League of Filipino Students- UP Mindanao

26/07/2026

𝙄𝙨𝙖𝙣𝙜 𝙇𝙞𝙝𝙖𝙢 𝙣𝙜 𝙋𝙖𝙣𝙞𝙣𝙞𝙣𝙙𝙞𝙜𝙖𝙣 𝙥𝙖𝙧𝙖 𝙨𝙖 𝙢𝙜𝙖 𝙈𝙖𝙜𝙨𝙖𝙨𝙖𝙠𝙖 𝙖𝙩 𝙈𝙖𝙢𝙖𝙢𝙖𝙮𝙖𝙣 𝙣𝙜 𝙉𝙚𝙬 𝘾𝙡𝙖𝙧𝙠 𝘾𝙞𝙩𝙮, 𝙏𝙖𝙧𝙡𝙖𝙘

𝗞𝗮𝗶𝘀𝗮 𝗻𝗶𝗻𝘆𝗼 𝗮𝗻𝗴 𝗟𝗶𝗴𝗮 sa paninindigan para sa tunay na pambansang soberanya at sa pagtatanggol sa karapatan ng mga magsasaka at mamamayan.

Sama-sama nating pakinggan, suriin, at usisain ang State of the Nation Address ng Pangulong Marcos bukas, Hulyo 27 at maging mapanuri sa bawat pahayag at itanong: 𝙏𝙪𝙣𝙖𝙮 𝙗𝙖𝙣𝙜 𝙣𝙖𝙜𝙨𝙞𝙨𝙞𝙡𝙗𝙞 𝙖𝙣𝙜 𝙠𝙖𝙨𝙖𝙡𝙪𝙠𝙪𝙮𝙖𝙣𝙜 𝙧𝙚𝙝𝙞𝙢𝙚𝙣 𝙨𝙖 𝙨𝙖𝙢𝙗𝙖𝙮𝙖𝙣𝙖𝙣𝙜 𝙋𝙞𝙡𝙞𝙥𝙞𝙣𝙤, 𝙤 𝙝𝙞𝙜𝙞𝙩 𝙣𝙞𝙩𝙤𝙣𝙜 𝙞𝙣𝙪𝙪𝙣𝙖 𝙖𝙣𝙜 𝙞𝙣𝙩𝙚𝙧𝙚𝙨 𝙣𝙜 𝙢𝙜𝙖 𝙙𝙖𝙮𝙪𝙝𝙖𝙣𝙜 𝙠𝙖𝙥𝙖𝙣𝙜𝙮𝙖𝙧𝙞𝙝𝙖𝙣?

Dahil ang laban para sa tunay na kalayaan at soberanya ay hindi laban ng iilan lamang. Ito ay laban ng natin, bilang buong sambayanan.

𝙉𝙖𝙜𝙢𝙖𝙢𝙖𝙝𝙖𝙡 𝙖𝙩 𝙈𝙖𝙣𝙜𝙖𝙝𝙖𝙨 𝙣𝙖 𝙉𝙖𝙠𝙞𝙠𝙞𝙗𝙖𝙠𝙖,
𝙇𝙚𝙖𝙜𝙪𝙚 𝙤𝙛 𝙁𝙞𝙡𝙞𝙥𝙞𝙣𝙤 𝙎𝙩𝙪𝙙𝙚𝙣𝙩𝙨-𝙐𝙋 𝙈𝙞𝙣𝙙𝙖𝙣𝙖𝙤

22/07/2026

30/06/2026

Does Pride really end on a random Tuesday? Kasi ang militansya sa pakikibaka ng mga bakla, hindi natatapos kasabay ng Hunyo. ✊🏳️‍🌈

Makinig sa chikahan, mga mare! Ano nga ba ang gay imperialism, at ano ang epekto nito sa patuloy na paglaban ng sangkabaklaan para sa kanilang karapatan? Mag-untuck tayo ng sabay-sabay kasama si Crimson!💋

Buong taon ang Pride, kasabay ng hindi tumitigil na pakikibaka ng malawak na hanay ng masa para sa kalayaan mula sa opresyon at represyon. Bakla, ang lugar mo ay sa pakikibaka!✊🔻

