03/02/2026
β¨ππππ ππ¨π’πππ« ππ°ππ«ππ§ππ¬π¬ ππππ€
Ang Goiter Awareness Week ay ipinagdiriwang tuwing ikaapat na linggo ng Enero alinsunod sa Presidential Proclamation No. 1188 na inilabas noong Disyembre 11, 2016.
Ang kakulangan sa iodine sa katawan ay maaaring magdulot ng Iodine Deficiency Disorders (IDD) na may ibaβt ibang palatandaan at sintomas. Ang mga buntis na kulang sa iodine ay maaaring makaranas ng pagkalaglag o panganganak ng patay na sanggol. Ang mga nasa hustong gulang na may kakulangan sa iodine ay maaaring makaranas ng panghihina, kakulangan sa konsentrasyon, labis na katabaan, tuyong buhok, at goiter.
Ang goiter ay isang kondisyon kung saan lumalaki ang thyroid gland na nagdudulot ng bukol sa harap ng leeg. Kabilang sa mga karaniwang sintomas ng goiter ang paninikip ng lalamunan, pag-ubo, pamamalat ng boses, at hirap sa paglunok. Maaaring sanhi ng goiter ang kakulangan sa iodine, autoimmune disease tulad ng Gravesβ disease, hyperthyroidism, paninigarilyo, at pagbabago sa hormones.
Maiiwasan ang karamihan sa mga simpleng kaso ng goiter sa pamamagitan ng sapat na iodine mula sa iodized salt at mga pagkaing mayaman sa iodine tulad ng tuna, hipon, damong-dagat, keso, at gatas ng baka.
