Land Transportation Office Region XI

15/08/2026

𝐋𝐓𝐎 𝐂𝐇𝐈𝐄𝐅, 𝐀𝐆𝐀𝐃 𝐈𝐏𝐈𝐍𝐀𝐆-𝐔𝐓𝐎𝐒 𝐀𝐍𝐆 𝐏𝐀𝐆𝐒𝐈𝐒𝐈𝐁𝐀𝐊 𝐀𝐓 𝐏𝐀𝐆𝐒𝐀𝐒𝐀𝐌𝐏𝐀 𝐍𝐆 𝐊𝐀𝐒𝐎 𝐋𝐀𝐁𝐀𝐍 𝐒𝐀 𝐈𝐓𝐈𝐍𝐀𝐋𝐀𝐆𝐀𝐍𝐆 𝐃𝐑𝐀𝐘𝐁𝐄𝐑 𝐍𝐆 𝐋𝐓𝐎 𝐏𝐀𝐓𝐑𝐎𝐋 𝐕𝐄𝐇𝐈𝐂𝐋𝐄 𝐍𝐀 𝐒𝐀𝐍𝐆𝐊𝐎𝐓 𝐒𝐀 𝐂𝐎𝐔𝐍𝐓𝐄𝐑𝐅𝐋𝐎𝐖 𝐀𝐓 𝐓𝐑𝐀𝐅𝐅𝐈𝐂 𝐎𝐁𝐒𝐓𝐑𝐔𝐂𝐓𝐈𝐎𝐍 𝐒𝐀 𝐒𝐀𝐍𝐓𝐈𝐀𝐆𝐎 𝐂𝐈𝐓𝐘

Naglabas ang Land Transportation Office (LTO), sa ilalim ng pamumuno ni Assistant Secretary Markus V. Lacanilao, ng Show Cause Order at kautusan para sa pagsibak at pagsasampa ng kaukulang kaso laban sa isang itinalagang drayber ng ahensya matapos kumalat sa social media ang video na nagpapakita ng paglabag nito sa batas-trapiko habang nagmamaneho ng sasakyan ng LTO sa Santiago City, Isabela.

Batay sa paunang pagsusuri sa viral video, makikitang ang naturang sasakyan ay pumasok sa maling direksyon ng kalsada, na nagresulta sa counterflow at nakaabala sa daloy ng trapiko sa labas ng XentroMall sa Santiago City, Isabela noong Agosto 12, 2026.

Agad na ipinag-utos ni Asec. Lacanilao ang imbestigasyon upang matukoy ang pagkakalinalan ng itinalagang drayber ng sasakyan na pagmamay-ari ng ahensya.

Nang matukoy ang pagkakakilanlan ng drayber, naglabas ang ahensya ng SCO at inatasan itong humarap sa tanggapan ng Intelligence and Investigation Division (IID) at magsumite ng kanyang paliwanag, kasama ang mga kinakailangang dokumento, upang ipaliwanag ang paglabag sa Obstruction of Traffic sa ilalim at Disregarding Traffic.

Sinisiyasat din ng LTO kung may sapat na batayan upang siya ay mapanagot dahil sa pagiging Improper Person to Operate a Motor Vehicle pati na rin sa iba pang posibleng pananagutan na matutukoy sa imbestigasyon.

Bilang bahagi ng umuugong na imbestigasyon, isinailalim sa 90-araw na preventive suspension ang lisensya ng itinalagang drayber. Inatasan ding isuko ang kanyang lisensya sa IID para mailagay sa alarm status habang nagpapatuloy ang kaso.

“Pinasisibak ko ang nasabing drayber at inihahanda na ang pagsasampa ng kaukulang kaso laban sa kanya. Walang sinuman ang higit sa batas, kabilang ang ating mga sariling tauhan”, ani Chief Lacanilao.

Tinitiyak ng ahensya na pantay para sa lahat ang pagpapatupad ng batas-trapiko at hindi nito kukunsintihin ang anumang paglabag, lalo na mula sa sarili nitong mga tauhan.



https://www.facebook.com/share/v/1BTvB8CAx9/

14/08/2026

𝐋𝐓𝐎 𝐂𝐇𝐈𝐄𝐅, 𝐈𝐏𝐈𝐍𝐀𝐆-𝐔𝐓𝐎𝐒 𝐀𝐍𝐆 𝐀𝐆𝐀𝐑𝐀𝐍𝐆 𝐏𝐀𝐆𝐒𝐈𝐁𝐀𝐊 𝐀𝐓 𝐏𝐀𝐆𝐒𝐀𝐌𝐏𝐀 𝐍𝐆 𝐊𝐀𝐒𝐎 𝐒𝐀 𝐄𝐌𝐏𝐋𝐄𝐘𝐀𝐃𝐎𝐍𝐆 𝐍𝐀𝐒𝐀𝐍𝐆𝐊𝐎𝐓 𝐒𝐀 𝐏𝐀𝐆𝐁𝐔𝐍𝐃𝐎𝐋 𝐒𝐀 𝐈𝐒𝐀𝐍𝐆 𝐒𝐈𝐊𝐋𝐈𝐒𝐓𝐀 𝐒𝐀 𝐌𝐀𝐍𝐃𝐀𝐔𝐄, 𝐂𝐄𝐁𝐔

Bilang bahagi ng kampanya ni Land Transportation Office (LTO) Chief, Assistant Secretary Markus V. Lacanilao, laban sa anumang uri ng iregularidad at paglabag na kinasasangkutan ng mga tauhan ng ahensya, ipinag-utos ang agarang pagsibak at paghahain ng Show Cause Order (SCO) laban sa isang deputized agent matapos masangkot sa insidente sa Mandaue City, Cebu noong Agosto 12, 2026, na kinasangkutan ng isang siklista.

Batay sa paunang impormasyon, nasagi ng sasakyan ng ahensya ang biktima habang nakasakay ito sa bisikleta. Naganap ang insidente habang pabalik sa tanggapan ang deputized agent matapos magsagawa ng roadside inspection sa lugar.

Agad namang ipinag-utos ni Asec. Lacanilao sa LTO Region VII ang pagsasagawa ng masusing imbestigasyon upang matukoy ang buong pangyayari, kabilang ang eksaktong pagkakasunod-sunod ng mga kaganapan at kung may naganap na kapabayaan, reckless driving, o iba pang paglabag sa umiiral na batas at mga patakaran.

Bilang bahagi ng imbestigasyon, sinuri ang CCTV footage sa lugar. Lumalabas sa paunang pagsusuri na dalawang bisikleta muna ang nagkaroon ng banggaan bago napunta o naitulak ang biktima sa daraanan ng paparating na sasakyan. Patuloy ang pagsusuri sa footage upang matukoy ang eksaktong posisyon at galaw ng mga sangkot bago, habang, at matapos ang insidente.

Kasunod nito, naglabas ang LTO Region VII ng SCO laban sa deputized agent kaugnay ng posibleng pananagutan sa Reckless Driving at Improper Person to Operate a Motor Vehicle.

Bilang agarang hakbang habang nagpapatuloy ang imbestigasyon, preventively suspended sa loob ng 90 araw ang driver’s license ng deputized agent, epektibo agad matapos matanggap ang kautusan. Inatasan din siyang humarap sa Operations Division ng LTO Region VII sa Agosto 17, 2026 at magsumite ng sinumpaang salaysay, kasama ang mga kaukulang dokumento at ebidensya.

Samantala, relieved from duty din ang sangkot na enforcer habang nagpapatuloy ang administrative investigation.