19/06/2026

𝙎𝙖 𝙥𝙖𝙣𝙖𝙝𝙤𝙣𝙜 𝙖𝙣𝙜 𝙗𝙤𝙨𝙚𝙨 𝙣𝙜 𝙚𝙨𝙩𝙪𝙙𝙮𝙖𝙣𝙩𝙚 𝙖𝙮 𝙥𝙞𝙡𝙞𝙩 𝙥𝙞𝙣𝙖𝙩𝙖𝙩𝙖𝙝𝙞𝙢𝙞𝙠, 𝙠𝙖𝙞𝙡𝙖𝙣𝙜𝙖𝙣 𝙣𝙖𝙩𝙞𝙣 𝙣𝙜 𝙡𝙞𝙙𝙚𝙧 𝙣𝙖 𝙝𝙞𝙣𝙙𝙞 𝙮𝙪𝙢𝙪𝙮𝙪𝙠𝙤 𝙨𝙖 𝙠𝙖𝙥𝙖𝙣𝙜𝙮𝙖𝙧𝙞𝙝𝙖𝙣—𝙠𝙪𝙣𝙙𝙞 𝙩𝙪𝙢𝙞𝙩𝙞𝙣𝙙𝙞𝙜 𝙠𝙖𝙨𝙖𝙢𝙖 𝙣𝙜 𝙢𝙖𝙨𝙖.
𝗛𝗲𝗿𝗼𝗶𝗻𝗲 𝗽𝗮𝗿𝗮 𝘀𝗮 43𝗿𝗱 𝗦𝘁𝘂𝗱𝗲𝗻𝘁 𝗥𝗲𝗴𝗲𝗻𝘁!

Sa gitna ng lumalalang krisis na patuloy na dinaranas ng mamamayang Pilipino, hindi kailanman hiwalay ang laban ng mga estudyante sa laban ng bayan. Habang pinipiga ng bulok na sistema ang kabataan sa pamamagitan ng kakulangan sa suporta, patuloy na pagtaas ng gastusin, at pagsikil sa mga karapatan, nananatiling hamon ang pang-araw-araw na pamumuhay ng isang Iskolar ng Bayan.

Hindi malaya ang isang bansang patuloy na ginagapos ng interes ng iilan. Makikita ito sa bawat sektor na pinagkakaitan ng tunay na serbisyo, sa ekonomiyang nagsisilbi sa makapangyarihan, at sa pamahalaang inuuna ang kontrol kaysa kapakanan ng mamamayan. Sa loob mismo ng pamantasan, ramdam ang represyon--mula sa presensya ng militar sa akademikong espasyo, panggigipit sa mga kritikal na boses, hanggang sa patuloy na banta ng red-tagging laban sa mga nagsusulong ng karapatan at katotohanan.

Sa ganitong panahon, kailangan natin ng Student Regent na hindi uurong sa harap ng panunupil. Kailangan natin ng lider na hindi lamang kumakatawan sa pangalan, kung hindi tunay na magiging boses ng sangka-estudyantehan. Kailangan natin ng isang mapangahas na lider.

Kaya buong pusong sinusuportahan ng Liga si 𝙃𝙚𝙧𝙤𝙞𝙣𝙚 𝙁𝙚𝙧𝙣𝙖𝙣𝙙𝙚𝙯—isang lider-estudyante, komunikador, artista, at anti-imperyalista. Isang kasama na hindi natutong manahimik sa harap ng inhustisya, bagkus ay patuloy na kumikilos upang hamunin ang mga istrukturang matagal nang alipin at tuta na siya ring nagpapahirap sa estudyante at sa masa.

Sa kaniyang paninindigan bilang bahagi ng 𝙇𝙚𝙖𝙜𝙪𝙚 𝙤𝙛 𝙁𝙞𝙡𝙞𝙥𝙞𝙣𝙤 𝙎𝙩𝙪𝙙𝙚𝙣𝙩𝙨 - 𝙐𝙋 𝙈𝙞𝙣𝙙𝙖𝙣𝙖𝙤, ipinakita ni Heroine ang pamumunong nakaugat sa kolektibong pagkilos. Sa ilalim ng kaniyang mga inisyatiba at pakikibaka, naiangat ang mga usapin ng sangka-estudyantehan—mula sa panawagan laban sa militarisasyon sa pamantasan hanggang sa pagsusulong ng akademikong kalayaan at karapatan ng mga Iskolar ng Bayan.

