01/06/2026
๐ง UPDATE: NWRB Preliminary Conference on the San Marino Water Crisis
Maraming salamat po sa lahat ng residents ng San Marino City at San Marino Classic na dumalo at nagbigay ng kanilang mga reklamo at concerns.
Ang pagpupulong ay dinaluhan ng mga ordinaryong residente ng SMC at Classic, mga kinatawan ng NWRB, Engr. Dumo ng PrimeWater, at kinatawan ng Barangay.
Sa fairness naman po, halos lahat ng concerns ay napag-usapanโmula sa maliliit hanggang sa malalaking isyu, kabilang na ang problema sa billing.
๐ BILLING CONCERNS
Ang mga concern tungkol sa billing ay hindi pa nabigyan ng pinal na sagot dahil kailangan pa itong talakayin ni Engr. Dumo sa kanilang Billing and Collections Department Head. Nakabinbin pa ang kanilang opisyal na paliwanag at aksyon tungkol dito.
๐ MGA PALIWANAG (Reason/Explanation)
Ayon sa PrimeWater, nagkaroon ng mga pagkaantala dahil sa naganap na transition ng ownership mula sa Villar Group patungo sa bagong may-ari na si Mr. Lucio Co.
๐ MGA NAKAPLANONG AKSYON (Action Plans)
โข Rehabilitasyon ng iba pang water tanks, katulad ng ginawa sa South 2 Tank.
โข Pag-drill ng mga bagong balon (wells) upang madagdagan ang suplay ng tubig.
โข Patuloy na paggamit ng "Ponla" o libreng water delivery bilang alternatibong solusyon (subject for approval).
๐ TIMELINE
Target ng PrimeWater na maisakatuparan ang mga hakbang na ito sa loob ng susunod na anim (6) na buwan.
โ
GOOD SIDE
Sa ilalim ng bagong may-ari ng PrimeWater, ipinahayag nila ang kagustuhang maresolba ang mga problema sa tubig sa lalong madaling panahon. Nagsimula na rin umano ang ilang improvements sa San Marino South. Ayon kay Engr. Dumo, mas mabilis na raw ngayon ang proseso ng pag-apruba ng mga proyekto at kinakailangang interventions.
โ ๏ธ MGA NAIIWANG TANONG AT CONCERNS
Personal kong naitanong kung "Kaya pa ba ng PrimeWater?" ngunit sa kasamaang-palad ay hindi ito direktang nasagot.
Bukod dito:
โข Patuloy pa rin tayong inoobligang bayaran ang minimum bill.
โข Gayunpaman, tiniyak nila na walang magaganap na disconnection.
โข Wala pa ring konkretong sagot kung magkakaroon ba ng maayos at nakatakdang schedule ng water supply para sa South 1 at South 2.
โข Nakababahala rin na may mga ulat na kahit katatapos lamang ng rehabilitasyon sa South 2 Tank, muli na namang nawalan ng tubig ang ilang residente.
Hindi pa po ito ang katapusan.
Maraming salamat sa lahat ng nagpadala ng kanilang complaints, ebidensya, at saloobin. Ang mga boses ninyo ang naging dahilan upang makarating ang ating hinaing sa tamang ahensya.
Patuloy po tayong magiging mapagmatyag at hindi titigil sa paghingi ng pananagutan at konkretong solusyon hanggang sa tuluyang maresolba ang problema sa tubig sa ating komunidad.
Original post from SMC Group: Krista Mores Espiritu