“Hindi porke empleyado ng LTO, exempted na sa batas. Kapag may paglabag, mananagot, walang palakasan, walang pagtatakip,” pahayag ni Asec. Lacanilao.

Patuloy na paiigtingin ng LTO ang kampanya nito laban sa anumang uri ng iregularidad, kabilang ang mga paglabag na kinasasangkutan ng mga tauhan ng ahensya. Malinaw ang paninindigan ng ahensya, walang sinuman ang higit sa batas, at ang sinumang mapatunayang lumabag ay haharap sa kaukulang pananagutan.



https://www.facebook.com/share/v/1duH65ZaEf/

14/08/2026

𝐋𝐓𝐎, 𝐍𝐀𝐆𝐋𝐀𝐁𝐀𝐒 𝐍𝐆 𝐒𝐂𝐎 𝐋𝐀𝐁𝐀𝐍 𝐒𝐀 𝐀𝐊𝐓𝐎𝐑 𝐀𝐓 𝐍𝐄𝐆𝐎𝐒𝐘𝐀𝐍𝐓𝐄𝐍𝐆 𝐌𝐀𝐘-𝐀𝐑𝐈 𝐍𝐆 𝐒𝐔𝐏𝐄𝐑𝐂𝐀𝐑 𝐍𝐀 𝐆𝐔𝐌𝐀𝐌𝐈𝐓 𝐍𝐆 𝐏𝐄𝐊𝐄𝐍𝐆 𝐏𝐋𝐀𝐊𝐀; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈-𝐈𝐌𝐏𝐎𝐔𝐍𝐃

Sa direktiba ni Land Transportation Office (LTO) Chief, Assistant Secretary Markus V. Lacanilao, inisyuhan ng Show Cause Order (SCO) ang rehistradong may-ari at itinalagang drayber ng isang supercar matapos matukoy na gumagamit ito ng pekeng plaka habang bumibiyahe sa pampublikong kalsada.

Sa isinagawang beripikasyon ng LTO, natukoy na ang plate number na ginagamit ng naturang sasakyan ay may ibang alphanumeric combination kumpara sa orihinal na motor vehicle license plate number na nakatalaga rito. Kaugnay nito, inatasan ang rehistradong may-ari at itinalagang drayber na humarap sa Intelligence and Investigation Division (IID) at magsumite ng beripikado o sinumpaang paliwanag kaugnay ng posibleng paglabag sa Use of Number Plates, gayundin upang ipaliwanag kung bakit hindi dapat suspendihin o bawiin ang kanilang lisensya dahil sa pagiging Improper Person to Operate a Motor Vehicle.

Samantala, isinailalim sa 90-araw na preventive suspension ang driver’s license ng itinalagang drayber at inatasang isuko ito sa IID. Ang naturang supercar ay inilagay rin sa alarm status, at inatasan ang Law Enforcement Service (LES) na ipatupad ang pag-impound sa nasabing sasakyan.

“Walang VIP sa pagpapatupad ng batas. Kahit sino pa ang sangkot, kapag napatunayang lumabag, haharap sa kaukulang pananagutan. Hindi magdadalawang-isip ang LTO na kumilos laban sa sinumang lalabag sa ating mga patakaran. Walang palakasan, walang palusot, at walang exemption. Ang paggamit ng pekeng plaka at pag-iwas sa mga obligasyong dapat tuparin ay hindi pinapalampas ng LTO,” pahayag ni Asec. Lacanilao.

Patuloy na pinaaalalahanan ng LTO ang lahat ng motorista at rehistradong may-ari na tiyaking lehitimo ang kanilang mga dokumento, plaka, at rehistrasyon at tuparin ang lahat ng kaukulang obligasyon bago gamitin ang kanilang mga sasakyan sa pampublikong kalsada. Hindi magiging dahilan ang katayuan, pangalan, o halaga ng sasakyan upang makaiwas sa pagpapatupad ng mga patakaran. Tinitiyak ng LTO na mahigpit nitong susuriin at aaksyunan ang mga paglabag upang mapanatili ang integridad ng sistema ng pagpaparehistro ng mga sasakyan at mapanagot ang sinumang mapatutunayang lumabag.



https://www.facebook.com/share/v/195Zquw5jK/

12/08/2026

𝐓𝐈𝐍𝐆𝐍𝐀𝐍: 15 FIXERS, NADAKIP SA MATAGUMPAY NA ENTRAPMENT OPERATION NG LTO; KAMPANYA LABAN SA FIXING, PINAIIGTING

Sa pagpapatuloy ng pinaigting na kampanya ng Land Transportation Office (LTO) sa ilalim ng pamumuno ni LTO Chief, Assistant Secretary Markus V. Lacanilao, labinlimang (15) fixers ang arestado sa isinagawang entrapment operation ng ahensya.

Isinagawa ang operasyon sa pamamagitan ng koordinasyon ng LTO na pinangunahan nina Ret. PBGen Allan C. Nobleza, Director ng Law Enforcement Service (LES), at Ret. PBGen Celso L. Bael, katuwang ang mga enforcer ng LES, Kamuning Police Station 10 sa pangunguna ni Station Commander Lt. Col. Aljun Belista, Quezon City District Police Office, at Philippine Coast Guard (PCG).

Kasabay nito, nagsagawa rin ng clearing operation ang Quezon City Department of Public Order and Safety at LTO sa paligid ng compound upang maalis ang mga walang permit na side vendors na maaaring mag-alok ng ilegal na serbisyo o magsilbing fixer sa mga kliyente ng ahensya.

Matapos makalap at maproseso ang kinakailangang impormasyon, ang mga nahuling fixer ay dadalhin sa Kamuning Police Station 10 para sa kaukulang imbestigasyon at pagsasampa ng mga kaukulang kaso.

Bahagi ito ng patuloy na pagsisikap ng LTO na sugpuin ang pamemeke, panlilinlang, at iba pang ilegal na gawain ng mga fixer, at matiyak na ang lahat ng transaksyon sa ahensya ay isinasagawa nang maayos, legal, at transparent.

Hindi bibigyan ng LTO ng puwang ang mga fixer at anumang ilegal na transaksyon. Tinitiyak ng ahensya na pananagutin ang sinumang mapatutunayang sangkot at patuloy na paiigtingin ang mga operasyon upang maprotektahan ang publiko at mapanatili ang malinis, mabilis, at tapat na serbisyo.



https://web.facebook.com/share/p/1HQzUXLZh1/

12/08/2026

𝗟𝗧𝗢 𝗫𝗜 𝗛𝗘𝗘𝗗𝗜𝗡𝗚 𝗧𝗛𝗘 𝗖𝗔𝗟𝗟: 𝗕𝗥𝗜𝗡𝗚𝗜𝗡𝗚 𝗚𝗢𝗩𝗘𝗥𝗡𝗠𝗘𝗡𝗧 𝗦𝗘𝗥𝗩𝗜𝗖𝗘𝗦 𝗖𝗟𝗢𝗦𝗘𝗥 𝗧𝗢 𝗧𝗛𝗘 𝗣𝗘𝗢𝗣𝗟𝗘

📍 𝗠𝗘𝗧𝗥𝗢 𝗠𝗔𝗡𝗜𝗟𝗔 | 𝗔𝗨𝗚𝗨𝗦𝗧 𝟱–𝟳, 𝟮𝟬𝟮𝟲

𝗟𝗧𝗢 𝗥𝗲𝗴𝗶𝗼𝗻 𝗫𝗜 𝗶𝘀 𝗵𝗲𝗲𝗱𝗶𝗻𝗴 𝘁𝗵𝗲 𝗰𝗮𝗹𝗹 𝘁𝗼 𝗯𝗿𝗶𝗻𝗴 𝗴𝗼𝘃𝗲𝗿𝗻𝗺𝗲𝗻𝘁 𝘀𝗲𝗿𝘃𝗶𝗰𝗲𝘀 𝗰𝗹𝗼𝘀𝗲𝗿 𝘁𝗼 𝘁𝗵𝗲 𝗽𝗲𝗼𝗽𝗹𝗲—𝗮𝗻𝗱 𝘁𝗼 𝗱𝗲𝗹𝗶𝘃𝗲𝗿 𝘁𝗵𝗼𝘀𝗲 𝘀𝗲𝗿𝘃𝗶𝗰𝗲𝘀 𝘄𝗵𝗲𝗿𝗲 𝘁𝗵𝗲𝘆 𝗮𝗿𝗲 𝗺𝗼𝘀𝘁 𝗻𝗲𝗲𝗱𝗲𝗱.