Maalala ring sa kaniyang termino bilang bahagi ng 𝙐𝙣𝙞𝙫𝙚𝙧𝙨𝙞𝙩𝙮 𝙎𝙩𝙪𝙙𝙚𝙣𝙩 𝘾𝙤𝙪𝙣𝙘𝙞𝙡, naiangat sa House of Representatives ang usapin hinggil sa presensya ng 11th RCDG sa loob ng pamantasan—isang patunay ng kaniyang kakayahang dalhin ang panawagan ng mga estudyante sa mas malawak na espasyo.

Ngunit ang kaniyang paglilingkod ay hindi nagtapos sa isang posisyon o termino. Nananatili siyang kasama ng mga estudyante at ng sambayanan. Dahil para kay Heroine, ang liderato ay pananagutan. Patuloy pa rin siyang nakikita sa mga talakayan, nakikibahagi sa kapwa estudyante, at nakikinig sa hinaing ng masa.

Sa pagpili ng susunod na Student Regent, piliin natin ang lider na may tapang humarap sa mga hamon, may paninindigang labanan ang represyon, at may pusong hindi nakakalimot kung sino ang tunay na pinaglilingkuran.

𝘿𝙞𝙩𝙤 𝙩𝙖𝙮𝙤 𝙨𝙖 𝙥𝙪𝙨𝙤𝙣𝙜 𝙢𝙖𝙡𝙖𝙥𝙞𝙩 𝙨𝙖 𝙠𝙖𝙥𝙬𝙖 𝙚𝙨𝙩𝙪𝙙𝙮𝙖𝙣𝙩𝙚 𝙖𝙩 𝙨𝙖 𝙢𝙖𝙨𝙖.
𝙎𝙖 𝙩𝙖𝙤𝙣𝙜 𝙝𝙞𝙣𝙙𝙞 𝙩𝙖𝙠𝙤𝙩 𝙣𝙖 𝙢𝙖𝙜-𝙖𝙧𝙖𝙡, 𝙢𝙖𝙜𝙡𝙞𝙣𝙜𝙠𝙤𝙙, 𝙖𝙩 𝙢𝙖𝙣𝙜𝙖𝙝𝙖𝙨 𝙣𝙖 𝙢𝙖𝙠𝙞𝙗𝙖𝙠𝙖.

𝙋𝙖𝙧𝙖 𝙨𝙖 𝙞𝙨𝙖𝙣𝙜 𝙎𝙩𝙪𝙙𝙚𝙣𝙩 𝙍𝙚𝙜𝙚𝙣𝙩 𝙣𝙖 𝙞𝙣𝙪𝙪𝙣𝙖 𝙖𝙣𝙜 𝙚𝙨𝙩𝙪𝙙𝙮𝙖𝙣𝙩𝙚, 𝙞𝙥𝙞𝙣𝙖𝙜𝙡𝙖𝙡𝙖𝙗𝙖𝙣 𝙖𝙣𝙜 𝙢𝙖𝙨𝙖, 𝙖𝙩 𝙩𝙪𝙢𝙞𝙩𝙞𝙣𝙙𝙞𝙜 𝙡𝙖𝙗𝙖𝙣 𝙨𝙖 𝙣𝙖𝙠𝙖𝙨𝙪𝙨𝙪𝙠𝙡𝙖𝙢 𝙣𝙖 𝙞𝙢𝙥𝙚𝙧𝙮𝙖𝙡𝙞𝙨𝙢𝙤—𝙠𝙖𝙮 𝙃𝙚𝙧𝙤𝙞𝙣𝙚 𝙩𝙖𝙮𝙤!

!

14/06/2026

SHUT THE PAX DOWN: STOP THE US WAR MACHINE! REJECT PAX SILICA!

Sa likod ng lumalala at hindi maayos-ayos na krisis pang-ekonomiya na dala ng Oil Price Hike buhat ng giyera ng Israel at US laban sa Iran, ay nakuha pa tayong ipagpalit ng administrasyong Marcos sa mga imperyalistang bansa sa pamamagitan ng pagsali sa PAX SILICA.

Ang pagka-ugnay ng Pilipinas sa koalisyong ito ay isang direktang pagpayag sa mga imperyalistang bansa para kamkamin ang ating mga likas na yaman upang gamitin sa mga teknolohiyang magpapalaganap ng mga digmaan.

