠𝗮𝗶𝗶𝘄𝗮𝘀𝗮𝗻 𝗮𝗻𝗴 𝗜𝗹𝗲𝗴𝗮𝗹 𝗻𝗮 𝗗𝗿𝗼𝗴𝗮?
-Pumili ng mabubuting kaibigan at umiwas sa mga taong nagtutulak sa maling gawain.
-Matutong tumanggi sa anumang alok ng ilegal na droga.
-Makilahok sa mga positibong aktibidad tulad ng sports, edukasyon, at mga programang pangkomunidad.
-Makinig sa gabay ng mga magulang, g**o, at mga awtoridad.
-Palakasin ang pananampalataya, disiplina sa sarili, at pagpapahalaga sa sariling kinabukasan.
-Humingi ng tulong sa pamilya o mga propesyonal kung may kakilalang nahihirapan sa pagkalulong sa droga.

Ang kinabukasan ay nakasalalay sa mga desisyong ginagawa natin sa kasalukuyan. Ang pagtanggi sa ilegal na droga ay hindi lamang pagprotekta sa sarili, kundi pagpapakita rin ng pagmamahal sa pamilya at pananagutan sa lipunan. Maging huwaran sa komunidad at isulong ang isang lipunang ligtas, mapayapa, at malaya sa ilegal na droga.


#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏




BJMP Regional Office CALABARZON
PA Office Cavite Province

01/08/2026

𝐌𝐎𝐕𝐈𝐄 𝐓𝐇𝐄𝐑𝐀𝐏𝐘 𝐅𝐎𝐑 𝐏𝐄𝐑𝐒𝐎𝐍𝐒 𝐃𝐄𝐏𝐑𝐈𝐕𝐄𝐃 𝐎𝐅 𝐋𝐈𝐁𝐄𝐑𝐓𝐘

"Transformation begins when hearts are touched, minds are inspired, and hope is restored."

Every story has the power to inspire change. Guided by this belief, the 𝗗𝗮𝘀𝗺𝗮𝗿𝗶ñ𝗮𝘀 𝗖𝗶𝘁𝘆 𝗝𝗮𝗶𝗹 – 𝗙𝗲𝗺𝗮𝗹𝗲 𝗗𝗼𝗿𝗺𝗶𝘁𝗼𝗿𝘆 conducted a 𝗠𝗼𝘃𝗶𝗲 𝗧𝗵𝗲𝗿𝗮𝗽𝘆 𝗦𝗲𝘀𝘀𝗶𝗼𝗻 as part of its continuing commitment to the holistic rehabilitation and emotional well-being of Persons Deprived of Liberty (PDLs).

More than a simple film viewing, the activity provided a meaningful opportunity for the PDLs to reflect on life's challenges, rediscover the values of hope, resilience, forgiveness, and accountability, and draw inspiration from stories. Through guided reflection, participants shared insights and connected the movie's lessons to their own personal journeys toward positive change.

This initiative highlights the BJMP's unwavering dedication to creating a correctional environment that nurtures not only discipline but also emotional healing, character development, and personal transformation—empowering every PDL to prepare for a responsible, productive, and law-abiding life upon reintegration into society.


#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏




BJMP Regional Office CALABARZON
PA Office Cavite Province

31/07/2026

𝐒𝐊𝐈𝐋𝐋𝐒 𝐓𝐑𝐀𝐈𝐍𝐈𝐍𝐆 𝐎𝐍 𝐌𝐈𝐋𝐊𝐘 𝐂𝐇𝐄𝐄𝐒𝐄 𝐑𝐎𝐋𝐋𝐒 (𝐄𝐥𝐢𝐠𝐢𝐛𝐥𝐞 𝐟𝐨𝐫 𝐓𝐀𝐒𝐓𝐌 𝐂𝐫𝐞𝐝𝐢𝐭𝐬)

In line with its continuing commitment to rehabilitation and successful reintegration, the 𝗗𝗮𝘀𝗺𝗮𝗿𝗶ñ𝗮𝘀 𝗖𝗶𝘁𝘆 𝗝𝗮𝗶𝗹 – 𝗙𝗲𝗺𝗮𝗹𝗲 𝗗𝗼𝗿𝗺𝗶𝘁𝗼𝗿𝘆, under the leadership of 𝗝𝗦𝗨𝗣𝗧 𝗠𝗔𝗥𝗩𝗜 𝗔 𝗗𝗜𝗔𝗭, City Jail Warden, successfully conducted a 𝗦𝗸𝗶𝗹𝗹𝘀 𝗧𝗿𝗮𝗶𝗻𝗶𝗻𝗴 𝗼𝗻 𝗠𝗶𝗹𝗸𝘆 𝗖𝗵𝗲𝗲𝘀𝗲 𝗥𝗼𝗹𝗹𝘀 for female Persons Deprived of Liberty (PDLs).

The activity provided participants with practical knowledge and hands-on experience in preparing Milky Cheese Rolls, equipping them with marketable livelihood skills that may serve as a sustainable source of income upon their reintegration into community. Beyond developing technical competencies, the training fostered creativity, self-confidence, discipline, perseverance, and an entrepreneurial mindset—qualities essential for personal transformation and productive reintegration into society.

As part of the Bureau of Jail Management and Penology's holistic rehabilitation efforts, livelihood skills training continues to play a vital role in empowering PDLs to become self-reliant and responsible individuals. By providing meaningful learning opportunities that enhance employability and promote personal growth, the BJMP reaffirms its commitment to preparing PDLs for a successful transition back into their families and communities as productive and law-abiding citizens.

This initiative is aligned with the implementation of 𝗧𝗶𝗺𝗲 𝗔𝗹𝗹𝗼𝘄𝗮𝗻𝗰𝗲 𝗳𝗼𝗿 𝗦𝘁𝘂𝗱𝘆, 𝗧𝗲𝗮𝗰𝗵𝗶𝗻𝗴 𝗮𝗻𝗱 𝗠𝗲𝗻𝘁𝗼𝗿𝗶𝗻𝗴 (𝗧𝗔𝗦𝗧𝗠), an important provision under Republic Act No. 10592, which grants additional time allowance to PDLs who actively participate in educational, vocational, or mentoring activities. These activities qualify for sentence reduction under the 𝗘𝘅𝗽𝗮𝗻𝗱𝗲𝗱 𝗚𝗼𝗼𝗱 𝗖𝗼𝗻𝗱𝘂𝗰𝘁 𝗧𝗶𝗺𝗲 𝗔𝗹𝗹𝗼𝘄𝗮𝗻𝗰𝗲 (𝗚𝗖𝗧𝗔) program.


#𝑪𝒉𝒂𝒏𝒈𝒊𝒏𝒈𝑳𝒊𝒗𝒆𝒔𝑩𝒖𝒊𝒍𝒅𝒊𝒏𝒈𝑨𝑺𝒂𝒇𝒆𝒓𝑵𝒂𝒕𝒊𝒐𝒏




BJMP Regional Office CALABARZON
PA Office Cavite Province