During the recently concluded 𝗥𝗲𝗴𝗶𝗼𝗻𝗮𝗹 𝗗𝗶𝗿𝗲𝗰𝘁𝗼𝗿𝘀’ 𝗖𝗼𝗻𝗳𝗲𝗿𝗲𝗻𝗰𝗲 on August 5–7, 2026, LTO XI reaffirmed its commitment to transforming public service through 𝗮𝗰𝗰𝗲𝘀𝘀𝗶𝗯𝗶𝗹𝗶𝘁𝘆, 𝗶𝗻𝗻𝗼𝘃𝗮𝘁𝗶𝗼𝗻, 𝗽𝗮𝗿𝘁𝗻𝗲𝗿𝘀𝗵𝗶𝗽, 𝗿𝗲𝘀𝗽𝗼𝗻𝘀𝗶𝘃𝗲𝗻𝗲𝘀𝘀, 𝗮𝗻𝗱 𝗿𝗼𝗮𝗱 𝘀𝗮𝗳𝗲𝘁𝘆.

The active participation of 𝗥𝗲𝗴𝗶𝗼𝗻𝗮𝗹 𝗗𝗶𝗿𝗲𝗰𝘁𝗼𝗿 𝗔𝗧𝗧𝗬. 𝗘𝗥𝗡𝗘𝗦𝗧𝗢 𝗥𝗔𝗣𝗛𝗔𝗘𝗟 𝗩. 𝗥𝗢𝗕𝗜𝗟𝗟𝗢 and 𝗢𝗜𝗖 𝗔𝘀𝘀𝗶𝘀𝘁𝗮𝗻𝘁 𝗥𝗲𝗴𝗶𝗼𝗻𝗮𝗹 𝗗𝗶𝗿𝗲𝗰𝘁𝗼𝗿 𝗝𝗢𝗘𝗟 𝗧. 𝗠𝗔𝗡𝗗𝗔𝗬𝗔 underscored LTO XI’s continuing drive to make government service more accessible, efficient, and meaningful to every community it serves.

𝗙𝗥𝗢𝗠 𝗔𝗖𝗖𝗘𝗦𝗦 𝗧𝗢 𝗔𝗖𝗧𝗜𝗢𝗡.

At the Conference, LTO XI showcased its major accomplishments and milestone initiatives, particularly the successful establishment and operationalization of new Extension Offices that bring essential LTO services nearer to the people:

📍 𝗖𝗔𝗟𝗜𝗡𝗔𝗡 𝗘𝗫𝗧𝗘𝗡𝗦𝗜𝗢𝗡 𝗢𝗙𝗙𝗜𝗖𝗘 — Davao City
📍 𝗟𝗔𝗔𝗞 𝗘𝗫𝗧𝗘𝗡𝗦𝗜𝗢𝗡 𝗢𝗙𝗙𝗜𝗖𝗘 — LGU Laak, Davao de Oro
📍 𝗕𝗔𝗡𝗦𝗔𝗟𝗔𝗡 𝗘𝗫𝗧𝗘𝗡𝗦𝗜𝗢𝗡 𝗢𝗙𝗙𝗜𝗖𝗘 — LGU Bansalan, Davao del Sur

These milestones were made possible through the 𝗳𝘂𝗹𝗹 𝘀𝘂𝗽𝗽𝗼𝗿𝘁 𝗼𝗳 𝗟𝗧𝗢 𝗖𝗵𝗶𝗲𝗳 𝗔𝘀𝘀𝗶𝘀𝘁𝗮𝗻𝘁 𝗦𝗲𝗰𝗿𝗲𝘁𝗮𝗿𝘆 𝗠𝗔𝗥𝗞𝗨𝗦 𝗩. 𝗟𝗔𝗖𝗔𝗡𝗜𝗟𝗔𝗢 and Executive Director, Atty. Martin P. Ontog, whose leadership continues to champion accessible, efficient, transparent, and road-safety-centered public service.

𝗔𝗡𝗗 𝗧𝗛𝗘 𝗝𝗢𝗨𝗥𝗡𝗘𝗬 𝗖𝗢𝗡𝗧𝗜𝗡𝗨𝗘𝗦.

Soon to be inaugurated and operationalized are:

📍 𝗕𝗔𝗚𝗔𝗡𝗚𝗔 𝗘𝗫𝗧𝗘𝗡𝗦𝗜𝗢𝗡 𝗢𝗙𝗙𝗜𝗖𝗘 — LGU Baganga, Davao Oriental
📍 𝗟𝗨𝗣𝗢𝗡 𝗘𝗫𝗧𝗘𝗡𝗦𝗜𝗢𝗡 𝗢𝗙𝗙𝗜𝗖𝗘 — LGU Lupon, Davao Oriental
📍 𝗣𝗔𝗡𝗧𝗨𝗞𝗔𝗡 𝗘𝗫𝗧𝗘𝗡𝗦𝗜𝗢𝗡 𝗢𝗙𝗙𝗜𝗖𝗘 — LGU Pantukan, Davao de Oro

These are more than additional offices. They are 𝗯𝗿𝗶𝗱𝗴𝗲𝘀 𝗼𝗳 𝗽𝘂𝗯𝗹𝗶𝗰 𝘀𝗲𝗿𝘃𝗶𝗰𝗲—bringing government closer to motorists, drivers, families, businesses, Indigenous Peoples, and communities in geographically isolated and underserved areas.

𝗕𝗨𝗧 𝗟𝗧𝗢 𝗫𝗜 𝗜𝗦 𝗡𝗢𝗧 𝗦𝗧𝗢𝗣𝗣𝗜𝗡𝗚 𝗔𝗧 𝗔𝗖𝗖𝗘𝗦𝗦.

LTO XI is bringing services beyond office walls and into communities through its flagship initiatives:

🚦 𝗕𝗢𝗦𝗦 𝗣𝗥𝗢𝗝𝗘𝗖𝗧
𝗕𝗮𝗿𝗮𝗻𝗴𝗮𝘆 𝗢𝘂𝘁𝗿𝗲𝗮𝗰𝗵 & 𝗦𝘂𝗽𝗽𝗼𝗿𝘁 𝗦𝗲𝗿𝘃𝗶𝗰𝗲𝘀

A road safety advocacy partnership with PLGUs, CLGUs, and MLGUs addressing unregistered motor vehicles—particularly motorcycles—and unlicensed drivers in far-flung, underserved barangays, GIDA, and IP communities.