Ating alalahanin na hindi lubusang malaya ang Pilipinas kung ang ating soberanya ay nananatiling nasa kamay pa rin ng imperyalistang kapangyarihan ng US. Tuklasin at pag-aralan nang maigi ang PAX SILICA at alamin kung bakit ito’y isang anyo ng imperialist intervention sa bansa tulad na lamang ng EDCA sites at Balikatan Exercises.

OPPOSE ALL FORMS OF IMPERIALIST INTERVENTION!
STOP THE US WAR MACHINE! REJECT PAX SILICA!

12/06/2026

Are we really living under an illusion of independence, caught in an unfinished struggle for genuine sovereignty?

If so, then perhaps June 12, "Independence Day," is not meant to be celebrated uncritically, but questioned.

As long as foreign powers can shape our economy, politics, and security, freedom remains a question rather than an answer.

Photos from: The Varsitarian and Altermidya

12/06/2026

Matagumpay na nagsagawa ng kilos protesta ngayong araw ng kalayaan ang Bagong Alyansang Makabayan-SMR kasama ang League of Filipino Students-UP Mindanao at iba pang mga progresibong organisasyon upang manawagan para sa pakikiisa, sariling pagpapasya, at pagpapatupad ng independent foreign policy sa gitna ng lubos na pagkapailalim ng administrasyong Marcos sa mga interes ng United States (US) sa pamamagitan ng pagpataw ng mga makasarili at di-pantay na patakaran.

Bukod dito, binigyang-diin ng grupo ang matagal nang panawagan para sa pananagutan at katarungan laban sa hindi nalulutas na korapsyon sa burukrasya at mga paglabag sa karapatang pantao sa ilalim ng kasalukuyang rehimen.

IPAGLABAN ANG TUNAY NA KALAYAAN!
IMPERYALISMO IBAGSAK!
US-IMPERIALIST, NUMBER 1 TERRORIST!

06/06/2026

KONDENAHIN ANG PLANONG PAGTATAYO NG US OIL DEPOT SA DAVAO CITY!

Matapos ang forum na Occupation and Resistance: A Forum on US Wars of Aggression, mariing tinututulan ng LFS UP Mindanao ang planong pagtatayo ng US oil depot sa Davao City.

Ang planong ito ay banta sa pambansang soberanya at lalong nagpapalalim sa militarisasyon ng ating mga komunidad. Sa halip na tunay na kapayapaan at seguridad, inilalagay nito ang Davao, mga kalapkip nitong rehisyon, at ang buong bansa sa mas malaking panganib na madamay sa mga digmaan at tunggaliang pinangungunahan ng mga dayuhang kapangyarihan.

06/06/2026

NO TO US-ISRAEL WAR OF AGGRESSION!

Ngayong Hunyo 6, 2026, idinaos ang forum na “OCCUPATION AND RESISTANCE: A Forum on US Wars of Aggression” sa pangunguna ng BAYAN, Karapatan-SMR, at Sabokahan (Unity of Lumad Women).

Naging mahalagang espasyo ang forum para talakayin ang mga epekto ng digmaan, dayuhang militarisasyon, at mga kaugnay na polisiya sa pambansang soberanya, kapaligiran, kabuhayan, at karapatang pantao. Binigyang-diin din nito ang kahalagahan ng pagpapalakas ng pagkakaisa at kolektibong pagkilos ng iba't ibang sektor sa pagsusulong ng makatarungang kapayapaan at pagtatanggol sa karapatan ng mamamayan.

Nagsilbing resource speaker si Ms. Amirah Lidasan ng KATRIBU, kasama ang mga panel reactors na sina Dr. Rey Cuizon, Mags Maglana, XL Fuentes, at Fr. Alvin Sion.

Isa sa mga mahahalagang usaping tinalakay sa forum ang "Pax Silica", isang initiative na inilunsad noong Disyembre 2025 na naglalayong pag-ugnayin ang mga “trusted” global supply chains para sa artificial intelligence, semiconductors, at critical minerals sa hanay ng mga kaalyadong bansa

Sa harap ng tumitinding agresyon, militarisasyon, at panghihimasok ng mga imperyalistang bansa, mahalagang patuloy na magmulat, mag-organisa, at makiisa sa pakikibaka para sa tunay na kolektibong kapayapaan at katarungan.