05/06/2026
๐ฃ๐ฅ๐ข ๐ซ๐ ๐๐๐๐ง๐จ๐ฅ๐ | PhilHealth Region XI, Gidala ang โYAKAP para sa Eskwelaโ sa Tibuok Davao Region; muabot 1,800 ka Residente Nakabenepisyo
DAVAO REGION โ Hunyo 5, 2026 โ Gipalapdan sa PhilHealth Region XI ang pag-abot sa serbisyong panglawas pinaagi sa inisyatibong "YAKAP para sa Eskwela." Kini nga programa gitumong sa pagdala sa PhilHealth direkta sa mga tunghaan ug komunidad aron masiguro nga ang matag pamilyang Davaoeรฑo adunay proteksyon sa panglawas.
Atol sa gipahigayon nga sunod-sunod nga outreach caravans gikan Hunyo 1 hangtod 5, malampusong naka-serbisyo ang PhilHealth sa 1,817 ka mga residente ug nakatala og 1,494 ka bag-ong miyembro sa YAKAP (Yaman ng Kalusugan Program).
Ang inisyatibong "YAKAP para sa Eskwela" usa ka estratehikong pamaagi diin ang mga Local Health Insurance Offices (LHIO) nag-set up og mga service desk sa mga pampublikong tulunghaan. Pinaagi niini, mas sayon alang sa mga ginikanan ug mga sakop sa komunidad ang pag-rehistro, pag-update sa ilang records, ug pagpangutana bahin sa ilang mga benepisyo samtang naghatod o nagkuha sa ilang mga anak sa eskwelahan.
Ang pagbahin ug datos sa maong aktibidad mao ang mosunod:
Davao City (LHIO Davao): Nag-deploy sa Wireless ES, Tugbok ES, Don Manuel Gutierrez Sr. ES, Don Julian Rodriguez ES, ug Maa Central ES. Naka-serbisyo og 1,359 ka tawo ug nakakuha og 871 ka YAKAP registration niadtong Hunyo 3-4.
Digos City (LHIO Digos): Naka-enroll og 165 ka bag-ong miyembro sa Don Mariano ES ug Ramon Magsaysay ES niadtong Hunyo 3-4.
Mati City (LHIO Mati): Pinaagi sa "settings-based registration" sa Mati National Comprehensive High School (Hunyo 1-5), nakatala ang team og 458 ka YAKAP registration gikan sa 283 ka indibidwal nga gi-serbisyohan.
"Ang 'YAKAP para sa Eskwela' nagpamatuod nga ang PhilHealth padayon nga nagapaduol sa katawhan," matod pa sa pamunuan sa PhilHealth Region XI. "Pinaagi sa pag-adto sa mga eskwelahan, giwagtang nato ang kalisod sa pagbiyahe paingon sa opisina, ug gisiguro nato nga ang matag pamilyang Pilipino โ ilabi na ang mga nanginahanglan โ dunay seguradong proteksyon sa panglawas nga magamit sa panahon sa panginahanglan."
Ang PhilHealth Region XI nagpasalamat sa tanang tunghaan ug lokal nga kagamhanan nga nahimong katuwang niini nga kalampusan. Gilauman ang pagpadayon sa maong mga caravan sa umaabot nga mga semana aron masiguro nga "Walay Davaoeรฑo nga pasagdan" sa pagkab-ot sa Universal Health Care.
Photo by: LHIOs (Davao, Digos, and Mati)
Text by: Public Affairs Unit
Website: www.philhealth.gov.ph
Email: [email protected]
Facebook: philhealthregion11