🎓 𝗦𝗔𝗙𝗘 𝗜𝗡𝗜𝗧𝗜𝗔𝗧𝗜𝗩𝗘
𝗦𝘁𝗿𝗲𝗻𝗴𝘁𝗵𝗲𝗻𝗶𝗻𝗴 𝗔𝗱𝘃𝗼𝗰𝗮𝗰𝘆 𝗳𝗼𝗿 𝗙𝘂𝘁𝘂𝗿𝗲 𝗘𝗱𝘂𝗰𝗮𝘁𝗼𝗿𝘀

A road safety advocacy partnership with learning institutions, private colleges, and state universities—empowering future educators to become champions of responsible road use and road safety.

🛣️ 𝗣𝗔𝗦𝗔𝗗𝗔 𝗣𝗥𝗢𝗝𝗘𝗖𝗧
𝗣𝗿𝗼𝗺𝗼𝘁𝗶𝗻𝗴 𝗔𝗰𝗰𝗲𝘀𝘀𝗶𝗯𝗹𝗲 𝗮𝗻𝗱 𝗦𝘂𝘀𝘁𝗮𝗶𝗻𝗮𝗯𝗹𝗲 𝗔𝘀𝘀𝗶𝘀𝘁𝗮𝗻𝗰𝗲 𝗳𝗼𝗿 𝗗𝗿𝗶𝘃𝗲𝗿𝘀’ 𝗔𝗱𝘃𝗮𝗻𝗰𝗲𝗺𝗲𝗻𝘁

A road safety advocacy partnership bringing together government agencies, the private sector, organized communities, and commercial establishments to provide more accessible and responsive assistance to drivers.

𝗧𝗛𝗘𝗦𝗘 𝗔𝗥𝗘 𝗠𝗢𝗥𝗘 𝗧𝗛𝗔𝗡 𝗣𝗥𝗢𝗝𝗘𝗖𝗧𝗦.

𝗧𝗛𝗘𝗬 𝗔𝗥𝗘 𝗦𝗘𝗥𝗩𝗜𝗖𝗘 𝗜𝗡𝗡𝗢𝗩𝗔𝗧𝗜𝗢𝗡𝗦.

They represent a fundamental shift in how government serves—𝗳𝗿𝗼𝗺 𝘄𝗮𝗶𝘁𝗶𝗻𝗴 𝗳𝗼𝗿 𝗽𝗲𝗼𝗽𝗹𝗲 𝘁𝗼 𝗰𝗼𝗺𝗲 𝘁𝗼 𝗴𝗼𝘃𝗲𝗿𝗻𝗺𝗲𝗻𝘁, 𝘁𝗼 𝗴𝗼𝘃𝗲𝗿𝗻𝗺𝗲𝗻𝘁 𝗴𝗼𝗶𝗻𝗴 𝘁𝗼 𝘁𝗵𝗲 𝗽𝗲𝗼𝗽𝗹𝗲.

These initiatives embody LTO XI’s commitment to responsive governance—reaching communities where people live, learn, work, and move, while strengthening road safety, accountability, accessibility, and public trust.

This direction is aligned with the call of 𝗣𝗥𝗘𝗦𝗜𝗗𝗘𝗡𝗧 𝗙𝗘𝗥𝗗𝗜𝗡𝗔𝗡𝗗 𝗥. 𝗠𝗔𝗥𝗖𝗢𝗦 𝗝𝗥., through 𝗗𝗢𝗧𝗿 𝗦𝗘𝗖𝗥𝗘𝗧𝗔𝗥𝗬 𝗚𝗜𝗢𝗩𝗔𝗡𝗡𝗜 𝗭. 𝗟𝗢𝗣𝗘𝗭 and 𝗟𝗧𝗢 𝗖𝗛𝗜𝗘𝗙 𝗔𝗦𝗦𝗜𝗦𝗧𝗔𝗡𝗧 𝗦𝗘𝗖𝗥𝗘𝗧𝗔𝗥𝗬 𝗠𝗔𝗥𝗞𝗨𝗦 𝗩. 𝗟𝗔𝗖𝗔𝗡𝗜𝗟𝗔𝗢, to bring government services closer to the Filipino people while advancing safer, more accessible, accountable, and responsive public service.

LTO XI expresses its 𝗱𝗲𝗲𝗽𝗲𝘀𝘁 𝘁𝗵𝗮𝗻𝗸𝘀 𝗮𝗻𝗱 𝘀𝗶𝗻𝗰𝗲𝗿𝗲 𝗴𝗿𝗮𝘁𝗶𝘁𝘂𝗱𝗲 to 𝗔𝘀𝘀𝗶𝘀𝘁𝗮𝗻𝘁 𝗦𝗲𝗰𝗿𝗲𝘁𝗮𝗿𝘆 𝗠𝗔𝗥𝗞𝗨𝗦 𝗩. 𝗟𝗔𝗖𝗔𝗡𝗜𝗟𝗔𝗢 for his unwavering support and exemplary leadership that continues to inspire innovation, collaboration, and a stronger culture of service.

𝗙𝗥𝗢𝗠 𝗧𝗛𝗘 𝗥𝗘𝗚𝗜𝗢𝗡𝗔𝗟 𝗢𝗙𝗙𝗜𝗖𝗘 𝗧𝗢 𝗧𝗛𝗘 𝗙𝗔𝗥𝗧𝗛𝗘𝗦𝗧 𝗕𝗔𝗥𝗔𝗡𝗚𝗔𝗬—𝗟𝗧𝗢 𝗫𝗜 𝗜𝗦 𝗠𝗢𝗩𝗜𝗡𝗚.

𝗡𝗢𝗧 𝗝𝗨𝗦𝗧 𝗖𝗟𝗢𝗦𝗘𝗥 𝗧𝗢 𝗧𝗛𝗘 𝗣𝗘𝗢𝗣𝗟𝗘—𝗕𝗨𝗧 𝗖𝗟𝗢𝗦𝗘𝗥 𝗧𝗢 𝗪𝗛𝗘𝗥𝗘 𝗧𝗛𝗘𝗜𝗥 𝗡𝗘𝗘𝗗𝗦 𝗔𝗥𝗘.

𝗖𝗟𝗢𝗦𝗘𝗥 𝗧𝗢 𝗧𝗛𝗘 𝗖𝗢𝗠𝗠𝗨𝗡𝗜𝗧𝗜𝗘𝗦.
𝗖𝗟𝗢𝗦𝗘𝗥 𝗧𝗢 𝗦𝗔𝗙𝗘𝗥 𝗥𝗢𝗔𝗗𝗦.
𝗖𝗟𝗢𝗦𝗘𝗥 𝗧𝗢 𝗙𝗔𝗦𝗧𝗘𝗥 𝗔𝗡𝗗 𝗠𝗢𝗥𝗘 𝗥𝗘𝗦𝗣𝗢𝗡𝗦𝗜𝗩𝗘 𝗣𝗨𝗕𝗟𝗜𝗖 𝗦𝗘𝗥𝗩𝗜𝗖𝗘.

𝗟𝗧𝗢 𝗫𝗜: 𝗛𝗘𝗘𝗗𝗜𝗡𝗚 𝗧𝗛𝗘 𝗖𝗔𝗟𝗟, 𝗦𝗘𝗥𝗩𝗜𝗡𝗚 𝗪𝗛𝗘𝗥𝗘 𝗧𝗛𝗘 𝗣𝗘𝗢𝗣𝗟𝗘 𝗔𝗥𝗘, 𝗔𝗡𝗗 𝗟𝗘𝗔𝗗𝗜𝗡𝗚 𝗪𝗛𝗘𝗥𝗘 𝗧𝗛𝗘 𝗥𝗢𝗔𝗗 𝗟𝗘𝗔𝗗𝗦.

