26/05/2026
PAHIBALO!
Gikompirmar sa City Government of Davao ang temporaryong pagsuspende sa paggamit sa Barangay New Carmen Sanitary Landfill epektibo niadtong Mayo 22, human sa mass wasting nga nahitabo niadtong Mayo 20, 2026.
Usab, mipahibalo ang DENR-Davao nga ang paglabay og basura sa Davao City Sanitary Landfill “gisuspende.” Ang maong suspensyon gitumong aron hatagan og panahon ang lokal nga panggamhanan sa pagpatuman sa mga stabilization measures ug uban pang rekomendasyon ubos sa Republic Act No. 9003 o ang Ecological Solid Waste Management Act, ingon man ang mga kondisyon sa Environmental Compliance Certificate (ECC).
Busa, gipahimangno ang tanang katawhan sa Barangay 5-A nga sa pagkakaron, dili lang usa ilabay ang mga basura sa collection point nga nahimutang sa Purok 11 duol sa Balite Tree. Palihug ipundo lamang una ang inyong mga basura sulod sa inyong panimalay hangtod adunay bag-ong pahibalo gikan sa CENRO.
Daghang salamat sa inyong pagsabot ug kooperasyon.
