31/07/2026
July 31,2026
Ang kaalaman ang unang hakbang sa paglaban sa dengue. 🦟💚
Isinagawa ang Dengue Information, Education, and Communication (IEC) upang mapalawak ang kaalaman ng ating komunidad tungkol sa sakit na dengue at kung paano ito maiiwasan.
Ano ang Dengue?
Ang dengue ay isang sakit na dulot ng dengue virus na naipapasa sa pamamagitan ng kagat ng lamok na Aedes aegypti. Maaari itong magdulot ng malubhang komplikasyon kung hindi agad mabibigyan ng tamang atensyong medikal.
Mga sintomas ng Dengue:
🩺 Mataas na lagnat (2–7 araw)
🤕 Matinding sakit ng ulo
👀 Pananakit sa likod ng mga mata
💪 Pananakit ng kalamnan at kasu-kasuan
🤢 Pagduduwal o pagsusuka
🌡️ Pamumula o pantal sa balat
⚠️ Pagdurugo ng ilong o gilagid, o madaling pagkakaroon ng pasa (warning signs)
Tandaan ang 4S o 4T Kontra Dengue:
✅ Search and destroy – Hanapin at sirain ang mga pinamumugaran ng lamok.
✅ Self-protection measures – Gumamit ng mga paraan upang makaiwas sa kagat ng lamok.
✅ Seek early consultation – Magpatingin agad sa pinakamalapit na health facility kapag may sintomas.
✅ Support fogging – Makiisa sa fogging sa oras ng outbreak.
4T Kontra Dengue
🟢 Taob – Itapon o baliktarin ang mga lalagyang maaaring pamugaran ng lamok tulad ng lata, bote, gulong, paso, at iba pang naiipunan ng tubig.
🟢 Takpan – Takpan nang maayos ang mga drum, timba, at iba pang imbakan ng tubig upang hindi mapangitlugan ng lamok.
🟢 Tuyo – Linisin at kuskusin ang mga lalagyan ng tubig at alisan ng naipong tubig kahit isang beses bawat linggo.
🟢 Tsek – Regular na inspeksyunin ang paligid ng bahay at bakuran. Hanapin at alisin ang mga posibleng pamugaran ng lamok.
Ang dengue ay maiiwasan kung sama-sama tayong kikilos. Tandaan: Taob, Takip, Tuyo, at Tsek. Linis ng kapaligiran ang susi sa ligtas at malusog na komunidad🦟💚