12/08/2026

𝗟𝗧𝗢 𝗫𝗜 & 𝗗𝗦𝗪𝗗 𝗙𝗢 𝗫𝗜: 𝗦𝗧𝗥𝗘𝗡𝗚𝗧𝗛𝗘𝗡𝗜𝗡𝗚 𝗥𝗢𝗔𝗗 𝗦𝗔𝗙𝗘𝗧𝗬, 𝗟𝗜𝗩𝗘𝗟𝗜𝗛𝗢𝗢𝗗, 𝗔𝗡𝗗 𝗦𝗢𝗖𝗜𝗔𝗟 𝗣𝗥𝗢𝗧𝗘𝗖𝗧𝗜𝗢𝗡 𝗧𝗛𝗥𝗢𝗨𝗚𝗛 𝗣.𝗔.𝗦.𝗔.𝗗.𝗔. !

𝗗𝗔𝗩𝗔𝗢 𝗖𝗜𝗧𝗬 | 𝟭𝟭 𝗔𝗨𝗚𝗨𝗦𝗧 𝟮𝟬𝟮𝟲 — The Land Transportation Office Region XI (LTO XI) and the Department of Social Welfare and Development Field Office XI (DSWD XI - Davao Region) took another significant step toward stronger inter-agency convergence through a 𝗖𝗼𝗹𝗹𝗮𝗯𝗼𝗿𝗮𝘁𝗶𝗼𝗻 𝗠𝗲𝗲𝘁𝗶𝗻𝗴 focused on advancing the proposed partnership under the 𝗣.𝗔.𝗦.𝗔.𝗗.𝗔. 𝗣𝗿𝗼𝗷𝗲𝗰𝘁 — 𝗣𝗿𝗼𝗺𝗼𝘁𝗶𝗻𝗴 𝗔𝗰𝗰𝗲𝘀𝘀𝗶𝗯𝗹𝗲 𝗮𝗻𝗱 𝗦𝘂𝘀𝘁𝗮𝗶𝗻𝗮𝗯𝗹𝗲 𝗔𝘀𝘀𝗶𝘀𝘁𝗮𝗻𝗰𝗲 𝗳𝗼𝗿 𝗗𝗿𝗶𝘃𝗲𝗿𝘀’ 𝗔𝗱𝘃𝗮𝗻𝗰𝗲𝗺𝗲𝗻𝘁.

The collaboration was pursued with the support and leadership of newly installed DSWD Field Office XI Regional Director 𝗗𝗜𝗥. 𝗕𝗘𝗡𝗖𝗛𝗜𝗘 𝗕. 𝗚𝗢𝗡𝗭𝗔𝗟𝗘𝗦, 𝗖𝗘𝗦𝗘, represented during the forum by:

🔹 𝗚𝗘𝗠𝗠𝗔 𝗗. 𝗗𝗘𝗟𝗔 𝗖𝗥𝗨𝗭 — SWO V, Promotive Division Chief

🔹MELISSA S. EULATIC, — PDO II

🔹 𝗗𝗘𝗫𝗧𝗘𝗥 𝗠. 𝗟𝗔𝗥𝗔 — Program Coordinator, Sustainable Livelihood Program

🔹 𝗘𝗡𝗚𝗥. 𝗦𝗛𝗔𝗜𝗥𝗔 𝗔. 𝗔𝗡𝗧𝗜𝗖-𝗚𝗨𝗔𝗥𝗔𝗡, 𝗖𝗘 — Partnership Officer, Sustainable Livelihood Program

Representing LTO XI were:

🔹 𝗔𝗧𝗧𝗬. 𝗘𝗥𝗡𝗘𝗦𝗧𝗢 𝗥𝗔𝗣𝗛𝗔𝗘𝗟 𝗩. 𝗥𝗢𝗕𝗜𝗟𝗟𝗢 — Regional Director

🔹 𝗝𝗢𝗘𝗟 𝗧. 𝗠𝗔𝗡𝗗𝗔𝗬𝗔 — OIC, Assistant Regional Director

🔹 𝗠𝗔𝗟𝗢𝗨 𝗣. 𝗡𝗔𝗥𝗖𝗔, 𝗖𝗣𝗔 — Chief, Administrative Division

🔹 𝗔𝗧𝗧𝗬. 𝗠𝗔𝗥𝗜𝗔 𝗟𝗢𝗨𝗥𝗗𝗘𝗦 𝗠. 𝗟𝗢𝗣𝗘𝗡𝗔, 𝗟𝗣𝗧, 𝗖𝗣𝗔 — Legal Officer

🔹 𝗢𝗦𝗖𝗔𝗥 𝗗𝗢𝗡 𝗭𝗔𝗠𝗢𝗥𝗔 — District Head, Davao City North District Office

𝗣.𝗔.𝗦.𝗔.𝗗.𝗔. 𝗶𝘀 𝗮𝗯𝗼𝘂𝘁 𝗺𝗼𝗿𝗲 𝘁𝗵𝗮𝗻 𝗿𝗲𝗴𝘂𝗹𝗮𝘁𝗼𝗿𝘆 𝗰𝗼𝗺𝗽𝗹𝗶𝗮𝗻𝗰𝗲.

It is about bringing essential government services closer to drivers, motorcycle riders, tricycle operators, and other qualified beneficiaries—particularly those who face financial, geographic, or accessibility barriers.

Through the proposed partnership, LTO XI will bring its core frontline services closer to the communities through:

𝟭. 𝗙𝗥𝗘𝗘 𝗧𝗵𝗲𝗼𝗿𝗲𝘁𝗶𝗰𝗮𝗹 𝗗𝗿𝗶𝘃𝗶𝗻𝗴 𝗖𝗼𝘂𝗿𝘀𝗲 (𝗧𝗗𝗖)

𝟮. 𝗜𝘀𝘀𝘂𝗮𝗻𝗰𝗲 𝗼𝗳 𝗦𝘁𝘂𝗱𝗲𝗻𝘁 𝗣𝗲𝗿𝗺𝗶𝘁

𝟯. 𝗥𝗲𝗻𝗲𝘄𝗮𝗹 𝗼𝗳 𝗗𝗿𝗶𝘃𝗲𝗿’𝘀 𝗟𝗶𝗰𝗲𝗻𝘀𝗲

𝟰. 𝗥𝗲𝗻𝗲𝘄𝗮𝗹 𝗼𝗳 𝗠𝗼𝘁𝗼𝗿 𝗩𝗲𝗵𝗶𝗰𝗹𝗲 𝗥𝗲𝗴𝗶𝘀𝘁𝗿𝗮𝘁𝗶𝗼𝗻

𝗙𝗥𝗢𝗠 𝗖𝗢𝗠𝗣𝗟𝗜𝗔𝗡𝗖𝗘 𝗧𝗢 𝗖𝗔𝗣𝗔𝗕𝗜𝗟𝗜𝗧𝗬.

During the collaboration forum, both agencies 𝗺𝗲𝘁𝗶𝗰𝘂𝗹𝗼𝘂𝘀𝗹𝘆 𝗿𝗲𝘃𝗶𝗲𝘄𝗲𝗱 𝗮𝗻𝗱 𝗵𝗮𝗿𝗺𝗼𝗻𝗶𝘇𝗲𝗱 𝘁𝗵𝗲 𝗗𝗿𝗮𝗳𝘁 𝗠𝗲𝗺𝗼𝗿𝗮𝗻𝗱𝘂𝗺 𝗼𝗳 𝗔𝗴𝗿𝗲𝗲𝗺𝗲𝗻𝘁 (𝗠𝗢𝗔), ensuring that the proposed provisions, responsibilities, processes, and interventions are aligned with the respective mandates, policies, and operational capacities of both LTO XI and DSWD FO XI.

This careful review underscores a shared commitment: 𝗻𝗼𝘁 𝗺𝗲𝗿𝗲𝗹𝘆 𝘁𝗼 𝗵𝗮𝘃𝗲 𝗮𝗻 𝗮𝗴𝗿𝗲𝗲𝗺𝗲𝗻𝘁, 𝗯𝘂𝘁 𝘁𝗼 𝗯𝘂𝗶𝗹𝗱 𝗮 𝗽𝗮𝗿𝘁𝗻𝗲𝗿𝘀𝗵𝗶𝗽 𝘁𝗵𝗮𝘁 𝗶𝘀 𝗽𝗿𝗮𝗰𝘁𝗶𝗰𝗮𝗹, 𝗿𝗲𝘀𝗽𝗼𝗻𝘀𝗶𝘃𝗲, 𝘀𝘂𝘀𝘁𝗮𝗶𝗻𝗮𝗯𝗹𝗲, 𝗮𝗻𝗱 𝗽𝗲𝗼𝗽𝗹𝗲-𝗰𝗲𝗻𝘁𝗲𝗿𝗲𝗱.

The forthcoming 𝗠𝗢𝗔 𝗦𝗶𝗴𝗻𝗶𝗻𝗴 𝗖𝗲𝗿𝗲𝗺𝗼𝗻𝘆 will be conducted 𝘀𝗼𝗼𝗻𝗲𝘀𝘁, marking the formalization of this strengthened partnership and paving the way for the implementation of concrete, accessible, and meaningful interventions for qualified beneficiaries.

𝗔𝗧 𝗧𝗛𝗘 𝗛𝗘𝗔𝗥𝗧 𝗢𝗙 𝗣.𝗔.𝗦.𝗔.𝗗.𝗔. 𝗜𝗦 𝗔 𝗦𝗜𝗠𝗣𝗟𝗘 𝗣𝗥𝗜𝗡𝗖𝗜𝗣𝗟𝗘:

A driver who gains the opportunity to become properly licensed is safer on the road.

A livelihood vehicle that becomes compliant contributes to safer communities.

A family whose livelihood is protected gains greater stability.

And a community where road safety and social protection converge becomes stronger and more resilient.

𝗙𝗥𝗢𝗠 𝗘𝗩𝗘𝗥𝗬 𝗣𝗔𝗦𝗔𝗗𝗔, 𝗪𝗘 𝗦𝗘𝗘 𝗔 𝗣𝗘𝗥𝗦𝗢𝗡.
𝗕𝗘𝗛𝗜𝗡𝗗 𝗘𝗩𝗘𝗥𝗬 𝗣𝗘𝗥𝗦𝗢𝗡, 𝗧𝗛𝗘𝗥𝗘 𝗜𝗦 𝗔 𝗙𝗔𝗠𝗜𝗟𝗬.
𝗔𝗡𝗗 𝗕𝗘𝗛𝗜𝗡𝗗 𝗘𝗩𝗘𝗥𝗬 𝗙𝗔𝗠𝗜𝗟𝗬, 𝗧𝗛𝗘𝗥𝗘 𝗜𝗦 𝗔 𝗟𝗜𝗩𝗘𝗟𝗜𝗛𝗢𝗢𝗗 𝗪𝗘 𝗠𝗨𝗦𝗧 𝗛𝗘𝗟𝗣 𝗣𝗥𝗢𝗧𝗘𝗖𝗧.

This is the convergence we envision.

This is the partnership we are building.

This is P.A.S.A.D.A.—where road safety meets social protection, compliance meets opportunity, and government service meets the people where they need it most.

𝗢𝗡𝗘 𝗠𝗜𝗦𝗦𝗜𝗢𝗡. 𝗢𝗡𝗘 𝗣𝗔𝗥𝗧𝗡𝗘𝗥𝗦𝗛𝗜𝗣. 𝗢𝗡𝗘 𝗖𝗢𝗠𝗠𝗜𝗧𝗠𝗘𝗡𝗧.
𝗦𝗔𝗙𝗘𝗥 𝗥𝗢𝗔𝗗𝗦. 𝗦𝗧𝗥𝗢𝗡𝗚𝗘𝗥 𝗟𝗜𝗩𝗘𝗟𝗜𝗛𝗢𝗢𝗗𝗦. 𝗕𝗘𝗧𝗧𝗘𝗥 𝗣𝗨𝗕𝗟𝗜𝗖 𝗦𝗘𝗥𝗩𝗜𝗖𝗘.

11/08/2026

🚨𝐒𝐇𝐎𝐖 𝐂𝐀𝐔𝐒𝐄 𝐎𝐑𝐃𝐄𝐑 𝐔𝐏𝐃𝐀𝐓𝐄🚨

Matapos ang isinagawang pagdinig ng Land Transportation Office (LTO) Intelligence and Investigation Division (IID), napagdesisyunan ang perpetual revocation ng driver’s license ng pick-up drayber at lifetime ban sa pagkuha ng anumang uri ng driver’s license dahil sa pagiging Improper Person to Operate a Motor Vehicle. Bukod dito, napatunayang lumabag ang drayber sa Reckless Driving at Duty of Driver in Case of Accident kaugnay ng insidenteng nakuhanan sa viral video, kung saan nasagasaan at nahila ng naturang sasakyan ang isang batang naglalaro sa loob ng parking area ng isang establisyimento.

Samantala, nanatiling naka-alarm status ang naturang sasakyan alinsunod sa inilabas na Show Cause Order (SCO).

Patuloy na paiigtingin ng LTO ang pagpapatupad ng batas laban sa mga driver na nagdudulot ng panganib sa buhay at kaligtasan ng publiko. Sa ilalim ng pamumuno ni LTO Chief Assistant Secretary Markus V. Lacanilao, titiyakin ng ahensya na mananagot ang mga mapatutunayang lumabag at mapananatili ang kaligtasan at kaayusan sa lansangan.

Para sa karagdagang detalye tungkol sa unang aksyon ng LTO kaugnay ng insidente, maaaring basahin ang naunang post sa link sa ibaba:

https://www.facebook.com/share/p/1BhWuDnmr5/?mibextid=wwXIfr



https://www.facebook.com/share/p/19Hv6Vu8fB/

𝐃𝐑𝐈𝐕𝐄𝐑 𝐍𝐆 𝐏𝐈𝐂𝐊-𝐔𝐏 𝐍𝐀 𝐔𝐌𝐀𝐋𝐈𝐒 𝐌𝐀𝐓𝐀𝐏𝐎𝐒 𝐌𝐀𝐊𝐀𝐒𝐀𝐆𝐀𝐒𝐀 𝐒𝐀 𝐁𝐀𝐓𝐀 𝐒𝐀 𝐈𝐒𝐀𝐍𝐆 𝐏𝐀𝐑𝐊𝐈𝐍𝐆 𝐀𝐑𝐄𝐀, 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐒𝐂𝐎 𝐍𝐆 𝐋𝐓𝐎; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Bilang bahagi ng agarang pagtugon sa mga insidenteng naglalagay sa panganib sa kaligtasan ng publiko, naglabas ang Land Transportation Office (LTO), sa direktiba ni LTO Chief Assistant Secretary Markus V. Lacanilao, ng Show Cause Order (SCO) laban sa rehistradong may-ari at itinalagang driver ng isang Pick-Up na naitalang nakasagasa ng isang batang naglalaro sa loob ng parking area ng isang establisyimento.

Batay sa CCTV footage na nakarating sa ahensya, ang naturang sasakyan ay makikitang pumasok sa parking area at nasagasaan ang batang nakahiga habang naglalaro. Matapos ang insidente, bumaba ang driver, binuhat ang bata at inilagay sa gilid ng lugar bago umalis sa pinangyarihan nang hindi tinitiyak na nabigyan ito ng kinakailangang tulong at hindi rin iniulat ang insidente sa mga kinauukulang awtoridad.

Dahil dito, pinahaharap ng LTO ang rehistradong may-ari at itinalagang driver sa pagdinig ng Intelligence and Investigation Division (IID) sa Agosto 10, 2026, at inaatasang magsumite ng beripikado o sinumpaang paliwanag, kalakip ang mga dokumentong magpapatunay sa kanilang mga pahayag, kung bakit hindi sila dapat managot sa mga posibleng paglabag sa Republic Act No. 4136, kabilang ang Reckless Driving, Failure to Perform the Duty of a Driver in Case of Accident, at Improper Person to Operate a Motor Vehicle. Ang mga paglabag na ito ay maaaring magresulta sa pagsuspinde o pagbawi ng driver's license ng driver.

Habang nagpapatuloy ang imbestigasyon, isasailalim sa 90-araw na preventive suspension ang driver's license ng sangkot na driver. Inilagay na rin sa alarm status ang Pick-Up upang matiyak ang pananagutan ng mga sangkot habang dinidinig ang kaso.

"Ang bawat motorista ay may pananagutang unahin ang kaligtasan ng kapwa at kumilos nang naaayon sa batas, lalo na kapag may nangyaring aksidente. Hindi maaaring balewalain ang tungkuling ito. Titiyakin ng LTO na ang sinumang mapatutunayang lumabag ay mananagot sa ilalim ng batas," pahayag ni Asec. Lacanilao.

Muling pinaalalahanan ng LTO ang lahat ng motorista na ang responsableng pagmamaneho ay hindi lamang pag-iwas sa aksidente, kundi pati ang paggawa ng tamang hakbang kapag may nasagasaan o may nasaktan. Mahalagang unahin ang kaligtasan ng kapwa at gampanan ang tungkulin ng bawat driver alinsunod sa batas. Hinikayat din ng LTO ang publiko na patuloy na iulat ang mga paglabag sa batas-trapiko sa pamamagitan ng opisyal na page na Ireport mo kay LTO Chief at sa website na https://ireportmokayltochief.ph/ upang agad na maaksyunan ang mga ito at mapanagot ang mga responsable.

#

11/08/2026

𝐃𝐑𝐈𝐕𝐄𝐑 𝐍𝐆 𝐒𝐀𝐒𝐀𝐊𝐘𝐀𝐍𝐆 𝐒𝐀𝐍𝐆𝐊𝐎𝐓 𝐒𝐀 𝐇𝐈𝐓-𝐀𝐍𝐃-𝐑𝐔𝐍, 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐒𝐂𝐎 𝐍𝐆 𝐋𝐓𝐎; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Sa direktiba ni Land Transportation Office (LTO) Chief, Assistant Secretary Markus V. Lacanilao, inisyuhan ng Show Cause Order (SCO) ang rehistradong may-ari at itinalagang driver ng isang sasakyang sangkot sa isang hit-and-run incident matapos makabundol ng tumatawid sa pedestrian lane at tumakas ang naturang sasakyan mula sa lugar.

Batay sa video na nakarating sa tanggapan ng LTO at iniulat sa programang “Unang Ronda” ng GMA News, makikita ang biktima na tumatawid sa pedestrian lane nang mabundol ng naturang sasakyan. Dahil sa lakas ng pagkakabangga, tumilapon ang biktima nang ilang metro at nagtamo ng pisikal na pinsala. Matapos ang insidente, hindi umano huminto ang sasakyan at sa halip ay nagpatuloy sa pag-alis sa lugar.

Sa isinagawang imbestigasyon ng Intelligence and Investigation Division (IID) ng LTO, inatasan ang rehistradong may-ari at itinalagang driver na humarap sa IID at magsumite ng kanilang sinumpaang salaysay o paliwanag kaugnay ng Reckless Driving, Duty of Driver in Case of Accident, at Improper Person to Operate a Motor Vehicle, bukod pa sa iba pang paglabag na maaaring matukoy sa nagpapatuloy na imbestigasyon.

Kasabay nito, isasailalim sa 90-araw na preventive suspension ang driver’s license ng itinalagang driver, habang ang sangkot na sasakyan ay inilagay sa alarm status habang nagpapatuloy ang imbestigasyon.

“Ang bawat motorista ay may pananagutan na maging maingat at responsable sa paggamit ng kalsada. Higit sa lahat, may tungkulin ang bawat driver na tumugon nang maayos at umako ng responsibilidad kapag may nangyaring insidente. Ang kaligtasan ng bawat gumagamit ng kalsada ang dapat laging manaig, at hindi dapat talikuran ang pananagutang kaakibat ng pagmamaneho,” pahayag ni Asec. Lacanilao.

Patuloy na pinaaalalahanan ng LTO ang lahat ng motorista na pairalin ang disiplina, pag-iingat, at pananagutan sa bawat pagkakataon habang nasa kalsada. Anuman ang sitwasyon, mahalagang isaalang-alang ang kaligtasan ng kapwa motorista, pasahero, pedestrian, at iba pang gumagamit ng lansangan. Tiniyak ng LTO na mahigpit nitong ipatutupad ang mga batas at regulasyon at magsasagawa ng kaukulang aksyon laban sa sinumang mapatutunayang lumabag. Sa pamamagitan ng responsableng pagmamaneho at pagsunod sa batas, maiiwasan ang mga insidenteng maaaring magdulot ng panganib sa buhay at ari-arian.



https://www.facebook.com/share/v/1bdgjU1UHj/

11/08/2026

𝐒𝐄𝐃𝐀𝐍 𝐍𝐀 𝐍𝐀𝐆𝐌𝐀𝐍𝐈𝐎𝐁𝐑𝐀 𝐀𝐓 𝐍𝐀𝐆-𝐂𝐎𝐔𝐍𝐓𝐄𝐑𝐅𝐋𝐎𝐖 𝐒𝐀 𝐄𝐗𝐏𝐑𝐄𝐒𝐒𝐖𝐀𝐘, 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐒𝐂𝐎 𝐍𝐆 𝐋𝐓𝐎; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Sa direktiba ni Land Transportation Office (LTO) Chief, Assistant Secretary Markus V. Lacanilao, agad na naglabas ang ahensya ng Show Cause Order (SCO) laban sa drayber at rehistradong may-ari ng isang sedan na nakuhanan sa video na bahagyang huminto bago biglang umatras at nag-counterflow patungo sa kabilang lane ng South Luzon Expressway (SLEX), nang hindi gumagamit ng wastong signal.

Batay sa viral video na ibinahagi sa page na "Camote Club PH (CCP)," makikitang ang naturang sedan ay bumibiyahe sa ikalawang lane ng expressway patungo sa direksyon ng Alabang-Zapote Road nang bigla itong umatras at nagmaniobra pakanan. Sa naturang pagmamaniobra, tumawid ito sa solid white line at nag-counterflow bago nagpatuloy patungo sa direksyon ng Calamba at SLEX, nang hindi nagbibigay ng wastong signal sa pagliko o pagbabago ng direksyon.

Dahil dito, agad na ipinag-utos ni Asec. Lacanilao ang pagsasagawa ng imbestigasyon upang matukoy ang pagkakakilanlan ng drayber at rehistradong may-ari ng sedan.

Sa isinagawang imbestigasyon, natukoy ang pagkakakilanlan ng drayber at rehistradong may-ari ng sasakyan, na naging batayan sa paghahain ng SCO laban sa kanila. Inaatasan ang drayber at rehistradong may-ari ng sedan na humarap sa tanggapan ng Intelligence and Investigation Division (IID) sa itinakdang pagdinig, upang magsumite ng mga kinakailangang dokumento at sinumpaang salaysay, at ipaliwanag kung bakit hindi sila dapat managot sa mga iniuugnay na paglabag na Reckless Driving at Signals on Starting, Stopping or Turning.

Samantala, inaatasan ang drayber na ipaliwanag kung bakit hindi dapat suspendihin o tuluyang bawiin ang kanyang driver’s license dahil sa pagiging Improper Person to Operate a Motor Vehicle, alinsunod sa umiiral na batas at regulasyon. Iniatas din ang agarang pagsuko ng driver's license ng drayber, na sasailalim sa 90-day preventive suspension habang isinasagawa ang imbestigasyon.

Inalarma na rin sa rekord ng LTO ang dalawang sasakyang nakarehistro sa pangalan ng sangkot na rehistradong may-ari upang hindi makapagproseso ng anumang transaksyon, kabilang ang pagpaparehistro at pagre-renew ng rehistro, hanggang sa tuluyang maresolba ang kasong kinahaharap.

“Walang lugar sa ating mga kalsada ang mapanganib at iresponsableng pagmamaneho. Ang pag-counterflow, pagtawid sa solid white line, at pagmamaniobra nang walang wastong signal ay hindi lamang paglabag sa batas, kundi isang seryosong banta sa buhay at kaligtasan ng ibang motorista,” pahayag ni Asec. Lacanilao.

Patuloy na paiigtingin ng LTO ang pagpapatupad ng mga batas-trapiko laban sa mga motorista na nagsasagawa ng mapanganib na pagmamaniobra at naglalagay sa panganib sa buhay at kaligtasan ng ibang road users. Tinitiyak ng LTO na ang bawat insidente ay agad na iimbestigahan at ang sinumang mapatunayang lumabag ay haharap sa kaukulang pananagutan alinsunod sa batas.



https://www.facebook.com/share/v/14jxkh5xtPH/

10/08/2026

🚨𝐒𝐇𝐎𝐖 𝐂𝐀𝐔𝐒𝐄 𝐎𝐑𝐃𝐄𝐑 𝐔𝐏𝐃𝐀𝐓𝐄🚨

Matapos ang isinagawang pagdinig ng Land Transportation Office (LTO) Intelligence and Investigation Division (IID), napagdesisyunan ang pagpataw ng perpetual revocation sa driver’s license ng taxi driver at lifetime ban sa pagkuha ng anumang uri ng driver’s license dahil sa pagiging Improper Person to Operate a Motor Vehicle. Bukod dito, napatunayang lumabag ang driver sa Overcharging of Fare laban sa isang dayuhang pasahero.

Patuloy na kikilos ang LTO laban sa mga nagsasamantala sa mga pasahero upang maprotektahan ang publiko at matiyak ang ligtas at maayos na serbisyo sa transportasyon.

Samantala, nananatiling naka-impound at naka-alarm status ang nasabing sasakyan alinsunod sa inilabas na Show Cause Order (SCO).

Para sa karagdagang detalye tungkol sa unang aksyon ng LTO kaugnay ng insidente, maaaring basahin ang naunang post sa link sa ibaba: https://www.facebook.com/share/p/1K4C9rkJXV/



https://www.facebook.com/share/p/19Qxd18QBi/

𝐋𝐓𝐎 𝐂𝐇𝐈𝐄𝐅, 𝐀𝐆𝐀𝐃 𝐍𝐀 𝐈𝐏𝐈𝐍𝐀𝐆-𝐔𝐓𝐎𝐒 𝐀𝐍𝐆 𝐀𝐆𝐀𝐑𝐀𝐍𝐆 𝐏𝐀𝐆-𝐈𝐒𝐘𝐔 𝐍𝐆 𝐒𝐇𝐎𝐖 𝐂𝐀𝐔𝐒𝐄 𝐎𝐑𝐃𝐄𝐑 𝐀𝐓 𝐏𝐀𝐆𝐇𝐔𝐋𝐈 𝐒𝐀 𝐒𝐂𝐀𝐌𝐌𝐄𝐑 𝐍𝐀 𝐓𝐀𝐗𝐈 𝐃𝐑𝐈𝐕𝐄𝐑; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Agad na naglabas ang Land Transportation Office (LTO), sa pamumuno ni Assistant Secretary Markus V. Lacanilao, ng Show Cause Order (SCO) laban sa drayber at rehistradong may-ari ng isang taxi kaugnay ng reklamong labis na paniningil ng pamasahe sa isang dayuhang pasahero.

Batay sa viral na post sa page na "MY RIDE PH," sinubukan umano ng taxi driver na singilin ng ₱2,000 ang dayuhang pasahero para sa biyahe mula sa airport hanggang sa kanyang destinasyon.

Dahil dito, agad na inatasan ni Asec. Lacanilao ang pagsasagawa ng masusing imbestigasyon upang matukoy ang pagkakakilanlan ng drayber at ng rehistradong may-ari ng nasabing taxi.

Sa isinagawang imbestigasyon, natukoy ang pagkakakilanlan ng drayber at ng rehistradong may-ari ng taxi na sangkot sa insidente. Lumabas sa beripikasyon na expired na ang rehistro ng sasakyan. Bukod dito, napag-alaman din na ang drayber ay may mga nakabinbin pang kasong administratibo kaugnay ng iba pang paglabag sa mga umiiral na batas at regulasyon sa trapiko.

Inatasan ang taxi drayber at ang rehistradong may-ari ng sasakyan na humarap sa tanggapan ng Intelligence and Investigation Division (IID) at magsumite ng kanilang sinumpaang salaysay at paliwanag kaugnay ng mga kasong Compulsory Registration of Motor Vehicles at Overcharging. Inaatasan din silang ipaliwanag kung bakit hindi sila dapat patawan ng kaukulang parusa, kabilang ang tuluyang pagbawi ng driver's license ng drayber dahil sa paglabag na Improper Person to Operate a Motor Vehicle.

Samantala, inatasan din ng LTO ang agarang pagsuko ng driver's license ng sangkot na drayber, na isasailalim sa 90-araw na preventive suspension, habang ang taxi ay inilagay sa alarm status. Inatasan din ang lahat ng LTO law enforcement officers at deputized law enforcement officers na i-impound ang sasakyan sakaling ito ay maabutan sa operasyon dahil sa expired nitong rehistro.

"Hindi lamang panlilinlang sa mga pasahero ang overcharging, kundi isang paglapastangan sa tiwala ng publiko at sa integridad ng ating pampublikong transportasyon. Sisiguraduhin kong mananagot ang sinumang mapatutunayang lumabag sa batas,” ani Asec. Lacanilao.

Binigyang-diin ng LTO na patuloy itong magsasagawa ng mahigpit na pagpapatupad ng batas laban sa mga drayber at operator na nananamantala sa mga pasahero. Hinikayat din ang publiko na agad iulat ang anumang paglabag upang matiyak na ang mga responsable ay mapapanagot at mapatawan ng kaukulang administratibong parusa alinsunod sa umiiral na batas.